رواية فوزية القوية البارت الأول 1 بقلم اسراء ابراهيم
رواية فوزية القوية الفصل الأول 1
قاعدة في البلكونة بتمص قصب وبتف على تحت
واحد واقف تحت البلكونة مستني صاحبه عشان مش عارف في أي شقة بالظبط وطلع موبايله يتصل عليه
فجأة وجد شئ بينزل عليه
هى طبعا قاعدة وبتاكل وترمي على تحت وحاطة الهاند فري
هو: إيه يا بهايم ياللي فوق بترموا زبالتكم عليا ليه
هى: مسمعتش صوته وبردوا بترمي وبيجي عليه
هو: يع يا اغبية ياللي بتاكلوا وترموا عليا
لم يجد رد على كلامه تف القصب عليه
لأ مش بدها بقى شاف طوبة صغيرة صغيرة قام رماها في البلكونة
هى أخدت بالها ومسكت الطوبة وبعصبية وقامت تشوف مين اللي رماها
بصت على تحت وجدت شاب وبيبص عليها
أنت ياض اللي رميت دي
هو بثقة:.ايوا
هى:.ومالك بتقولها بفخر كده ورمتها عليه إيه يالا شغل الحبيب لحبيبته ده اجري العب بعيد يا شاطر
هو: بس إيه مش بتفصلي حبيب مين ياما حضرتك اللي بترمي عليا قشر قصب
هى:.وأنت مالك برمي في بيت اللي جابوك أنا برمي تحت بلكونتنا يابا مش عاجبك اقف بعيد ومتصدعش راسي
هو:.يعني بدل ما تعتذري بتغلطي فيا انتي مش محترمة
هى: سيبالك الاحترام يا عين يور مازر
هو:.بت مش تخليني اطلع ارميكي من عندك
هى: أعلى ما في خيلك اركبوا يا عسل مبخفش
كلامك بله واشرب ميته
هو: نهارك أزرق واصفر لولا بس إنك بنت كنت مسحت بكرامتك الاسفلت ده
هى: ليه مفكرني معرفش أرد عليك دا أنا اغسلك وانشرك يا با
هو: الكلام معك مش منه فايده داهية فيكي وفى شكلك بكلم خنزير
هى: سمعتك يا تور يا بغل ياللي بترد على واحدة نسوان حسبي الله ونعم الوكيل فيك أشكال عرة
هو: مظنش إنك واحدة أبدا انتي شبه عم شاكوش اللي في شارعنا
هى: وأنا اعتقد مش محصل ذكر يا عنيا
هو: انتي يابت ساحبينك من لسانك
هى:.ملكش فيه يا عرة الرجالة
وفجأة جه اتصال من صاحبه
رد عليه
أنت فين يا عم أنا في شارعكوا بس مش عارف أنت ساكن في أي شقة
........... ............
خلاص مستنيك أنت اللي جاي على أول الشارع ده
ماشي ياعم أخيرا الواحد اتهزق هنا
صاحبه جه: اخبارك يا كبير وسلم عليه
هو(عمار): الحمد لله يا سطا اخبارك أنت
صاحبه (محمد): بخير ياريس يلا خلينا نطلع
وطلعوا العمارة وخبطوا وأخته فتحت
هى: أنت
هو: انتي
محمد: أنتم تعرفوا بعض
يتبع الفصل الثاني 2 اضغط هنا
- الفهرس يحتوي على جميع فصول الرواية (رواية فوزية القوية كاملة)