رواية أقارب صدفه البارت الثامن 8 بقلم دعاء زينه
رواية اقارب صدفه الفصل الثامن 8
وصلنا المرة اللى فاتت إن سليم خرج من البيت يجيب حق مراته سليم اتصل عالشخص
سليم:سلام عليكم
الشخص:اهلا ياسولم باشا
سليم:اهلا يا عمرو ازيك
عمرو:بخير نحمده خير
سليم:محتاج قبلك ضرورى انت فين
عمرو:تنور انا فى مكان شغلى تعالالى عالهناك
سليم:ماشى نصايه وهتلاقينى عندك
(محلوظه بس عمرو ده مهندس كمبيوتر)
وصل سليم لعمرو وقابلوه
عمرو: اشرقت الانوار يابن الغرباوى
سليم باقتضاب:ده نورك يا عمرو
عمرو:مالك ياصاحبى فيك ايه
سليم بغيظ:فيه واحد ابن. استباح حرمة بيتى وصورنى وانا حاضن مراتى
عمرو:أهدى ياصاحبى هنعرف مكانه دلوقتي ومش بس كده لا وكمان هنشيل الفيديو خالص بس هدى خلقك انت انا معاك
سليم:تسلم ياصاحبى
وجاب عمرو كل المعلومات اللى هى اسم وعنوان الشخص اللى نزل الفيديو واول ماسليم عرف مستناش حتى يرد على عمرو
سليم بلهوجه:كتر خيرك ياصاحبى
عمرو بيحاول يمسكه:استنى بس انا جاى معاك
سليم:لااااااا ده حقى مراتى وانا اولى بيه
وسابه ومشى ووصل العنوان اللى خده من عمرو واول ماوصل نزل
سليم شد مسدسه من التابلو ودخل البيت
سليم:مين فيكوا الهرم
محدش بيرد
رفع السلاح في وشهم وبصوت جهورى
سليم :لآخر مرة هسأل مين الهرررررررم
كلهم خافوا وشاورا على اوضه مقفول وقالوا هناك هناك
دخل سليم وشده ونازل فيه ضرب
سليم:انا يابن الكلب تستبيح حرمتى ورحمة امك لدفنك النهاردة انت فاهم
الهرم بهلفطه:مراتك بردوة ولا مقضيها معاها فى بيتكوا هاااا قول متتكسفش
سليم خلاص فقد اى ذرة عقل :فكر بس مجرد تفكير أن تقول كلمه تانيه لحد مانوصل واحطك تحت رجليها ياكلب وهكون دفنك تحت رجلى انا هنا فاااهم كل ده وطبعا سليم نازل فيه ضرب وياريت اكتفى بضربه لا ده كتفه عالكبوت العربيه عشان يخليه عبرة لاى حد فكر أنه يجيب سيرة مراته وحبيبته أنه يتعمل فيه اكتر من كده
بعد ماكتفه وركب العربية ومشى بيهى وكل اللى يشوفوه يترعب من منظره الواد واللى حصل فيه خده عالبيت الحاج سويلم
سليم:حااااج سويلم اهووو اللى استباح حرمتى ولا له عندى ديه عاوزك دلوقتي تلم الخلق اللى كنت جايبهم وجاى عشان يشوفوا جزاء اللى يفكر يقول كلمه عفشه فى مراااااااتى
وسابه ومشى واول ماوصل البيت فى جنينه البيت وقف وبصوت عالي
سليم: ندددددددددددددى يانددددددى
خرجت ندى والكل اتجمع أهل البيت والبلد كمان بسرعه غريبه
ندى اول ما شفته اتصدمت ووقفت عالباب
سليم بصوت عالى:قربى هنا يابت عمى
ندى اترعبت من صوته وقربت جرى واول ماقربت
سليم رمى الواد تحت رجليها وقال
سليم:وحياة امك لاقتلك تحت رجليها ياكلب
ونزل فيه ضرب تانى ومش مبطل والواد خلاص مش قادر
هرم:الحقنى الحقينى ياست هانم هموت مش قادر خلاص
سليم:بعد ياوسخ عنها ياقسم بالله ادفنك حى ولا ليك عندى ديه
هرم:والنبى ياناس حد يلحقنى
سليم خلاص جاب آخره وطلع المسدس وكان خلاص هتفيض روح إلى بأريئها
هنا ندى قررت تخرج من حالة الصدمه اللى هى فيها
ندى بتمسح دموعها:سلييييييييييييييم عشان خاطرى لاااا
سليم سمع صوتها زى اللى اتصنم مكانه ولف ليها
سليم:ده السبب فى حالتك دى
ندى بانهيار :صح يبقى نعقابه بالقانون مش نقتله انت مش كده
سليم بصوت عالى:هبقى كده هبقى كده مع اى حد يفكر أنه ينزل دمعة من عينيك
ندى بانهيار قربت منه:سليم عشان خاطرى انا خايفه طمنى ياسليم عاوزاك تتطمنى
سليم مأن الكلمه نزلت عالقلبه بردته
وقرب وخده فى حضنه وهمس
سليم:متخافيش يانن عين سليم وساعتها حس بتقل عالصدره وهنا كانت ندى اغمى عليها شالها وشاور للغفر بتوعهم أنه ياخدوه ويحطه البدروم وخد هو ندى وطلع فوق
الجد:عالفين ياسليم
سليم بعصبية مكتومه:طالع بمراتى لفوق عشان اطمن عليها واظن أن حقى ولا ايه ياجدى
الجد:طيب ياولدى بس متنساش انت كاتب كتبها بس
سليم بنفاذ صبر:طيب ياجدى امشى دلوقتي ولا افضل واقف وهى معرفش مالها اسر اتصل بالدكتورة خاليها تيجى ضرورى
اسر:هز رأسه حاضر
وطلع بيها فوق حطها عالسريرها
سليم بدموع:انا السبب فى اللى انتى فيه ده حقك عالقلبى فوقى بقى ياندى فوقى
ندى بتهته:اممم ه سليم
سليم :عيوونه
هنا وصلت الدكتورة ودخلت تكشف عالندى وبعد كده خرجت
الدكتورة:اطمنوا عليها ياجماعه هى اتعرضت للضغط كبير مقدرتش تستحمله فأدى ده للاغمى بس متقلقوش اناا اديتها حقنه وبإذن الله اول ماتفوق تبقى كويسه
سليم بلهفة:يعنى هى كويسه مش كده محتاجه نقل مستشفى او حاجه
الدكتورة:شكل المدام غاليه عليك اوووى ياسليم بيه بس اطمن هى مش محتاجه حاجه خالص بس أول ماتفوق تاخد الحقنه دى وربنا يطمنكوا عليها
احمد:طب متشكرين جدا يادكتورة
الدكتورة :متشكرنيش ياحاج ده شغل ربنا يطمنكوا عليها وعن اذنكم انا
مشيت الدكتورة وسليم جاى يدخل لندى تانى جده المرة دى مسكه
الجد:اظن تسيبها ترتاح ولا ايه
سليم بتيه :ايوه بس
الجد :مبسش خد يأسر اخوك وانزلوا تحت يلا
نزلوا وقعدوا مع بعض فضل الصمت مخيم شويه وبعدين
اسر:قولى بقى ياشق ايه ده كله بقى ده كله يطلع منك
سليم:اسكت يا أسر اصلك مش فاهم حاجه
أسر :طب فهمنى ايه حصلك ياخويا معقول حبها غيرك بالشكل ده عمرك ماكنت كده
سليم بأستغراب:حبهااااا وكأنه استغرب الكلمه او استغرب نفسه هو حبها طب لو حبها امتى وازاى
أسر:هااااا يابنى وصلت لفين
سليم:هاااا معاك معاك اهوو
أسر :معايا فين بس طب احكى بقى احكى
سليم:هههه والله مااعرف ياأسر تعرف انت انا مفهمش نفسى لحد دلوقتي بس تعرف يوم فكرة ان ممكن حد يجيب سيرتها حاسيت حاسيت انى عريان حسيت أن حته من جسمى مكشوفة حاجه كده اكبر من أنها تتقال تتحس بس وإذ كان ده هو الحب فاسمحلى يا خويا انا مش بس هحبها أنا عشقتها وانتهى
أسر:الله الله والله وبقيت شاعر ياسليم ياغرباوى
سليم:ا
قطع سليم كلامه لما سمع صوتها وبتصرخ طلع ليها جرى
سليم بخضه: هاااا ايه فى. ايه مالها
واتفأجأ اول مادخل بمخده فى وشه
وهى بتصرخ
ندى بصريه:مش هاخدها اعاااااااااا
سليم:ضحك فجأة عالمنظرها بس مسك ضحكته وبصوت عالي
سليم:لا هتاخديها
ندى :وانت مين خد رأيك يابو طويله انت
سليم:لمى ليلتك ياعروسه وخدى الحقنه عشان تفوقى كده لفرحك 😉
ندى :ده بعيد عن شنبك واطلع برهاااااااا
سليم:لا مبدهاش وراح مسكها جامد جمودة وخدها فى حضنه واستغل الوضع أنها هتاخد الحقنه لا هو اصلا كان هيموت وياخدها فى حضنه بعد مابقت حلاله
ندى بتزوم فى حضنه
سليم بهمس:متتحركيش عشان متوجعكيش يابت عمى
ندى دأبت جوه حضنه:بتوجعنى وبخاف منها
سليم بنفس الهمس :متخافيش من حاجه طول مانا موجود
ندى :خليها تخلص بقى
سليم:ابغى اقول لك انها خلصت من بدرى وانتى متبته في حضنى يابت عمى ولكن استحى😎😉
ندى :هاااا
سليم :ايووون بس انا معنديش مانع تفضلى كده كده لى حضن بعد كتب الكتاب ولا ايه
ندى:ابعد بقى ياسليم لو سمحت
سليم رفع أيده لفوق:انا سايب من بدرى عالفكرة😉
ندى :أناا انا اسفه مش كان قصدى
سليم :ولا يهمك ياندى قلبى 😉
ندى :ايه
سليم:مفيش انا هشد بقى سلام
مشى سليم نزل وندى فضلت تايهه شويه لحد ماملك دخلت
ملك:هو الحب ولع فى الدرة ولا ايه 😂
ندى : خضتينى ياملك الله يسامحك
ملك: بإذن الله يسامحنا إنما ايه بقى
ندى :إنما اه 🙄فى ايه
ملك:فيه ايه انتى عملتى ايه
ندى: ؛معملتش والله هعمل ايه
ملك:يابت قصدى عملتى ايه لأبيه خلتيه بقى كده
ندى :كده ازاى
ملك:ده عالاساس مش شايفه ولا واخده بالك انتى مش كده
ندى:كده ازاى يعنى
ملك:عمره ماكان متسرع علطول حكيم عمره ماعلى صوته عالحد خوفه نفسه عليكى خوف غريب
ندى :عادى يعنى يابنتى مش بنت عمه
ملك:لا الخوف اللى كان في عيووونه مش خوف قريب ابدا ده خوف حد مرعوب عالحتة من قلبه خايف تروح منه
ندى سرحت فى كلام ملك وافتكرت لما خد الضربه بدلها ولما كدب عليهم كلهم عشانها ولما عصبيته كلها اختفت بمجرد ماقلتله أنها خايفه ولما جاب الراجل اللي صورهم ورماه قدمها افتكرت كل حاجه وكل ماتفتكر حاجه عملها قلبها يدق جامد وعقلها رافض فكرة انه ممكن يكون بيح
هنا ملك فوقتها من سرحانها
ملك:ايه يا بنتى روحتى فين
ندى :هاااا لا معاكى وبعدين تعالى عماله تفترضى افتراضات من دماغك وانا اللي المفروض أسألك انتى اللى عملتى ايه فى اخويا ياهانم
ملك:حلووو اووى نظام قلب الترابيزة ده بس ماشى ثم. انا معملتش حاجه
ندى: والله طب عينى فى عينك كده
ملك:اه والله اهو😝
نسيبهم ونروح لسليم وأسر
اسر :هااا ياسليم هنعمل ايه مع الواد اللي جوه ده
سليم: وحياة امه لندمه
أسر :ايوه ياخويا مقولناش حاجه بس انتى ناسيه حاجه مهمه
سليم:حاجة ايه
أسر:الحريق وايه السبب في اللى حصل في المندرة ده
سليم وكأنه كان الموضوع ده ناسيه
سليم:ايوه صح تفتكر هو اللى يكون عمل كده
أسر :أكيد ماهو اصل النار ولعت ازاى يعنى
سليم:معاك حق يأسر ازايز النار انرمت فعلا وكانت هتمسك في ندى لولا انى شدتها عليا
أسر :يبقى واضحه اهى هو رمى الولعه ولما شاف اللى حصل عمل اللى عمله ده
سليم:صح بس أكيد مش هيكون عمل كل ده من دماغه قوم تعال
أسر:يلا بس استنى ياسليم انت عملت فيه البدع براحه عشان نعرف نطلع منه باللى عاوزينه
سليم:متقلقش يأسر
وصلوا للمكان اللي فيه هرم ودخلوا
سليم ببرود التلج:هااااا بقى ياحلوو هنقول ونشهل فى الحوار ولا هتفضل مأنسين كتير
هرم بصوت مهدود:يابيه والله انا معرفش حاجه انا بس شوفتك انت والست هانم قولت بس اسوامكم عليه ومكنتش اعرف انها مراتك يابيه
أسر مسكه من هدومه:انت عارف ان موتى وسمى اللى يحلف بالله كدب
سليم بهدوء:هدى خلقك ياخوي وهو هيقول كل حاجه مش كده بردوة ولا ايه
هرم : اترعب من هدوء سليم ده : بس قرر أنه يكمل كدب
هرم:يابيه انا قولت اللى حصل
سليم:وايه اللى حصل
هرم:بابيه أناا
سليم:عثمااااااااااااان انت ياعثماااان
دخل عثمان ومعاه كلب من الكلاب الغريبه اللى ينشوفها دى عرفينها طبعا 😁اللى الواحد منهم بيبقى اطول منا ده 🙄المهم نرجع
أسر:هااا ياحلو
سليم:عثمان الكلب مكلش بقاله اد ايه
عثمان : بقاله فوق اليومين ياسليم بيه
أسر:اخس عليك يا عثمان بس معلش رزقه جاله لحد عنده يلا بينا يأسليم
وعثمااان عمال يهوش عليه لكوا أن تتخيلوا المنظر طبعاً 😲
سليم :يلا ياخوى ويدوبك لف ومشي خطوه والتانيه
هرم بدموع:فى عرضك يابيه انا فى عرضك قولى عاوزة ايه وانا اعمله
سليم لفله: ليه ولعت فى المندرة ومين اللي امرك تعمل اللى عملته
هرم :يابيه بس
سليم:مبسش خلاص خليكى يلا يا أسر
هرم بصوت عالى ودموع:هقول هقول كل حاجه بس وحياة غلاوة الست عندك تتضمنلى الامان
أسر:انت هتتشرط ياروح امك
سليم:قول اللى عندك ولو دخل دماغى نبقى نشوف
هرم : اللى حصل أنه
ياترى ايه اللي حصل ومين اللي كان السبب في كده نعرف المرة الجاية بإذن الله 💙
ومن أراد ازيتك فعليه التصدى لى اولا فو الذى جعل منكى حياة لقلبى لا اتردد فى قتل من سولت له نفسه اذيتك يامولاتى
يتبع الفصل التاسع 9 اضغط هنا
- الفهرس يحتوي على جميع فصول الرواية (رواية اقارب صدفة كاملة)