رواية أقارب صدفه البارت الأول 1 بقلم دعاء زينه
رواية اقارب صدفه الفصل الأول 1
-ياماما حد يصحى حد كده بردوة
=اومال عاوزانى اصاحيكى ازاى يابنت المجنونه
-ياماما مقولناش حاجه بس مش معنى انك عاوزة تصحينى اصحى كل يوم عالشبشب طاير لا أدرى من أين أتى نازل عالوش اللى خلفونى🥱
=تستاهلى واحدة وراه جامعه الصبح بدرى تفضل صاحيه لحد الساعه 2بعد نص الليل
-ايوه ياماما كنت صاحيه وهصحى وانا بصحى ليه يعنى مش عشان ازاكر واحيبلكم التقدير اللى يفرحكوا وانتوا عاوزينوا بدل مابويا كل مايشوفنى يقولى اهم حاجه التقدير التقدير اقوله ياحج اتدرب اواتطوع فى اى عمل خيرى يقولى التقدير لحد مازهقتونى
=اه انتى هتقوليلى والتقدير بتاعك ده هتجبيه وانتى قاعدة فاتحه يوتيوب عالقصة كفاح ملكة الجماهير لؤلؤ ابقى تعالى قابلينى
-يوه خلاص ياماما مش كانت كل مشكلتك انى ادينى اتهببت صحيت خلاص بقى يلا روحى حضرى الفطار عالمجهز عشان ماتاخرش عالمحاضرة
=طيب يلا قومى مربيه بغله معايا تقوم تاكل وتنام تانى اهااااا يانى يافرستى الله يكون في عونه اللى هيتدبس فيكى هيريحنى ويريح البشريه وهيظلم نفسه
=هااا بكرة تشوفى ده هيقيم الله مخصوص عشان يدعى ربنا ويشكره انى وهبنى ليه
-قصدك هيدعى عليكى
=توتو ياحبيتى ده من الكتر الهنا اللى هيبقى فيه هيقول ايه اللى بينى وبين ربنا عشان يوهبنى جوهرة زى دى
-قصدك هيقول عملت ذنب ايه بتخلص منى فى دى
=خلاص ياماما خلاص كل يوم نفس الموال انا خلصت بابا جه ولا لسه
-خلاص عالوصول اهووو مانتى عارفه ياحبيبتي بينزل يصلى الفجر ويقعد يقراء قرأن لحد مايصلى الضحى ويطلع
=طيب ياماما انا نزله واول مايجى بسهولى كتير بقى عشان متاخرش عالمحاضرة يلا سلام
-سلام ياحبيتى خلى بالك من نفسك
=حاضر ياماما سلام
(نسيت اعرفكوا بنفسى انا ندى 2زراعه ادعولى بقى الله الموفق و المستعان بنت عاديه زى اى بنت فى الدنيا طويله سيكا وده عاملى مشكله الحقيقة😅بس ماعلينا كنت عاوزة ادخل علوم بس مجموعى مجبش ودخلت زراعه الحمد لله على كل حال عايشه مع بابا وماما واخويا الكبير بس هو حاليا فى الكليه شرطه عقبال عندكوا😌ربنا يرجعوا لينا بالسلامه عايشين عادين زى اى ناس معرفش حد من قريبنا كل اللى اعرفه انهم مقطعنا بسبب أن بابا عاند واتجوز ماما بس كده وباقى الحكايه هنعرفها فى الأحداث)
-ترن ترررررررن رن
=ايوه يانور قلبى
-انتى بتسبتينى ياندى طب وحياة امك ماشى انتى فين يازفته اتاخرنا
=حقك عليا متزعليش انا خلاص عالوصول اهووو عشر دقايق وهتلاقينى قدامك
-لا والله كل مرة بتقولى كده مش مبثقش فيكى
=اخس عليكى انا عمرى كدبت عليكى
-يووووه متعديش
=لا بجد عشر دقايق وهبقى قدامك
-طب لو عدى العشر دقايق ومشرفتيش
=عديهم من اول تانى😅
-طب يلا ياختتتيييييى
=اوكيههه سلامووووز
-جلوكوز😂
=قروبه بنت الايه بتقلش قلش رخيص زيهاا😅
وصلت طبعا وانا بنهج عشان الحق شوفت نور من بعيد وقفه عنيها بتطلع شرار وعاوزة تقتلنى 😅يلا المهم وصلت
=حبيب قلبى اللى وحشنى
-اهااا كل بعقلى حلاوة ياختيييييي كلى
=اخس عليكى اخس بجد حقك عليا ياستى متزعليش
-مبزعلش منك اصلا يلاا
(نور دى قلبى صحبتى اتعرفت عليها فى الكليه وكانت عوض ربنا ليا عن كل الصحاب الندله اللى عرفتهم فى حياتى من أطيب الناس ربنا يخليها ليا بجد يمكن مش بقدر اعرفها اد ايه مهمه عندى وبحبها بس هى عارفه غلاوتها عندى♥️دامت دوما يارب♥️)
=نرجع تانى واحنا مشين رايحين المدرج لاقينا بنت وقفه عامله تعيط
-ندى شوفى البنت اللى هناك بتعيط
=ايوه يانور فعلا بس يمكن عشان الواد بتاعها زعلها ولا حاجه
-يابنتى احسنى الظن تعالى أما نشوف مالها
=طيب يلا
نور : السلام عليكم
البنت : وعليكم السلام
ندى:ايه ياجميل مالك زعلانه ليه
البنت : ابدا انا بس لسه جديدة هنا منقوله جديد ومش عارفه حد هنا ولا عارفه الاماكن وجيت ارن عالاخويا يجى يخدنى لقيت فونى فاصل
نور:طب بس أهدى ياحبيتى
ندى:طب وانتى ترنى عالاخويكى ليه عشان مش عارفه الاماكن طب اجمدى كده يابت وانشفى كده الاول انتى فرقه كام
البنت:فرقه تانيه
نور:بصرة زينا
البنت:بجد
ندى :ايوه ياستى بجد متعيطيش كده وانشفى ويلا تعالى معانا
نور:معانا فين استنى يخربيت تسرعك الاول ياقمر اسمك ايه
البنت :ملك اسمى ملك
ندى :جميل اووى اهى طلعت معانا اهى يلا بينا بقى عالمحاضرة ولا ايه
البنات ايوه طبعا يلاااااا
(وصلنا المدرج ودخلنا والحمد لله لحقنا الدكتور قبل مايدخل )
ندى :نوور انا جعانه
نور:وانا كمان اول مانخرج ناكل
ندى :طيب هناكل ايه
نور:مش عارفه
ندى :طب استنى اما نسأل البت ملك نشوفها هى كمان بدل الحيرة دى
ملك بت ياملك
ملك:نعم
ندى :هااا هتكلى ايه
ملك :ايه اما نخلص المحاضرة الاول
ندى :امشى يابت نور البت دى هتفرسنى
نور :طب أهدى بس. عشان منتطرتش
ندى :طيب هتاكلى ايه
نور : مش عارفه هتاكلى انتى ايه
ندى:خلاص ايه رايك فى بيتزا
نور : اشطاااااااا طب هتاخديها لحمه ولا فراخ
ندى :لحمه ايطالى ولا شرقى
نور:ايطط
الانسه اللى بتتكلم اطلعى برة
نور : يادكتور انا اسفه والله بس
الدكتور:بررررة
نور جايه تخرج
ندى:استنى يانور انا اللى كنت بكلمها يادكتور
الدكتور :وبتقوليلها ايه بقى إن شاء الله
ندى : كنت بسألها هناكل البيتزا ايطالى ولا شرقى
الدكتور:طب بررررة انتوا الاتنين بقى
ندى :فى سرها حيث كده طب يلاااااا
نور خارجه وندى خارجه وراها ملك مسكت فى ندى
ملك وقالت ليها :متسبينيش 🥺وبتبدى تعيط
ندى :هو انا امك وبعدين هو انا راحه دريم بارك انا مطرودة ياماما
الدكتور :والبت دى كمان معاكوا برة والا مش هتدخلولى محاضرة تانى
ندى :فى سرها يعنى هتخرجنا من الجنه ياخييي
نور وملك سمعوها وضحكوا وهما خارجين وقبل مالدكتور يتكلم كانوا قفلوا الباب وطلعوا يجروا😂
نور:الله يسامحك يا شيخه كنت قعدتى اهو حتى واحدة فينا استفاد
ندى : والله العظيم ابدا انا اسيب صاحبتى طردت لوحدها لاممكن ابدا😌
ملك :لا بجد انتوا مشكله 😂
ندى :وهو انتى شوفتى حاجه لا وانتى متسبينيش لوحدى ايه ياحبيتى هو انا هرضعك
ملك :وهى عالوشك أنها تعيط🥺سورى والله بس انا عندى فوبيا من انى ابقى لوحدى
نور:اخس عليكى ياندى خلاص يالوكه متعيطش طيب
ندى :ياجميل بتعيط ليه بس انا بهزر معاكى حقك عليا يمكن هزارى دبش شويه بس هتتعودى لما تعرفينى يلا بقى ناكل جعانه يابشررررررررررر
(ضحكنا وروحنا طلبنا الاكل وكلنا وخلصنا باقى اليوم وروحنا )
(وعدى شويه ايام ملك بقت معانا انا ونور علطول واتقربت منا وبقت صاحبتنا وقربنا عالامتحانات الميد ترم وبعد منه عملى وبعد كده فينل ده غير الكويزات اللى كنا منفوخين فيها منا نسيت اقولوكوا أن زراعه دى المفروض تبقى اسمها كليه النفخ الجماعى😂 خلصنا امتحانات الحمد لله واخر يوم فى الامتحانات خرجنا سوا بما أنه اخر يوم وكده بقى )
نور :هااا يابنات هنروح فين
ندى :ايه رايك نروح الكافيه اللى بنورحه يابت يانور بقالنا كتير مينروحش
نور :اه والله ايه رايك ياملك
ندى :هيعجبها إن شاء الله انا عارفه
ملك:حيث كده يلااااا بينا
روحنا الكافيه طلبنا اكل وانا طبعا طلبت شورما طلبى المفضل وقعدين مستنين الاكل عالميجى
ندى :ايه رايك ياولااه بما اننا خدنا الإجازة ننزل نشوف اى شركه ندرب فيها
نور :اه والله ياريت بس ياحلوة يامسكرة كل مرة نتفق وابوكى في الاخر يجى يقول التقدير التقدير🤦🏻♂️
ملك:ايه حوار التقدير التقدير ده
ندى :الله يسامحك يا حاج علطول كسفنا كدهون
نور :ابدا ياستى اصل كل الحكايه أن ندى كل ماتقول حاجه للسيد الوالد يعنى مثلا تنزل تتدرب فى شركه او تتطوع في جميعه خيريه يقول ليها بدل الكلام ده ركزى عالتقدير😂
ملك:يانهار ازاى بس ده الحاجات دى مهمه عشان الCV
ندى :الله يستر اصلك تعالى قوليله انتى بقى اصلى انا خلاص هبيض🙄
نور وملك:😂😂😂
ندى : اه ياختي انتى وهى تضحكوا اضحكوا
ملك :طب خلاص خلاص طب بقولك ايه ايه رايكوا تتدريوا معايا فى الشركه عند اخويا
ندى ونور:عند ايه ياختييي
ملك :عند اخويا
ندى :اللى هو ازاى يعنى
ملك:انتى شكلك جالك زهايمر يابنتى مش قولتلك أن اخويا جه هنا يأسس فرع لشركته هنا انا استغليت الفرصه وجيت ادرس هنا فى مصر بدل الصعيد
ندى ونور :اهاااا
نور:طب والله فكرة ايه رايك يابت ياندى اهوو دلوقتي ابوكى مش ليه حجه
ندى: والله معاكى حق خلاص هقوله وأشوف
نور :يارب ياختيى يارب
ندى : الله الواحد يولاه قال هيدخل الجامعه مش هيلاحق عالمعجبين وهيشهم كده زى الدبان الا مالقينا كلب يتف علينا حتى
نور:وه مين بيتكلم ندى دى ولا حد شبهه
ملك:هههه ليه فيه ايه
نور :ابدا اصل ست الحسن اللى قدامك دى من أنصار فكرة أن افشل حاجه عالكوكب فكرة الجواز وهو مشروع فاشل شكلا وموضوعا
ندى :ايوه طبعا ومزلت عند رأى بس ده مايمنعش أن الاقى اللى يلف بلاد الله بضهره عشان أقبل بيه
ملك :نعم ياختيي
نور :اسكتى دى هتفرسنى دى طب هقولك مره حد دخل كلمها عالواتس وبيقول ليها هاى فردت قالت مين قالها واحد مخنوق وبيفكر ينتحر وعاوز نصيحه تخيلى ردت قالتله ايه
ملك :ايه
نور:قالتله وجاي تسألنى انا انا لو منك انتحر ومفكرش الدنيا تغم ياجدع وبعد كده رزعته البلوك المتين
ملك:ايه😯😳
نور :اه والله زى مابقولك كده
ملك :قال وعاوزة معجبين ياشيخه أجرى
ندى :الله عيل سرسجى فاضى طلب ناصحتى وادتهالوا😒
ملك :تقوليله انتحر ياقادرة
ندى :لا اسيبه يختش حيائي😏😒عشان تنبسطوا
نور :اسكتى سيبكى منها دى مجنونه دى متختيشش عالكلامها
ندى:😒
ملك طب خلاص الاكل وصل كلنا وخلصنا وكل واحد راح بيته
فى بيت ندى(أبوه ندى وامها بيتكلموا
ام ندى :وبعدين يااحمد هتفضل ساكت هنعمل ايه هتقول الولاد. ولا ايه
احمد :مش عارف ياحور مش عارف
حور :يعنى ايه مش عارف انت لازم تتصرف انا خايفه عالعيال يااحمد)
ندى كانت داخله خلاص البيت ووصلت عالحته حور وهي بتقول :انا خايفه عالعيال يااحمد
ندى:خايفه علينا من ايه ياماما
حور ارتبكت:هااااا ولا حاجه يانور عين ماما
ندى :بابا فيه ايه
احمد:ولا حاجه ياحبيتى انتى عارفه مامتك بتحب تضخم الامور بس مش اكتر
ندى :ايوه ماهى أمور ايه بقى اللى ماما مضخمها
احمد :ابدا ياستى عماله تقول البت عاوزين نبدء فى جهزها من دلوقتى ومش عارف ايه وانتى عارفه امك انا بتتفتح فى الموال ده
ندى بضحك:انت هتقولى وبعدين ياست الكل احنا فين والكلام ده فين ثم انتى عارفه رأى فى الموضوع ده ده غير انى مش هاخد اى حد والسلام لا ابدا ده لزلملوا مواصفات خاصه بمعنى يكون فى جدعنة السقا وشهامة امير كرارة فى مسلسل كلبش مع خفة ده محمد امام وأبوه وفى طول اميتبشان وعضلات هريتك روشان بمعنى اصح صناعة خارجيه بخفة دم مصريه 😂
حور :ابقى تعالى قابلينى😒
ندى :استنى بس لسه مخلصتش
حور : والله ده كله ولسه مخلصتيش
ندى:اوماااال ده غير انى لازم اعيش قصة حب من غير ارتباط مسبق اى ارتباط حرام شرعا وده غير أنه لازم يلف بلاد الله بضهره عشان ارضى عنه ده غير أنه لازم يدخل البيت من بابه ومعاه الجاتو والشوكولاته والورد وارفضه
حور :نعم ياروح امك ت ايه يعني
ندى:ارفضه ياماما ترفضه
حور :طب ولزمته ايه ندخله البيت بقى ياعنيى
ندى :عشان اكل الشكولاته والجاتو ثم انك عارفه انى مش من أنصار فكرة الجواز 😂
حور :اهااااا طب امشى من قدامى يافرسانى امشى
طبعا الحوار ده كله وبابا قاعد هلكان من الضحك روحت ناحيته
ندى:يدوم ضحكتك ياجميل
احمد :وتدوميلى ياست البنات
ندى :بابا يعنى اكيد مفيش حاجه
احمد :ابدا ياعيون يابابا
ندى:ماشى ياعم هعديها بمزاجى
احمد:يابكاشه☺️
ندى فى سرها ألحقه وهو مزاجه رايق كده وقوله عالموضوع الشركه
ندى :باااابا
احمد :عيوون ابوكى انتى
ندى :كنت عاوزة اقولك حاجه كده
احمد:قولى ياحبيتى
ندى :بابا انا خلاص خدت الإجازة
احمد:كلام جميل
ندى:طب ايه رايك لو نزلت ادرب فى شركة اخو واحدة ملك زميلت. انا ونور وهى معانا
احمد:بس
ندى:بس ايه يابابا مفيش بس انتى كانت مشكلة مزاكرة والتقدير صح كده انا دلوقتي خلصت امتحانات والمزاكرة كمان خلصت فأنا والتقدير انا عملت اللى عليا واللى ربنا كاتبوا هيكون فأنا بقول يعنى استغل وقت فراغى هاااا ايه رايك
احمد : والله اذا كان كده ماشى
ندى : قامت تجرى فى البيت زى المجنونه وتقول هيههههههه ولسه طلعه تجرى عشان تكلم ندى لقت هوب سوبر دوبلكس كف سادسى الابعاد نازل عالقفها بيصبح عليه
ولسه بتلتفت وراه تشوف مين اللي اتجرئ يعمل كده بصريخخخخخ لقته محمممممممممود وراحت ناطه فى حضنه وحشتنى وحشتنى اووووى
(محمود ده أخوه اللى قولنا عليه فى الاول بس ناوووو هوومخلص. شرطه مشاء الله عشان شغله بعيد عن بيته ينزل إجازات كل ماوقته يسمحله)
ندى :حودة وحشتنى وحشتنى اووووى
محمود :يابت احترمى فرق السن
ندى:ياعم مش لما تحترم قفايا اللى فى ذمة الله ده الله يسامحك
محمود :شتمنى وكان لازم أدبه😂
ندى:هههههه😒خفه
محمود :طب ماتزعليش ايه رايك تروحى تلبسى وننزل انا وانتى شويه
ندى :لا طبعا
محمود:انتى حرة كنت بفكر اجيب لك كريب كومبو وشاورما معاه واحليلك بعصير قصب بس مالكي
ندى :وعهد الله مانت مكمل انت هتاخد عالكلامى بردوة هو انا كلامى بتاخد عليه ياحودحودى
محمود:طب يلا انجزى
ندى:فوريرة انا ماليش كلمه اصلا 🤦🏻♂️
نزلنا عشان نتمشى وهو دخل يجيب الحاجه وانا قولتله هعدى استناك البر التانى متتاخرش عشان مش بحب اقف لوحدى انا ماشيه وخلاص كنت هعدى وهوووب مرة واحدة صوت الفرامل
نزل منها واحد ايه مقولكوش طول ايه وعرض ايه وعنينن ايه اللي انا بقوله ده استغفر الله العظيم فين غض البصر ياهانم المهم انا كنت هعتزر والموضوع ينتهى لانى حرفيا بعدى الطريق بمنتهى التخلف 🙄الصراحه يعنى وعادة ببقى غلطنا المهم هو نزل من هنا ولقيت بيقول
الشخص:انتى يامتخلفه مش تفتحى ياعاميه انتى انتى حيوانه ولا مفكيش عقل ولو جرالك حاجه انا اللى هتبهدل عشان واحده متخلفه شكلها شربه حاجه ولا بلا ازرق عالدماغك
ندى :انا سمعت الكلام دمى فااار وهو قال الكلمتين وبيرحع عشان يركب تانى وماشى اسكت لا مسكتش طلعت اجرى ووقفت قدامه قبل مايركب وقلت
ندى:انتى يابوا طويله ياهبل انا اللى شاريه حاجه ولا انت اللى الله اعلم شارب ايه ولا رايح فين مسربعك كده لدرجة انك مش هامك حياة الناس اللى. ماشيه قدامك ولا عشان النانوس راكب عربيه امه جاييهاله فى عيد ميلاده هيمشى يدوس عالخلق لا يابابا فوق ثم انك عيل نيت اصلا لا بتعرف تركب ولا تسوق عربيه زى دى أدى الحاجه للى يقدرها بمعنى اصح ادعى العيش لخبازه ياحلوووو
الشخص :وانتى بقى خبازه ياجربوعه
ندى:عندك انا جربوعه هتولى جمعية حقوق المرأة الاستاذ نازل اهانه فيه وانتوا ولا همكوا
(طبعا الكلام ده كان قدام شويه نااس كده مشاء الله لا تدرى من أين أتوا راح راجل كبير
قالوه
الراجل :مش عيب يابنى اعتبره زى اختك ليه تشتمها وتهنيه يعنى ليه وبراحه فى سوقتك شويه
ست تانيه:ولا انت عشان فرحانه بالعربيه هتدوس خلق الله يعنى
ندى فى سرها: لكوا أن تتخيلوا شكلوا بقى واقف هيفرقع من الغيظ اللى كان فيه بس احسن يستاهل هو اللى ابتداء المهم سبته مزبهل وروحت ماشيه
ندى:يدوبك مشيت لقيت اللى جن حط أيده عالكتفى ببص ورايا خفت يكون هو الصراحه بجهز أيده وقلت بس جاتلى فرصتى اللى بتمنها وهرقعه بالقلم واطلع أجرى بتلفت وانا ايدى مشعلقها فى الهوا لقيته محمود
محمود:,ايه يابتى اتجننتى ولا ايه
ندى فى سرها:يانهااار ابيض محمود للحظه نسيتك يابنى والله الحمد لله أنه مشفش اللى حصل
ندى:راحت خبطه فى صدره وقالت له اتخرت ومشيوا وهم بيضحكوا ويهزروا
(طبعا كل ده تحت ناظرات الشخص المجهول اللى ماكنش لسه مشى )
الشخص :بقى كده طلعتى منهم وحياة امى لوريكى بقى حته بقت جربوعه زيك تعملى فيا كده ماشى
ومشى الشخص
نرجع لمحمود وندى
محمود:انتى يابت
ندى:نعمين وحته ايه بت ماتحسن ملفظك يابقف انت
محمود بحده مصتنعه:ندى انظبطى لاظبطك انا بقولك اهووو
ندى بضحك: خلاص يابووالمحاميح مالك بقت قفوشه كده
محمود بضحك:طيب يختى بقولك صحيح ايه اللمه اللى كانت هناك دى
ندى قلقت سيكا كده ليكون شافها وهى بتزعق مع البقف ده:وانا اش درانى الله🤷🏻♂️
محمود:عليا
ندى :وانا مالى يالمبى
محمود :ماشى يالماضه يلااااا خاصة عشان نروح
خلصوا فسحتهم وروحوا وندى حكت لمحود عالموضوع التدريب ده وشجعها وقال ليها أنه فكرة كويسه بس لو حصل اى مشكلة تكلمه فورا
اول ماوصلوا ندى راحت لابوه
ندى: ياحاج
احمد:عيون الحاج
ندى :هات الفلفون ارن عانور وملك افرحهم بقرارك
احمد :مش معايا رصيد
ندى:عليا انا ياحاج تؤتؤ هاخد الفون يعنى هاخده
احمد:يابنتى نفسى احس ان الشهر 30يوم عادى زى البشر مش 15بس
ندى:طب ماتحس هو مركز الاحساس عندك ولا ايه مش فاهمه
احمد:لا مركز تخليص الباقه قبل نص الشهر حرام عليكى
ندى:يوووه يابابا اعمل ايه يعنى مانا مش معايا رصيد
احمد: والله ومين بيقعد يتحايل عليكى تشحنى وتقوليلى الشاورما اهم يابابا
ندى:الله يابو حميد مافعلا الشاورما اهم
محمود كان دخل غير هدومه وخارج عليهم وبكف أيده ونزل عالقفاها
محمود :سيبك منها دى متخلفه ياحاج عليا النعمه لو جرا ليها حاجه ماهتعرف تبلغنا
ندى :يابابااااااا سكته الغتتت ده
احمد مالكش دعوة باختك
محمود: يابابا مكملش كلامه ولاقى ندى بتلطلعه لسانها
ندى:😜
محمود:حاضر يابابا وهو من جواه بيستحلفلها
ندى :خدت الفون وطلعت تجرى عملت مكالمه جماعيه مابينها هى ونور وملك وبلغتهم باللى حصل
وفضلوا يتناقشوا وملك قالت ليهم أن اخوها مش هيمانع ابدا ومع ذلك البنات أصرت انها تقول لاخوها تانى ويشوف هيقول ايه
كان فى الوقت ده اخوها داخل البيت وهى بتكلمهم راحت قالتلهم خلاص انا هقوله ناوووو وسابت الفون وراحت جرى عشان تقوله
ملك:أبيه أبيه
اخو ملك:نعم ياملوكه
ملك:أبيه حضرتك مالك شكلك متعصب
اخو ملك :قال ليها ابدا ياحبيتى شويه إرهاق اؤمرى
ملك :كنت عاوزة افكر حضرتك بوضموع التدريب بتاعى انا زمايلى هينفع الفترة دى ولا ايه اصل خلاص خدنا الإجازة وحضرتك عارف عاوزين
اخو ملك:بس بس ايه كل ده ماشى ياستى هتيهم من بكرة وتعالى ولا يهمك
ملك:فرحت جدا وحضنت اخوها وقالتله:مرسى مرسى جدا ياابيه
وطلعت جرى عشان تعرف نور وندى وبلغتهم موافقه اخوها وقرروا هيتقابلوا ازاى عشان يروح الشركه مع بعض وهزروا مع بعض شويه وقفلوا وراحوا يناموا
ندى :فى اوضتها. بتتقلب وبتفكر في اللى حصل وبتضحك عالنفسها واللى عملته وقالت فى سرها احسن يستاهل ونامت وهى مبسوطه 🥱☺️
متعرفش أن كل ده هيجى عالدماغها😂
يتبع الفصل الثاني 2 اضغط هنا
- الفهرس يحتوي على جميع فصول الرواية (رواية اقارب صدفة كاملة)