رواية نور قلبي الفصل الثالث والعشرون 23 بقلم دينا يوسف

الصفحة الرئيسية

رواية نور قلبي البارت الثالث والعشرون 23 بقلم دينا يوسف

رواية نور قلبي كاملة

رواية نور قلبي الفصل الثالث والعشرون 23

آدم شالها بسرعه وركب العربيه وطلع على المستشفى وساق بأقصى سرعه وصل المستشفى وهو شايلها
الدكتور بيكشف على نور فالاوضه وأدم واقف متوتر وخايف على نور وخايف يحصلها حاجه
الدكتور : آدم بيه
ادم بلهفه : نور مالها... طمني 
الدكتور بعمليه : متقلقش هي بخير و كل حاجه تمام بس هنستني لما تفوق علشان نقدر نحدد الضرر اللي حصلها من أثر الجرح
ادم بقلق : يعني ايه ممكن يحصلها ضرر
الدكتور : اطمن احنا عملنا اشاعه ومفيش اي شرخ وا لا نزيف داخلي بس لازم نعيد الاشاعه تاني بعد ما تفوق علشان نطمن مش اكتر
ادم : ينفع ادخلها
الدكتور ابتسم وقال : طبعا اتفضل يا آدم بيه بعد اذنك ولما تفوق ان شاء الله هاجي اكشف عليها تاني
الدكتور مشي وأدم حط ايده على اوكره الباب وهو واقف قلقان و بيلوم نفسه علشان هو السبب في إللي حصلها وغمض عينه بقوه
وفتح الباب ومشي بالراحه لحد ما وصل للسرير قرب  الكرسي من السرير وقعد ومسك ايد نور وباسها واتنهد بألم وقال : انا اسف يا حبيبتي.. اسف أن السبب في إللي حصلك دا... نور انا بحبك لا انا بتنفسك..مقدرش اعيش من غيرك يا حبيبتي.. فوقي علشان خاطري متسبنيش.. اول مره احس اني ضعيف ومهزوز وانا شايفك كدا قدامي عمري ما ضعفت قد دلوقتي وانتي تعبانه كدا وانا مش عارف اعملك حاجه.. نور انتي روحي اللي يمكن اتخلى عنها.. انا من غيرك أموت.. عمري ما خنتك ولا اقدر اخونك صدقيني..مقدرش اصلا اتخيل ان اعمل كدا.. قومي علشان خاطري انا تعبان من غيرك.. وباس ايديها وقال : بحبك
وحط راسه على ايديها وغمض عينه
________________________
ساره بفرحه : الحمد لله اننا خلصنا من البتاعه دي
نجلاء بضحك : يااه كانت هم وانزاح
صلاح : اصبرو بس لما نعرف حصلها ايه الأول
ساره : ان شاء الله هتموت وتريحنا منها
نجلاء بغل : يبقى احسن
زينه سمعت كلامهم ودخلت تقول بعصبيه وبصوت عالي : انتو ايه مش بني ادمين.. فرحانين في نور.. نور دي احسن من مليون واحده زيك يا ساره واوعي تفكري اني مش عارفه الكلام اللي كنتي بتقوليه لنور علشان تبعديها عن آدم لا انا عارفه. كل حاجه نور حكتلي و لو آدم عرف هيولع فيكي وانتي يا طنط فرحانه على ايه ها شمتانه فيها ليه واحنا مشوفناش منها اي حاجه وحشه دا بدل ما تدعولها ربنا يشفيها شمتانين فيها انا عمري ما شوفت حقد ولا كره كدا
صلاح بزعيق : زينه الزمي حدودك واعرفي انتي بتقولي ايه وكلمي نجلاء وساره كويس
زينه اتجاهلت كلامه وسابتهم وخرجت وهي متعصبه منهم كلهم
راحت المستشفى عند نور لقت ادم قاعد على الكرسي قصادها وماسك ايديها راحتله وقالت : ازيك يا آدم نور عامله ايه دلوقتي
ادم : لسه مفاقتش
زينه : لازم نقول لأهلها علشان يشوفوها
ادم : كلمي مراد وقوليله انا مش قادر اكلم حد
زينه طبطت على كتفه : حاضر يا حبيبي هخرج اكلمه وارجعلك تاني
زينه خرجت كلمت مراد وقالتله وهو راح يجيب امه وشهد علشان يروحو
في نفس الوقت دا سيف كان بيكلم مراد ومراد قاله وهو مستعجل
زينه دخلت الاوضه تاني وقالت لادم : قوم انت يا آدم روح ارتاح وانا هقعد مع نور متقلقش عليها
ادم : لا مستحيل اسيبها انا مش تعبان ومش همشي
زينه : بس
ادم قاطعها وقال بضيق : بس يا زينه علشان خاطري انا مش همشي ومعنديش طاقه ان اكلم
زينه : حاضر يا حبيبي ربنا ان شاء الله يشفيها وهتقوم بالسلامه متقلقش
ناديه وشهد ومراد وسيف وصلو المستشفى
اطمنو على نور وحاولو كتير مع أدم ان يروح يغير هدومه ويرتاح بس ادم موافقش يسيب نور ابدا 
شهد بلغت يارا باللي حصل وسيف بلغ عمر
ويارا وعمر راحو المستشفى وعمر بص ليارا نظره طويله كأنه بيعاتبها على بعدها دا وف نفس الوقت وحشته ونفسو يروح ياخدها في حضنه ويارا اتجاهلته تماما
كلهم اطمنو على نور و ناديه وشهد اضطرو يروحو علشان عبد الله ميشكش في حاجه وكلهم مشيو وأدم لسه جمبها
تاني يوم صباحا
مراد خد ناديه وشهد وصلهم المستشفى واطمن على نور ومشي
ادم راح للدكتور علشان يطمن على حاله نور وساب معاها امها وشهد
نور ابتدت تفوق وهي بترمش عينيها كذا مره و شافت امها وشهد قالت بألم : ماما.. انا فين
ناديه بلهفه وهي بتجري عليها  : نور حبيبتي.. انتي كويسه
نور : آه الحمد لله
شهد بفرحه : حمد لله على سلامتك يا نور... انا هروح اقول لادم
وطلعت تجري فتحت الباب وخرجت
نور وهي بتعقد حواجبها وبتقول ب استغراب : انا جيت هنا ليه يا ماما.. ومين آدم اللي شهد بتقول عليه دا
في نفس الوقت ادم دخل الاوضه بسرعه وبيجري على نور بلهفه و بيقرب منها وبيقول : نور حبيبتي. اخيرا فوقتي
نور وهي بتحاول تبعد عنه وبتقول : أنت.. أنت مين
ادم بصدمه :  انا.. انا مين ازاي..نور انتي مش فاكراني
نور : لا انا مشوفتكش قبل كدا أنت مين.. أنت تعرفني؟
ادم بصدمه بعد عنها وراح للدكتور علشان يكشف عليها ويشوف ايه الحكايه
وناديه وشهد مصدومين ودموعهم نازله
الدكتور وصل كشف عليها وخرج
ادم بزعيق : آنا عايز افهم ايه اللي حصل بالضبط والا هطربق المكان دا على دماغكم
الدكتور بتوتر : اهدي يا آدم بيه دا.. دا امر طبيعي في حالتها
ادم بعصبيه : امر طبيعي.. هو ايه اللي امر طبيعي ان مراتي مش فاكراني ولا عارفه انا مين
الدكتور : دا فقدان ذاكره مؤقت و غضبك دا مش هيجيب نتيجه يا آدم بيه لازم نهدي ونشوف هنعمل ايه في إللي جاي
ادم وهو بيحاول يهدي نفسه : المفروض اعمل ايه دلوقتي
الدكتور : واحده واحده وهتفتكر والذاكره هترجعلها بس اهم حاجه انها متتعرضش لضغط نفسي ولا زعل وسيبها هي اللي تفتكر براحتها وبلاش نضغط عليها
ادم اتنهد وساب الدكتور ودخل الاوضه واضايق جدا لما لقى نور بتجيب طرحتها وبتلبسها ادم راح عندها وقال بالراحه وهو بيشد الطرحه منها : نور انا جوزك يعني عادي اشوفك كدا متلبسيش الطرحه
نور بتوتر : بس.. بس.. انا مش.. مش فاكراك
ادم ابتسم وقال : انتي وقعتي على رأسك وتعبتي والدكتور بيقول ان عندك فقدان ذاكره مؤقت يعني شويه صغيرين وتفتكري كل حاجه يا حبيبتي
نور بصتله ورجعت بصت لأمها ناديه ابتسمتلها وهزت رأسها علشان تطمنها 
مساءا في المستشفى
مراد وصل واطمن على نور وناديه وشهد قامو علشان يروحو
نور بخوف وهي بتمسك ايد امها : ماما انتي هتمشي وتسبيني
ادم : هما هيمشو دلوقتي وهيجو الصبح اطمني وانا قاعد معاكي اهو متخافيش
نور : لا امشي انت
ادم غمض عينه بقوه وبيحاول يكون هادي : لا انا اللي هقعد معاكي يا نور وسيبهم بقا علشان يمشو
مشيو  وأدم راح يجيب اكل لنور ورجع لقاها بتعيط
ادم راح بلهفه وقعد على طرف السرير ومسح دموعها وقال : بتعيطي ليه يا قلبي
نور بطفوله : عايزه.. عايزه ماما
اذم ابتسم وقال : حاضر يا حبيبتي الصبح هتيجي وانا  معاكي اهو انتي خايفه مني
نور هزت راسها بالايجاب بخوف
ادم قرب منها ضمها وهي بتبعد عنه بس هو ضمها اكتر وقال : متخافيش انا لايمكن أذيكي ابدا... انا بحبك
نور قلبها دق بسرعه وحست ان قلبها يعرفه لكن عقلها لا واطَمنت شويه
كلو َمع بعض وأدم بيحاول يقول اي حاجة ويضحكها
ادم : يلا يا حبيبتي علشان ننام
نور بتوتر : ننام.. ننام فين
ادم ببراءه وهو بيشاور على السرير : هنا
نور : أنت هتنام فين
ادم : تعالي وانا هقولك
ادم مسك ايدها وخدها للسرير نايمها ولف الجهه التانيه ونام وقال : هننام كدا
وفرد ايده وحط راسها على كتفه وضمها جامد وهو بيبوس شعرها وبيقول : بحبك
نور اتوترت وجت تبعد بس هو ضمها وقال : متبعديش عني.. انا متأكد ان حتى لو عقلك مش فاكرني فقلبك فاكرني والدليل ان كل ما أقرب منك بسمع دقات قلبك بتزيد
نور سكتت وغمضت عينيها بتوتر وقعدت تحاول تفتكر لحد ما نامت
_____________________
صلاح  : عندها فقدان ذاكره مؤقت ومش فاكره ادم
ساره : طب ودا ممكن يفيدنا
نجلاء : آه اكيد هي دلوقتي مش فاكراه ولا فاكره انها بتحبه حتى فلازم تملي دماغها باي كلام وحش ضد ادم علشان تكره وتسيب البيت 
صلاح : فعلا دي فكره حلوه وهنبتدي ف التنفيذ اول ما ترجع البيت 
ساره : ماشي وانا هعمل كل اللي اقدر عليه علشان البتاع دي تمشي من هنا 
________________________
عند جمال 
جمال : ها عرفت اي اخبار عن نور 
الحارس : ايوه يا باشا هما حاليا في المستشفى ولما سألت الممرضه قالتلي ان عندها فقدان ذاكره مؤقت ومش فاكره جوزها ولا اي حاجه حصلتها الفتره اللي فاتت 
جمال ابتسم وقال بحقد : كدا حلو اوي نبدأ في خطتنا وروح اجمع معلومات عن الراجل اللي قولتلك عليه حالا علشان نخطط هنعمل ايه
الحارس : أوامرك يا باشا 
جمال بتفكير : عمر... مش عايز عمر يعرف أي حاجه وخلي حد يراقبه من بعيد 
الحارس : ليه كدا يا باشا مش عمر بيه معانا 
جمال بعصبيه :  اعمل اللي قولتلك عليه من غير ما تسأل 
الحارس : حاضر يا باشا بعد اذنك
_______________________
عند ادم ونور 
نور صحيت من النوم لقت نفسها في حضن ادم بصتله كتير وبتحاول تفتكر اي حاجه بس مش فاكره وبتفكر في اد ايه هو وسيم وحاسه بارتياح معاه وحاسه ان قلبها فاكره فعلا 
ادم فتح عيونه لقاها بتبصله نور ارتبكت وبصت الناحيه التانيه 
لف وشها بايده وقال بابتسامه : عارف ان حلو بس مش لدرجه انك تقعدي طول الفتره دي تبصي عليا 
نور شهقت وقالت : أنت... انت كنت صاحي 
ادم ضحك بصوت عالي ونور اتكسفت وبتحاول تبعد عنه بس هو شدها وقال : مش قولتلك قبل كدا طول ما انتي ف حضني متحاوليش تبعدي عني 
نور هزت راسها بالنفي وقالت بتوتر : مش... مش فاكره 
ادم باس ايديها وقال : ان شاء الله هتفتكري كل حاجه يا روحي وترجعي احسن من الاول 
نور : طيب هو ايه اللي حصل ووقعت ازاي 
ادم اتوتر اوي بس حاول ميبينش فقال بثبات وهو بيمشي ايده على شعرها بحنيه : الدكتور قال مينفعش نضغط عليكي يا نور ولازم انتي اللي تفتكري كل حاجه بنفسك 
نور ب اعتراض : بس 
ادم قاطعها وقال : هششش اهدي دلوقتي ويلا قومي علشان نفطر والدكتور هيجي يشوفك علشان نتطمن عليكي ونروح 
نور بتوتر : هن... هنروح فين 
ادم : بيتنا
نور بأعتراض وتوتر : لا.. لا انا هروح بيتي عند ماما 
ادم : بيتك هو بيتنا يا حبيبتي ولازم نروح مع بعض 
نور بطفوله : لا انا هروح عند ماما وانت روح بيتك 
ادم وهو بيحاول يبقى هادي : مش هينفع صدقيني واسمعي الكلام بقي
نور : ليه مش هينفع 
ادم قرب منها اكتر وباسها من خدها وقال بحنيه وهو بيرجع خصلات شعرهاا لورا  :  علشان يا حبيبتي مبعرفش انام وانتي بعيد عن حضني
نور بتوتر : اااا.. انت بتقول ايه 
ادم وهو بيقرب اكتر وبيقول بهمس : مبعرفش انام وانتي بعيد عن حضني 
وقرب اكتر وباسها من شفايفها بحب ورقه 
نور حاولت تزقه بس هو ضمها اكتر وهي استسلمت ليه ولاحساسها كانت حاسه ان هو قريب منها اوي و فرحانه وف نفس الوقت متوتره وحاسه انها مرت بنفس الموقف دا قبل كدا 
ادم بعد عنها وهو بيلتقط أنفاسه وقال بهمس : انا مش عارف ابعد عنك ثانيه واحده ازاي اخليكي تباتي بعيد عني 
نور. متوتره ومش عارفه تعمل ايه ولا تقول ايه بس فكره انها تروح معاه ويبقو مع بعض ف نفس البيت بيخليها تتوتر اكتر 
ادم حس بيها وقال بحنيه : حبيبتي مش عايزك تخافي مني ووعد هعملك كل اللي انتي عايزاه ومش هضايقك ابدا 
نور هزت رأسها بتردد وأدم ابتسملها 
______________________
في فيلا  نصار
أدم داخل الفيلا مع نور وكان ساندها ووصلو لحد السلم نور وقفت وظهر قدامها تشويش ان حصلها حاجه فالمكان دا وداخت كانت هتقع آدم مسكها وقال  بخوف : مالك يا حبيبتي 
نور بتعب وهي حاطه ايديها على رأسها : انا دايخه وحاسه.. حاسه ان في حاجه حصلت هنا 
ادم شالها فجأه وقال : اهدي يا روحي ولما نطلع فوق نامي وارتاحي ومتضغطيش علي نفسك اكتر من كدا 
نور : اا.. انت بتعمل ايه نزلني
ادم بابتسامه وهو بيطلع السلم : لا مش هنزلك
نور : هو احنا عايشين لوحدنا هنا
ادم : لا في ناس كمان عايشين هنا بس مفيش حد موجود هنا حاليا لما يرجعو هعرفك عليهم
نور : مين دول
ادم طلع الجناح ونزلها ع السرير برفق وقال : زينه اختي وابويا ومراته وبنتها
نور : ومامتك فين
ادم بحزن : ماما متوفيه
نور بزعل : انا اسفه ربنا يرحمها
ادم بابتسامه وهو بيشيل الحجاب من على شعرها : أسفه على ايه بس... اسألي على اللي انتي عايزاه
َيلا علشان تاكلي وتاخذي العلاج
نور هزت رأسها بإبتسامه
كلو مع بعض وأدم جبلها العلاج ونامت
الخادمه وهي بتخبط ع الباب ادم راح فتح 
الخادمه : مراد بيه اخو نور هانم تحت وعايز يقابل حضرتك 
ادم : طيب قوليله اني نازل حالا
_____________________
أدم نزل ودخل مع مراد اوضه المكتب
أدم بحزن : انا خايف اوي على نور
مراد : ان شاء الله هتخف وهتبقى احسن من الاول
ادم : يارب الدكتور قال لازم هي اللي تفتكر كل حاجه لوحدها 
مراد : انا خايف لحد يحكيلها اللي حصل اول ما اتقابلتو و انك ضربتها واتجوزتها غصب عنها وكدا وقتها هيبقي تأثيره وحش اوي على نور وممكن حالتها تسوء
ادم : محدش يعرف عن اللي حصل غيري انا وانت وسيف وطبعا محدش هيقولها مننا
مراد : طب وانت ناوي تعمل ايه في إللي قولتلي عليه وصلت لباقي المعلومات وأتأكدت
ادم : ايوه اتأكدت و
ادم بيكلم وقام وقف راح ناحيه الباب وفتحه مره واحده لقى ساره واقفه على الباب من برا
ساره بخضه : اا... ادم
ادم بعصبيه : بتعملي ايه هنا
ساره : كنت جايه من برا وقولت اعدي عليكي بس واضح انك مش فاضي هجيلك وقت تاني
وسابته وجريت قبل ما يتكلم تاني
ادم دخل المكتب وقفل الباب بنرفزه وقاال : البت دي لازم اشوفلها حل
مراد : ايه رايك تاخد نور وترجع شقتكم
ادم زفر بغضب وقال : لازم نفضل هنا الفتره دي
_______________________
ساره طلعت جري على اوضه نجلاء وحكتلها كل اللي سمعتو
نجلاء بضحك : كدا خلاص الكره بقت في ملعبنا
ساره بضحك : انا هوريك يا آدم وهخلي البت الزباله هي اللي تسيبك
نجلاء : اهدي بقا علشان نفكر كويس مش عايزين اي غلط
ساره بغل  : متقلقيش انا هخليها تكره
يتبع الفصل الرابع والعشرون 24 اضغط هنا
google-playkhamsatmostaqltradent