رواية نور قلبي البارت الواحد والعشرون 21 بقلم دينا يوسف
رواية نور قلبي الفصل الواحد والعشرون 21
نور : اهدي يا آدم وسيبك منو علشان خاطري
ادم بابتسامه : حبيبه قلبي انا هادي اهو مفيش حاجه وانا كمان مش عايز ازعل انهارده عايز ابقى فرحان وبس وعايزك جمبي يا روحي
نور بابتسامه : انا جمبك
ادم إبتسم لها وقال بخبث : مش كفايه كدا بقا يلا نطلع الجناح عايزك ف موضوع مهم
نور بتسأول : موضوع ايه دا
آدم : هقولك يا روحي لما نطلع يلا بينا بقاا
آدم خد نور وطلع فوق الجناح المخصص ب العرسان وهو شايلها وهي مكسوفه اوي ادم دخل الجناح ونزل نور على الأرض
اول ما نور دخلت اتفاجأت بنور وورود متناثره في كل مكان و إضاءة هاديه جدا وجو رومانسي ابتسمت وفرحت اوي
دخلت الاوضه لقت ضوء خافت والسرير مرسوم عليه قلب بالورود وشموع ف كل مكان
نور بتتفرج على الاوضه وفجأه ادم وقف وراها وضمها أوي من ضهرها ودفن رأسه ف تجويف عنقها وشم ريحتها الحلوه وغمض عينه وهي كمان حست باحساس غريب بيسيطر عليها وغمضت عينيها
وقال بحب : انهارده احلى يوم في حياتي عمري ما حسيت بالفرحه اللي انا حاسس بيها دي غير وانتي جمبي و في حضني وضمها أكتر كأنه عايز يدخلها جواه وكمل بهمس : بحبك يا نور.. لا مش بحبك انا بعشقك.. بعشق كل تفصيله فيكي.. ضحكتك و حنيتك وكسوفك وروحك الحلوه دي كل حاجه... بموت في كل حاجه فيكي
كل دا ونور مغمضه عينيها ومستمتعه بكلامه وهمسه
ادم لفها ووقف قصادها وقال : نور انتي مش حاسه انك ندمانه في قرارك انك تبقى معايا
نور ابتسمت وهزت راسها بالنقي
ادم : طيب قوليها عايز اسمعها منك
نور : لا مش ندمانه
ادم بمكر : يعني عايزه تبقى جمبي و مراتي طول العمر و
نور قطعت كلامه وقالت برقه : بحبك
ادم وهو مش مستوعب هي قالت ايه
ادم سألها بتوتر : ان..... انت قولتي ايه
نور بابتسامه وصوت هادي : بحبك
ادم ضمها بسرعه وشالها رفعها من الأرض وهو لسه مش مستوعب
ادم بحب : وانا بعشقك... بعشق َكل حاجه فيكي يا نور قلبي ونور حياتي كلها
وعمري ما حبيت قبلك ولا هحب بعدك.... انا معرفتش الحب غير معاكي يا نور انتي اللي خليتي قلبي القاسي دا يدقلك انتي وبس يا نوري
نور ابتسمت وقالت : نوري
ادم بحنيه وهو بيمشي ايده على خدها برفق : امممم نوري
نور حضنته اكتر وأدم ضمها اوي وقال بخبث : تعالي بقا عايزك في موضوع مهم ولا انتي نسيتي
نور ببراءه : لا منستش بس موضوع ايه دا
آدم : تعالي بس وانا اقولك
نور : بس انا جعانه تعالا ناكل الأول وبعدين نتكلم
ادم بمكر : هأكلك ياروحي وهعملك كل اللي انتي عايزاه بس بعد ما اقولك
نور باستسلام : ماشي
ادم قرب منها اوي ضمها لصدره وباسها بكل رقه وحب وشالها وراح بيها على السرير
نور بصوت خافت وتوتر : مش..... مش بتقول في موضوع مهم
ادم : ششش اسكتي هو في أهم من كدا
نور : بس
آدم قطع كلامه ببوسه من شفايفها وتاهو في عالم خاص بيهم وبس
_______________________
تاني يوم الصبح آدم صحي ونور كانت ف حضنه فضل يتأملها شويه وباس جبينها نور فتحت عيونها وهي مبتسمه
آدم ابتسم وقال : صباح الجمال على احلى عروسه في الدنيا
نور اتكسفت
آدم بمرح : اي دا انتي لسه بتتكسفي بعد اللي حصل دا
نور خدودها احمرت من كسوفها وقالت بكسوف وهي بتضربه ف صدره بخفه : بس بقى يا ادم
آدم و هو بيقلدها : بس بقى يا آدم
نور بغيظ : طيب انا مخصماك ومش هكلمك تاني ابعد عني بقا
ادم بضحك : مخصماني
نور بطفوله : ايوه ومالكش دعوه بيا بقا
آدم بمرح : لا مش هينفع خالص دلوقتي موضوع مخصماك ومالكش دعوه بيا دي طيب تعالي وانا هصالحك
نور فهمت هو قصده ايه قالت وهي بتزقه : آدم انا جعانه من امبارح ونمت ومكلتش
ادم افتكر لما كانت جعانه ومكلتش وقال : طيب يلا يا روحي ادخلي خدي شور على ما اطلب الفطار
نور بابتسامه : ماشي يا حبيبي
آدم شدها تاني وقال بابتسامه : انتي قولتي ايه
نور : يوووه سيبني بقى يا آدم جعانه
آدم : هسيبك بس قولي انت قولتي ايه الأول
نور : مقولتش حاجه
ادم : خلاص يبقى مش هتقومي
نور بصتله بغيظ وأدم ضحك وقال : طب قولي بقا
نور بكسوف : ح.. حبيبي
ادم مال عليها وباسها بحب وضمها وقال : روح وقلب حبيبك.... يلا قومي وانا هطلب الاكل
نور خدت شاور وآدم طلب الفطار فطرو وهزرو واتكلمو كتير
أدم قال : يلا بقا يا روحي علشان نلحق الطياره
نو باستغراب : طياره ايه
ادم ضمها وقال : هنسافر
نور : ليه
آدم كشر وقال : يعني عريس وعروسه وهيسافرو ليه اكيد هيقصو شهر العسل يا نور
نور بفرحه : هيييييه بجد يا آدم
آدم ضحك وقال : بجد يا نوري هتلبسي ولا ارجع في كلامي
نور قامت بسرعه : لا هلبس
مشيت رجعت تانى و هي بتقول : بس هنجهز الشنط امتى
آدم : حبيبتي في هنا كام حاجه هناخدهم وبعدين لما نسافر هنشتري كل اللي انتي عايزاه من هناك
نور : طيب هنسافر فين
آدم : نور ربع ساعه لو مكنتش واقفه قدامي وجاهزه مش هنسافر
نور بتأفف : يوووه بقا يا آدم
آدم بتحذير : نور
نور : حاضر
لبسو وخدو الشنط وسيف كان مستنيهم تحت بالعربيه وصلهم المطار
نور بخوف : ادم انا اول مره اركب طياره وخايفه
ادم وهو بيمسك ايديها وبيطمنها : متخافيش وانا جمبك يا روحي دي حاجه سهله خالص احنا بنتكلم اهو ومش هتحسي بحاجه خالص اهدي بس
نور ابتسمت بتوتر و ضغطت علي ايده
قعدو يتكلمو ونور نسيت خوفها
نور : هو احنا هنسافر فين
آدم : باريس يا روحي
نور بفرحه : بجد انا كان نفسي اسافر باريس اوي
ادم : انتي تحلمي بس وانا انفذ يا نوري
نور سندت رأسه على كتفه وقالت : ربنا يخليك ليا
______________________
عمر حاول كتير يكلم يارا بس مفيش فايده وعمر
و سيف بيحاولوا يعرفو مين اللي عمل كده
عند جمال
البنت : انت سايبه يعني اتجوز وسافر شهر العسل وعايش حياته وفرحان
جمال بحقد : سيبه يفرح يومين ويتعلق بيها اكتر علشان لما احسرو عليها يكسر اكتر
البنت بحقد : نفسي امسكها في أيدي وتسبني عليها اموتها
جمال بحده : الغرض من كل دا آدم نور برا حساباتنا
البت بعصبيه : آيه عجبتك انت كمان
جمال و هو بيحاول يهديها : لا يا حبيبتي دا انتي اللي فالقلب
البنت : طب عايزه اخلص منهم ف أقرب وقت
جمال بغل : اصبري بس لما يرجع من شهر العسل علشان دا آخر عسل هيعيشو
و ضحكو بشرر
______________________
مراد و زينه
مراد راح الشركه يقابلها ودخل المكتب
مراد : ازيك ياحبيبتي
زينه وهي بتقلب ف الأوراق و بتقول بجديه : استاذ مراد لو سمحت الزم حدودك ولو في حاجه مهم ياريت تتفضل تتكلم فيها لأن ورايا شغل
مراد قام راح وقف جمبها وقفل الملف اللي بتقلب فيه وقال : زينه متتجاهلنيش كدا لو سمحتي
زينه بصتله وقالت : مراد بجد انا زهقت كفايه كلام فالموضوع دا كفايه بقاا
مراد بندم : زينه انا اسف والله لو كنتي مكاني كنتي هتعملي اكتر من كدا
زينه بدموع : انا مش قادره اسامحك لو سمحت كفايه بقا
مراد حضنها جامد وهي بتقاومه بس فالاخر سندت راسها على صدره وقعدت تعيط شويه وهو بيهديها
مراد بندم : علشان خاطري متعيطيش انا اسف والله انا ندمان على اللي قولته وعارف أن جرحتك اوي بس سامحيني وهعملك كل اللي انتي عايزاه
زينه وهي بتسمح دموعها : طيب خلاص ابعد
مراد بخبث : ما انا بعيد
زينه بكسوف : مراد ابعد احسنلك
مراد بعد ومسك ايديها وقال يعني : مسامحاني يا حبيبتي
زينه هزت رأسها بالموافقه
مراد بفرحه : يااااه اخيرا يا قلبي
اول ما آدم يرجع هكلمه و نتجوز
زينه ابتسمت
_____________________
أدم ونور
وصلو وآدم خدها وطلع على الفندق اللي حاجز فيه
طلعو جناحهم نور قعدت تتفرج على كل تفصيله فيه ومبسوطه
ادم دخل خد شور وطلع يلبس هدومه
وقال لنور : يلا بقى نرتاح شويه يا روحي علشان ننزل نتفسح
نور : لا عايزه انزل دلوقتي
آدم : لا يا روحي هنرتاح وننام شويه الأول
نور : طب
آدم : تعالي بس هقولك حاجه
نور ضحكت وطلعت تجري : لا مش عايزه اعرف
آدم جري وراها وسط ضحكهم ادم شدها وثبتها على الحيطه وقال بابتسامه : بقى بتهربي مني يا نور ماشي انا هوريكي
نور : لا يا آدم علشان خاطري بس
ادم باسها بحب وشالها ونزلها على السرير برفق و زود ف قبلته اكتر لحد ما نور تاهت معاه وقضو وقت حلو مع بعض
أدم بيصحي نور من النوم
ادم بابتسامه وهو بيرجع شعر نور بعيد عن وشها : نور
نور بنوم : امممم
ادم : يلا بقى قومي يا كسلانه مش عايزه تتفسحي
نور : عايزه بس سيبني انام شويه
ادم وهو بيلعب ف شعرها : لا كفايه نوم يلا بقى اصحى
نور : علشان خاطري شويه بس
ادم وقف وشالها فجأه من السرير وراح ناحيه الحمام
نور شهقت وفتحت عينيها : ادم انت بتعمل ايه
ادم بابتسامه : انتي مش عايزه تصحى انا هصحيكي بطريقتي يا قلبي
نور : يا آدم بقا طب نزلني علشان خاطري
ادم بتفكير : عايزانى انزلك
نور : ايوه
ادم : طب بوسيني الأول وانا هنزلك
نور : والله لا طبعا
ادم : خلاص يبقى ه
نور : طب خلاص هبوسك
نور قربت منه وباسته في خده وأدم لف وشه فجأه وباسها من شفايفها ونزلها على الأرض و حط ايده على وسطها وشدها عليه وقال : يلا بقى خدي شاور علشان ننزل وهنتغدي برا
نور بابتسامه : حاضر
نزلو اتغدو واتفسحو كتير واشترو حاجات كتير ونور كانت فرحانه اوي وأدم فرحان وهو شايفها بتضحك وفرحانه
_______________________
بعد اسبوع من شهر العسل
آدم : نور انا لو طلبت منك طلب هتواففي عليه واوعدك اني هعوضك
نور بقلق : في ايه يا آدم
آدم : بصراحه يا نور انا عندي شغل مهم اوي ولازم انا اللي أخلصه بنفسي وانا عارف انك هتزعلي بس مش عارف اعمل ايه لو هتزعلي يغور الشغل انتي اهم يا قلبي
نور اتنهدت براحه وقالت : الموضوع بسيط يا حبيبي اكيد هنرجع خلص شغلك وبعدين لما تفضي نبقى نسافر تاني مفيش مشكله وانا كمان امتحاناتي قربت
ادم : ربنا يخليكي ليا يا روحي خلاص نحجز على بعد بكره ايه رأيك
نور : كويس يا حبيبي وكملت بتردد : احنا لما نرجع على الشقه ولا الفيلا
ادم : الفيلا
نور : بس انا مرتاحه في الشقه
ادم مسك ايدها وباسها وقال : عارف يا حبيبتي انك مرتاحه ف الشقه بس لازم نروح على الفيلا خصوصا في الوقت دا
نور : ليه
ادم ضمها وقال : هتفهمي كل حاجه قريب يا قلبي
يتبع الفصل الثاني والعشرون 22 اضغط هنا
- الفهرس يحتوي على جميع الفصول (رواية نور قلبي كاملة)