رواية يعز عليا أقول كنا البارت الخامس 5 بقلم دعاء زينة
رواية يعز عليا أقول كنا الفصل الخامس 5
الفرحة اللى انا حاسس بيها لا أنا قادر اقولها ولا احكيها أختى حبببتى وضى عيونى لعريسها بإيدى هوديها من يوم ما وعينا على الدنيا مافرقناش بعضنا لو ثانية على عينى انك تبعدى عنى دمعتى مش قادر اخبيها🥺
على أنغام الاغنية بترقص حور فى حضن اخوها ومتبته فيه جامد ودموعها سايلة على خدودها وبيحاول إياد انه يطمنها وبيشد على حضنها أكتر وبيردد مع الاغنية كلامتها اللى كانت طالعة منه بصدق وبتدخل على قلب حور فوراً
حور فى نفسها بحسرة:ياريتك هتفضلى حنين لو قولتلك
(واوعى تنسى انى انا حضنك سرك سندك ضهرك اخوك واياكى من أى حاجه وهجيبلك حقك لو ضايقك💃♥️)
أول مالكوبلية ده اشتغل حرك إياد حور من حضنه وابتدوا يرقصوا وحصل ضجة فى الفرح وإياد بيتحرك يلف حولين اخته فجأة كأن الدنيا بالنسبة ليه وقفت وبعد أخته وجرى وبصرخة يكاد يكون الفرح كله سمعها
إياد :أدههههههههههههههههههههههههههههههم
و زقه بعيد عن النجفة اللى كانت هتقع عليه فى اللحظة دى عقارب الساعة وقفت عند الكل بقى فيه أم مش مستوعبة اللى حصل وكان رد فعلها انها بتنادى على ابنها:إياااااااااااااااااااد
كان فيه أخت اخوها كان لسه فى حضنها وفجأة ابتخر وكان رد فعلها عبارة عن جمود وصدمة ومش بتنطق
كان فيه حبيبة كانت تتمنى تكون معاه فى يوم من الايام قلبها وقف بمجرد ماشافته بيلحق صاحبه
كان فيه صاحب حس أن ضهره اتقسم حس أنه اتيتم مرة تانيه ورغم أنهم بقالهم سنين مبيتكلموش بس كان بيكفيه أنه عايش قدام عينه وكان عارف لو وقع فى مصيبة هو اللى هيلحقه زى ماعمل دلوقتي وكان رد فعله اسرع رد فعل فى كل الحاضرين اتحرك بسرعة شال النجفة براحه واتصدم لما لقى إياد معالم وشه مش باينه من الدم
أدهم:إيااااد وقرب عليه ليه ياصاحبى ليه كانت ليا
إياد:ماعاش اللى يأذيك ياصاحبى وانا فيا نفس
أدهم:غبى طول عمرك غبى ووغباءك سابق تفكيرك
إياد بتعب وصوت بيقطع:فى اى حاجه تخصك مابفكرش ياصاحبى كح كح أنا عرفت عرفت يأدهمم
أدهم بخوف حقيقى:هشش اسكت متكلمش
إياد:ليه مقولتليش يأدهم ليه
أدهم:بصريخ قولتلك اسكتتت اطلبوا الاسعاف
إياد:قول أنك مسامحنى ياصاحبى
أدهم بعصبية:هتسكت ولا أقسم بربى ماعارف هعمل فيك ايه وبدمعة خانته نزلت على وش إياد
إياد بتعب بيزيد عليه: اجمد ياصاحبى طول مانت جمبى انا مش خايف وبدء يغيب عن الوعى بس أمانة أمانة عليك قول أنك مسامحنى وغاب خالص عن الوعى
أدهم بيزعق وبيخبط على وش إياد: إياد لااااا فوق يإياد فوق ياصاحبى متيتمنش تانى بالله عليك لا لاااا إياد وحضنه اهااااااااااااااااااااااااااااااا ياصاحبى اهااااااا عمرى مازعلت منك عشان اسامحك اهاا ياااااااااا رب
وهنا كانت وصلت الاسعاف وبيحاولوا يبعدوا أدهم عن إياد وواحد شده
أدهم بعصبية مفرطه: كل ده وحياة أمى لربيكوا كلكوا بس أطمن عليه وبزعيق خلص انت هتتفرج عليااااا يلااااااااا
خدوا إياد ومشيوا للعربية وركب أدهم معاه حاولوا يمنعوه بص ليهم نظرة كفيلة تسكتهم عشر سنين قدام ركب ومسك أيده وبدموع كانت رافضة تظهر لحد
أدهم :يعز عليا رقادك ياصاحبى يارب يارب
وافتكر أدهم✨✨
واقفين شباب مع بعض وأدهم بعيد شوية بيرن على إياد مش بيرد وابتدا يقلق عليه وفجأة عربية جايه بأقصى سرعتها فى اتجاه أدهم وهو مش واخد باله فجأة لقى اللى بيشده
أدهم:كنت فين يلاااا
إياد:طب اشكرنى الاول انى انقذت حياتك
أدهم: انطق كنت فين داهيه برن مبتردش
إياد بدلع:خوفت عليا
أدهم خبطه على رأسه:اثبت ياااض
إياد:متهور بس بحبك وخد بالك من نفسك بعد كده انا مش كل مرة هلحقك
أدهم :لا هتلحقنى غصب عنك طول مانت فى ضهرى مبخفش على نفسى ياصاحبى أصلا
إياد بهزار:اخووووووووى ياجدعان خلصت
***************"""""""
فاق من شردوه يسمح دمع عينه
أدهم:ديونك عاملة تتقل على ضهرى ياصاحبى لحد ماهتقضمه
ووصل المستشفى أخيراً وفى نزولهم كانت حور ووالدتها ومعاهم مريم نازلين هما كمان من العربية حور حالتها لا تحسد عليها بالمرة بص عليها أدهم نظرة أسف أنه السبب فى اللى وصلتله. دلوقتي وطلع يجرى مع صاحبه
أدهم بعصبية وصوت عالى: دكتوووووور بسرررعة
جه دكتور الاستقبال:أهدى ياستاذ دخلوه بسرعه العمليات واتصلوا بدكتور نجيب بسرعه يجى يلااا
وفعلاً دخلوا إياد العمليات وجات أمه وحور ومريم بدموعهم سابقهم بص أدهم عليهم بانكسار وراح ومشى دخل اوضة فاضيه واقف فى بلوكنتها يدخن سيجارة
****************
الأم:لله الأمر من قبل ومن بعد يارب متأذنيش فيه يارب أنا راضية والله راضية بس متأذنيش فيه وحياة حبيبك محمد
وسابتهم وراحت مسجد المستشفى تناجى ربها يشيفلها ضى العين وروح الفؤاد
ومريم كانت زى التايهه قربت عالباب العمليات ودموع نازلة من عينها
مريم:أكيد مش بعد ماحسيت بأمل واحد فى المية انك تشوفنى تروح لا بالله عليك عدى أزمتك دى وارجع تانى مش ليا لأمك اللى قلبها انفطر عليك يارب وفضلت عينها مركزة مع كل حركة بتحصل فى العمليات
حور بقى حالتها حالة هى اصلا فى ظرف لا تحسد عليه يوم فرحها وأخوها سندها احتمال يروح منها بقت عاملة زى الطفل اللى تاهه فى الزحمة تلقائياً اتحركت لحد ماوصلت لأدهم شافته مديها ضهره ووقف فى البلكونة ،فضلت واقفة تبص عليه ودموعها نازلة شلال حس بيها اول مادخلت وبرعب الدنيا لف ببطئ شديد وبص ليها
أدهم القلق بياكل فى قلبه ولكن بجمود:إياااد كو
مكملش الكلمة ولقاها جريت هلى حضنه زى الغريق اللى اتعلق فى قشة
أدهم بنبرة خوف وضحت وضوح العيان:حوور إياد كويس
حور بصوت مش واضح للدموع:هو هوو هيبقى كويس مش كده
أدهم بيحاول يطمنها:أه يا حور لازم يبقى كويس هى مامتك فين
حور بتوهان:مش عارفه مش عارفه أنا لقيت رجلى جايبانى لهنا بتدور عليك
أدهم قلبه رقص على الرغم من الظرف اللى هما فيه:ليه ياحور دورتى عليا
حور بنفس التوهان:مش عارفه يمكن محتاجه اطمن يمكن عشان أنت أخر واحد ريحة أخويا جواك وبتوتر وتوهان اكترمش عارفه
أدهم ضمها لصدره أكتر:طيب خلاص أهدى أهدى ياحور حقك على قلبى أنا انا السبب فى اللى حصل كان لازم انا اللى اكون مكانه
حور بلا وعى:وهل وجعى كان هيقل مثلاً او هيبقى هين
أدهم استغرب كلامها وجه يرد حس بتقل على كتفه بيبص لقاها غابت عن الوعى
أدهم:حور حوووور حطها على السرير ونده للدكتورة جات فوراً
الدكتورة كشفت عليها
أدهم بقلق: مالها فيها ايه كانت لسه بتكلمنى
الدكتورة:اطمن بإذن الله خير هبوط حاد هعلق ليها محاليل وبإذن الله تبقى كويسة أدعيلها
أدهم بتوهان هز دماغه وخرجت الدكتورة وسابته قعد جنب حور بقلة حيلة ومسك ايديها وبدموع اتكلم
إدهم: حرام عليكم ياولاد منصور تتعبوا قلبى بالشكل بالله عليكى فوقى ياحور وأبقى كويسة كفاية عليا وجع قلبى على أخوكى وصاحب عمرى بالله ووطى على ايديها يبوسها
********************"""""""""
مريم لسه على حالتها واقفة بتراقب إياد من ورا الازاز حط ايده على كتفها بخضة لفت
الأم:حقك عليا يابنتى مقصدش افزعك
مريم اترمت فى حضنها وبكت
الأم:هيبقى كويس اطمنى ربك رب قلوب وهو عالم بينا وباللى فى قلوبنا فأطمنى
مريم عياطها بيزيد أكتر
الأم:يااااااه اظاااهر القلب مليان بصى ياحبيبتي روحى اتوضى وصلى وادعيله يقوم بالسلامه يمكن ربك منك يستجيب
جات تتحرك
الأم:حور فين يابنتى
مريم هزت راسها علامة انها متعرفش وكملت طريقها
دورت الام لحد ماوصلت ليهم واول مادخلت
أدهم قام بخضة:إياد كويس
الأم:ربنا العالم داخلين خارجين عليه ومحدش إدانى عقاد نافع ولاحظت الدموع فى عينها شدته قدامها وبجبروت أم أسمع أنت الراجل أنت اللى تشيل من غير ماتنخ لو كانوا عملوا البكا للرجالة فالبس طرحه واقعد جنب اللى انت ماسك ايدها دى ونوح براحتك بس أنا ولادى رجالة ومجوزتش بنتى غير لراجل يصونها ويشيل وقت الصعب اصلب نفسك وأخرج اركع لربك وشوف صاحبك حالته وصلت لايه
خرج أدهم وقعدت الأم جنب حور
الأم بحسرة أم على ولادها:كات ناقصاكى يابنت بطنى يارب يارب قوينى يارب واشفيهم ياكريم يارب
"**************************"""""***
_عمل ايه ياعنيا
=فداه ياكبيرة
_غبى طول عمره غبى ولا عمره فكر بنى أدم بنخ حمار وبخبث افاعى بس عارف لازم اروح أعمل الواجب
=بصدمة تروحى فين معلش
_اروح ليه المستشفى اواسيه أمه واطمن على أخته وكملت بمكر تعالب ماهو بردوة كان فى يوم من الايام خطيبى
=الصدمة الجمته ومعرفش يرد يقول ايه
*******************************
دخل أدهم المسجد يتوضى وراح يصلى كان زى المتاخد المبهور بعظمة المكان كان مستحضر قوة وعظمة ربنا كلها فى اللحظة دى بدأ صلاة دعا وبكاء كتير اوى وخلص وقعد شوية يناجى ربه رفع ايديه🤲🏻وبضعف عبد محتاج العطف
أدهم: يارب أنت عارف أنه من ساعة مابعد عنى وانا غالبا مركعتهاش كان هو سبب كل حاجه نضيفة وحلوة فيا ده حتى يوم حبيت وقلبى دق كانت أخته يارب أنا ماليش غيره من بعدك ومن بعد مأمى وأبويا راحوا مالقتش غيره فى ضهرى يارب رجعوا وانا أمانة عليا لهفهموا كل حاجه هقول أد ايه وحشانى قعدتى معاه أد ايه كان نفسى أحكى ليه بس غباء اللى كان بيمنعنى أيوة غبائى فى أنى معملتش حساب يوم زى ده ولا عملت حساب أنه ممكن يقع منى وبسببى يااااارب خلص دعاء واستعاد نفسه وخرج يطمن من الدكاترة عليه
**************************
راح عند العمليات لقى فيه حركة غريبة ودكاترة داخله ودكاترة خارجه مسك فى ممرض غالبا
أدهم :فى ايه
الممرض :أدعيله النزيف مش قادرين نسيطر عليه
وسابه ودخل
أدهم بصوت عالى :يعنى ايه حد يفهمنى صاحبى لو جرا ليه حاجه قسما بالله لولعلكوا فيها وبيبص على يمين لقى صدمة بالنسبة ليه
أدهم بصدمة:جيتى لقضاكى ومشى ناحيتها مسكها من دراعها هزها جامد أنت ايه اللى جابك هنا يارخيصة
_شالت أيدها منه وببرود جاى أعمل تشك أب عشان أطمن على نفسى أنت بقى بتعمل ايه هنا ياعريس
أدهم استغرب انها عرفت انه النهاردة فرحه بس مالحقش يرد لانه فجأة الحركة هديت سابها فورا وجرى على العمليات بص من الازاز لقى فيه صوت جهاز بيصفر. صصصصصصصصصصصصصصص
إدهم الصدمة حلت على معالم وشه كلها
يتبع الفصل السادس 6 عبر الرابط التالي: "رواية يعز عليا أقول كنا" اضغط على أسم الرواية