رواية بتاعت ليه البارت الثاني 2 بقلم أمل صالح
رواية بتاعت ليه الفصل الثاني 2
ضغط على سنانه : للمرة الأخيرة بحذرك
_ليه
:متجيبيش سيرة امي
_ليه
: بااااااااااااااااااااس
اسمعي هتديني رقم امك اكلمها وتقوليلها اللي هقولهولك
_ليه
: عشان هطلب منها فدية
_ليه
:عشان خاطفك
_ليه
:اكتتتتميييييي خاااااالص
مسك التلفون وهي اديته رقم امها ورن التلفون..حط صباعه ع بوقه وقال : اششششش
حط التلفون قصادها وفتح السبيكر فقالت : الو
مامتها : بت يا حنان انتي فين يابت انا مش قولتلك روحي هاتي بتلاتة جنيه طعمية من عمك أحمد
قال الخاطف بهمس : قوليلها انك مخطوفة
قالت بهمس زيه : ليه
بهمس : عشان تطلبي فدية
بهمس : ليه
زعق : اخلصي يا روح امك
شهقت مامتها : بت يا حنان عمك أحمد بيزعقلك ليه يابت اللي ينشك في قلبه دا
عملت نفسها بتعيط : مش راضي يديني طعمية يا ماما بيقولي يا تاخديها عجينة يا تمشي
_ طب هاتي الفلوس وتعالي وسيبك منه وعدي على السوبر ماركت وهاتي حتة كيس شيبسي وتعالي
قالت بلاهة : ماما انا مخطوفة
ضحكت ماماتها : ههههه يا قلب امك دمك شربات زي ابوكي يلا يابت
شد التلفون وزعق : بقولك ايه يا حاجة بنتك مخطوفة عندنا اتصرفوا لو عايزنها
_معلش يابني لو هتعبك ابعتها تجيب كيس شيبسي عشان اخوها الصغير بيعيط وانا هبعتهاالك تاني وانت شكلك ابن ناس اصلا
قفل التلفون وهو مصدوم وبص لحنان وقال : امك دي!!
هزت رأسها بلا : لا أصلها دايما تقولي انا لاقيكي قصاد باب جامع
خرج ورزع الباب وراه : يا عيلة مجانييييييين
_الله هو قفش ليه
- يتبع الفصل الثالث 3 عبر الرابط التالي: "رواية بتاعت ليه كاملة" اضغط على أسم الرواية