رواية رنا وسليم البارت الخامس 5 بقلم دعاء زينه
رواية رنا وسليم الفصل الخامس 5
نظرا للاجماع عالتطويل البارت اهووو كبرتوا 💙😌ويارب يعجبكم 💙
ات ايه
_اتجوزك
جوزوك من قردة بابعيد
_وحياة امك علطولت لسانك دى لعلمك الادب بس استنى عليا
يأستاذ سليم انت تستاهل ست البنات مش واحدة زى
_لا وانا عاوز اللى قادرة عالتحدى ولا نسيت
ضحكت غصب عنى مكنش قصدى والله
_بس ضحكت يعنى قلبها مال
ايه ياعم عمرو دياب انت
_بقولك احنا نتكلم كلام كبار بقى
ياريت والله لان الهزار زاد
_بجديه اولا انا مش بهزر
حاولت اتكلم
_متقطعنيش اسمعى للاخر انتى شايفه ان مامتك تستحق تعيش مع واحد بالشكل ده
هزيت رأسى بمعنى لا
وهنا اتكلمت كريمه
=لا ولا ابنه
_لقيت عينه اتملت غضب غريب ماله ابنه
بصيت ليها بمعنى اخرصى
_بصوت اعلى ماله زفت الطين ابنه انطقى منك ليها
اتخضت وعينى اتملت دموع
_حاول يهدى نفسه اكلمى ياكريمه
=الحقيقه ان الحيوان ابنه حاول يتعرض ليها كذا مرة ومامتها مخدتش موقف ابدا وده سبب انها سابت البيت واختفت اليومين اللى فاتوا
_بغضب خوفنى ونزل دموعى أسرع انتى گنتى سايبه البيت
ساكته ومش برد ودموعى بترد بالنيابه عنى
_بصوت اعلى ردى
هزت رأسى بمعنى اه
_بغضب اكبر لمسك
بصتله بصدمه انت اتجننت لا هو ولا غيره حد يفكر انه ياخد منى حاجه غصب عنى فاهم انا انضف من أى حد فااااااهم وبعصبيه وبعدين انت مالكش دخل انت فاهم انا أقدر احمى نفسى كويس
_بارتياح عيب تتكلمى كده مع اللى هيبقى جوزك عمرك شوفنى واحدة محترمه بتعلى صوتها عالجوزها الحليوة كده
الحلاوة بتجزعنى وبعدين جوزى ايه يابا احنا هنهزر
_بت انتى افهمى بقى انا عاوز اساعدك وللاسف مقدرش اساعدك الا لما يكون ليا صفه فى حياتك
والصفه دى لازم نبقى جوزى ليه إن شاء الله اصوم اصوم وافطر عالبصله مستحيل وشوحت بإيدى كده
_اه جوزك اساعدك تخلصى وتخلصى امك من الحيوان ده واعرف اتصرف مع الكائن اللى مالوش موسمى ده. هسيبك ربع ساعة بالظبط هعمل تليفون اشوف اقرب مأذون هنا تكون كرمله اقنعتك يلزمك وقت اد ايه إقناع البتاعه دى
انا بتاعه
_انتى اخرصى ردى انتى ياكرمله
=متقلق ساعتين زمن والحوار يكون خلصان
خلصتى عالجلدة يابعيدة
_لا ياكرملة دى متاخدش غير عشر دقايق بس يلاااا
وسابنا ومشى
انتى اكيد مش هتحاولى اصلا 🙄
=ليه يا بنتى بس ده حتى قمر وقبل ماتتكلمى اسمعى هو ده الحل المناسب اللى هيخلصك من جوز امك وابنه اللزج ده وبعدين ابقى اطلقى
والله 🙄 بالبساطة دى
=اه وبعدين عالفكرة هو مناسب جدا جربى وادى نفسك فرصه يمكن تحبيه وبعدين حد يطول القمر ده يبقى جوزه
جوز جزم وحياتك
_هينزله عالدماغك بإذن الله
بخضه ببصيت ورايا وانت هتاخد عالكلام عيله زى بردة
_يعجبنى فيكى شجعتك
طبعاً اهم حاجه الثقه😌
_انا لو منك اسمع كلام صحبتك ده انا حتى واد حليوة وقمر ومفيش منى
😂😂😂الخنفسه بتقول يامحلى ولادى عالحيطه
_خنفسه ياوجه البرص انتى احمد ربنا انى تنازلت وتواضعت وفكرت اتجوزك
انا بعصبيه مصطنعه وانا قولت مش هتجوزك فاهم ورحت مشوحه بإيدى كده👋
وبس ياجدعان مفيش ساعتين لقيت نفسي عند المأذون وكتبنا الكتاب وعالينا الجواب وسمعنا مأذونا الهمام بيقول
(بارك الله لكما وبارك عليكما وجمع بينكما في خير♥️✨)
خلصنا وراحت كرمله ضاربه زغرودة خرمت ودنى وطبعا الاستاذ جاى ياخد حضن كتب الكتاب عارفينه طبعا😌
عندك استنى دقيقه
وقف وبصلى باستغراب 🙄اللى هو فى ايه
انت رايح فين يأخ هااااا قلة ادب مبحبش انا عرفتك اهووو
_طبعا طبها رينا يكفينا شر قلة الأدب
ولسه باخد نفس بارتياح ولقيت اللى شالنى لف بيا وبعد كده نزلنى عالارض وباس رأسى
_مبرووك
الله يخليك
_بصلى بصدمه ؛نعم🙄
وبخجل جامد بقولك ايه اوعى تكون فاكر انه عشان اتجوزنا انه و
_بسس بس يام سبع تلسن ايه كل التوتر ده عشان قولتلك مبروك اومال لو قولتلك انك احلويتى بعد كتب الكتاب هتقولى ايه
الله يباركلك الله يسترك ياخويا والنبى ماعارفه اقولك ايه اللهى يخليهملك
_انتى هتشحتى خلاص ياما يلا بينا
عالفين
_بيتك
ايه بيتى دلوقتي
_اه بيتى اللى هو بقى بيتك اللى خلاص بقى بيتنا
اتكسفت اكتر ووشى بقى شبه الطماطم واللى نجدنى كرمله
=فرحانه من قلبى لرووح قلبى مبااااااااااااااااااااارك ياوردتى
مبروك يادكتور
_الله يبارك فيكي عقبالك
=مين انا هو هههوووو فى حياتك إن شاء الله طب يلا عاوزين منى حاجه
لا استنى هنوصلك الاول وبصيت لسليم
جات تتكلم
_انسى خلاص رونا قالت كلمتها وقضى الأمر
عينى دمعت
_يلا ياشباب نمشى
مسكنى من إيدى وشد عليها وكأنه بيقولى انا معاكى
وصلنا كريمه وروحنا بيته اللى كانت عبارة عن فيلا صغيرة بس متصممه بشكل هندسى رائع
دخلنا
_نورتى بيتك
منور بأصحابه
_اللى هو انتى
باستغراب ايه ده اومال والدك ووالدتك
_عايشين فى بيت تانى قريب من هنا
ايه ده ليه
_من غير أسئلة كتير تعالى اوريكى اوضتك عشان ترتاحى
استنى هنا بس من غير احنا اتجوزنا ومعرفتش اهلك ازاى
_مبدئيا كده احنا لسه متجوزناش احنا مكتوب كتابنا وقبل ماتقطعينى هما هيعرفوا فى الفرح اللى
باستغراب ممزوج بدهشة وفرح: فرح
_ايوه فرح ولا مش عايزة يتعملك فرح زى باقى البنات
ايوه بس جوازنا ده مش هيستمر
_بحزن ظهر فى ملامحه وبان فى نبرة صوته اللى انتى عاوزه هيحصل بس ده مش معناه انك مش هيتعملك اكبر فرح وتلبسى الفستان واشوفك بيه ليا وطبعا اللى هيحضره والدتك والكل
احم انا انا انا جعاانه عندكوا ايه يتاكل
_أنتى عاوزة ايه
شاورما
_تانى😆
بصراحه بحبها اووى
_طب يلا ياستى
عالفين🙄
_عالمطبخ
هههه هو انت فاكر انى ممكن اقف فى المطبخ واعمل شاورما كمان اكيد بتهزر
_لا مش بهزر بس المرة دى انتى هتقفى متفرجه
بمعنى
_انى انا اللى هطبخ وأمرى لله مدام اتدبست
لا عندك معاك احسن واحدة بتعمل بيض اوملت يأستاذ انا بقولك اهوو
_ لا لو كده يبقى برأة ممكن أسألك سؤال
طبعاً قول قول متتكسفش انت زى جوزى بردوة
_بصى انا واثق فيكى لابعد حد بس اليومين اللى غيبتى فيهم عن الكليه كنتى فين
بدموع كنت فى دار مسنين
_مسنين
بدموع متستغربش انا هناك فيه ناس كتير بحبهم زى عم أشرف بحس فيه كتير من ابويا الله يرحمه وطنط منال ست كبيرة ولادها الله يسامحهم بعد ماتعبت وكبرت وشالت الهم عشانهم وضحت بشبابها عشان تربيهم وفى الاخر رومها فى دار عجزة ولا كأنها عملت ليهم شئ ومع ذلك عمرها ماقالت فى حقهم كلمه وحشه ولا دعت عليهم حتى ودايما تقول ربنا يهديهم ويردهم لرشدهم قبل فوات الاوان فى حين ان فيه ناس تانيه راميه ولادها ومش فارق معاهم غير نفسهم
حسيت بإيدى حنيه بتضمنى فى حضن دافئ مليان أمان افتقده من يوم وفات ابويا
_هش من دلوقتى بقى فيه انتى تفرقى معاهم جدا عالفكرة من دلوقتى بقى ليكى الاب والسند والضهر لو تقبلى
وبعد ماقال الكلام ده حسيت ان قلبى برد بكلامه وروحى ارتوت حنان يكفى شعوب
وبعد عنى شويه وقال
_انتى شكلك مش عاوزة الشاورما انتى حرة
لا بقولك ايه دى تطير فيها رقاب😂
_ضحك طب يلا😂
قابلتك وفتحتلك قلبى وأمنت بيك وصبحت ليك كل الحياة ♥️
نجدتنى منى ورويت حياتى باهتمام كان من زمان غايب عنى
يتبع الفصل السادس 6 اضغط هنا
- الفهرس (رواية رنا وسليم كاملة)