رواية بنت اغاريس الفصل الثامن 8 - بقلم سمية عامر

الصفحة الرئيسية

رواية بنت اغاريس البارت الثامن 8 بقلم سمية عامر

رواية بنت اغاريس كاملة

رواية بنت اغاريس الفصل الثامن 8

فتح هتلر الباب كان ادم و نارين واقفين قدام اوضته
ادم وهو بيحط أيده على خدها : انا سعيد جدا انك جيتي هنا جنبي ..احم اقصد جنبنا 
بعدت نارين أيده و قربت منه اكتر 
اتعصب اياد من المنظر و قفل الباب و دخل البلكونة 
اياد لنفسه : اهدا ..اهدا اه هي طلعت عايشه بس انت ملكش دعوه بيها اخوك شكله بيحبها خلاص انتهى متتعصبش لما تشوفها 
نارين وهي بتقرب من ادم بعصبيه : انت رمتني قولتلي اطلعي الاوضه و مشيت سبتني و مشيت 
ضربته على صدره جامد و فضلت تصرخ : انا بكرهك انت و كل العيله دي انتو كرهتوني في طفولتي 
ادم مسك ايديها : اهدي ..انا مكنش قصدي اعمل كل ده حقك عليا 
عيطت وهي بتتكلم : انت و جدي سيبتوني للشارع و اخوك افتكرني مليش أهل حاول يعتدي عليا وانا طفله انا عملت ايه لكل ده ايه ذنبي 
ادم بحزن : مش ذنبك ذنب المجتمع الجاهل اللي يخليهم يلعبوا بطفله مكملتش ال 15 
غمضت عينيها و مسحت دموعها و نزلت جريت على تحت 
فضلت واقفة في جنينه الفيلا كانت تعبانة نفسيا و جسدياً و محتاجه ترتاح أفكارها تعباها هي بنت مين و ليه ابوها اختفى فجأة هو فين و هو مين ...افكار كتير لحد ما صرخت ووقعت اغم عليها 
صحيت بعد دقيقه وهي راسها تقيله فتحت عينيها بصت حوليها لقيت اياد قاعد يكتب في ورق 
نارين بخوف وصدمه : انا ايه اللي جابني هنا انت عملت فيا ايه 
غمض عينه واتنهد وقال :اولا انا معملتلكيش حاجه .. ثانياً انتي فقدتي وعيك في الجنينه وانا الوحيد اللي شوفتك و جبتك هنا عشان محدش يقلق عليكي من اهلك و اعتقد انك بقيتي كويسه يلا روحي لأهلك 
استغربت نارين من طريقة كلامه الباردة و قامت من على السرير بكل هدوء و كانت هتخرج 
اياد : استني 
قام وقف و راح ناحيه الدولاب جاب الشال بتاعها 
اياد وهو بيمد أيده بالشال ببرود : ده وقع منك تحت جيبتهولك اتفضلي 
نارين بتعب : شكرا 
خدته و مشيت راحت اوضه امها و خالتها 
في اليوم التاني وصل ماهر جد نارين زي المجنون 
فضل يخبط على الباب 
فتحت الخدامة بعدها عن الطريق و دخل 
ماهر بعصبية : بناتي فين 
محمود وهو قاعد بكل جفاء :اقعد يا ماهر بناتك كويسين 
ماهر بعصبية : كويسين ازاي ايه اللي جابهم هنا و لخمس سنين كانوا فين 
خرجت سهير اول ما سمعت صوت ابوها و نزلت تحت و تليها مروة 
سهير من وراه : بابا ..
ساب محمود و راح ناحيه بنته حضنها جامد : مشيتي ليه يا بنتي مشيتوا ليه و سيبتوني انتي واختك 
مروة بحزن : حقك علينا يا بابا اسفين 
راحت مروة حضنته 
كانت نارين بتبص من فوق عليهم وهي زعلانة 
هتلر من وراها : موحشكيش مش هتروحي تسلمي عليه ؟ 
نارين بحزن وهي لسه بتبص عليهم : هو مش عايزني هو عايز بناته بس 
هتلر : مين قال أنه مش عايزك هو قالك 
نارين : من خمس سنين لما هربت من البيت ده ادم ساعدني عشان الاقي فندق انام فيه لحد ما ارجع لاهلي ...جدك جه وقتها و طلع تليفونه و خلى ادم يقرأ رسالة اللي كان محتواها أن جدي مش عايزني لاني نتيجة اغتصاب نتيجة زنا انا بنت زنا مليش اب ولا حتى كان ليا حياة 
زعل هتلر و قرب منها حط أيده على كتفها : اعتبريني ضهرك و سندك حتى لو زعلانة مني بسبب اللي حصل زمان افتكري اني معاكي و حتى اعتبريني ابوكي 
بصتله نارين وهي عينيها مليانة دموع : انا لو شوفت اللي اسمه ابويا ده هقتله من غير ما ارحمه هو سبب انك كنت ...زمان وانا ...كنت هتعتدي عليا 
هتلر : لا مش ده السبب انا مكنتش هعتدي عليكي انا كنت بخوفك مني عمري ما كنت هلمسك بس وقتها انتي كنتي بتردي الكلمه ب 100 وانا مكنتش بستحمل أي حد يعصى اوامري و انتي اديتيني درس ( رفع التيشرت كانت لسه اثار السكينة على بطنه ) اعتقد بعد كده مش هقدر اعملك حاجه يا مفتريه 
نارين : بس تستاهل احسن ياريتني كنت ضربتها في قلبك بس اعمل ايه كنت صغيرة جرب تاني كده وانا اشرحك المرادي 
ضحك هتلر وقرب اكتر : المرادي انا مش هقاوم و ....
نارين وهي مركزة في عينه : و ايه 
باسها من خدها و قرب من ودنها و بهمس :مش هقاومك لما تضربيني في قلبي 
بعدت نارين عنه وهي متوترة و جريت على تحت 
ضحك هو و بص عليها من فوق بحزن : هعرف مين فيهم ابوكي ووقتها اعملي معاه اللي يريح قلبك 
في الوقت ده كانت إيناس راجعة مصر هي و ابنها و جوزها و احمد ابنها الكبير (25 سنه )اللي عنده اعاقه في لسانه و شلل في رجله الشمال و كان جليس الكرسي 
خبط جرس الباب وهما واقفين فتحت الخدامه 
دخل فارس ابن عم ادم و اياد عمهم حسن 
كان شاب في العشرينات شعره اصفر عيونه خضر نسخه من ايون ابوه اللي كان داخل بشموخ وهو بيتكلم في التليفون و خلص المكالمه و راح يسلم على أبوه بس اتصدم لما شاف سهير و احمرت جفونه كان ماهر قعد و بناته جنبه 
حسن بصدمه : سهير ..انتي هنا 
راح فارس ناحيه جده سلم عليه 
محمود : حسن يابني اطلع غير هدومك و تعالى اقعد مع الضيوف 
فضلت سهير تبصله كان وشه مش غريب عليها بس مش فاكره شافته فين 
ماهر بغضب : متبصيش عليه يا سهير 
سهير : بابا في ايه مش ببص على حد بس هو عرفني منين 
نارين وهي بتقرب منهم : ماما انا هخرج 
ماهر : مين دي ...نارين ؟!
فتح ماهر أيده : يا روحي على عروستي اللي كبرت تعالي في حضن جدو 
نارين : لا معلش لازم اخرج 
جات تخرج فارس وقف قدامها : مين الجامدة 
نارين بغيظ : العب بعيد يا حبيبي 
فارس : حبيبك ...قوليها تاني كده طالعه منك حلوة 
هتلر من فوق : طب ما تيجي نشوف انا هطلع منك ايه 
بص فارس لفوق و خاف : ايدا هتلر ..لا انا رايح ال .ال س سلا سلام 
ضحكت نارين و ظهرت غمازاتها الكبيرة اللي واضحه في وشها و يمكن كانت أول مره تضحك من وقت ما دخلت البيت ده 
ابتسم هتلر و دخل أوضته 
خرجت نارين و فضلت تبص حوليها هي في اجمل الاماكن اللي في مصر اتنهدت و قررت تروح البحر دخلت جوا تاني و نادت امها 
نارين بهمس : ماما انا عايزة فلوس 
سهير : ليه 
نارين : لما ارجع هقولك يلا بقى حطي ايدك على جيبك و طلعي 
ضحكت سهير و ادتلها فلوس 
خدتهم نارين و جريت 
نزل ادم من فوق وشافها وهي بتجري 
ادم وهو بيبص عليها : احم ...هي نارين رايحه فين 
امها وهي بتبسمله بمكر : ليه عايز تعرف هتروح وراها ولا ايه 
ضحك ادم و حط أيده على راسه : لا هروح وراها ليه انا بس بطمن عشان هي متعرفش حاجه هنا 
سهير : متقلقش بنتي ب 100 راجل دي مره تاهت مني في السوق كانت 9 أو 10 سنين  لقيتها راكبه فوق راس راجل و ماسكه مكيرفون و بتقول : يا ماما ...يا ست انتي ناسيه بنتك في شارع اين انتي يا امرأة بزمتكم في ام كده ايه الامهات دي 
فضل ادم يضحك من قلبه : بنتك مجنونة معلش بقا انا ...بصراحه مش عارف اقولك يا طنط أصل انتي قريبه مننا في العمر 
سهير بابتسامه ساخره : طنط ..اه طنط روح يا آدم عشان هناديلك نارين 
...
اشترت نارين خيمه و ركبت تاكسي و راحت عند البحر في مكان معزول 
رمت الخيمه على الأرض و رمت تليفونها و صرخت : اخيييييييرا بقيت لوحدي 
فات اكتر من 4 ساعات و نارين مرجعتش 
قلقت امها و خالتها عليها و كل شويه يتصلوا يلاقوا التليفون مغلق 
ادم بقلق : لسه مفيش رد 
محمود ببرود : تلاقيها بتلعب هنا ولا هنا 
خرج هتلر وهو بيحط مسدسه في جيبه 
ادم : رايح فين 
خرج هتلر من غير ما يرد عليه كان القلق مسيطر عليه 
كانت نارين نايمه على الميه بالبنطلون الاسترتش و تيشرت بنص كم و قلعت هدومها و حجابها في الخيمه على اساس مفيش حد هنا و غمضت عنيها 
حست بحركه و صوت فتحت عينيها لقيت عيل صغيرة جوا الخيمه وهي في الميه بعيدة 
نارين من الميه : حبيبي اخرج برا الخيمه 
راح الواد طلعلها لسانه و خد هدومها و فلوسها و حتى التليفون و كان بيفك الخيمه عشان يسرقها 
جريت نارين في الميه و الواد بيفك الخيمه و هو بيغني 
نارين : والله لما اجيلك لاخليك تعيط من العض اللي هعضهولك ابعد ياض عن اللبس يخربيتك 
بصلها الواد و فتح تليفونها كان من غير باسورد فضل يصورها وهي جايه و عماله تشتم و يضحك 
نارين : يابن ال**** ده انا هاجي انفخ امك 
خد الواد الحاجه و جري ركب على عجله 
خرجت نارين و حاولت تمسكه معرفتش و فضلت تعيط 
خرج هتلر يدور عليها بالعربيه بتاعته مكنش ليها اي أثر 
و ادم خد فارس و طلعوا يدوروا عليها كان هيتجنن 
بدأ الجو يعتم و الليل يعلن حضوره كانت خايفة مبلوله زي الكتكوت 
غمضت عينها و فضلت تعيط : يارب ابعتلي معجزة يارب يارب 
لسه بتكمل دعاء لقيت اللي حط أيده على كتفها : انتي هنا ...انتي كويسه 
قامت نارين و حضنته جامد وفضلت تعيط ..
يتبع الفصل التاسع 9 اضغط هنا
google-playkhamsatmostaqltradent