رواية فتاه الظلال وعهد الجن البارت الثامن 8 بقلم جوري محمد
رواية فتاه الظلال وعهد الجن الفصل الثامن 8
مدحت انتم عارفين الكتاب بيقول ايه
سهر بيقول ايه ما تتكلم بقى يا عم هتطلع روحنا ليه
مدحت يا عم وهتطلع روحنا ليه
وائل ماتاخدش في بالك واتكلم يا عمي
مدحت هاتكلم
رقم واحد لازم سهر تشرب دم من دمك
رقم اثنين لازم انت وهي تتجوزوا
ثلاثه لازم يتم كل ده في اقرب فرصه قبل التحويل
سهر انا مستحيل اعمل كده اشرب دم ايه يا عم دي حاجه مقرفه قوي
مدحت هو ده اهم شرط فيهم
سهر طيب ما ينفعش اخذه في الوريد على طول نقل دم يعني
مدحت هاشوف كده يمكن الاقي حاجه في الكتاب بتقول كده
وائل طيب ده علشان سهر تتحكم في القدرات بتاعتها
مدحت لا ده علشان كان هيساعدك وانت بتتحول
سهر ايوه بس احنا عايزين الخطوات اللي تساعدني اني اتحكم في قدراتي الاول يمكن اقدر ساعتها اتحكم في وائل من غير ما اعمل الحاجات دي كله
مدحت طيب بالراحه علي ما انا بقرا اهو الكتاب كبير قوي
سهر استاذي الفاضل انت متخرج من ايه في مدارس العفاريت عندكم
مدحت بيضحك انا دكتور بشرى يعني مش محتاجه فقاقه
سهر يا راجل طيب انت واخدها عندنا ولا عندكم
وائل وهي هتفرق في ايه يا سهر
سهر ايوه ما هو لو واخدها عندنا يبقى واخذها بالكوسه انما لو عندكم اوع تكون الكوسا وصلت عندكم انتم كمان هههه
مدحت خذ سهر يا وائل روحوا تعشوا قعدوا في الجنينه بره لو هي فضلت هنا شكلي كده هتحول وهي اول واحده هاخلص عليها وهرعبها من التحول ده باقوللها دكتور بشرى بتقولي عندنا ولا عندكم ايه الغباء ده
وائل حاضر يا عم تعالى خلينا نقعد بره
سهر انا جعانه عايزه اتعشى هتاكلونا ايه في المكان ده
وائل اكيد هنا في لحمه والسمك وحاجات كثير يعني اختاري اللي انت عايزاه
بقلم جوري محمد
سهر ايوه يا عم انا عايزه اكل جبنه مضمنش اللحمه بتاعتكم نوعها ايه
وائل معك حق برده الوضع دلوقت يختلف حتى انا متهيالي اخاف اكلها
سهر ايوه ممكن تكون لحمه كده ولا كده كلاب حمير بني ادمين
وائل لا احنا هناكل جبنه احسن
ونسيبهم ونروح عند ادهم ونجمه
ادهم نجمه حاسس بك من ساعت ما دخلتي المكان
نجمه طول عمرك بتحس بي اول لما باجي
ادهم بس انت لسه زي ما انت نفس الجمال والرقه على فكره حفيدتك كلها انت بالضبط نفسي عينيك ولمعه الجن اللي فيهم بتشد على طول
نجمه ما تنكرش انها جميله هي احلى من مامتها غير كده جميله بجمال البشر
ادهم بس مش احلى منك
نجمه المهم احنا لازم نخليهم يتجوزوا عن حب علشان المعاهده تستمر غير كده ارتباطهم هيفك التعويذه اللي عملها سليم من زمان بالغلط
ادهم طيب وانا هكسب ايه
نجمه انك ترجعي العشيره بتاعتك ثاني وتبقى الملك كمان لما وائل يتنازل لك عن العرش
ادهم وانت هتكسبي ايه
نجمه انا هابقى حره انت عارفني مش باحب الملك انا بحب الحريه وبحب جدا اتنقل بين العالمين
ادهم طيب ومدحت
نجمه مدحت هيبقى حر زاي عايز يفضل في العشيره يفضل يفضل بين البشر زي ما يحب
ادهم ماشي نتفق على الخطه اللي هنعملها علشان نخليهم يحبوا بعض
نجمه هي مش محتاجه البنت حفيدتي تتحب على طول يا اخي
ادهم على اساس ان انا ابني وحش ما يتحبش على طول
نجمه خلاص نتفق على الخطه٠ يحسن انا حاسه ان احنا هنقلب على البني ادمين شويه ونقعد نقول لا ابني احسن لابنتي احلى والكلام اللي بيضيع الوقت و ملوش لازمه ده
ادهم انا حاسس كده برده من عاشر القوم اربعين يوم واحنا معهم بقلنا كثير فاكيد خذنا من طبعهم ولا شويه صغيرين
نجمه طب يلا يا اخويا
يلا ونسيبهم ونروح عند ناصر
ناصر بيتكلم مع المجموعه بتاعته ناصر احنا لازم ناخذ سهر الى صفنا ده هايقوي مكنتنا بين العشائر واحنا نتحكم فيهم وبدل ما احنا منبوزين لا يبقى هم اللي بيتمنوا يقربوا منه
واحد من اتباعه انا باقول نخطف جدها ونخليها تبقى معنا غصبا عنها
ناصر لا هي عندها قدرات جامده جدا وممكن تكون عندها القدره التحكم في عقلنا يعني مش هينفع نسيطر عليها الا برضاها اكيد في طريقه نخليها تبقى ضمن المجموعه بتاعتنا من غير اي حاجه ايه ما تتكلم يا عبقري التاريخ مش انت اللي معك الكتب الخرائط والطلاسم بتاعت كل حاجه بتحصل
مفكر المجموعه نعمل رباط الدم
ناصر يعني ايه رباط الدم
مفكر يعني نخلط دمك بدمها هنخليها مرتبطه بك وبالتالي لو حاولت تتحكم فيك مش هتعرف لانك هيبقى معك جزء من قوتها
ناصر طيب و ده هيتم ازاي وامتى
بقلم جوري محمد
مفكر المجموعه لما يجي معاد جوازها من العفريت علشان الهدنه لازم واحد فينا يكون هناك يوصل لها الدم بتاعك ويعمل اختلاط بينك وبينها
ناصر ايوه دي طريقه حلوه بس لغايه ما يجي ميعاد اللي لازم يحصل فيه ده لازم نزرع واحد بين العفاريت واحد بين الجن وانا هتصرف فيهم دول
ونسيبهم ونروح عند مدحت وسهر وائل
مدحت يا وائل انا لقيت خلاص التعويذه اللي هنعملها علشان سهرت تبدا تتحكم في قدرتها
وائل طيب مستني ايه
مدحت سهر الاول لازم تروح العالم السفلي
وائل يعني ايه ده
سهر وده اركب له كم ومنين
مدحت اسكتي خالص يا سهر لما اخلص كلامي ده هتروحي بتعويذه اعملها جسمك هيبقى هنا والروح هتبقى هناك لازم تعودي نفسك على التحكم في قدراتك هناك لانك تعتبر جزء من العالم ده
سهر يعني هو عباره عن ايه
مدحت بصي يا ستي ده هتلاقي فيه كل العشائر بس هتلاقي في الطبقه المتوسطه و المنبوذين من عشائرهم
سهر يا راجل بجد يعني من الاخر كده هاروح عند العالم اللبط المتشردين بتوع العشائر اللي كلهم شغب و ضرب وحاجات من دي
مدحت ايوه لانك لو قدرت تعيش يوم واحد في المكان ده و تتعلمي على انك تتحكمي فيهم وهم يتبعوك من غير نقاش يبقى هتقدر تتحكمي بسهوله في الواقع
سهر ولو ما قدرتش اموت يعني ما تشوف لنا حاجه اسهل من كده انا عمري ما اتخنقت مع حد خالص
مدحت ما فيش طريقه غير كده
وائل طيب ممكن اروح معها
مدحت هيبقى خطر عليها وعليك جدا لانك اساسا لسه متحولتش فهناك هتبقى باين انسان عادي و وده خطر واول ما تروح معها كلها ها يتهجموا عليك انما هي طاقه النور بتاعتها هتعمل لها غلاف حمايه
سهر والله انا من ساعه ما شفتك وانا مش مطمئنه لك حاسس كده انك انت عامل زي بتوع السياسه بيعملوا لنا كل حاجه حلوه وما فيش مشاكل ونعرف الكارثه الكبيره بعد كده
مدحت على فكره انا ضغطي بيعلى منك بس المشكله ان احنا العفاريت لما ضغطنا بيعلى بتحصل كوارث
سهر يعني هتعمل ايه يا استاذ مدحت انا عمري ما شفت ولا تخيلت نفسي بتتخانق مع احد لما اتخانق اروح اتخانق معه مصاصين دماء ومستذئبين جن عفاريت كل حاجات دي يا عم مره واحده شوف جسمي قد ايه ده انا كل حكايه 50 كيلو اوعى يغرك اني طويله شويه يعني متهيالي هم هيطير وني
مدحت يا بنتي حرام عليك افهمي خليك معي انت يا وائل وابقى فاهمها بعدين احنا هنبقى متابعينك من هنا عن طريق التعويذه اي حاجه هتحصل لك نكسر التعويذه وتخرجي ثاني عندنا بس انت حاولي تركزي دفع نفسك مش بيديك ولا اي ضرب انت تدافع عن نفسك بعقلك تقدري تخليهم يبقوا تحت امرك كده تسيطري على افكارهم من جميع الجوانب
سهر انت متاكد ان هعرف اعمل كده
مدحت هو انا اللي متاكد منه انك انت عندك القدره اللي تخلي اللي قدامك يتمنى الموت علشان ما يقف معك ويتكلم اصلا انا قلت اللي عندي وانت فكري يلا اطلعوا بره
وخرج وائل وسهر بره
سهر يا عمي هو عمك مش طايقني كده ليه طيب والله اول واحد بعد ما اتعلم ازاي اتحكم في عقله اخليه يضرب نفسه 100 شبشب والله هيبقى شكله مسخره
مدحت على فكره انت لسه ما مشتيش بعيد فانا سمعتك ما تقلقيش عندي التعويذه اللي تخليني احمي نفسي من اي احد يقدر يتحكم في اخلصي يا سهر علشان ما فيش وقت شوفي هتعملي ايه علشان نبدا
سهر خلاص نبدا وخلاص يعني هي هتبقى موته ولا اكثر
بقلم جوري محمد
مدحت طب يلا بينا
سهر على فين
مدحت على المكان اللي فيه البوابه يا غبيه
سهر ما تقولش يا غبيه
وائل كفايه انتم الاثنين بقى ويلا خلينا نمشي
ومشيوا هم الثلاثه لمكان بعيد في الجبل
مدحت بدا يتكلم كلمات والجبل اتفتح قدامه
سهر يا لهوي ايه هي بدايتها كده هتلاقيه مليان ثعابين وعقارب كثير
مدحت انت بتتكلمي بجد شايله هم العقارب والثعابين ربنا يستر على اللي جاي
وائل ما تقلقيش يا سهر احنا معك
سهر. يا اخويا هتبقى معي هنا ولا مع هناك اللي معك هنا الجته والروح هتبقى هناك في العالم السفلي يا لهوي يا ماما
وائل على فكره انت بيئه طحن انا هاشوف ايام سوداء معك
سهر وانت هتشوف معي ليه يا اخويا اول ما نخلص المهمه كل واحد هيروح لحاله
وائل انت نسيت ان احنا لازم نتجوز
سهر مش لما ارجع من اللي انا رايحه له الاول
مدحت اخرسوا انتم الاثنين عايزه اشتغل في هدوء
سهر اهو قلب وبقى راجل اعماله
مدحت😏😏😏🤨 وبدا مدحت يحضر كل حاجه وفعلا كتب التعويذه و بدا يشتغل وسهر راحت في سابع نومه
سهر صحيت لقيت نفسها في مكان غريب ايه ده الظاهر هو ده العالم اللي انا بقيت موجوده فيه وسهر ماشيه في مكان زي السوق وهي حاسه ان الناس بدات تبص لها
سهر الاشكال الوحشه هنا كثير جدا وهنا شافت مصاصين الدماء وهم بيتخانقوا مع المستذئبين
سهر ركزي يا سهر كده يمكن تعرفي تفضي الاشتباك بينهم
ونسيبها ونروح عند وائل ومدحت
وائل يا ترى هي عامله ايه دلوقت
مدحت ما تقلقش هي هتبقى كويسه وفجاه لقوا سهر اترمت من على السرير
وائل ايه ده اللي عمل فيها كده
مدحت شكلها بدات المشاجرات في المكان اللي هي وائل طيب هاتها مش انت قلت عندك التعويذه اللي ترجعها
مدحت انا كذبت بس قلت كده علشان قلبها يجمد
وائل انت اتجننت يا عمي يعني هي ممكن تموت
مدحت انا ما اعرفش بس هي كانت لازم تعمل كده علشان تقدر تتحكم في القدرات بتاعتها لازم تقابل المخاطر وهي مش هتعملها الا في المكان ده الكتاب بيقول كده
وائل شالها وحطها ثاني على السرير و دماغه غرقانه دم وبدا وائل يعمل لها الاسعافات الاوليه
ونسيبها ونروح عند ناصر
واحد من اتبعه الحق المختاره في العالم السفلي
ناصر انت بتقول ايه بجد
الشخص ايوه هي دخلت دلوقت هناك وفي حرب بين مصاصين الدماء والمستذئبين
ناصر طب يلا بينا هي دي الفرصه المناسبه ان انا ارتبط بها بالدم وفي نفس الوقت نساعدها
يتبع الفصل التاسع 9 اضغط هنا
- الفهرس يحتوي على جميع فصول الرواية (رواية فتاه الظلال وعهد الجن كاملة)