رواية نور قلبي البارت التاسع عشر 19 بقلم دينا يوسف
رواية نور قلبي الفصل التاسع عشر 19
ادم رجع خصلات شعرها ورا اذنها وقال : تفتكري يا نور اني مفكرتش ف الجامعه وكل اللي انتي قولتيه دا
نور انا جبتلك كل حاجه فاتتك علشان الامتحانات قربت ومش هقبل ابدا غير بامتياز اما بالنسبة انك عايزه تروحي الجامعه مفيش مشكله بكره هوصلك وكمان علشان لو عايزه تقولي لحد على فرحنا
الجامعه مفيش مشكله بكره هوصلك وكمان علشان لو عايزه تقولي لحد على فرحنا
نور اتكسفت من نفسها لان هي مفكره ان ادم مش هيقبل انها تروح الجامعه نور ضمته جامد وآدم استغرب جداا لان اول مره هي اللي بتبادر وتعمل حاجه زي دي بس فرح جدااا وحط ايده على وسطها وقربها منو وضمها أكتر
نور حط راسها على كتفه وقالت : انا اسفه
ادم باستغراب :على ايه
نور : أنا يعني فكرت انك مش هترضي تخليني اروح وكدا بس قولت احاول وكنت خايفه من رد فعلك
ادم ضمها اكتر وقال : مش عايز اسمع كلمه خايفه دي اوعي تخافي مني يا نور احكيلي كل حاجه وقوليلي اي حاجه انت عايزاها من غير خوف واوعدك هعملك كل اللي انتي عايزاه
نور فرحت جداا وقالت بحماس : انت ممكن تذاكرلي بقاا صح
آدم بضحك : انا اذاكرلك.... ايه يا نور مينفعش دا انا هبقي استاذ صعب اوي
نور بدلع : لا يا ادم عايزاك تذاكرلي علشان خاطري
ادم بابتسامه وغمزه : الدلع دا غلط دلوقتي خالص اتعدلي كدا وانتي بتكلمي علشان انا ماسك نفسي بالعافيه
نور فهمت قصده واتكسفت جدا وجت تقوم افتكرت انها قعده على رجله اتكسفت اكتر قامت وجريت على الاوضه
تاني يوم الصبح
ادم وصل نور على الكليه
العربيه وقفت قدام الكليه نزل وفتح الباب لنور ومسك ايديها ودخل معاها
نور باستغراب : هو انت رايح فين
آدم بجديه : هوصلك
نور : لا كفايه لحد هنا انا هدخل
ادم : ماشي يا نور أمري لله ومد ايده واداها تيلفون وقال : لو عايزه اي حاجه كلميني ف اي وقت ولما تخلصي رني عليا علشان اجيلك ونروح
نور : لا مش مهم خليك وانا هروح
آدم بتحذير : نور
نور : حااضر هكلمك سلام
آدم : سلام
نور دخلت الكافتيريا لقت يارا وشهد قاعدين راحت ليهم اتصدمو وبصو لبعض وبعدين طلعو جريو عليها وحضنوها
شهد ويارا بيعيطو نور بابتسامه : خلاص بقا بلاش نكد
شهد : اقعدي واحكيلنا ايه اللي حصلك مراد محكاليش الموضوع كله
يارا : ايوا يا نور اتكلمي
نور حكتلهم كل حاجه حصلت الا ان ادم ضربها هي عايز تحتفظ بالجزء دا ومحدش يعرف عنه حاجه
شهد بفرحه : يعني هو بيحبك دلوقتي
نور بابتسامه : ايوه والا مكنتش قاعده معاكم دلوقتي
يارا بهزار : بقى الإنسان الآلي دا يعرف يحب
نور كشرت ومردتش يارا غمزت لشهد
وشهد قالت بغمزه : خلاص يا يارا دا واضح ان الحب متبادل
نور بضيق : انتو هتتسلو عليا انتو الاتنين هسيبكو وامشي والله
يارا بضحك : خلاص يا نونو مش هنتكلم
شهد : الفرح امتى يا نور
نور : لسه اسبوع
يارا : بقى عمر كان عارف بالفرح ومقاليش دا نهاره اسود معايا
شهد : وانا كمان سيف كان عارف ومقاليش
نور بتسأول : مين سيف وعمر
اتكلمو كتير وشهد ويارا حكو لنور علي اللي حصل معاهم وعلى سيف وعمر ونور فرحت جدا بس زعلت من ادم انو مقالهاش حاجه وهو عارف بكل دا
نور بعد ما خلصت كليه كلمت ادم وآدم راح ياخدها وشهد ويارا مشو قبل ما ادم يروح
نور مستنياه بصت لقت ادم نازل من العربيه وواحده راحت واتكعبلت وبتقع وآدم لحقها
البنت بدلع وهي ماسكه ف قميص ادم : شكرا لحضرتك
آدم بجديه : العفو
البنت بابتسامه :ممكن اعرف اسمك
ادم بحده : لا مفيش داعي
نور اول ما شافتهم مشيت بسرعه وراحت لعندهم وراحت لادم حضنتو وباستو ف خدو وقالت : حبيبي اتأخرت عليا
واتجاهلت البنت دي
ادم استغرب من جدا من تصرفها بس من جوا فرحان بس مسك ايدها
وقال : اسف يا روحي ان خليتك تستني
البنت : فرصه سعيده
ادم إبتسم لها والبنت مشيت
نور بعدت عنه وبصتله بعصبيه وغضب وسابته وراحت تركب العربيه
ادم استغرب وعقد حواجبه وقال : مالها دي
ادم بيحاول يفهم طول الطريق نور مالها بس هي ساكته وخلاص
طلعو الشقه َاول ما ادم قفل الباب شدها وحط ايده على وسطها وشدها عليه اكتر وقال : ممكن بقا اعرف الجميل زعلان ليه
نور بضيق وعصبيه : انا مش جميله روح كمل كلامك معاك مع الجميله اللي كنت واقف معاه
وزقته مره واحده ومشيت بسرعه على اوضتها
آدم بص ف اثرها وضحك على نور عملته وعلى طفولتها وغيرتها
ودخل وراها وقرب منها وشدها عليه اتخبطت ف صدره حط ايده على شعرها وبيمسد عليه بحنيه وقال بابتسامه : انتي اجمل بنت ف عيوني وعمري عنيا ماتشوف حد غيرك وبعدين دي كانت بتقع وانا سندتها
نور خبطته ف صدره بعصبيه وقالت : وتسندها ليه ما تسبها تقع ولا تولع
ادم ضحك بكل صوته وقال : انتي بقيتي شرسه كدا من امتى يا نوو
نور بغيظ : متضحكش وانا متعصبه
ادم بابتسامه : ومضحكش ليه.... حبيبتي غيرانه عليا مضحكش ليه
نور : انا مش غيرانه ولا حاجه
ادم بابتسامه : اممم ما هو باين بس عجبتني الحركه اللي انت عملتيها في الجامعه دي
نور : حركه ايه
ادم : جيتي على حضني وبوستيني وقولتي يا حبيبي
نور بعدت بتوتر وقالت : لا انا قولت كدا بس علشان علشان تعرف انك متجوز
ادم رفع حاجبه وقال : والله
ثم كمل : خلاص المره الجايه لما تكلمني هبقي
نور قاطعته وقالت بتحذير : مفيش مره تانيه يا آدم احسن اجبها من شعرها وامسح بيها الأرض انا بقولك اهو
ادم ضحك جامد وقال : اممم هفكر
نور بزعل : لا وكمان شهد أختي اتخبطت لسيف صاحبك ويارا صاحبتي اتخطبت لعمر ابن عمك ومقولتيلش
ادم مسك ايدها وقال بهدوء : في الأول منكرش ان مكنتش عايز اقولك بس رجعت فكرت وقولت هما يقولو ليكي احسن وتعرفي منهم
نور : والله
آدم بصدق : والله كنت عايزك تعرفي منهم مش اكتر
نور : طيب انا عايزه اكل بيتزا
آدم رفع حاجبه وقال : بيتزا
نور : آه
آدم : ماشي يا قلبي من عنيا
بس انتي متعرفيش تتطبخي ولا ايه يا نور؟
نور : لا طبعا بعرف
آدم بمرح : اومال لسه مدوقتش اكلك لحد دلوقتي ليه
نور بضحك : مش هطبخلك الا بعد الفرح
آدم : اشمعنا
نور : كدا ويلا بقا عايزه بيتزا
آدم راح طلب بيتزا َكلو وسط جو ضحك وهزار
____________________
آدم وعمر قربو من بعض تاني وبيتقابلو مع سيف
أدم : اوعي يكون حد شافك وانت جاي هنا
عمر : لا انا قعدت الف شويه بالعربيه علشان لو جمال بيراقبني
سيف : تفتكر يكون شاكك فيك يا عمر
عمر : مش عارف بس حاسس ان شاكك فيا
ادم : شاكك او مش شاكك لازم نعمل كل احتياطنا
سيف : ايوه فعلا خصوصا بعد الخطه اللي جمال حطها
ادم : خلي بالك ان لو شاكك في عمر يبقى اكيد هيكون في خطه تانيه غير دي ومش هيقولها لحد
عمر : كلامك صح يا آدم
سيف : طب وهنعمل ايه
ادم : لازم نزود الحراسه اكتر وكمان انا عملت حراسه على نور في الجامعه
عمر : ربنا يستر
________________________
عبد الله بيحاول يعرف نور قاعده فين
اما مراد حاول يكلم زينه بس هي مش راضيه تسمعه
_______________________
تاني يوم يارا جاله مسج بتفتح لقت صوره عمر وف حضنه واحده ورساله بتقول '' حبيب القلب بيخونك يا قطه ولو عايزه تتأكدي تعالي ع العنوان دا.... ''
يارا دموعها نزلت لبست وراحت جري على العنوان وقفت قدام الشقه لقت الباب مفتوح
دخلت لقت باب الاوضه مقفول فتحت الباب ورقته بعنف وعمل صوت جامد لقت عمر نايم على السرير وجمبه واحده ومتغطين
عمر قام بفزع مش عارف هو فين ولا بيعمل ايه هنا بيبص لقى يارا واقفه قدامه و دموعها نازله
عمر اتنفض من مكانه بسرعه وقال : اهدي يا يارا وانا هفهمك كل حاجه
يارا متكلمتش قلعت الدبله ورميتها في وشه بكل قوته وبصتله بإحتقار وسابته وجريت
هو لبس هدومه وطلع جري ورا يارا بس ملحقهاش
بيبص حواليه في الشارع وهو تحت الشقه وبيحاول يفتكر هو جه هنا ازاي ولا مع مين مش قادر يفتكر اي حاجه
طلع الشقه تاني علشان يشوف البنت اللي كانت معاه ويعرف منها ودخل بس ملقاش البنت اللي كانت معاه ولا اي اثر ليها زفر بغضب شديد وكسر معظم الشقه
ونزل راح بيت يارا وقف تحت البيت بس مش عايز يطلع يكلم قدام امها وابوها علشان الوضع ميبقاش صعب اكتر اتنهد بضيق وساق العربيه ومشي
قعد يفكر يعمل اي ولا يفتكر هو كان فين مش عارف اي حاجه
حاول بيكلم ادم كام مره بس تيلفونه مغلق
______________________
شهد زعلت من سيف ان مقالهاش على فرح نور وعاتبته كتير وهو فهمها انو مكنش ينفع يقول بعد اللي ابوها عمله فيها و صالحها
_______________________
تاني يوم صباحا
آدم وصل نور الكليه وطلع على الشركه
عمر راحلو وكان باين عليه التعب اوي وسيف كان قاعد معاهم
آدم بقلق :مالك يا عمر شكلك تعبان
عمر حكلهم على كل اللي حصل
آدم باستغراب : مين ممكن يكون له ايد في اللي حصل دا
عمر بحزن : مش عارف يارا سابت الدبله ومشيت من غير ولا حرف انا مش فاكر انا عملت اي ولا كنت فين
سيف : هتتحل ان شاء الله يا صاحبي بس نهدي كدا ونفكر بالعقل
ادم بتفكير : اخر حاجه فاكره اي امبارح يا عمر
عمر قعد يحاول يفتكر كتير لحد ما عقله وقف عند آخر حاجه فاكرها
عمر بتفكير : انا كنت ماشي بالعربيه لقيت واحد وقف قدام العربيه فجأه وقفت العربيه وحاولت اتفاديه بصعوبه ونزلت اشوف جراله حاجه ولا لا دي اخر حاجه انا فاكرها
ادم بتفكير : مفيش بقا غير انك نزلت وهما خدروك وخدوك على الشقه وعملو التمثيله الحقيره دي
سيف باستغراب : بس مين هيكون عمل كدا انت ليك أعداء يا عمر
عمر : تقريبا لا... انا ميهمنيش مين اللي عمل كدا ولا ليه انا اللي يهمني يارا وكمل بحزن : يارا خلاص سابتني انا خلاص عقلي وقف من كتر التفكير
ادم بهدوء : علشان يارا ترجعلك يا عمر وتصدقك لازم نعرف مين اللي عمل كدا وهدفه ايه
سيف : آدم عنده حق يا عمر انت روح ارتاح وانا وآدم هندور ورا الموضوع دا ونكلمك
عمر : لا انا هروح ليارا
ادم : هتقولها ايه و هي شافتك في الوضع دا عمرها ما هتفتح معاك كلام فبلاش يا عمر سيبها تهدي
عمر باصرار : لا لازم اكلمها لأول
سيف : سيبو براحتو ياادم
آدم : ماشي يا عمر اتطمن وانا هتصرف في الموضوع دا
يتبع الفصل العشرون 20 اضغط هنا
- الفهرس يحتوي على جميع الفصول (رواية نور قلبي كاملة)