رواية جاهلة الجزء الثاني البارت التاسع 9 بقلم زوزه "The Queen"
رواية جاهلة الجزء الثاني الفصل التاسع 9
نزل حسام الي أسفل وهو لا يفهم شئ وغير مستوعب لاي شئ ثم طلب من أحد موظفين الفندق أن يبعت أحد بملابس لميار لان ملابسها سكب عليها عصير فوافق الموظف وذهب لياتي لها بملابس بعد أن أخذ مقاسها من حسام .
جلس حسام في الاسفل وظل ينتظر ميار وبعد مده نزلت ميار وهي تنظر إلي الأرض ذهبت الي حسام الذي قال : يلا نمشي .
نظرت إلي الأرض بحزن وقالت : ماشي يلا انا مش قادره اقعد في المكان اكتر من كده .
نظر لها بحزن وقال : طيب تعالي نقعد برا في الحديقه نتفاهم شويه .
نظرت له بحزن وقالت بدموع : هنتفاهم في ايه يا حسام بعد اللي عملته قولي هنتفاهم في ايه .
نظر حوله في المكان وقال بحزن : تعالي نخرج من هنا بس يا ميار ثم اتي ليمسك يدها ولكن لم ترضي فأخذها وخرجوا الي الخارج وجلسوا في مكان بعيد عن الناس نسبيا .
تحدث حسام بحزن وقال : ميار انا مش عارف انا عملت كده ازاي انا مش فاكر حاجه اصلا ياريت تسامحيني يا ميار انا عمري ما كنت كده .
تحدثت بحزن وقالت : اسامحك اسامحك علي ايه بعد ما اتهجمت عليا بطريقه وحشيه قولي اسامحك ازاي ده احنا فرحنا معتش عليه غير اسبوعين حرام عليك ليه عملت فيا كده حرااام عليك انا عملتلك ايه قولي اقول لاهلي ايه دلوقتي امانوك عليا وانت استغلتني واستغلتهم حراااام عليك يا حسام وظلت تبكي بحسرة .
نظر لها بكسرة وقال بحزن : متخافيش يا ميار كل حاجه هتتصلح انا هكتب الكتاب من بكرا والفرح بعد اسبوعين زي ماهو انا معرفش عملت كده ازاي سامحيني يا ميار والله ما كنت في وعي وظل ينظر إليها بحسرة عليها وعليه وعلي ما اوصلهم الي هذه النقطه ثم اخذها واوصلها الي منزلها وذهب هو الي منزله وصعد إلي غرفته من غير كلام ودخل الي الحمام وذهب تحت الماء بملابسه ويحاول أن يتذكر اي شئ ولكن فشل فظل يبكي تحت الماء ....
____________&&__________________
بعد مرور أسبوع .
كانت وصلت قمر ورزان الي مصر وذهبوا الي منزل خال قمر تاني يوم حدث الحاج احمد قمر في موضوع عمتها فقال الحاج احمد : قمر يا بنتي كنت عايز اتكلم معاكي شويه .
نظرت له قمر ثم قالت : نعم يا خالو .
تحدث الحاج احمد بهدوء وقال : فاكرة يابنتي اخت أبوكي اللي كانت في الرضاعه بس كانت سافرت وبعدها انقطعت اخبارها وابوكي معرفش يوصل ليها كان أبوكي ديما يحكي ليكي وانتي صغيره قد ايه كانت جميله وطيبه فاكره يابنتي .
تحدثت قمر وقالت : ايوه فاكرها يا خالو دي كان بابا بيحبها اوووي وحاول يوصل ليها كتير بس معرفش لأنها كانت غيرت عنوانها بس مالها دي خالو .
تحدث الحاج احمد بهدوء وقال : رجعت يابنتي ورجعت تسال علي أبوكي وتدور عليكي وراحت بيتكم بس فيه ناس قالوها كل اللي حصل ودلوها عليكي وايجت هنا.
تحدثت بفرحه وقالت : بجد يا خالو طيب هي فين ثم تكلمت بحزن وقالت : اوعي تكون مشيت يا خالو من غير ما اشوفها .
رد الحاج احمد وقال : لا هي يابنتي قاعده في القاهره وانا معايا عنوانهم هنروحلهم بكرا ماشي يابنتي .
تحدثت بفرحه وقالت : ماشي يا خالو اخيرا هشوفها .
نظر لها الحاج احمد وقال : هتشوفيها يابنتي وهتتفاجئ بيها .
نظرت له باستغراب وقالت : اتفاجئ ليه يا خالو .
رد عليها وقال : بكرا تعرفي يا حبيبة خالك .
ردت هيا بفرحه : ماشي يا خالو ..
__________________________________________
ثاني يوم .
ذهبت قمر وخالها ومعهم رزان إلي مقابلة عمة قمر .
وصلوا الي الفيلا .
دخلوا ورحبت بهم الخادمه وجلسوا بالصالون .
نظرت قمر إلي خالها وقالت بأندهاش : فين عمتو يا خالو .
وجدت صوت يرد عليها من خلفها وهو يقول بفرحه : مينفعش ابن عمتك .
نظرت إلي خلفها باندهاش وقالت بصدمه : عدي انت بتعمل ايه هنا .
نظر لها بضحك وقال : ده بيتي يا قمر .
تحدثت بصدمه وهي تقول : بيتك ازاي يعني ده بيت عمتي اخت ابويا انت ايه جابك هنا يا عدي اكيد جاي تهزر صح .
نظر لها بضحك وقال : ابدا يا بنتي احب اعرفك بنفسي انا عدي ابن عمتك يعني انتي بنت خاااالي يا قمررررر.
نظرت له بصدمه ولم تستطع حتي التحدث ظلت تنظر له بصدمه .
اتيت والدة عدي وقالت : اخص عليك يا عدي البنت اتصدمت مش قولنا براحه هي لسه متعرفنيش ثم ذهبت وقفت أمام قمر بحب وقالت : تعالي في حضن عمتك يا بنت الغالي ياروحي انتي اللي كنتي جمبي ديما وانا معرفتكيش .
نظرت لها قمر بصدمه وعمتها تقف أمامها تفتح لها يديها وتقول لها أن تاني بالحضن ظلت تنظر بصدمه ثم نظرت إلي خالها الذي هز رأسه لها بالايجاب فوقفت وحضنت عمتها بدموع وهي تقول : كنت ديما احس انك قريبه مني بس معرفش ايه القرابه دي يعني انتي طلعتي عمتو ثم بكت في حضنها ظلوا هكذا مدة .
ثم قال عدي يضحك : هتفضلوا كده كتير خلينا نتكلم بقا البت دي اصلا وحشتني مشوفتهاش من زمان .
نظرت قمر له ثم قالت : يعني انت كنت عارف وكنت بتكلمني ومش بتقولي .
رد عليها وقال : كنت عايز اعملك مفاجأة واشوف الفرحه اللي في عنيكي دي وطلعتي بنت خالي .
نظرت له بضحك وقالت : انت اكيد ما صدقت .
نظر لها بفرحه وقال : اكيييييييييد .
ظلوا يتحدثون ويضحكون .
ثم بعد مدة قام الحاج واستاذن أنه سيغادر فقامت معه قمر ورزان فقالت ام عدي : قمر خليكي معانا يابنتي اقعدي معايا انتي وحشاني وخليني اشم ريحة أبوكي فيكي بقلم زوزه.
نظرت قمر إلي خالها بتوتر وقالت : يعني عشان معايا رزان وكده ومش معايا هدوم .
تحدث عدي وقال : هاخدكم مع السواق نوصل خالك وتيجيبي حاجتك انتي وصحبتك واقعدوا معانا لغاية الافتتاح عشان تحضريه هو بعد اسبوعين .
نظرت قمر إلي خالها الذي تحدث إليها وقال : اقعدي مع عمتك يا قمر هي ليها عمر مشافتكيش وخلي معاكي صحبتك وعشان فرح حسام بردو تحضروه هنا .
اومات براسها وقالت ماشي وذهبوا يوصلوا الحاج احمد واحضروا ملابسهم وجلسوا معهم .
____________$________________$_$_____
ثاني يوم في الصباح .
في فيلا عدي .
كان عدي ووالدته وقمر ورزان يجلسون علي طاوله الافطار .
فقالت قمر وهي تنظر إلي عمتها : عمتو انا انهارده عايزه اروح انا ورزان نجيب فساتين عشان فرح حسام وعايزه اروح اسلم علي عمتو بردو واشوفها محتاجه حاجه عشان الفرح أو اساعدها في اي حاجه .
نظرت لها عمتها وقالت : ماشي يا حبيبتي روحي وخدي عدي يوصلكم تجيبوا فساتين ويوصلكوا عند عمتك ولما تخلصوا رنوا عليه يجيلكوا.
ردت عليها قمر وقالت : ماشي يا عمتو .
تحدث عدي بضحك وقال : سواق الست قمر انا بس يلا انا كده كده مش بمشي غير بسواق معايا عشان معرفش الأماكن هنا .
نظرت له بضحك ثم قالت : ده انا همرمطك معايا ساعه الفستان زي ما انت كنت بتمرمطني معاك في لبسك فاكر .
نظر لها بضحك وقال : خلي قلبك ابيض يا قمر بقا .
نظرت له بضحك وقالت : لاااااا .
وبعد مده قاموا وذهبوا الي منزل حسام وكان عبارة عن فيلا .
دخلت قمر ومعها رزان وعدي ورحبت بهم عمتها وجلسوا سويا معها وبعد كدة اتي حسام وقال : ازيك يا قمر عامله ايه .
ردت عليه بابتسامه وقالت : الحمد لله كويسه وانت عامل ايه الف مبروك .
رد عليها بابتسامه : الله يبارك فيكي ثم نظر لها باستغراب من وجود عدي وقال : كنتي بتقولي انك هتبعدي عننا احنا الاتنين بس اللي شايفه عكس كده ده جاي معاكي مصر وقام برفع حاجبه بتريقه .
نظر له عدي بحده ثم قال : لا انا هنا في مصر قبل قمر بفتره اصلا معرفتكش بنفسي انا صاحب شركه القمر اللي فتحت في مصر هنا واه نسيت اعرفك بردو قمر تبقي بنت خاااالي يعني زيك زي ثم قام وقف بعصبيه.
نظرت قمر له وقالت : اقعد يا عدي اهدي حسام ميقصدش هو لسه ميعرفش ثم نظرت إلي عمتها وقالت عمتو عارفه عمتو اخت بابا في الرضاعه .
نظرت لها عمتها باندهاش وقالت : ايوه بس اخبارها انقطعت عن أبوكي من زمان انا عمري ماشوفتها بس كنت اسمع عنها ديما من امي واخويا الله يرحمهم.
تحدثت قمر بهدوء وقالت : ماهي لما نزلت مصر راحت بيتنا القديم وسألت علينا وكده ووصلت لبيت وعرفت اللي حصل بقا وطلعت ام عدي هي عمتي وعدي طلع ابن عمتي .
نظرت ام حسام له وقالت : تعالي في حضني يا عدي يا حبيبي انا في مقام خالتك يا حبيبي ثم أخذته بالحضن وهي تقول لازم أقابل امك هي اخت محمد تبقي اختي كنت وانا صغيره بغير منها وعمري ما حبيت اشوفها بس محمد كان بيحبها اوووي وانا هحبها زي ما هو بيحبها ثم نظرت إلي حسام وقالت : حسام تروح تعزم خالتك في بيتهم وتعزم عدي بردو هو يبقي ابن خالتك .
نظر لها حسام بصدمه وقال : يعني ايه ابن خالتي انا مش فاهم حاجه .
قالت والدته: هفهمك كل حاجه يا حسام .
نظرت لها قمر وهي تقول : طيب انتي ياعمتو محتاجه مني اي مساعدة عشان الفرح لو في اي مساعدة قوليلي وانا هساعدك فيها .
نظرت لها عمتها بحب وقالت : يا حبيبه عمتك ياعمري لا ياروحي حاجة الفرح كلها جاهزه لانه هيكون في الاوتيل وهما متكلفين بكل حاجه .
قامت قمر وحضنتها وقالت : ماشي ياعمتو لو احتاجتي اي حاجه كلميني وانا هكون عندك علي طول ودلوقتي هستاذنك عشان نروح نجهز فساتين الفرح .
ردت عليها وقالت : ماشي يا حبيبة عمتك طيب ما تقعدي معايا لغاية الفرح .
ردت عليها بحب وقالت : معلش يا عمتو مره تانيه بس عمتو مامت عدي هي لسه عارفه اني بنت اخوها وعايزاني افضل جمبها شويه وقالت لخالو وهو وافق مره تانيه هقعد معاكي .
ردت عليها بحب وقالت : ماشي يا حبيبتي علي راحتك ده بيت عمتك والتاني بردو بيت عمتك .
تمتم حسام بصوت واطي وهو يقول : قال تقعد هناك عشان عمتها قال هتلاقيها قاعده عشان عدي اللي ما صدقت يكون كده ويمكن تكون هي اللي قايللاه علي الموضوع ده وهو ايجه ومثلوا عشان يكونوا مع بعض اشكال وسخه الحمد لله لولا الحلم اللي نجدني منها كان فاتني ضعت معاها .
سمعه عدي ثم قام وقف بعصبيه ويحاول مسك أعصابه من أجل عمته التي تجلس وقال : يلا يا قمر عشان رزان بردو عايزه تجيب حاجات ولسه قدامنا حاجات كتيره .
تحدثت بهدوء وقالت : ماشي ثم ودعت عمتها وباركت الي حسام الذي لا يطيقها وذهبت مع عدي ورزان الي المول لياتوا بالفساتين وبالفعل رزان وقمر طلعوا عين عدي معاهم في الفساتين واللف علي المحلات وهو لم يزهق ولكن كان يضحك معهم ويمثل أنه زهق منهم ولكنه كان يحب أن يقضي أي وقت مع قمر حبيبته ..
يتبع الفصل العاشر 10 اضغط هنا
- الفهرس يحتوي على جميع فصول الرواية (رواية جاهلة الجزء الثاني كاملة)