رواية عشقتها ولكن البارت السادس والأخير بقلم هند الحجار
رواية عشقتها ولكن الفصل السادس والأخير
يزن راح عند بيت مراد وخبط على الباب وفجأة مراد اللى فتح وكان ساكت
-ولا شغل بتروح ولا تليفونات بترد عليا ،مراد دخل ومردش وسابلو الباب مفتوح يزن دخل وراه
= مكنتش اعرف ان زعلك وحش اوى كداا
- عاوز اى ي يزن
= عاوز زهرة
- مش هنا
= عارف انا جاى علشان اصالحك انت الاول
- انت اللى عملت كل ده
=والله ما خنت زهرة ومعايا دليل كمان ، كان هو مسجل المكالمة بتاعته هو والبنت خرجها وسمعهاله
- وكداا زهرة هتسامحك يعنى انت كنت
= هى اللى ضربتنى بالقلم
- علشان شكيت فيها وجرحتها
= محدش معصوم من الغلط والله العظيم انا كنت عايش ولا كأنى عايش من غيركم انتوا كل حياتى خلاص يا مراد انا اسف
مراد بصلو
- على فكرة ماسة عالجت زهرة وبقت كويسة
= مش مهم انا عاوز زهرة مش حاجة تانية
- وانا مش عاوزاك
فجأة بص وراه لقانى داخلة من الباب انا وماسة
- بس انا عاوزك انا مخنتكيش والله وقتها نمت معملتش حاجة اسألى مراد حتى
فضلت بصالو فترة كأنى بعاتبوا بعينى
- غلطاتك كلها كبيرة انت شكيت فيا وكنت هتعمل حاجة غصب عني
= كنت
- مش عاوزة اسمع حاجة مهما قولت مش هسامحك
بص لماسة ومراد
- ده ربنا بيسامح انتى مش هتسامحينى
=وانا عبد ومبقاش فى قلبى حاجة ليك تخلينى اغفرلك واسامحك
- انتى بتقولى اى ي زهرة
= اللى سمعتوا اللى بينا انتهى خلاص وانا مستنية ورقة طلاقى
- بس بس انا بحبك واوى كمان
= للاسف وانا اللى فى قلبى ليك انتهى مع السلامه يا يزن
دخلت الاوضة وقفلت الباب
- سبها أما تهدى شوية
= بس ي مراد
ماسة تدخلت
- انت إلى عملتوا فيها مش قليل انت شكيت فيها وجرحتها فى مشاعرها كنت ديما تعايرها انها مكانتش بتخليك تلمسها بدل ما كنت تشوفها مالها أو عندها اى زهرة كان عندها مشكلة مأثرة عليها من اللى شافتوا فى ماضيها ومعاملة باباها ليها وانو جوزها لاول واحد اتقدملها حست انها سلعة انت مقدرتش كداا انت مكنتش عارف تحتويها كنت حاول تقرب منها حبة بحبة البنت مننا عاوزة الحنية الرومانسيه الكلام الحلو الهدوء الليونة بس انت معملتش كداا كنت ديما ضاغط عليها عمر ما الإنسان هيكون مضغوط ويعرف يرضى اللى قدامو
يزن كان بيسمعها وساكت وفجأة خرج من بيت مراد
مراد بص لماسة وخرج ورا يزن
-يزن استنا ي صاحبى رايح فين
=خلاص هسافر مبقاش ليا مكان هنا وبلغ زهرة انى هطلقها
- ليه تستسلم بالطريقة دى ي يزن فى امل حاول مرة تانية انا متاكد ان زهرة بتحبك وهى بعيدة عنك كنت بشوف فى عينها أنها مشتقالك وعاوزة تسألنى عليك بس مكنتش بتتكلم حاول ومتيأسش وانا متاكد انكم هترجعوا
=هشوف حاضر
______________________
-ي زهرة كفاية عياط طالما انتى بتحبيه اوى كداا ليه مروحتيش معاه
اتكلمت وانا بعيط اكتر
- لا هو اللى عمله فيا مش قليل علشان اسامحه بالسهولة دى
بعدين مين قالك انى بحبه انا بس صعبان عليا نفسى
= كل ده ومش بتحبيه امال لو بتحبيه كنتى عملتى اى
-قصدك اى
ضحكت ماسة وخرجت وهى بتقول ربنا يهديكى
-مراد انا عاوزك
= اى عاوزة اى
- تعالى الاوضة عاوزاك
= اى ده ده بجد
- مش اللى فى دماغك ده انا هقولك حاجة
= الله وانا عملت حاجة ولا قولت حاجة انتى اللى دماغك شمال
- طب تعالى
وشدته من ايده ودخلته الاوضة وكانت مزيناها وحاطة علبة فى وسط السرير
- اى ده الله انتى عملتى فى الاوضة وجايبالى هدية كمان بس انا عيد ميلادى مش النهاردة
ماسة ضحكت واتكلمت
- ادخل بس ، وقفلت الباب
= اى ي بت انتى عاوزة اى
- اى ي مراد محسسنى انى هاكلك
= ولا كلينى براحتك يا قلبى
وقرب وباسها من خدها
- خلاص ي مراد زهرة فى الأوضة التانية اتظبط
= خلاص طيب ،وراح على السرير وفتح العلبة لقا لبس بيبى وبيبرونا واختبار حمل
- اى ده انتى
ماسة بصت بأبتسامة
- اى رأيك
مراد قام حضنها ولف بيها
- احلى هدية من احلى دكتورة نفسية
ضحكت ماسة
-فرحان
=جدا جدا
=وانا فرحانة لفرحك
مراد ابتسم ،وعدا شهر ورا شهر وانا قاعدة مع مراد وماسة وتقريبا كنت شايلة العيادة عاشان ماسة والبيبى أما يزن من ساعة اخر مرة تقريباً معرفش اى حاجة اى حاجة عنه واضح انو استسلم كنت مفكرة انو باقى عليا اكتر من كداا
كنت فى العيادة بظبط الكشوفات والاسماء علشان الناس أما تيجى ادخلهم علطول حقيقى كنت مبسوطة بشغلى الجديد ممنعش انى كنت بفكر فى يزن وبشتاقله كتير بس مراد وماسة مكنوش سايبنى الصراحة أما ماما فكانت كل يوم تتصل عليا وكنت بحكيلها كل حاجة وكانت فرحانة وديما بتدعيلى أما كنت بسألها بابا عامل معاكى اى قالتلى انو سافر فى شغل وراجع بعد تلت سنين كنت ديما بروح ازورها هى واخواتى واوقات ابعتلهم فلوس وابات معاهم حقيقى كنت حاسة بسعادة بجد أن كل شيئ لتحسن حوليا عدى شهر كمان كنت مفتقدة يزن اوى قولت اكيد نسينى مراد كان ديما هو اللى حاسس بيا تقريباً كان معوضنى عن الاخ والسند
- هاا ي زهرة فى اسماء تانى ولا خلاص
= لا خلاص كداا
- طب يلا نروح عاشان مراد زمانوا مستنينا
= لا هبات مع ماما النهاردة قالتلى انو واحشاها هاروحلها بقاا
- طب هبقا ابعتلك السواق بالعربية وابقى اقفلى العيادة ماشى
= حاضر خلى بالك من نفسك ومن البيبى
- اه ي زهرة متفكرنيش تاعبنى اوى
-شقى زى ابوه ، وغمزتلها
-والنبى ي ختى انتى فايقة ورايقة يلا انا همشى بقاا
=ماشى يا حببتى
خرجت ماسة وانا كنت بلم الحاجة وبحطها فى الدرج
- لو سمحتى كنت عاوز احجز كشف
الصوت مكنش غريب عليا خالص بصيت للى بيتكلم
= يزن
- ايوا يزن ي قلب يزن يزن اللى مشافش الراحة من غيرك
= اى ده انت لسة فاكرنى
- ولا عمرى نسيتك تعبان من غيرك حياتى بقت ضلمة انتى كنتى نورها وحشتينى بمعنى الكلمة اسف آسف على كل كلمة قولتهالك اسف انى مفهمتكيش ولا عرفت احتويكى صح انا عاقبت نفسى ببعدى عنك كل ده بس بالله أنا مش قادر على بعدك اكتر من كداا عاشان خاطرى ي زهرة ارجعيلى والله ندمت وخدت عقابى خلاص
لقيته بيدمع وهو بيتكلم
لقيت نفسى بعيط
- طب لتدمع لى دلوقتى طيب
= انا انا بحبك وعاوزك تر جعيلى وتسامحينى والله ندمت على كل حاجة
قربت منه ومسحت دموعه
- وحد قالك انى مبحبكش قبل كداا
بصلى بعيونه اللى تخطف القلب دى وابتسم
- لا ما انا عارف انك بتحبينى
= واثق اوى يعنى
- طبعا انا اى حد يعنى ، قالها بغمزة ابتسمت
= طب تعرف انك وحشتنى واوى كمان ، وفجأة اترميت فى حضنه شدد من حضنه ليا اوى
- ياااه ي زهرة ياما اتمنيت اليوم ده
- طلعت من حضنه
= اى طيب ما احنا كنا ماشيين كويس ووحشتنى واحضان
ضربته على كتفه
- اتلم
= بحبك
- اكتر والله
" تحدثت يوما وكان حديثى أن الحب شئ جميل ولكن كنت خاظئة بل إنه لا يوجد اجمل منه"
تمت النهاية.. روايتي الجديدة رواية أحببت صغيرتي كاملة عبر دليل الروايات للقراءة والتحميل.
- الفهرس يحتوي على جميع فصول الرواية (رواية عشقتها ولكن كاملة)