رواية احببت صيدلي كاملة جميع الفصول من الفصل الأول للأخير بقلم نعمة احمد
رواية احببت صيدلي كاملة
"كنت ماسكه صينيه فيها كوبايات كتير وطالعه عالسلم "
- ركزى يا آيه ركزى ، عااااا "الكوبايات وقعت اتكسرت"
- انا آسف والله
قعدت عالسلم وبكلم نفسي : مفيش حاجه حصلت اهدى اهدى ،اكيد بيتهيقلى بس
- يا انسه
قومت وقفت : بقولك ايه هيا الكوبايات وقعت فعلا ولا انا بيتهيقلى
بإستغراب : آه اتكسرت بجد ، اسف
-اصرفها من انهى بنك اسف دى ،منك لله امى هتنفخنى
-طيب ممكن اساعدك ازاى
-مش عارفه مش عارفه
-طيب اهدى مش كده
-انت مش فاهم الكوبايات دى امى لسه مطلعاها من النيش ، ده ممكن تطردنى فيها
- لا طالما من النيش ف ربنا يرحمك بقا
- متنساش تيجى العزا
-طيب عندى فكره حلوه، فيه محل بيبيع كوبايات هنا ممكن نجيب منه ولا كأن حاجه حصلت
-بس اهم حاجه يكونو نفس الشكل
-طيب استنينى هنا م هتأخر
-ماشى انا هلم الازاز لحد ما تيجى
"راح يجيب الكوبايات وانا كنت بلم الازاز "
- ااااه اتعورت
"قعدت على جنب وايدى عماله تنزل دم ، بعد شويه لقيته جه "
-ّ اهم يا ستى نفس الشك..اى ده فيه ايه
-لا مفيش دى تعويره صغيره وانا بلم ابتزاز
-صغيره ايه انتى ايدك مفتوحه ،لازم تتخيط
-ياعم بقولك تعويره بطل اوفر
"لقيته شدنى من ايدى وطلعنا بره العماره"
- ياعم سيب ايدى كده
-انا آسف ، الصيدليه اهى تعالى
- بس دى مقفوله
- دى الصيدليه بتاعتى ، تعالى بس
"فتح الصيدلية ودخلنا "
- اقعدى هنا لحد ما اجيب الادوات
-طيب
"كنت بتفرج على الصيدلية لحد ما يجى"
- تعالى يلا
-ايه ده انت جايب ابره وخيط ليه
-عشان اخيط هيكون ليه
-اه ومالو انا ماشيه
-تعالى هنا خلينى اخيطهالك لو سمحتى
-هوا انت بتعرف تخيط
- اه بعرف بس مجاتليش فرصه اخيط قبل كده
-اه فقولت انا فرصتك تجرب فيا
-انتى رغايه علفكره يلا بقا
-طب براحه
-حاضر تعالى اغسلى ايدك الاول بس
"اول ما حطيت ايدى تحت المايه وجعتنى "
-اااه بتوجع
- معلش استحملى ، تعالى يلا بقا عشان اخيطها
-طيب
"غمضت عينى وكنت عماله أقول ادعيه واذكار وهوا بدأ يخيط "
- خلاص خلصنا
فتحت عينى: الحمد لله
- وجعتك
- اه شويه ، شكرا
- شكرا ايه بس انا السبب اصلا
- حصل خير . هااااار اسوح ...
يتبع الفصل الثاني اضغط هنا