رواية كنت لا ابالي الفصل العشرون 20 - بقلم رحمة عصام

الصفحة الرئيسية

رواية كنت لا ابالي البارت العشرون 20 بقلم رحمة عصام

رواية كنت لا ابالي كاملة

رواية كنت لا ابالي الفصل العشرون 20

_كاظم ببرود: كويس انك عرفتِ لوحدك 
=جني بسخريه: انتوا شايفني طفله ولا بيبي ولا اي نظامكوا، فاكرين ان انتوا حاطين خطط عبقريه ومحدش هيكشفها؟! فوقوا واعرفوا انتوا بتتعاملوا مع مين
بحده للحرس: اربطوهم
_عدي بضيق: صدقيني هقتلك يـ جني، هقتلك وهندمك على كل حاجه عملتيها
=جني بضحكه سخريه: وانا يوم مـ اموت هموت على ايد واحد أعمى؟!
_عدي ببرود: متستقليش بيا عشان انتِ عرفاني كويس وعارفه انا اقدر اعمل ايه
=ده إذا طلعت من هنا حي اصلًا
كنت بصلها بأستغراب......ازاي واحده يكون فيها الجبروت ده!! ازاي تقدر تدمر الناس بسهوله كده؟! ازاي توقع بين الأخ وأخوه كده!؟ مشفقه عليها وعلى الحقد الـ بينهش في قلبها ومش مخليها سعيده ده"
وانا بفكر دخل 3 رجاله وفـ ايد كل واحد كرباج وباين على وشهم علامات شر، كل واحد منهم وقف قدام مازن وعدي وكاظم وبدؤا وصله الضرب، كان مازن وكاظم بيتوجعوا لكن عدي واقف ثابت وعلامات البرود على وشه، يمكن وجعه أصعب منهم!! اخوه السبب في كده وبرضوا اخوه السبب في العمى الـ جاله، ممكن الإنسان يقدر يتقبل اي حاجه من أي حد إلا اخوه، عدا فتره ومحدش جه جمبي ولا كلمني وده قلقني اصلًا، فضلت واقفه مستنيه اي رد فعل منها بس مفيش!!! كل الـ بتعمله انها بصالي زي مـ يكون بتفكر في طريقه تعذبني بيها"
توتري زاد بس مبينتش ده واستجمعت نفسي واتكلمت بـ نبره بارده وقولت......"
_عايزه اخش الحمام
راجل من الـ واقفين بصلي بـ شر واتكلم بحده وقال......"
=حمام ايه وزفت ايه، اتظبطِ يـ بت ده مش فندق يـ روح امك
_عدي بحده وغضب: ألزم حدودك واتكلم معاها عدل عشان مش امحيك من الدنيا دي خالص انت فاهم؟! 
=الراجل بسخريه: وانت بقا يـ أعمى الـ هتمحيني؟! نكته حلوه
_عدي بأبتسامه مستفزه: طب مـ تفكني وشوف الأعمى ده هيعمل فيك ايه، ولا انت خايف؟! 
=الراجل بغضب: مين ده الـ خايف ياض، دانت يومك مش فايت
قرب وفضل بضربه وبرضوا جني قاعده على الكرسي بصالي وساكته، ومازن وكاظم شكلهم مهبطين من كتر الضرب اما عدي فـ هو لسه على وشه علامات البرود ومبيتوجعش وده الـ استفز الراجل اكتر، بعد مـ الراجل تعب من كتر الضرب بص على عدي وهو بينهج لقاه واقف مكانه وابتسم ابتسامه مستفزه وقال......"
_ايه تعبت؟! مكنتش اعرف انك كوكو في نفسك كده
=الراجل بغضب: مين ده الـ كوكو ياض، دانا هوريك النجوم في عز الضهر
طلع وهو متعصب وجاب سكينه ودخل تاني ووقف بص لـ عدي بشر ولسه هيضربه صرخت وقولتله......"
_انت مجنون؟! ابعد عنه وسيبه بدل مـ تفتح على نفسك أبواب جهنم
=الراجل بحده: بس انتِ يـ بت متتكلميش بدل مـ اجي اديكِ قلمين، لسه دورك جاي
_عدي بغضب: تبقى تفكر بس تبصلها وشوف هعمل فيك ايه
=جني ببرود: بس مش عايزه اسمع صوت وانت يابني فكها نوديها للحمام يارب نخلص
الراجل الرخم ده فكني وكان بيبصلي بصات مقرفه كده وحاسه اني قرفانه منه، بعد مـ فكني مسك ايدي وشدني، بس انا ضربته بالقلم...... ايوه مين ده عشان يمسك ايدي ويشدني كده؟! حط ايده على وشه وبصلي بـ شر وقال......"
_انتِ قد الـ انتِ عملتيه ده؟!
=ملك ببرود: لو مش قده مكنتش عملته
لسه هيرفع ايده عشان يضربني جني مسكته واتكلمت معاه بحده......"
_انا قولت دي تسيبوها ومحدش يجي جمبها وانا هتصرف معاها، حصل ولا محصلش
=الراجل بضيق: حصل
_جني بحده: يبقى تسمع الكلام كويس عشان المره الجايه هشوه وشك الـ انت قالبه عليا ده، انت فاهم؟! 
=الراجل بضيق: تمام يـ هانم
_جني ببرود: وانتِ ياختي...... يلا قُدامي لحد مـ اشوف هعمل فيكِ ايه...... اصلك من ريحه الحبايب ولازم اتوصي بيكِ كويسه
قالت الكلمتين دول وانا توتري زاد، انا عارفه انها مجنونه وممكن تعمل اي حاجه مبيهمهاش حد، بس حاولت مبينش خوفي وأظهر برودي زي مـ عدي علمني،خدتني وروحت الحمام و احنا طالعين مسكت شعري جامد واتكلمت بحده وقالت......"
_متفتكريش عشان سيباكِ يبقى خلاص انا اشفقت عليكِ، انسى انا هوريكِ من العذاب ألوان واضعاف الـ خدوه
بصيتلها وابتسمت وبحركه سريعه مني اتعلمتها من عدي كانت جت تحت ايدي، خدت المسدس الـ كان معاها ورفعته على راسها واتكلمت بأبتسامه مستفزه وقولت....."
=متفتكريش اني ضعيفه وهقعد اعيط واقولك بالله سبيني، فوووقي انا بنت الميكانيكي الـ مات بقهرته بسببك، يعني مش جايه من امريكا او فرنسا، هنخش جوا وتقولي للجواميس الـ انتِ جيباهم دول يفكوهم، وإلا هفضي المسدس القمر ده في دماغك
_جني بأرتباك: انتِ بتعملي اييه؟، ارمي المسدس ده مش لعبه، ممكن بحركه منك تموتي نفسك أو تموتيني
=ملك بأبتسامه: ده المطلوب، وصدقيني موتك على أيدي، قُدامي يلا
خدتها وانا حاطه المسدس على راسها وباين عليها علامات الخوف، شدتها ودخلنا والرجاله الـ جوا اول مـ شافونا اتصدموا ولسه هيقربوا جني زعقت واتكلمت بغضب......"
_محدش يتحررك...... فكوهم
بصوا لبعض وسكتوا وجني اتكلمت بغضب أكبر من الاول....."
_انتوا بهايم مبتسمعوش؟! قولتلكوا فكوهم
فكوهم وانا ابتسمت ابتسامه انتصار واتكلمت بهدوء......"
_كاظم....... خد السلاح الـ معاهم واربطهم
خدوا السلاح وربطوهم وانا خبطت جني على راسها بالمسدس وفقدت وعيها، خدت المسدس حطيته في البنطلون وروحت لـ عدي وحضنته جامد واتكلمت بدموع......"
_انت كويس؟! حاسس بإيه؟! اخدك عند دكتور
=عدي بأبتسامه: اهدي اهدي متقلقيش كله بخير
_مازن بضيق: لحد مـ نطمن على بعض يكون حد جه
=ماهو حد جه فعلا
بصينا لمصدر الصوت لقيناه راجل في الخمسينات كده وحواليه رجاله كتير وووو
ياترى مين الـ دخل عليهم وعايز منهم ايه؟؟ وجني هتعمل ايه في ملك؟؟ هل هيخرجوا من المكان ده ولا لا؟؟ توقعاتكو
google-playkhamsatmostaqltradent