رواية العاشقة المجروحة الفصل الخامس 5 - سلمى تامر

الصفحة الرئيسية

رواية العاشقة المجروحة البارت الخامس 5 بقلم سلمى تامر

رواية العاشقة المجروحة كاملة

رواية العاشقة المجروحة الفصل الخامس 5

يارب لاتنقضي هذه الأيام الا وقد فرجت همومنا وغفرت ذنوبنا وجبرت قلوبنا وابعد عنا ضيق الصدر وانزل علينا راحه وطمأنينة لا تنتهي 💛✨.
عند فارس وغزل(منه)❤
كانوا قاعدين عالشط بعد مافارس رجع من شغله وهدير نامت 
فارس بإبتسامه:تعرفي اني بحب البحر اوي وقت المغربية ياغزل
غزل بإبتسامه:ونا كمان..انت ليه سمتني غزل؟؟
فارس بإبتسامه:مش عارف..بس حبيت الإسم اوي..وبعدين كان لازم يبقالك اسم
غزل:معرفش اسمي اي...بس عايزة يبقى اسمي غزل على طول..اسم قمر اوي
فارس بهيام:والنبي انتي اللي قمر
غزل بصتله بخجل وسكتت
فارس بمرح:أغنيلك
غزل بإبتسامه:بتعرف؟؟
فارس بغناء:في جوه قلبي حاجة مستخبية..كل اما باجي اقولها فجأة مش بقدر..قدام عنيك بقف وبنسى اي يتقال
فارس غنى اغنية حاجه مستخبية لحماقي
غزل بإبتسامه:واو صوتك يجنن
فارس:اصلا كان نفسي اطلع مغني..بس ماما كانت عايزاني مهندس..وبابا كان عايزني دكتور...عم محمد جارنا بقى كان عايزني محامي..لكن مراته كانت عايزاني لعيب كورة اصل كنت بلعب كورة حلو اوي..ميس حما
غزل:خلاااص خلاص يافارس..طب طلعت ظابط ليه بقا
فارس:أمنية جدي بقا
غزل بضحك:ظابط آداب؟
فارس بإبتسامه وتاه فضحكتها:تعرفي انك ضحكتك بريئة اوي..نقية وصافيه..مستحيل تكوني من البنات دي ياغزل
غزل بحزن وشرود:خايفه..خايفه اوي يافارس اكون كده فعلا...عاهرة..سعتها هموت 
فارس بحنان:بعد الشر عليكي...انشاء الله مش هتبقي كده...للأسف ياغزل فيه حاجات كتير بنعملها فالماضي ووبنفضل طول حياتنا ندمانين عليها..لكن انتي عندك فرصة من أول وجديد..ايا كان حياتك كانت اي قبل الحادثه ..تقدري تبتدي من جديد ..تقدري تعيشي حياة نضيفه ..ايوه هتتعبي فالأول بس لازم تأقلمي حياتك على كده
توتو فص ملح وداب..قلبت مصر كلها عليها
بس هفضل أدور عليها وهحاول أجيبها لكن انتي مش هتوقفي حياتك على كده..اخرجي انبسطي اتفسحي..اتجوزي...عيشي حياتك
**
عدى شهر وفارس حب منه او غزل اوي
اتعلق بيها بدرجه غبية 
غزل يومها بقى مش بيكمل من غير متشوف فارس...حست انه ملى فراغ كبير فقلبها
**
في أوضة منه وهدير
:اها والله يابنتي زي مبقولك كده..لقيناه مرة واحده طالعلنا بعباية وطرحة وحاطط روچ احمر وصمم انه يروح معانا الحفلة
غزل بضحك:طب وأخدتوه معاكم
هدير بغيظ:تنح واخدناه معانا..وهو كان حلو اوي ومحدش عرف انه ولد...اخد ارقام البنات كلها وشقطهم
غزل بضحك:يلهوي هموت..متخيلة شكله 
هدير بضحك:لا ده كان وقتها طفل١٢سنه كده
واحده فالحفلة سألته على اسمه قالها سوسو الدلوعة للتعارف الجاد
غزل ضحكت جامد على فارس 
هدير بإبتسامه:تعرفي ان فارس ده عوضني عن عيلتي ..هو الوحيد اللي بقالي منهم..اخويا شقيقي معملش اللي فارس بيعمله
غزل:أنتي عندك اخوات غير فارس؟
هدير بحزن:سيف..بس مش بيحب فارس..وبيكلمني قليل اوي علشان وصية ماما الله يرحمها..لولا كده كان زمانو قطع علاقته بيا من زمان
غزل بحزن عليها:ربنا يهديه..طب هو ليه بيكره فارس
هدير:نفسي اعرف..رغم ان فارس بيحبه اوي..فارس عمره مكره حد..قلبه ابيض زي الاطفال...بس عصبيته وحشه اوي بسبب شغله
غزل بهيام:فارس ده تركيبة غريبة..عصبي وحنين..طيب ومكار..حنين وقاسي فبعض الاحيان..مرح ودمه خفيف..بس بيقلب عفريت لما حاجه متعجبهوش...تحسي انه طالع من رواية او مسلسل..بطل
هدير بهيام:هيححح ياعيني عالواقع ومحدش سمى عليه
غزل بخجل وغضب:اتلمى يازفته..لأ طبعا مفيش الكلام ده
هدير بخبث:عليا برضه..طيب
غزل بصتلها بخجل وهدير ضحكت عليها
غزل بعصبيه:والله منا سايباكي يابقرة تعالي هنا
وفضلوا يجروا ورا بعض بمرح
***
في مكان بعيد
مروة كانت واقفه قدام المراية بتظبط الروچ بتاعها
سيف وهو قاعد عالسرير بيدخن سيجارته
:بس اللي انتي ناوية عليه ده كبير اوي يامروة..دي فيها فضيحة لعيلتكوا كلها
مروة بدلع:عيلتي؟؟انت عيلتي ياقلبي
سيف بخبث:اومال مروان ده اي؟!مش ده اللي انتي قتلتي مازن وفصحتي منه علشانه
مروة بجنون:مروان ده بتاعي...ملكي..محدش يشاركني فيه..
سيف بعدم فهم:طب جايالي ليه
مروة بمكر:علشان انت الوحيد اللي بتساعدني ولازم مقابل ولا اي وغمزتله
(ربنا يحرقكم❤)
****
:اسمعي يا أم مخ تخين هنعمل اي..بصي شايفه الشط ده..هنجهزوا وونفرشه ورد وأنوار كتير وهنحط بلالين حمرا..انا جبت كل حاجه
والتورتة حطتها فالتلاجه ومتطفحهاش يامفجوعه انتي تمام؟؟والخاتم جبته
هدير بتعب:يافارس حرام عليك تعبت انا بلف معاك من الفجر علشان نلحق نشتري كل حاجه قبل ماغزل تصحى جهز انت بقا
فارس بحزن مصطنع:تمام ياهدير..اطلعي نامي..شكرا ليكي مش عايز حاجه
هدير بتأفف:هتقلب على حمادة هلال لي..هات ياسيدي وأمري لله
هدير ساعدت فارس وجهزوا المكان وطلعت بسرعه لغزل علشان متحسش بحاجه
***
..
‏مابين قلبي وقلبك
لايحكى ولايكتب
فقط يترنم في الحان وحي عينيك 💜
..
غزل نزلت مع هدير 
غزل بعدم فهم:اي اللي انتي ملبساهولي ده؟؟انا رايحه فرح؟
هدير:يختي تعالي بس وبعدين هتعرفي
غزل راحت المكان وهدير اتسحبت وسابتهم لوحدهم
غزل بصت بصدمه وإنبهار للمكان 
:عجبك
بصت وراها لقت فارس واقف ببدلة جميلة ذادت من وسامته اضعاف
فارس راحلها:تقبلي تكملي بقية حياتك معايا؟انا مش هاممني ماضيكي اي..انا كل اللي اعرفه اني حبيت غزل..البنت البريئة الطيبة الخجولة..حبيت شخصيتك واتعلقت بيها اوي ياغزل..مش هقدر اكمل حياتي من بعدك
ركع على رجليه وطلعلها خاتم جميل
فارس بإبتسامة وسيمه:تقبلي تتجوزيني ياغزل❤
غزل بصتله بدموع وعدم تصديق وهزت راسها بموافقه وفرحه
فارس لبسها الخاتم ووقف على رجليه وباس ايديها
انتبه لصوت رساله على موبايله فتحها بإهتمام وشاف حاجه خليته وقف مصدوم ومش قادر ينطق او يتكلم
منه بقلق:ف فارس انت كويس
فارس بصلها بعيون مخيفه وحمرا وكل غضب الدنيا فيها ووراها الموبايل عليه اي
غزل بصت بصدمه :أيه ده؟؟لأ لأ انا مستحيل ابقى كده..انت ساكت ليه؟؟فارس دي أكيد مش انا صح؟فارس ارجوك متبصليش كده...دي م مش انا
غزل الدنيا لفت بيها واغم عليها و...

تكمله الفصل الخامس

(*لا تسرق الأمل من أحد قد لا يكون لديه شيء إلا هذا الأمل و لا تكسر بخاطر أحد فيجبره الله ويكسرك.*♥💭)
***
:يعني اي ياصالح؟؟؟بنتي خلاص كده ضاعت مني؟؟انت السبب ..انتو السبب منكوا لله وكملت بعياط:ياحبيبتي يابنتي انتي فين ياقلب امك
صالح بغضب:محدش يجيب سيرة الفاجرة دي تاني هنا..اكيد هربت مع اللي غلطت معاه..وبعدين مالك بتدافعي عنها كده..انتي كنتي عارفه حاجه ولا اي ياسميحه
سميحة بصراخ:اخرس قطع لسانك..انا بنتي اشرف من الشرف ..انا سكت ومتكلمتش علشان كنت مستنياها هي اللي تثبت برائتها بنفسها لكن لو اتكلمت هيقولوا امها وبتدافع عنها..كملت ببكاء وحزن:لكن هي مفهمتش كده..بصتلي بصدمه لما لقت حزن عليها فعيوني..افتكرته عدم ثقه اااه يابنتي انتي فين..انتي فين ياقلب امك..منك لله ياصالح انت وابوك..منكوا لله ..اعرف بس مين اللي عمل كده فبنتي وهاكلوا بسناني
صالح بصلها بغضب وسابها ونزل لأبوه
***
مروان رجع شقته متعصب ومش طايق نفسه
مروة بإهتمام مزيف:ها يامروان عملت اي؟؟
مروان بضيق:حيوان سرق مني الشنطه وملحقتش الحقوا..ربنا يستر وميعملش بالصور دي حاجه
مروة بخوف مصطنع:يلهوي يامروان..انت ازاي ماخدتش بالك
مروان بقلق:ربنا يستر بقا
***
:انا الظابط فارس إمام ياحيلتها لملي يابني الناس دي عالبوكس
البنت شهقت بصدمه والحكومه انتشرت فالشقه وخرجوا رجالة وبنات كتير من الاوض 
كل ده ومنه واقفه مش فاهمه حاجه
توتو هربت بسرعه من باب تاني فالشقه ونزلت من شارع تاني وركبت عربيتها وهربت من غير تاخد منه معاها
منه فاقت على ايد عسكري بيشدها:يلا ياروحمك متنحيش
ندى وهي بتبعد ايديه من عليها:اوعى ياحيوان انت ماسك ايدي كده ليه
العسكري بغضب:يلا يا#٪&& يخربيت بجاحتكوا ياشيخه 
منه ركبت البوكس وراحت عالقسم مع بنلت كتير اوي
**
رموهم كلهم فالحجز 
منه وهي بتخبط على باب الحجز جامد
منه بصراخ:حد يطلعني من هناااا فين المسؤل عن القسم ده انتو ياللي بره حد يكلمني انا مش فاهمه حاجه
***
فارس كان قاعد فمكتبه وسمع صوت صريخ بنت
نادى على العسكري بتاعه ودخله
:اي يابني صوت الصريخ ده؟؟
:دي بنت ياباشا من اللي مسكناهم فالمداهمة الاخيرة
فارس بضيق:عايزة اي دي كمان؟؟!روح جبهالي
**
العسكري دخل الحجز وجاب منه للظابط
فارس بص لمنه من فوق لتحت وقال فسره:ابو ام جمالك ياشيخه ياخسرتك فالقرف اللي انتي فيه
قال بحده:بتصرخي كده لي يابت انتي؟؟اي مش عاجبك الحجز وعايزة واحد خمس نجوم؟؟ولا الاكل ناقص ملح؟؟
منه ببكاء:انا معرفش انتو اخدتوني لي انا معرفش حاجه
فارس بحده:هو اي اللي معرفش انتوا اخدتوني ليه؟؟؟احنا جايبينك من شقة دعارة مش من مكتبة الاسكندرية
منه بصدمه:شقة دعارة؟؟؟ منه صرخت بإنهيار:انت بتقول اي؟انا معرفش حاجه
فارس بزهق:اومال اي اللي وداكي هناك؟كنتي بتعملي شوبينج؟؟
منه ببكاء حكيتلو كل حاجه من اول مفاقت لحد ماتوتو اخدتها
فارس :طب وفين توتو دي
منه ببكاء:والله العظيم معرف اول مسمعت صوتك جرت من جنبي ودخلت اوضة كده ومن ساعتها مشوفتهاش
فارس بصلها بتقييم وقال:تعالي معايا
منه بخوف: ف فين
فارس بهدوء:هعملك اشاعه واعرف اذا كنتي فاقدة الذاكرة ولا لأ
**
فارس اخد منه المستشفى وعملها اشاعه وعرف انها فاقدة الذاكرة
منه بعيون مدمعه:هعمل اي بقا دلوقت؟ارجوك مترجعنيش الحبس 
فارس بتفكير:بصي هو يأما توتو دي بتكدب واخدتك معاها كذيادة عدد للبنات بتوعها..او انتي كنتي كده فعلا وعملتي حادثه وفقدتي الذاكرة فيها
منه بخوف:لأ لأ مستحيل ابقى كده..فيه حاجه جوايا بتصرخ بالرفض اني مستحيل ابقى كده ..ارجوك ساعدني ومدخلنيش السجن ده تاني
فارس بصلها بتفكير وقال:
يتبع الفصل السادس 6 اضغط هنا
google-playkhamsatmostaqltradent