رواية فتاه الظلال وعهد الجن البارت الثالث 3 بقلم جوري محمد
رواية فتاه الظلال وعهد الجن الفصل الثالث 3
ونبدا من عند رجوع سهر الى البيت
سهر جدو انت فين يا غالي
جدها انا هنا بحضر الغداء
سهر على فكره الريحه دي انا عارفاها
جدها ايوه هي دي بالضبط الغدوه بتاعت النهارده
سهر عدس لا حرام انا فطرت فول و الغداء عدس
جدها والعشاء فول ان شاء الله
سهر لا انا هانام جعانه احسن
جدها معلش يا سهر انت عارفه ان المعاش بتاعي يادوبك بكفي مصروف البيت و مصروفك
سهر حبيبي يا جدو انا اسفه انا هاكل ا العدس و حتى هاغني له العدس الليله الليله ليله عيد يا رب تبارك تبارك وتزيدوا
جدها يا رب تبارك يا رب
سهر يندلق العدس وينكب
جدها ثاني .هههههه المهم انت اخبارك ايه في الجامعه النهارده
سهر اول يوم عدي عادي الحمد لله انا هاقوم اشطب المطبخ وانت اعمل لنا كوبايتين شاي بالنعناع بقى يهضم العدس ده
جدها ماشي
بقلم جوري محمد
سهر انت يا بنت يا فريال اغسل الاطباق اوعى تكسري حاجه يحسن احبسك و اخليك شبح الدولاب بدل من شبح تحت السلم 😏😏😏
فريال يا اختي اتنيلي انت لا عارفه تنظفي ولا تطبخي هتتجوزي على ايه يا خايبه
سهر انت هبله يا بنت و مين اللي هيرضى يتجوز واحده مجنونه
فريال انت لو تسمعي كلامي هاخلي الناس اللي بتقول عليكي كده يخافوا منك
سهر والله انا مش عارفه انت شبح طفله ولا شبح شريره و عجوزه وانا قلت لك لا يمكن اعمل كده
جدها يلا يا سهر الشاي اتعمل وشربوا الشاي
سهر انا هدخل اذاكر
جدها وانا هانزل على القهوه تحت
سهر قاعده تذاكر
فريال انا هاروح العب على السلم
سهر ا حسن خذي معك شويه الاشباح دول العبوا من غير ما تضايقواحد وياريت ماترخميش على ام محمد دي ست عيانه لا تروح فيها
فريال خلاص يا اختي اومال احنا هانرخم علي مين ايوه ام صلاح دي ست صحتها حلوه وعليها لسان زي المبرد
سهر هههههههه
سهر ... .مسكت اللاب توب اللي كانت بعثاه لها خالتها نهى وقاعده تدور على اي حاله تشبه حالتها دي في كل المواقع الغريبه لحد ما وصلت ليه صفحه بتاعه شخص بيبحث عن تاريخ والاساطير الخرافيه او اي حاله غريبه ممكن تبقي ليها صله بي عالم الاشباح او العفاريت والجن
سهر سلام عليكم
وائل وعليكم السلام
سهر هو حضرتك بتدور على ايه بالضبط
وائل عن اي حاجه خارجه عن الطبيعه
سهر طيب انا هاحكي لك حكايه واحده صاحبتي وانت تشوف ايه رايك فيها يمكن تعرف تساعدني
وبقيت نور تحكي الحكايه
وائل بجد حكايه غريبه وانا هادور عن اي حاجه زي حالتها دي انا قرات كثير عن الاشباح وازاي نتواصل معهم بس ما شفتش حاجه زي اللي انت بتقوليها دي اول ما اوصل لحاجه هاكلمك
سهر اوكي
ودخلت سهر تنام وهنا حلمت حلم غريب جدا
نور في الجامعه بتحاول تقتل كريم وماجي هي اللي بتقتلوا لان نور جوه جسمها
سهر لا يا نور خليك احسن منه ما تاخديش حقك كده
نور لازم يموت لانه هو السبب دمار حياتي انا وبابا
سهر انت كمان انت غلطانه هو ما عملش حاجه غصبا عنك كله كان برضاك
نور بس هو ضحك علي
سهر ارجوك يا نور انت دلوقت انت وباباك هتبقوا مع بعض
وهنا صحيت سهر من الحلم ما تعرفش اخره الحلم ايه و ان كان دي هايحصل ولا حلم ولا ايه بالضبط
سهر يا رب يكون خير
ومع بدايه يوم الجديد سهر بتجهز نفسها للجامعه
بقلم جوري محمد
سهر.... باقول لكم اي احد فيكم عايز يقول اي حاجه يقول هنا علشان مش عايزه اشوف وش حد فيكم في الجامعه
فريال مع السلامه والقلب داعيلك يا اختي
سهر انت قلت انت منين
فريال من الدرب الاحمر
سهر صحيح شبح بيئه سلام يا بيئه
فريال طب امشي يا سهر بدل ما اخليهم في الجامعه يقولوا عليك المجنونه اهي
سهر خلاص وصلت الجامعه وعدي اليوم عادي وبعد ما خلصت
نور هنمشي عند بابا دلوقت
سهر اوكي بس ما تكلمنيش في السكه علشان الناس
نور ماشي وده العنوان واحنا في الدور الثالث
وسهر وصلت البيت و بتخبط على الباب واحد من الجيران في ايه يا حبيبتي بتخبطي على الشقه ليه اصل صاحبها تعب امبارح والاسعاف جاءت اخذته
سهر انا كنت جايه له ممكن حضرتك تديني عنوان المستشفى
. الست ماشي يا حبيبتي العنوان اهو
نور انا السبب منك لله يا كريم
سهر احنا هنروح له المستشفى ان شاء الله يكون بخير
ومشيت سهرت وهناك دخلت الغرفه لقوا ابو نور موجود فيها
ابو نور انت مين يا بنتي
سهر انا نور بنتك
الراجل نور مين انا بنتي ماتت من زمان
سهر اقول لك اماره تاكد لك ان انا نور فاكر وانا صغيره عندي سبع سنين الحادثه اللي عملت لي العلامه اللي في رجلي رسمه المعلقه اللي ما حدش يعرفها الا انا وانت وبس لان ماما كانت ميته ساعتها
الراجل طب ازاي
سهر مش مهم ازاي المهم انا نور وجاي ازورك وكنت عايزاك تعرف اني منتحرتش انا كنت طالعه فوق واتكعبلت وقعت يعني مش انت السبب في اللي حصل وصدقني يا بابا انا رجعت ثاني يوم لقيتك نائم ما حبتش اصحيك وقلت الصبح هاكلمك ولما قمت الصبح عشان اروح الجامعه لقيتك نزلت شكلك ما كنتش تعرف ان جئت
ابو نور يا ريتني كنت دخلت شفتك على الاقل كنت شفتك قبل ما تموتي
بقلم جوري محمد
نور بابا يا حبيبي انا مش عايزاك تزعل انا رحت مكان حلو قوي
ابو نور طب يلا نروح البيت
سهر ما ينفعش يا حبيبي بس انا عايزاك تتاكد اني هافضل حواليك
ابو نور بيحضن سهر طيب انت شفت امك يا نور
سهر لا بس اكيد هشوفها وهاقول لها ان بابا بيحبك ما تجوز من بعدك بالرغم انك سبتينا من 19 سنه
ابو نور ايوه ده انت فاكره كل حاجه كمان
سهر ايوه فاكره انا لازم امشي
ابو نور طب خليك شويه
سهر سلام و هابقى اجي المره الجايه وانا معي ماما بس لازم تكون صحتك اتحسنت علشان ماما ما تزعلش
سهر خرجت بره الاوضه وماشيه ونور خرجت من جسمها
سهر ازاي ده حصل انت دخلت جسمه وتحكمت في كل افعالي
نور انا اسفه بس كان نفسي احضن بابا قوي واضمه
سهر بس دي اول مره اعرف اني بقيت وعاء الاشباح انا لازم اروح حالا واعرف سبب التطور ده ايه
نور شكرا يا سهر
سهر سلام
وبكده انتهت حكايه نور
وسهر خارجه من المستشفى سمعت اصوات بتصرخ واطفال بتعيط ودوشه جامده قوي حواليها
سهر ايه اللي بيحصل معي ده والاصوات المخيفه دي وليه الناس اللي بتصرخ ده وتبص حواليها وفجاه شافت سهر لا كده كثير ووقعت من طولها
يا ترى سهر شافت ايه وايه اللي هيحصل معها في حياتها من الاشباح وهل الحلم اللي هي حلمته لنور هيحصل ولا مجرد حلم ده اللي هنعرفه الفصل الجاي مع التفاعل نستمر
يتبع الفصل الرابع 4 اضغط هنا
- الفهرس يحتوي على جميع فصول الرواية (رواية فتاه الظلال وعهد الجن كاملة)