رواية فوزية القوية الفصل التاسع 9 - اسراء ابراهيم

الصفحة الرئيسية

رواية فوزية القوية البارت التاسع 9 بقلم اسراء ابراهيم

رواية فوزية القوية كاملة

رواية فوزية القوية الفصل التاسع 9 

عمار راح يجيب ميه ورجع دخل الأوضة ولكن انصدم من اللي شافه
عمار واقف مصدوم وفاتح بوقه وقال: إيه ده
لقي نورا لابسة عباية سمرا وطرحة سمرا وواقفة جمب السرير بتفرك في ايديها
نورا: زي ما أنت شايف عباية سمرا وطرحة سمرا
عمار:.ليه يا حبيبتي رايحة عزا ولا رايحة تحضري عفاريت
نورا: لأ رايحة أنام
عمار:.يا شيخة تصدقي فكرتك رايحة تعزي حد روحي يا بنتي غيري السواد ده ومش تفولي علينا البسي
حاجة عدلة زي العرايس
نورا:.بس أنا مرتاحة في ده يا سطا
عمار:.وكمان يا سطا دا باين ليها ليلة عسل وربنا ما أنا سايبك
وطلع يجري وراها في الأوضة حوالين السرير
نورا: بتجري ورايا ليه يا عم أنت
عمار وقف يولول: أنا انضحك عليا في الجوازة دي مين اللي بص ليا فيها
نورا:.تلاقيها البت إسراء
إسراء:.لو مؤاخذة يعني هقطع عليكوا الخناق مين دي يا عنيا اللي بصاله في الجوازة مش تخليني اخليه يرميكي من البلكونة
اتعدلي كده ياما احسنلك
احم وبعتذر تاني إني جيت في وقت زي ده كملوا بقى أنا ماشية
نورا: استني خوديني معاكي يا ولية أنتي
عمار بص لنورا وقال هتيجي بالذوق ولا اجيبك بالعافية ولا ارميكي من البلكونة وخلاص
نورا:.استهدى بالله يا برنس ونتفاهم تمام وهاجي بالذوق بس اهدى كده وارجع لطبيعتك يا كابتن عمار
عمار قعد عالارض وقال: اه يابختك المايل يا عمار بدل ما تقولي يا حبيبي يا قلبي يا عمري بتقولي يا سطا وبرنس وكابتن
نورا: أنت عامل زي الولية اللي بتجري على يتامى ولا اللي جوزها ضربها وطلقها
اهدى يابني ونقوم عشان ننام لأني تعبانة موت
عمار استغل إنها واقفة جمبه وقام مسكها وقال بقى بتهربي مني وعاملة تجري ليا في الأوضة وكمان لابسة أسود في يوم زي ده
نورا اتخضت وعيونها دمعت
عمار خدها في حضنه وقال: متخفيش مني يا قلبي عمري ما أفكر آذيكي يا حبيبتي أنا أول ما شوفتك صدقيني حبيتك
نورا كانت بتسمع كلامه وقلبها بيدق جامد وكمان إنها في حضنه وبدأت تهدأesraaibrahim
عمار حس إنها هديت وباس راسها وقال أنتي حياتي
ونسيبهم بقى
(أنا جالي جفاف عاطفي من كلامه😂😂😂)
تاني يوم في الصباح عند نور ومحمد كانوا ينظرون لبعض ومبتسمين
محمد:.صباحية مباركة يا قلبيesraaibrahim
نور بكسوف: الله يبارك فيك يا حياتي
(ايه المحن دي يا جماعة نقلب على اللي بعده😂😂)
بعد ساعة جهزوا وبدأوا يفطروا لغاية لما زينب تيجي تبارك ليهم
عند فوزية وزاهد
زاهد صحي وفضل يناغش في فوزية عشان تصحى
فوزية:.المتخلف اللي بيزهق فيا يسكت عشان مش أقوم اغزه في بطنه أجيب أجلهesraaibrahim
زاهد بصدمة:.في حد يقول لزوجه كده فين الدلع والرقة
فوزية: تلاقيهم عند أمك وقوم من وشي خليني أنام شوية
زاهد: ابقي نامي بعدين بس قومي نقعد مع بعض ونجهز الفطار مع بعض ونرش دقيق على بعض
فوزية:.ليه هنقوم نخبز يابا ألعب بعيد يالا باحلامك دي
أنت جاي تحقق أحلامك عنديesraaibrahim
زاهد بخبث:.طب كده وقام شد الملاية من عليها خلاها تقع عالارض
فوزية صرخت: اها يا ضهري حسبي الله ونعم الوكيل فيك يا زاهد يابن زينب أشوف فيك يوم
زاهد بعصبية مزيفة: انتي بتحسبني عليا يا فوزية وربنا لربيكي وبيقرب منهاEsraaibrahim
فوزية طلعت تجري منه وقالت:.جاك لهوية يا بعيد داهية تاخدك كان مالي ومال الجواز
زاهد وهو بيجري وراها: بتدعي عليا يا زيزي مش هسيبك وفضل يجري وراها في الشقة كلها
فوزية جريت عالمطبخ ومسكت السكينة وقالت: لو قربت مني هرشقها في بطنك اطلعها من ضهرك وأنت عارف إني أعملهاesraaibrahim
زاهد بيرجع لورا وقاال: أنتي عنيفة أوي يا حبيبتي مش بتهزري ولا إيه نزلي السكينة بس كده ونتفاهم
فوزية: لأ اطلع برا الأول وأنا هنزلها
زاهد:.ماشي يا حبيبتي هطلع وعمل نفسه بيرجع لوراesraaibrahim
وفوزية لفت وشها وبتحط السكينة لقيت زاهد مسك ايدها وكتفها
فوزية اتخضت وقالت ابعد ياض انت يا غشاش
زاهد لفها ليه وباسها فى خدها وبص في عيونها وقال:.بحبك يا قلبي مش مصدق خلاص بقيتي مراتي وقبل ده بنتي العنيفة القوية
بموت فيكي وبحمد ربنا وبدعي إنه يحفظك ليا وأجيب منك عيال قردة زيك يجننوني
فوزية زقته وقالت:.قردة في عينك يا حيوان دا عسل وجامدين ومفيش اللي احناesraaibrahim
زاهد بغمزة:.من ناحية جامدين ففعلا جامدة أوي وبص عليها من تحت لفوق
فوزية بشهقة:.أنت يا سافل نزل عينك من عليا ومش تبصلي يا قليل الأدب استغفر الله العظيمesraaibrahim
زاهد: اومال ابص على مين لو مش هبص علي مراتي أبص لبرا يعني
فوزية:.ابقى اعملها كده وأنا اعورك واقلع عينيك واقطع رأسك عشان حرام تبص لغير محارمك يا بغل
زاهد: وكمان عشان بتغيري صحesraaibrahim
فوزية: ايوا عندك مانع وكمان عشان بحبك
وطلعت تجري على برا
زاهد وقف يستوعب قالت إيه
وجري وراها وقال استني
أنا سمعت صح ولا بيتهيألي
يتبع الفصل العاشر 10 اضغط هنا
google-playkhamsatmostaqltradent