رواية موسم الحب الفصل الثاني 2 - بقلم سلمى تامر

الصفحة الرئيسية

رواية موسم الحب الجزء الثاني من رواية حكاية زينه البارت الثاني 2 بقلم سلمى تامر

رواية موسم الحب كاملة

رواية موسم الحب الفصل الثاني 2

مفيش إنسان في الدنيا بيمُر بأيامك الصعبة، ولا بتعدي عليه لياليك القاسية، دي أيامك أنت ، و دي لياليك أنت ، والآلام دي آلامك الخاصة. لازم تفهم أن دراعك المكسور لازق في جسمك أنت مش في جسم حد تاني، وأن كل اللي بيقولك أنه حاسس بيك فـ هو ليس إلا مُجرد مُتعاطف، محدش مكانك غيرك، ومفيش مُتعاطف هياخُد نفس عميق ويقوم يقف وينفّض هدومه ويرمي أحزانه ورا ضهره ويكمل حياته فـ تلاقي نفسك قومت معاه.. أنت أصلًا اللي واقع، فوووق. أنت المُتضرر الوحيد، أتفضل قوم وأتحرك وساعد نفسك. متستناش أيد تتمدّلك.
•••••••~
عند الشباب
كلهم كانو قاعدين فشقة تايجر بيتفرجوا عالماتش
وزينه فالمطبخ
ادهم:هيخلص تلاته واحد لصالحنا
انس وهو بياكل فشار:ياعم اقعد على جنب كل مرة تقول نفس الكلام وبتخسروا
تايجر بسخرية:سيظلوا اوفياء 
كنان بسخرية:قادمين
مؤمن:قرود حمر بتتكلم؟!اول مرة اشوف قرود حمر بتتكلم!
خالد بشهقه:جرى اي يعنيا مبلاش انتو تتكلموا فاكرين اخر ماتش معلول عمل فيكوا ايه؟
مؤمن:طب بس ياحبيبي شيكابالا عوض فالماتش الاخير و****
خالد قامله بغضب:لا بقولك ايه اتظبط فكلامك انت وفريقك الخايب ده 
كنان بغضب:اقعد يابن ال*** انت وهو عايزين نتفرج عالماتش
تايجر بإبتسامه خبيثه:اي ياكتاكيت عايزين تتعلقوا تاني على باب العمارة ولا اييي؟ 
خالد ومؤمن قعدوا بسرعه وبصوله بخوف وتايجر غمزلهم واندمج تاني فالماتش
الشوط الاول خلص وزينه طلعت من المطبخ بالإسدال وماسكه طبق فإيديها وابتسامه عريضة مالية وشها
زينه بفرحه:عملت كيكة بالشيكولاته هتاكلوا صوابيعكم وراها
خالد بهمس وسخرية لمؤمن:ده انا كنت هاكل وداني لما عملت رز بلبن فاكر؟
مؤمن بهمس وقرف:اعوذ بالله انا جالي تلبك معوي
تايجر بإبتسامه مصطنعه:احم مبلاش ياحبيبتي واعمليلنا شاي احسن
كنان نغزه وهمس:ياعم اسكت شاي اي الله يحرقك
زينه لكنان:بتقول حاجه ؟
كنان بإبتسامه مصطنعه:هه لا ابدا يازوز ده احنا هندقها كلنا دلوقت
زينه جابت اطباق وقسمتها عليهم ووزعتها
تايجر داقها وقال بكذب:يلهوي عالجماااال اي الحلاوة دي
ادهم :جميلة يازينه تسلم ايدك
انس وهو بيكح:قمر يازوزة قمرررر
خالد تفها بقرف:اي يازينه نسيتي اني عندي حساسية من البيض
مؤمن:كداب وربنا ده فاطر بكرتونة بيض لوحده النهاردة
ادهم:حصل
زينه داقت الكيكه ولقت طعمها مقزز قامت بغضب وحزن ولمت كل الاطباق اللي فإيديهم وودتها المطبخ ودخلت أوضتها وقفلت باب الأوضة على نفسها
تايجر بصلها بزعل على حزنها وبصلهم:بعد اذنكم يشباب شوية وراجع
وسابهم وطلع من الأوضه اللي قاعدين فيها وراح لزينه خبط عليها
تايجر بحنان:افتحي يازوزو
زينه ببكاء:خليك فحالك وسبني وامشي
تايجر بإبتسامه وحب:طب منا فحالي اهو..قولتلك قبل كده انتي حالي...افتحي يقلبي بقا
زينه فتحتله بدموع ورمت نفسها فحضنه
زينه ببكاء:انا فاشلة..انت اتجوزت واحده فاشلة ياتايجر
تايجر دخلها وقفل الباب عليهم وضحك:عاملة الليلة دي كلها علشان صنية كيكه؟يابنتي عادي انتي لسه صغيرة وبتتعلمي واحده واحده
زينه ببكاء:انا بقالي ست شهور بتعلم ولسه برضه الاكل مش بيتظبط مني
تايجر مسح دموعها بحنان:عاادي جدا ولا يهمك..انا هعلمك وفكك من الاونلاين ده
زينه بلهفه وفرحة زي الاطفال:بجد؟انت بتعرف
تايجر بغرور مصطنع:طبعا يابنتي انتي مستقلية بجوزك ولا ايه ده انا عبدالرحمن البحيري مفيش حاجه مبعرفش اعملها وغمزلها
زينه ببكاء مرة تانيه:بس اكيد كنان وخالد ومؤمن وانس وادهم بيقولو عليا فاشلة دلوقتي
تايجر بسخريه:هو بعيدا عن ان كنان وادهم وانس مستحيل يقولو حاجه زي دي..لكن انتي بتقولي خالد ومؤمن؟!انتي واعية لكلامك هما دول بني آدمين اصلا يابنتي؟ده الحمار خالد امبارح راح يشتري برسيم على اساس انها ملوخية ولولا مرات البواب كان زمانه طفحها
زينه بزعل:لأ هما اكيد دلوقتي بيقولو عليا فاشلة
تايجر سحبها من ايديها وطلعوا من أوضتهم وراحوا لليڤينج بس ملاقوش حد
زينه ببكاء:شوفت اهم نزلوا اهو 
بعد ربع ساعه
الباب خبط وتايجر راح يفتح ولقى كنان والشباب جنبه وماسكين فإيديهم تورتة بالشيكولاته
ابتسملهم ودخلهم
مؤمن لزينه:احلى تورتة لأحلى زيزي 
خالد:احنا منقدرش نشوف  القمر زعلان فعلشان كده عملنالك دي علشان عارفين انك بتحبيها
كنان بإبتسامه:وليكي عليا ياستي انا هعلمك الطبخ
انس:وانا كمان
زينه بضحك وهي بتمسح دموعها:كلكم بتعرفوا تعملوا اكل معادا انا..يادي الكسوف
ادهم:احنا بحكم قعدتنا لوحدينا بقينا بنعرف نعمل كل حاجه..وكمل بغرور مصطنع:وهنعلمك شوية من خبرتنا العظيمه دي
زينه بصتلهم كلهم بحب اخوي
تايجر قرب عليها ومسح باقي دموعها:اهو شفتي بقا..كلهم معتبرينك اختهم محدش يهون عليه زعلك..فهيشتموا فيكي ازاي؟
خالد بفزع:ينهار اسود الشوط التاني بدأ اوعى ياااض اوعااااا
كلهم اتلموا تاني عالماتش وزينه قعدت تتفرج معاهم وحمدت ربها ان فحياتها ناس زي دي بتدعمها وأولهم جوزها بصتله بحب وعشق وهو لاحظها وبعتلها بوسة فالهوا وابتسملها بحنان
بعد خمس دقايق
مؤمن بغضب:اه يابن ال*** شفتوا الواد وقعوا ازاي..ليه متحسبتش ضربة جزاء؟!
خالد بسخرية:ياعم اتنيل ده شغل بوابين وهو اللي وقع نفسه
مؤمن قام بغضب: متبس ياروحمك واعدل كلامك
خالد قامله بغضب:ولو مبستش يافوزي
مؤمن: هبسسك انا
كنان غمز لتايجر وهو فهمه وثاموا الاتنين طبعوا خالد ومؤمن بره الشقه وقفلوا الباب ورجعوا يكملو الماتش
**
خالد بغضب لمؤمن:انت بتشتم فريقي؟وقلع الكوتشي بتاعى وجرى ورا مؤمن:خد يا ابن ال**** والله منا سايبك
مؤمن وهو بيجري عالسلالم بضحك:اهدي ياولية..اهدي ياولية خلاص مش قصدي
خالد بصراخ:ده انت وجعتك مربربة ياحنفي بتخوني اياك
وصلوا للدور الأرضي
مؤمن وهو بيجري من خالد وقع عالأرض وخالد اتكعبل ووقع فوقيه 
مؤمن بوجع:اااه يخربيتك كسرت رجلي
خالد بمرح:مالك يابت احلويتي كده ليه
مؤمن بصوت انوثي ودلع:بس ياعبده بتكسف الله
:استغفر الله العظيم يارب ش**ذ؟؟؟؟!
:احمينا يارب
مؤمن وخالد بصوا للي بيتكلموا لقوا بنتين واقفين ولابسين هدوم واسعه وتبان كأنها رجالية وواحده شعرها كيرلي والتاية لماه كحكه ولابسه نضارة كعب نظر
خالد قام من على مؤمن وقومه وبصلهم بإستغراب من هيئتهم
خالد بإستغراب:اعوذ بالله اي الخلق دي
مؤمن:انت مين ياحج انت وهو فيه حاجه ضايعة منكم هنا؟
حلم:حج ايه يروحمك شايفني بدقن
مؤمن:متتلمي يابت واتكلمي عدل
خالد:هدي اعصابك يسطا معاك سجاير ولا أديك
ليل:انتي بشربي سجاير يابطه؟!مش غلط عليكي ازاي ماما سايباكي كده 
خالد:يابا قولي بس انت مين؟يخربيتك ده مؤمن فيه انوثة عنك
مؤمن لخالد:تاني انت برضه ياعم اتلم
خالد:ولو متلمتش يافوزي
مؤمن :ألمك انا يعنيا
وابتدت الخناقه تاني..اقصد عاشر
ماسة وحياة وعنود دخلوا لحلم وليل وادهم نزلهم يرحب بيهم  لأنهم اتصلو بيه وبلغوه بوصولهم وزق خالد ومؤمن اللي بيطحنوا بعض
عنود اول مشافت ادهم قلبها دق جامد وبان فعنيها حبها ليه
ادهم بإبتسامه:اهلا يابنات اذايكم
البنات بإبتسامه معادا عنود:الحمدلله يا أدهم
ادهم بترحيب:تعالوا اتفضلوا وشال منهم الشنط وطلعهم شقتهم 
**
ادهم فتح الباب ودخلهم شنطهم وعطاهم المفتاح
ادهم بإبتسامه:انا مجهزلكم كل حاجه ولو احتاجتم حاجه تاني انا غالشقه اللي فوقيكم رنوا عليا وهاجيلكم
حياة:شكرا يا ادهم 
عنود بهيام:مش عارفين من غيرك كنا هنعمل ايه
ادهم بإبتسامة مجامله:مفيش داعي للشكر ده واجبي ..بعد اذنكم
وسابهم وطلع
ليل هجمت على عنود وقلدتها:مش عارفين من غيرك كنا هنعمل ايه..متتلمي يابت وانشفي
حلم بسخرية:مكنا جبنالك ورقتين عرفي وتكتبي عليه ونخلص..اي يابت متتظبطي 
ماسة:فعلا ياعنود نظراتك ليه واضحة جدا
عنود بحزن:طب اعمل ايه؟انا بحبه من واحنا اطفال برغم من اننا مكناش بتشوف بعض خالص غير فالمناسبات..لكن اتعلقت بيه وعشقته
حياة :بس ياعنود ادهم مش بيكنلك اي مشاعر..معتبرك اخته
عنود بأمل:هحاول..هحاول اخليه يتقرب مني
حياة بحزم:لأ..لأ ياعنود متعيشيش على وهم وتربطي نفسك بيه
عنود بعند:هيحبني..انا واثقه انه هيحبني زي مبحبه بالظبط
ماسة بصتلها بقلق
استووووووب
كده عرفنا ان خالد هيبقى مع ليل
ومؤمن مع حلم
وادهم مع عنود
يتبع الفصل الثالث 3 اضغط هنا
google-playkhamsatmostaqltradent