قصة طلقني نور وسيف كاملة جميع الفصول حصريا عبر دليل الروايات للقراءة والتحميل
قصة طلقني نور وسيف كاملة
_ طلقني ..
= ايه ؟!
_ بقولك طلقني
= مفيش طلاق يا نور
_ وأنا بقولك عايزة أطلق
= ليه ؟
_ أنت نسيت جوازنا كان عامل ازاى ؟
= كان عامل ازاى يعني كتبنا كتابنا زى أى اتنين
_ سيف
= نور مش هطلقك انت وصية وأمانة أبويا وعمي ولازم أحافظ عليكي ومينفعش تعيشي معايا واحنا مش متجوزين وبعدين أنا تعبان وعايز أنام مش ناقص صداع ودخل جوه ينام
أنا نور عندي 20 سنة في تانية علوم وده سيف ابن عمي عنده 35 سنة مهندس وعنده شركته الخاصة بابا وماما ماتوا وأنا عندي شهور في حادثة بعدين عشت مع عمي بس هو مات وأنا عندي 15 سنة وبعدين عشت مع مرات عمي بس ماتت وأنا عندي 18 سنة بعدها سيف اتجوزني بحجة إن أنا بنت عمه ووصية أبوه وعمه ومينفعش نعيش مع بعض من غير جواز بقالنا سنتين على الوضع ده لغاية امتى هفضل مضيعة أجمل سنين عمري مع واحد مش بيحبني اتجوزني بس مجرد شفقة عشان أنا بنت عمه اليتيمة آه ياني بس هو ذنبه على جنبه هكرهه في عيشته ما أنا مش هضيع عمري معاه
راحت وقعدت فوق دماغه
_ سيف
= نعم
_ طلقني
= مش هنخلص النهارده
_ أنا يا سيف مش عايزة أعيش مع واحد متجوزني وصية أنا من حقي أعيش مع واحد بيحبني
= طيب لقيتي الشخص اللي بيحبك
_ لا لسه
= طيب لما تلاقي قوليلي سعتها هطلقك وأخليكي تتجوزيه حلو كده
_ حلو
= يلا روحي نامي وسيبيني أنام
روحت نمت عشان بكره عندي كلية وبعدين حاضر هخلي حد يحبني سعتها هخلص منه
تاني يوم صحيت على صوت سيف
_ نعم يا سيف
= الفجر
_ أنا تعبانه ومش قادره أقوم هصليه في الصبح
= لا لازم تقومي قال رسول الله ﷺ " أثقل صلاة على المنافقين صلاة الفجر وصلاة العشاء " وإلا انتي عارفه هعمل ايه
_ لا كله إلا المياه الثلج دي خلاص هات ايدك ساعدني أقوم
فعلاً ساعدني أقوم ادخل الحمام هو طول عمره كده لازم أعمل ايه ومش لازم أعمل ايه ودايما بيساعدني لما أحتاج مساعدة بحسه أب أخ وصديق لكن مش قادرة أشوفه زوجي خالص خصوصاً فرق السن 15 سنة فرق كبير جداً
صلى بيا صلاة الفجر وكان صوته حلو في القرآن أصل هو عارف لو نزل يصلي من هنا أنا هروح أنام من هنا كتر خيرك والله
روحت فطرت بعدها ولبست دريس جميل عليه خمار أجمل عشان أروح الجامعة لا ولبست أحلى طقم عندي وحطيت ميك اب وروج ما أنا لازم أخلي حد يحبني عشان أخلص من سيف
_ سيف سيف
= نعم يا نور
_ ايه رأيك في شكلي النهارده
= قمر والله بس ناقص حاجة
_ ايه هيي ؟!
فجأة قرب مني وشال الحزام وطول الخمار شوية من ورا ومن قدام وايه ده طلع منديل ومسح المكياج والروج
= كده شكلك أحلى
_ لا شكلي أحلى ايه أنا كده شكلي أهبل ومحدش هيحبني
= نور متخليش حد يحب شكلك وجسمك خليه يحب روحك عشان لو حابك عشان شكلك أول ما يلاقي أجمل منك هيسيبك لكن لو حب روحك عمره ما يسيبك لأن روحك مفيش زيها
_ كل الرجاله مش بيفرق معاهم غير الشكل لو سألت واحد مواصفات زوجتك ايه يقول عايزها حلو شعرها كذا وعينيها كذا مفيش حد بيحب الروح
= خلاص لو كان مفيش خليكي قاعده معايا أحسن ليكي والله
_ لا أنا هلبس الحزام
= خلاص براحتك بس مش هتروحي الجامعة وانتي لابساه
_ ليه يا سيف كده بتحب ترخم عليا
= دي مش رخامة الحزام ضيق وبيقسم جسمك كده أنا مش بحافظ عليكي كده أنا بعرضك للناس
_ أنا زهقت بقالي سنتين عايشة معاك كلها تحكمات المفروض أعمل ايه ومعملش ايه أنا مش طفلة أنا عندي 20 سنة ومن حقي أعمل اللي أنا عايزاه
= لا مش من حقك طالما أنتي لسه مراتي من حقي أحكم عليكي انتي مش حرة نفسك
_ طيب ما تطلقني بقا وتحررني من سجنك
= وهسيبك لمين ؟ مين هياخد باله منك ؟
_ أنا مش طفلة أنا أعرف أهتم بنفسي كويس
= ما انا عارف إن انتي مش طفلة وتعرفي تهتمي بنفسك لكن المشكلة عندي أنا
_ مش فاهمة
= نور أنا بخاف عليكي من الهوا الطاير ازاى عايزاني أسيبك لوحدك
_ خلاص بطل تتحكم فيا
= انا مش بتحكم فيكي أنا بقولك اللي قال عليه ربنا ولو لقيتك بتعملي حاجه تغضب ربنا لازم أمنعك فوراً عشان أنا جوزك وهتحاسب عليكي يوم القيامة
_ ايه علاقه ده بالحزام يا سيف ؟ ما أنا لابسه خمار
= نور مواصفات اللبس الشرعي مش الجيب ولا الدريس ولا الخمار ولا الإدناء ولا العباية
_ اومال ايه
= مواصفات اللبس الشرعي لا يصف يعني لا يبين حجم جسمك أو شكله ولا يشف يعني مش شفاف وساتر للبدن يعني يكون طويل وكمان الماشية لازم تكون محترمة والقاعدة كمان ولازم تلبسي تحتيه بنطلون مثلاً عشان لو طار مثلاً البنطلون يسترك
_ طيب وايه علاقه ده بالحزام ؟
= ما الحزام بيقسم جسمك وبالتالي يصف
_ طيب خلاص فهمت ومش هلبس الحزام
= شطوره نوري بتسمع الكلام يلا أوصلك الجامعة
_ يلا
وصلني للكلية بتاعتي وقاعد طبعاً يخليني أسمع الوصايا العشر عشان لو اتعرضت لموقف أعرف أتصرف فيه
_ خلاص يا سيف دي تالت مرة أسمع
= ماشي يلا انزلي وخلي بالك من نفسك
= حاضرة ونزلت من العربية هو ليه بيعاملني كطفلة
دخلت الجامعة وخلصت محاضراتي بعد كده رنيت على سيف عشان يجي ياخدني بس لقيت واحد زميلي اسمه وائل بيقرب عليا ده عايز مني ايه ده
_ ازيك يا نور
= أهلاً
_ عامله ايه ؟
= الحمد لله بخير
_ انتي مستنية أخوكي يجي ياخدك
= آه
ملاحظة أنا معرفة كل اللي في الجامعة إن سيف أخويا مش جوزي
_ طيب ممكن بس تيجي معايا أصور من الكشكول بتاعك آخر محاضرة
= معلش خليها بكره عشان الوقت تأخر
فجأة مسك ايدي وأنا مذهولة منه وقال : بدون مقدمات كده يا نور أنا بحبك ونفسي أتجوزك خدي معاد ليا مع أخوكي
وفجأة كدم من حيث لا أدري لقيت سيف نازل فيه ضرب
_ سيف سيف خلاص سيبه عشان خاطري
ساب وائل ومسك ايدي وسحبني وراه على العربية ايه المنظر ده يا ربي أنا مش هروح الكلية تاني بعد الفضيحة دي بقي منظري وحش أوي
طول الوقت يسوق العربية وهو ساكت وأنا منهارة من العياط وهو ولا فارق معاه ده ايه الإنسان البارد ده
أول ما نزلت من العربية دخلت الفيلا ودخلت جرى على أوضتي وقفلت الباب وهو جه ورايا
_ نور افتحي
= أنا مش عايزة أتكلم معاك أنت وحش
_ أنا بتقولي ليا وحش
= آه أنت وحش أحرجتني النهارده وجرتني وراك زى الكلبة قدام الكل في الجامعة
_ طيب افتحي عشان نتكلم
= نتكلم في ايه أنت خليت فيها كلام أنا بكرهك يا سيف وطلقني
_ نور بطلي عناد وافتحي الباب يلا يتبع الفصل الثاني اضغط هنا