رواية منتقبة اثرت قلبي البارت الرابع 4 بقلم بائعة الورد اسماء السيد
رواية منتقبة اثرت قلبي الفصل الرابع 4
_اسماء رفعت عيونها وانصدمت لما شافت فادى قدامها
فضلت بصالو وسااكته من الصدمه
وفادى قطع الصمت وقال: اذيك يااسماء عامله اى
اسماء بغباء بتبص حوليها وقالت: ها بتكلمنى انا
فادى هيموت من الضحك عليها
اسماء فاقت وانكسفت وبصت ف الارض
فادى: اى مش هتردى عليا
اسماء: انا الحمد لله بخير وحضرتك
فادى: الحمد لله انا بخير
اسماء بستعباط: هو حضرتك بتعمل اى هنا وفين العريس
فادى: انا اهو
اسماء: يعنى انت العريس
فادى بثقه: اه😎😌
اسماء انكثفت وسكتت
فادى قال: اى عندك اى سؤال
اسماء: اه عندى كام سؤال كدا
فادى كان مفكر انها هتسال عن الشقه وشغلو وقال: اتفضلي
اسماء: اولا علاقتك بربنا كويسه ولا لا
منتظم ف الصلاه ولا لا
حافظ قران ولا لا
بتسمع اغانى؟
فادى فرح من الاسئله دى خالص وقال: اولا الحمد لله علاقتى بربنا كويسه جدا
الصلاه دى الحاجه اللى مقدرش اضيعها
القران اسف مش حفظو كلو بس بقرا ورد كل يوم بس وعد نحفظو سوا ❤
لا مبحبش اسمع اغانى بحب خطب الشيخ حازم شومان وخالد الراشد
اسماء: بسم الله ماشاء الله ربنا يحفظك
فادى: ربنا يخليكى
اسماء: هقول حاجه ممكن متقولش كدا تانى
فادى: ليه
اسماء: لان معناها ربنا يتركك يخليك من التخلى والترك
فادى: حاضر مش هقول كدا تانى
اسماء سكتت فادى كان هيتكلم بس اهل اسماء ومامتو دخلو عليهم
ولان الوقت بقا متاخر
بابا اسماء خلاهم يباتو عندهم ودى حاجه فرحت فادى خالص
اسماء دخلت اوضتها واحلام كانت مستنياها هى وايمان
اسماء كانت طايره من الفرحه
وباين عليها
ايمان: هاا مالك احكى حصل اى
احلام: ها احكى فادى قلك اى
اسماء بضيق عيونها وقالت: يعنى كنتى عارفه ياكلب البحر انو فادى
احلام بسرعه: لا والله مكنتش اعرف غير وانا دخلالك شفتو بره وهو قالى مقولكيش
اسماء حطت ايدها على قلبها: اااه قلبي بيدق بسرعه مبســـــــــوطه اوووى اووى
ايمان بان الحزن ف عيونها بس بتخبي وقالت: ربنا يسعدك ياحببتى
اسماء حستت بيها وقالت: ايمان يحببتى انا حاسه بيكى وعارفه انك موجوعه بسبب اللى حصل بس ادعى ربنا وان شآء الله ابوكى يوافق وتنخطبو 🥺
ايمان: يارب يااسماء يارب
احلام من وراهم: وانا يارب امتا بقا الاقي حد يعبرني عاااا اشمعنا انا بقا
اسماء بضحك: عشان انتى بطيخه وعجله😂
احلام: ماشي يانخله
ايمان: عاااااا اخرسو انتو الاتنين قاعدين ف حضانه احنا ولا اى
اسماء: خلاص اهدو
عند فادى قاعد هو ومامتو مع اهل اسماء وبيتكلمو
احمد بهمس لفادى: بقولك متيجى نتمشي شويه احسن
فادى: ياريت والله
احمد بصوت عالى: بابا هخرج انا وفادى شويه
بابا احمد: تمام مفيش مشكله
راح فادى باس ايد امو وقالها ومشيو
وهما مشيين
احمد سئل فادى: ليه اسماء بالذات اللى هتخطبها
فادى: هقول واسمعنى للاخر: انا فضلت فتره كبيره احب واحده من غير مقولها وف اليوم اللى روحتلها فيه
وجعتنى واتريقت عليا
وقبلت اختك حسيت انها العوض من ربنا وارتحت ليها وحبتها اوووى اووى ومقدرش اعيش من غيرها هى محترمه وطيبه اووى وقلبها ابيض اه هى هبله وطفله ف نفسها بس هستحمل
احمد: انا كدا هبقا مطمن عليها معاك بس لو ف مره زعلتها انت حر
فادى:صدقني مش هقدر اصلا ازعلها حد يزعل روحو
احمد:اى يابابا اصحا انت بتتكلم عن اختى
فادى:وهتبقا مراتى 👊👰
احمد:لما تبقا ياحلو
فادى:وربنا فصيل موووووت😒👊
احمد فضل يضحك عليه
فادى بجديه:احمد ممكن اطلب منك حاجه
احمد:اكيد اتفضل
فادى:بص ياحمد انا وحيد اهلى ومعنديش خوات خالص وبابا متوفي ومعنديش غير ماما
ممكن تكون اخ ليا مش شرط انى اتجوز اسماء او لا ممكن نبقا خوات وصحاب
احمد:مبصحبش الفرافير😂
فادى:اتصدق انى غلطان اصلا انى اتكلمت مع واحد رخم زيك😡👊
احمد بجديه:اهدا يابابا بص انا موافق هنبقا خوات وصحاب وهكون ليك سند وقوه دايما
فادى:ربنا يديمك ليا
احمد:ويديمك ليا،بس عندى سؤال لولبي😂
فادى:اسال
احمد:لو بقينا خوات اسماء اختى فهتبقا اختك ومش هتتجوزها😂
فادى بغيظ:غور يعم عبوشكلك عيل تنح وغلس وبارد اصلا وسابو ومشي
احمد هيموت من الضحك على فادى ومش قادر يمسك نفسو😂
شويه ومشي ورا فادى وروحو
فادى واحمد ومحمود اخو اسماء الصغير نامو ف اوضه واحده
ومامت فادى دخلت مع اسماء اوضتها واحلام وايمان مشيو وكلو راح ينام
عند اسماء قاعده مع مامت فادى وبيتكلمو
مامت فادى:اى ياسمكه اى رايك موافقه ولا لا
اسماء:لسه مفكرتش ياطنط،وهصلي صلاه استخاره وهشوف وان شاء الله خير
مامت فادى:ان شاءلله طب يلا نصلي سوا
اسماء بفرحه:يله
طلعو واسماء لابسه النقاب عشان فادى فالبيت طبعا
اتوضو وراحو عشان يصلو
وبدؤ الصلاه
وبعد مده خلصو
وقعدو مكنهم يسِتٌغفرو
' صّلَيَ عٌلَيَ آلَنِبًيَ مًحًمًدٍ'
وبعدين دخلو الاوضه تانى واسماء حاسه براحه وفرحه فقررت انها توافق
مامت فادى عرفت قررها وفرحت لابنها جداا ونامو
الصبح عند فادى واحمد
محمود صحي وسابهم وطلع بره
فادى نايم واحمد بيصحيه بس فادى بيحلم
احمد:فادى ياديدو اصحي ياحبيبي وميت ضحك
فادى وهو نايم:يحببتي استنى شويه وبيشد ايد احمد
احمد:لا يحبيبي هتتاخر على شغلك
فادى:واى يعنى عادى وبرضو بيشد احمد😂
احمد:لا كدا الوضع بقا خطر خالص لازم اتصرف وشاف كبايه مايه محطوطه على الكومدينو
اخدها وكبها ع فادى
فادى صحي مخضوض وقال:الحقونى بغرق غريق وبيصوت
احمد هيموت من الضحك مش قادر ونام على الارض من كتر الضحك
فادى فتح عيونو وعرف ان احمد كب عليه مايه حلف مهو سايبو وطلعو يجرو ورا بعض فادى اتكسف لانو مش ف بيتو واحمد وقف ورا باباه وقالو اللى حصل وباباه ميت ضحك وفادى باصص ف الارض وبيتوعد لاحمد
بابا احمد:اى يافادى هتسيب حقكك فادى بصلو وبص لاحمد االى جرا طلع فوق السطوح
وقال:لا والله ميحصل واخد معاه زجاجه ميه كبيره وطلع لاحمد
وكبها كلها عليه وفضلو يهزرو وبععدين نزلو وهما ماسكين ف بعض وبيضحكو اسماء لما شافتهم فرحت اووى عشان فادى ملوش صحاب اووى ولا خوات
فادى بص لاقاها بتبص عليهم لف وشو وراح يغير هو واحمد
عند اسماء
راحت المطبخ هى ومامتها وبيحضرو الفطار جتلهم مامت فادى وعايزه تساعدهم ومامت اسماء مش راضيه وبعد زن وافقت وبيحضرو الفطار
خلصو ورسو الاكل
واسماء بتنده على محمود يحيب احمد وفادى وباباه
جم كلهم واسماء مكسوفه ومش عارفه تاكل
فادى حاسس بيها قرر يقوم من غير مياكل عشانها
بس.بابا اسماء قالو لا كل
واسماء دخلت المطبخ تاكل
وخلصو كل حاجه
فادى طلب يقعد مع اسماء مره تانيه وباباها وافق
فادى قاعد واسماء دخلت عليه
وساكتين
فادى:قررتى
اسماء:ايوا وهقول لبابا
فادى:تمام انا همشي وهستنا قرارك يااجى قريب يامجيش
اسماء بكسوف وصوت واطي:ان شاءلله هتيجى وجريت على بره
فادى فرح وطلع
قال لمامتو:يله ياست الكل عشان منتاخرش اكتر
بابا اسماء:بابنى متستنا عندنا انهارده والله فرحنين بيكو اووى
فادى:والله ياعمى واحنا كمان بس عندى شغل وكمان محاضرات وان شاء الله مش اخر مره
بابا اسماء:ان شاءلله يابنى الرد هيوصلك بليل ان شاءلله
فادى:هستناه ياعمى
وبعد سلامات كتير مشي فادى ومامتو
اسماء كانت بتبص عليهم من فوق السطح فادى شافها ابتسم ومشي
اسماء مبسوطه اووى اووى
نزلت اوضتها
احمد اخوها دخلها وقعد يهزر معاها وبعدين قال بجديه:موافقه
اسماء:انت اى رايك ف فادى
احمد:هو انا اللى هتجوزو ولا انتى
اسماء:بطل رخامه وقول
احمد:حاضر بصي مبدئيا كدا فادى شخص محترم جداا ودمو خفيف والاهم من.كل دا بيحبك وهيحافظ عليكى
اسماء بدهشه:بيحبنى؟
احمد:ايوا هو قالى كدا
اسماء:وانا موافقه
احمد:اخر كلام
اسماء:اه ويله اطلع بره
ومسكت الفون وقالت لصحابها على اللى حصل وكلهم فرحو عشانها
عند فادى وصل البيت المغرب هو ومامتو كل واحد دخل اوضتو
شويه ولقا فونو بيرن برقم غريب
فادى:السلام عليكم
بابا اسماء:وعليكم السلام يابني
فادى:اذيك ياعمي اى اخبارك
بابا اسماء:الحمدلله وصلتو بالسلامه ولا لسه
فادى:الحمد لله وصلنا
بابا اسماء:الف حمدالله على السلامة كنت برن عشان اقولك اننا موافقين يابنى واسماء موافقه
فادى بفرحه:بجد ياعني خلاص هتجوزها الحمد لله يارب الحمد لله
بابا اسماء فرح لفرحتو لانو حس انو فعلا بيحب بنتو واتمنلهم السعاده:ربنا يسعدك دايما يابنى يارب
فادى:ياارب يابابا،هو ينفع اقول لحضرتك يابابا
بابا اسماء:اكيد يابنى ربنا يعلم انت دخلت قلبي ازاى واعتبرتك زي احمد ابنى بالظبط ربنا يبركلى فيك ياحبببي
فادى فرحان اووى مش بس انو هيتجوز اسماء لا وكمان بقا عندو اب وقال:ربنا ميحرمنيش منك ابدا ياحج
بابا اسماء:وميحرمنيش منك ابدا يله روح فرح ماما وان شاءلله كمان 3ايام تيجى نقرا فاتحه ونحدد معاد الخطوبه
فادى: تمام هبلغ ماما وهكون عندكو ف الوقت
بابا اسماء: ماشي يابنى مع السلامه وقفل فادى طاير من الفرحه وجرا على اوضه مامتو وقالها وهى فرحت اووى عشانو
ونامو
عند اسماء من كتر فرحتها مش عارفه تنام فضلت مع عيلتها شويه ودخلت نامت
وعدا التلت ايام وجه اليوم اللى فادى هيروح فيه لاسماء وكالعاده فادى مبسوط اووى وصاحي بدرى
واسماء كمان مبسوطه
فادى ومامتو راحو لاسماء واهلها
وكان معاهم عم فادى ومراتو وولاد عمو وكمان خالو
وصلو هناك والكل اتعرف عليهم
وجه الليل وقراو الفاتحه
وقررو ان الخطوبه بعد اسبوع
فادى طلب يقعد مع اسماء
فادى:الف مبروك
اسماء:الله يبارك فيك
فادى:هننزل نجيب اللبس امتا
اسماءمكسوفه تتكلم فادى فهم وقال:اسماء اتكلمى متتكثفيش
اسماء بكثوف:بصراحه انا عايزه افصل فستان مش اشترى
فادى:طب ورينى الللى عايزه تعمليه
اسماء جابت فونها وفرجتو ع الفساتين وف الاخر اتفقو على واحد لونو بنفسجى ونقاب وخمار اوڤ وايت وفادى هيلبس بنطلون جينز وقميص اوڤ وايت وبابيونه بنفسجي
خلاص قرارو ينزلو يجيبو اللبس بكره
فادى هيبات ومامتو هتروح مع اهلو
الليله خلصت وكلو دخل ينام
وكل البيت مبسوط عشان اسماء وفادى
الصبح
حوالى الساعه10صحي فادى لانو مكنش نام كويس من كام يوم
لاقا احمد نايم جت ف بالو فكره خطيره😈😌
جاب ميه صقعه متلجه وكبها ع احمد
احمد صحا مخضوض وبيقول:الحقونى مبعرفش اعوم عااا بغرق😂😂😂
فادى هيموت ضحك اصلا ومش قادر
بابا احمد ومامتو دخلو عليه وكانو هيموتو من الضحك عليه احمد فاق على ضحكهم وبص لفادى بغيظ
مامت احمد:قوم ياخايب قوم😂
احمد بغيظ لفادى:وحياه امك لعرفك ازاى تعمل كدا😡
فادى بيضحك ومش قادر يتكلم
مامت احمد:يله ياولاد غيرو عشان تنزلو تجيبو اللبس ومش تتاخرو
وطلعو واحمد وفادى غيرو وطلعو يفطرو واسماء كانت صاحيه ومامتها قالتلها تلبس وتطلع وهى جهزت وطلعتلهم فطرو كلهم ومشي فادى مع اسماء واحمد الاول راحو عند الخياط وفادى مكنش موافق انها تفصل عندو وعايزها تروح لخيااطه بس هى قالتلو ان ف خياطه وف الاخر وافق
وهيخدو الفستان قبل الخطوبه بيوم وفادى قرر هيجيب اللبس لما اسماء تجيب الفستان وخلص اليوم وروحو
وعدا الليل بين هزار فادى واحمد وكسوف اسماء من فادى
ودخلو نامو
والصبح فادى رجع بيتو
ولحد الوقت دا مكلمش اسماء ف الفون خالص
عدا يوم واتنين وجه اليوم اللى هيجيبو فيه الفستان
فادى راح لاسماء بس مدخلش البيت وقالهم انو مستعجل ولازم يروح انهارده
راحو وجابو الفستان واسماء لبستو بس فادى مشفهوش عليها
وراحو جابو لبس فادى
وكان جميل واختارو الجزم بيضاء
واشترا تاج 👑حلو جدا لاسماء وسلسله فضه مكتوب عليها اسمو وقالها تلبسها دايما
وبعدين فادى وصلهم البيت بس مرضيش يفضل وروح بيتو و..
يتبع الفصل الخامس 5 اضغط هنا
- الفهرس يحتوي على جميع الفصول "رواية منتقبة اثرت قلبي كاملة"