رواية سكة الحب البارت الرابع عشر 14 بقلم آية حسن
رواية سكة الحب الفصل الرابع عشر 14
رامي بيضحك بصوت عالي وشر وياسمين واقفه مستغرباه
ياسمين: انت بتضحك ع ايه!
رامي: ع غباء رباب
ياسمين ربعت ايدها بضيق: ممكن اعرف ايه أخرتها! وليه بتعمل معاهم كدة!
رامي بيشرب مية: منا قولتلك موضوع خاص .. وأخرتها عنب
ياسمين: طب انت هتستفاد ايه لما تخسرها صاحبتها!
رامي بخبث: اللي هستفاده مش لازم تعرفيه وبعدين دي ساعدت واحد خسرني شغلي كله
بصتله بشك وهو بعد عنها وهو بيقول ف نفسه بنظرة كلها غل: جوازي من رباب لازم يتم ف أسرع وقت ، قبل ما كل حاجة تبوظ
رباب وصلت البيت واترمت ع السرير وانهارت ف البكا ، مش مصدقة اللي شافته كل الصور بتأكد أن بينهم علاقة طيب ازاي وليه! الضحك اللي سمعته والحياة اللي عايشينها عادي من غير ما يفكروا فيها ولا يسألوا عنها ، هي عملت ايه عشان يعاملوها كدة!
اتعدلت باندفاع وبصت للفراغ بحسم: بس لا انا مستحيل اسيبهم يتهنوا وحياتهم عندي ليندموا ع كل اللي عملوه
يوسف دخل أوضته ورمى جاكتته بتذمر وقعد ع السرير يفرك ف ايده بغضب .. دخلت عليه امه
ام يوسف: مالك يا يوسف داخل كدة من غير احم ولا دستور
يوسف: معلش يا أمي .. صحيح كنت عايز آخد رأيك ف حاجة
قعدت أمه جنبه: خير يابني
يوسف: دلوقتي الممولين اللي بيساعدوني ف تنفيذ مشروعي ، جابولنا سكن جديد ، فيلا كبيرة أوي وحلوة ، ايه رأي حضرتك تحبي ننقل ولا نفضل هنا
كريم كان برة وسمعهم ودخل بسرعة: أيوووة بقا وأخيراً ، دة اللي كان ناقصنا ، يا وعدي
ام يوسف ابتسمت: الرأي رأيك يا حبيبي ، انا ميهمنيش غير سعادتك انت وأخواتك
مريم دخلت وراه: بس انا بقا مش عايزة امشي من هنا
كريم قطب وشه: عشان طول عمرك فقرية
مريم: لا عشان طول عمري أصيلة ، مش زي ناس
يوسف: شوفوا اللي يريحكم ، وانا تحت أمركم
الأم: ما يؤمر عليك عدو يا ضنايا
مريم: خلاص اللي تشوفوه ، المهم مننساش هنا ونيجي ع طول
يويف حضن أخته وهو مبتسم من برائتها
يوم خطوبة إياد طبعاً هو مبسوط وواقف بيلبس البدلة قدام المراية ، دخلت رباب الأوضة عليه
رباب: مبسوط يا إياد
إياد التفت لها بابتسامة: أكيد
رباب هزت راسها بتنهيده وحضنته: مبروك يا حبيبي
إياد: عقبالك يا حبيبتي
رباب من غير متحس دمعت عيونها ببكا وهو استغرب
إياد: ف ايه يا رباب بتعيطي ليه
رباب مسحت دموعها بسرعة: مـ.. مفيش دي دموع الفرحة
إياد: طب يلا روحي اجهزي عشان منتأخرش
كلهم راحوا المكان اللي هيتعمل فيه حفلة الخطوبة .. إياد قاعد جنب هايدي ، ورباب ومامتها واقفين جنبهم ، وعمر وسوزي ع الطربيزات ..
ام هايدي: ايه يا جماعة مش هنلبس الشبكة ولا ايه؟
شاهيناز: رباب هاتي الشبكة
رباب سرحانه ومش معاهم ، شاهيناز نادت مرة تانية: رباب!!
انتبهت لها وتابعت شاهيناز: بقالي كتير بنادي ، هاتي الشبكة
رباب: أه أه ، حاضر
طلعتها من الشنطة وأدتهالها وفجأة انتبهت ع يوسف ومليكة داخلين القاعة ، وشهقت بصدمة
شاهيناز: مالك!
رباب: يو.. يوسف
شاهيناز بصت لقت شاب جميل وأنيق ، ومليكة كانت لابسة فستان طويل وجميل جداً وتسريحة شعر رقيقة
الاتنين دخلوا ف قمة شياكتهم وثقتهم بنفسهم وكتير انتبهوا عليهم ومنهم إياد اللي لما شاف مليكة الخاتم وقع من ايده ببلاهة
Flash Back..
مليكة بدموع مجروحة: انت بتقول ايه يا يوسف عايزني أحضر خطوبة البني آدم اللي حبيته ، طب ازاي
يوسف: أيوة تحضري وكمان تفرحي ، لو احنا معملناش كدة هيفتكروا اننا مجروحين وزعلانين عليهم ، لكن لازم نثبت لهم أنهم ولا فارقين معانا
مليكة: بس كدة رباب هتأكد ظنونها فينا
يوسف: عارف ، ودة اللي عايز اوريهولها
مليكة بصت له باستفهام وتابع: رباب طيشها خلاها تصدق الصور وتفهم أن بينا علاقة ، وانا عايز اعرف مين اللي ممكن يعمل كدة ويوقعنا ف بعض وايه مصلحته ... يلا روحي اجهزي والبسي اشيك حاجة عندك
Back..
الاتنين بصوا لبعض بابتسامه وراحوا يسلموا
مليكة: مبروك يا دكتور
إياد بتوتر: ااا... الله يبارك فيكي ، متشكر
مليكة باست شاهيناز واياد متابعها بعينه ، وبصت لـ رباب اللي تجاهلتها بس هي باركت لها
عند عمر ..
عبد الله: أحب أعرفك يا عمر ، يوسف أحد أهم الشباب اللي ناجحين
عمر مكانش مصدق اللي شايفه معقول دة يوسف اللي من كذا شهر بنته خبطته بالعربية ، دة اختلف تماماً
عمر: احم أهلاً وسهلاً
نزلت مليكة وقعدت مع يوسف ع طرابيزة
رباب بحنق: شوفتي البجاحة ، جايين مع بعض
شاهيناز: عيب يا رباب
رباب نزلت من الكوشة وراحت عندهم
رباب سندت أيدها ع الطرابيزة: انتوا ايه اللي جابكوا انا معزمتكوش
يوسف ببرود: وهو انتي العروسة!
رباب بنفس لهجته: والله؟ لا مش العروسة ، ولو كنت العروسة مكنتش هسمحلك تدخل فرحي
يوسف: وانا أصلاً مكنتش هاجي لأن فرحك مش مهم بالنسبالي
رباب اتغاظت من بروده وعاوزة تطبق ف زمارة رقبته ، بس جه هو ودمر اللحظة
رامي: رباب حبيبتي ، انتي هنا تعالي نرقص مع بعض
يوسف قبض ع ايده بقوة وبيحاول يتمالك أعصابه .. رباب بصت له بحنق وماسكة نفسها بصعوبة وعاوزة ترد عليه لكن سابته ومشيت بسرعة .. رامي بصله بغضب ومشي هو كمان
سوزي: هو احنا ليه معملناش خطوبة رامي ورباب بالمرة
عمر: عادي ، كل حاجة وليها وقتها
سوزي: انا من رأيي نكتب ع طول مفيش داعي للتأجيل طالما الاتنين مرتاحين لبعض
عمر بعدم راحة: ان شاء الله
يوسف قام بسرعة وراح لـ رباب وخدها بعيد عن الناس
رباب سحبت أيدها بضيق: ابعد ايدك عني ، متلمسنيش
يوسف حاوطها بإيده وهي ملتصقة بالحيطة وعمال يقرب منها وهي بتفرك ف نفسها عشان تفلت منه ، وحطت ايدها ع صدره
رباب: لو حد شافنا مش هيبقى كويس
يوسف: عايز اعرف انتي ازاي تقبلي بـ اللي اسمه رامي دة
رباب: وانت مالك ، دخلك ايه بيا
يوسف رفع حواجبه: مالي! لا جدعة
رباب بتذمر: مش انت اللي ضربتني ومحاولتش تسمع مني ، مجرد ما شوفتني ف الموقف دة شكيت فيا واتهمتني ، ومكفكش دة وروحت خنتني ومش بس مرة لا مرتين مع ياسمين اللي سابتك ومع... مع اعز صاحبة ليا
يوسف بغرابة: انا مش فاهم حاجه
زقته بضيق: مش مهم تفهم ومش عايزاك أصلاً تفهم حاجة ، انا بجد ندمانة اني عرفت واحد زيك خاين
سابته ف حيرة ومشيت من قدامه
تاني يوم يوسف كان ف مكتبه سرحان ف كلام رباب ، حاسس ان ف شئ غامض ومش مفهوم اتنهد بتعب ، والسكرتيرة دخلت له
:: استاذ يوسف ف واحدة عايزة تقابل حضرتك
يوسف: دخليها
دخل الشخص ويوسف اتفاجئ بيها: مدام شاهيناز!
يتبع الفصل الخامس عشر 15 اضغط هنا
- الفهرس يحتوي على جميع الفصول (رواية سكة الحب كاملة)