رواية نور قلبي البارت السابع عشر 17 بقلم دينا يوسف
رواية نور قلبي الفصل السابع عشر 17
أدم قعد يدور على نور ف الحفله كتير لحد ما لقاها واقفه في التراث مع واحد بس كان الراجل دا ضهره لادم فقرب منهم يشوفها واقفه مع مين
نرجع للشخص دا ونور
نور بخوف : أنت مين
الشخص بوقاحه : طلعتي حلوه أوي زي ما سمعت تصدقي انتي خساره ف ادم ما تتطلقي منو وتجيلي وانا اتجوزك يا حلوه
نور بتوتر وخوف : أنت مين وبتقولي كدا ليه
ادم لو سمعك مش هيحصل كويس
الشخص كان لسه هيتكلم بس ادم وصل وقال بحده وغضب : جمال انت واقف هنا بتعمل ايه
جمال بخبث : كنت ببارك للمدام
ادم بعصبيه : امشي من هنا يا جمال واصلا مفيش حد عزمك ع الحفله جاي تعمل ايه هنا
جمال ضحك وسابهم ومشي وأدم اتعصب اوي وبص لنور اللي كانت واقفه ساكته وتتفرج على الموقف وخايفه من رد فعل أدم
اول ما ادم بصلها بجده وهي خافت منو مسك ايديها وشدها وخدها وطلعو على الجناح
ادم راح قعد على طرف السرير وهو مضايق وغضبان جدا وملامحه جامده وباصص على نقطه الفراغ قدامه
نور قعدت على الكنبه وبتبصله بخوف وتوتر ومش عارفه تقول ايه
فجأه ادم بصلها بحده وقال بعصبيه : كان عايز منك ايه؟
نور بتوتر وهي بتفرك ف ايديها : هو... هو مين دا
ادم بعصبيه أكبر : متردديش على سؤالي بسؤال ومالكيش دعوه هو مين عايز اعرف قالك ايه
نور بخوف : كان.... وسكتت
أدم بزعيق : كان ايه.... كملي
نور بخوف اكبر : كان بيقول اطلق منك و... وأروحله
أدم اتنفض من مكانه وف ثانيه كان واقف قدامها وهي خافت ورجعت لورا
ادم مسك ايديها جامد وشدها وقال بغضب : وانتي رديتي قولتي ايه؟
نور بصتله بخوف وحزن : زعقتله وقولتله لو آدم عرف مش هيحصلك كويس
ادم بصلها شويه ونور الدموع لمعت في عينيها وقالت بوجع : ممكن تسيب ايدي لأنها وجعتني
ولو خلصت شك ابعد عني
ادم بصلها وهو عاقد حواجبه : شك ايه.. تقصدي ايه
ورخي ايده من على ايد نور بس مسبهاش
نور دموعها نزلت وقالت : مش انت بتشك فيا وفاكر ان كنت واقفه بتكلم معاه
ادم اتنهد بضيق وقال : نور انتي فاهمه غلط
نور بدموع : لو سمحت سيبني
ادم شدها بالراحه وراح قعد على طرف السرير وقعدها جمبه وبص على ايديها اللي كان ماسكها لقى فيها كدمه زرقا اضايق من نفسه ورفع ايديها لشفايفه وباس ايديها برقه
وهي بتعيط وعياطها وشهقاتها بتزيد وأدم قلبه وجعه ولعن نفسه ان هو وصلها للمرحله دي
ضمها لصدره وهي قعدت تقاومه وتزق فيه وبتقول من بين شهقاتها : سيبني..... ابعد عني
بس طبعا هو أقوي منها فضمها اكتر ومسبهاش وهي بدأت مقاومتها تقل وحطت رأسها على صدره واتفتحت ف العياط
سابها لحد ما تهدي وقال : بقيتي أحسن
نور هزت رأسها
ادم بعد عنها شويه ومسك ايديها الاتنين وباسهم ومسح دموعها برفق وقال بحنيه : نور انتي مش عارفه الراجل دا مين دا بيني وبين مشاكل كتير وهو مش سهل ابدا ولما لقيتو واقف معاكي وبيكلمك فكرت ان ممكن يكون ضايقك واللي فكرت فيه حصل
وكمل بصدق : نور انا بثق فيكي اكتر من اي حد وعمري ما شكيت فيكي ولا هشك فيكي ابدا
نور سكتت ومش عارفه ترد
ادم بأس ايديها تاني وقال : مصدقاني ؟
نور هزت راسها بالايجاب
ادم بحنيه : طب مش عايز اشوف دموعك دي تاني ابدا لان دموعك دي بتوجعني
نور هزت رأسها وابتسمت
ادم ضمها تاني وقال بحنيه : متزعليش مني أنا عملت كدا علشان خوفت عليكي
واتنهد وغمض عينيه وقال : نور أنا بحبك
نور اتصدمت ان قال كدا وبعدت عنه وبصتله كأنها بتسألها بعينيها هو انا سمعت صح؟ بس التزمت الصمت
ادم حس بحيرتها فكمل كلامه وقال : ايوه بحبك يا نور عارف انك مستغربه ان انا بقول كدا بس دي الحقيقه بحبك يا نور أنتي النور اللي نور قلبي وحياتي ونفسي بس تديلي فرصه واحده اثبتلك بيها حبي واتنهد وكمل : انا عارف ان جرحتك وظلمتك وبعدتك عن اهلك بس هعوضك والله عن كل حاجه بس اديلي فرصه
نور بصتله وسكتت
وأدم مستني ردها
❤️❤️❤️❤️❤️
كلمة بحبك ف حد ذاتها اختبار مش سهل دي كلمة صعبة وعصية وجاية بالعافية كلمة قصادها بيوت وحنين وتر مكبوت وعيال هاتشبهلنا في الصورة قبل الصور وراها شك وشق وعناد ملوش اخر وراها صمت وخوف وكلام عبيط ساخر كلمة قصادها الالم بيلين ويتاخر وتلاقي نفسك في لحظة وسط عزوة واهل والامر ده مش سهل
( عمرو حسن )
❤️❤️❤️❤️❤️❤️
فجأه الباب خبط ادم اتنهد بغضب وقال : هو دا وقته
راح يفتح الباب لقى زينه
زينه : طلعتو بدري ليه
ادم : مفيش نور تعبت شويه وكانت عايزه تطلع علشان ترتاح وانا طلعت معاها
زينه : الف سلامه عليكي يا نور تحبي اجبلك دكتور
نور بابتسامه : الله يسلمك... لا دا شويه صداع بس
زينه : سلامتك يا قمر
نور : الله يسلمك
زينه : طب تصبحو على خير
نور : وانتي من اهله
زينه سابتهم وخرجت
نور قامت بسرعه ع الحمام قبل ما ادم يكلمها تاني لأنها مش عارفه تعمل ايه قلبها عايزها تديله فرصه تانيه وخصوصا انها بتكون مبسوطه وهي معاه وعقلها بيقولها لا دا ظلمك وجرحك وهانك
َمحتاره تعمل ايه فقررت تمشي من قدامه قبل ما يرجع تاني ويكمل كلامه معاها
_____________________
أدم دخل اوضه اللبس غير هدومه وخرج لقاها نايمه على الكنبه ومغمضه عينيها هو عارف انها بتدعي النوم علشان متكلمش بس سابها براحتها
قرب منها وحط ايديه تحت رأسها والاكيد التانيه تحت رجلها ورفعها لفوق وشالها
نور شهقت واتخضت
ادم : اهدي متخافيش انا ادم
نور بتوتر : أنت.... آنت بتعمل ايه
ادم نزلها على السرير برفق ولف الناحيه التانيه نام جمبها وبصلها وقال : مفيش نوم ع الكنبه تاني
نور بتوتر : بس... بس انا مرتاحه وانا نايمه على الكنبه
ادم شدها لحضنه وحط راسه على صدره وباس شعرها وقال وهو بيلعب ف شعرها : وانا مرتاح كدا
ويلا بقا نامي وغمض عينيه
ونور ابتسمت وغمضت عينيها ونامو
_________________________
تاني يوم صباحا
أدم راح مع زينه علشان يقابلون مراد
في كافيه على النيل مراد قاعد على الترابيزه مستني زينه واخوها
أدم وزينه دخلو الكافيه واول ما مراد شافهم اتصدم
وقال : زينه بتعمل ايه مع البني آدم دا؟
أدم شافه من بعيد شويه فوقف وقال لزينه : انتي تعرفي دا يا زينه؟
زينه بفرحه : ايوا ما هو دا مراد اللي حكتلك عنه
ادم لنفسه : اوووف ياربي مالقيتش الا دا طب اعمل ايه انا دلوقتي
مراد قرب منهم وهو متنرفز وقال لزينه بعصبيه : ايه اللي موقفك مع البني آدم دا؟
زينه استغربت كلامه وقالت : اهدي يا مراد.... دا آدم اخويا
ادم بهدوء : اهدي واقعد يا مراد واحنا نتفاهم
مراد بعصبيه وزعيق : مفيش بيني وبينك تفاهم وشاور لزينه بايده وقال: وانتي انسى انك قابلتيني او حبتيني ف يوم من الايام لو كنت اعرف ان دا اخوكي عمري ما كنت بصتلك لان اخوكي دا زباله وانتي اكيد هتطلعي زباله زيو
ادم بحده وغصب : احترم نفسك انا مش عايز اكبر الموضوع اكتر من كدا
مراد بتهكم : الموضوع كبير لوحده يا آدم بيه خدت نور واتجوزتها من ورانا ودلوقتي طلعت اخو البنت اللي حبيتها اطلعو من حياتي انتو الاتنين
َسابهم ومشي
زينه واقفه مصدومه ودموعها نازله ومش فاهمه حاجه
آدم بصلها لقاها بتعيط مسك ايديها وخرج من الكافيه
راحو العربيه وقعدو فتره والصمت هو سيد الموقف
زينه بتعيط ودموعها نازله بصمت بس لازم تفهم في ايه
مسحت دموعها وقالت : ممكن افهم اي اللي بيحصل مراد يبقى اخو نور فعلا وانت خدتها واتجوزتها من وراهم
ادم اتنهد ومرر ايده بين خصلات شعره بضيق
وقال : ايوه يا زينه اللي سمعتيه حصل بس انا مكنتش اعرف انك بتحبي اخو نور
زينه بتهكم : ولو كنت عرفت كنت هتعمل اي كنت هتصلح اللي انت عملتو ثم قالت بحده : للأسف يا آدم غلطك دا انا اللي هدفع تمنو بعد اذنك يلا وصلني الفيلا مش عايزه اسمع حاجه تانيه
آدم حاول يتكلم بس زينه مردتش تسمعه
________________________
ادم ساق العربيه ووصلو الفيلا
زينه طلعت على اوضتها على طول وآدم فضل مكانه ف العربيه سرحان
نور كانت فوق فالجناح بس شافتهم من البلكونه استغربت اي اللي حصل قررت تنزل لادم وهي نازله من ع السلم ساره كانت طالعه اتخبطت فيها
ساره بعصبيه : مش تفتحي انتي عاميه
نور :معلش يا ساره مش قصدي وسابتها وكانت ماشيه
ساره شدتها جامد وقالت : انتي تربيه شوارع ومينفعش تعيشي هنا ف الفيلا معرفش آدم متجوزك على ايه
نور بحده وغضب : لمى لسانك دا انا احسن من مليون واحده زيك انتي فاهمه وبعدين ابتسمت وقالت : وبالنسبه لادم اتجوزني ليه فاتجوزني علشان بيحبني عرفتي ليه ابعدي يا شاطره من قدامي
نور سابتها ونزلت وساره بصتلها بحقد وغل
______________________
نور راحت قربت من عربيه ادم وخبطت ع الازاز
أدم بيبص لقى نور فتح باب العربيه ونزل وقال : خير يا نور في حاجه محتاجه حاجه
نور هزت رأسها بالنفي وقالت : انا شوفتك ف العربيه بقالك فتره وشكلك سرحان وزينه طلعت ع فوق جيت اشوف مالك
ادم بابتسامه وفرح جدا انها عايزه تعرف هو زعلان من ايه وانها مهتمه بيه قال : مفيش يانور عادي مشاكل بين اي اتنين اخوات
نور هزت رأسها وسابته ومشيت
ادم ندهلها ولفت علشان تكلمه
ادم : نور
نور : نعم
آدم : ممكن تيجي تركبي العربيه عايز اتكلم معاكي
نور بتردد : تكلم معايا ف ايه
آدم اتنهد وقال : محتاج اتكلم معاكي ممكن و هتعرفي هتكلم ف ايه لما تيجي معايا
نور : طب احنا رايحين فين
ادم : تعالي بس وانتي تعرفي
آدم خدها وراحو علي الفندق بتاعه
طلعو الجناح
نور بتوتر : انت جايبني هنا ليه
آدم بصلها وقال : اكيد مش خطفك
نور قربت منه شويه وقالت : طيب مالك
آدم كأنه مستني يسمع الكلمه دي شدها لحضنه ودفن راسه ف تجويف عنقها وفضل ساكت كدا شويه
نور : ممكن اعرف مالك بس لو مش عايز تقولي براحتك
آدم بعد شويه وبصلها وقال :هقولك بس توعديني انك تسمعيني بهدوء
نور : اوعدك
ادم حكلها كل حاجه ونور قعدت تسمع
آدم :مش عارف اعمل اي ايا نور كل ما اصلحها من ناحيه بتبوظ من نحيه
نور مش عارفه تقول اي ولا تعمل اي
آدم أتفهم صمتها دا وقال : مش عايزك تقولي حاجه انا بس كنت محتاج اتكلم
نور اكلمت بعصبيه وقالت
نور بصوت عالي : مش عايزني اقول حاجه لا هقول هقول يا آدم انت دمرتني ودمرت اخويا ودمرت اختك انت انسان اناني عايز تمشينا على مزاجك وف الاخر بتعيش دور المظلوم فوق بقا وكفايه تمثيل كفايه تمثيل على نفسك وعلينا
ادم : انا... انا بمثل يا نور
نور بزعيق : ايوه انت دمرت حياتنا كلنا و مبتفكرش الا في نفسك وبس
ادم بغضب : انزلي قدامي ومسمعش صوتك فاهمه
نور عارفه ان زودتها وعارفه عصبيه ادم فخافت ونزلت من غير ما تكلم
أدق ساق العربيه ونور جمبه وفكرت انهم هيرجعو الفيلا بس لا دا طريق تاني غير طريق الفيلا
نور : احنا رايحين فين
ادم مردش
نور بصت حواليها لقيت دا طريق بيتها قعدت تدعي ف صمت ان اللي ف بالها دا ميحصلش بس للاسف آدم وقف العربيه قدام بيتها وقال بجديه : اتفضلي انزلي
نور بصتله ومش فاهمه حاجه وقالت بتوتر: ان..... انزل فين
آدم شاور على بيتها وقال : مش دا بيتك بردو يلا انزلي واه معلش بتأسفلك تاني ع اللي حصل ووعد مني يا نور مش هتشوفي وشي تاني و ورقه طلاقك هتكون عندك ف أقرب وقت علشان انا مش عايزك تعيش مع واحد اناني و معلش اصل تعبت من التمثيل فكفايه بقى من دلوقتي انتي حره
نور ساكته ودموعها نازله وحست خلاص انها هتنهار ايوه هي زودتها ف الكلام بس لا مش عايزه تمشي مش عايز تسيبو طب هتعمل ايه مش عارفه
آدم : يلا بعد اذنك انزلي
نور بصتله بدموع وكانها بتقوله للدرجه دي بتتخلي عني اومال فين حبك دا ودموعها مش بتقف
فتحت الباب ونزلت ادم ساق العربيه بأقصى سرعه ومشي
_______________________
نور طلعت فوق وخبطت وللأسف ابوها اللي فتحلها
ابوها اول ماشافها بصلها بغضب وشدها من الحجاب دخلها جوا وقفل الباب وقال : اهلا بالفاجره وديني لاقتلك
قعد يضرب فيها بلا رحمه وامها واختها جريو علي صريخها وحاولو يشدوها بس اضربو معاها وعبدالله شد نور ونزل على تحت
ناديه وشهد مش عارفين يعملو ايه شهد جريت اتصلت ع مراد وحكتله اللي حصل
مراد نزل جري من شغلو راح لادم ع الشركه يفهم منو اي اللي حصل
لان عارف ان ابوه هيقتل نور لان مفيش ف قلبه رحمه فلازم يلحقها حتى لو زعلان منها
مراد طلع بسرعه ع الشركه وسأل على مكتب أدم وطلع جري ومستناش حتى السكرتيرة تدخله فتح الباب ودخل ع طول لقى ادم على مكتبه
السكرتير دخلت وراه وقالت : مينفعش كدا يا فندم آدم : اطلعي برا انتي
ووجه كلامه لمراد وقال : خير اظن ان مفيش حاجه نكلم فيها اختك وعندك في ايه تاني
مراد بزعيق : اختي رجعت ليه رجعتها ليه
ادم بزعيق : مش دا اللي انتي عايزو
مراد بزعيق اكبر : لا انا مش عايز كدا ولا عمري كنت عايز كده انت مش فاهم حاجه ابويا هيقتلها
ادم بفزع وخوف : يقتلها..... يقتلها ازاي
مراد : ابويا خد نور ومش عارفين هو راح على فين وعايز يقتلها اي العمل دلوقتي
آدم كان ادي لنور الخاتم والسلسله يوم الحفله وطلب منها انها متقلعش الخاتم من ايدها الخاتم دا كان ف Gps
ادم فتح تيلفونه وعرف المكان اتحرك هو ومراد بسرعه راحو لعند نور
______________________
عبد الله كان خد نور على بيتهم القديم
مراد قعد يخبط على الباب بس ابوه مش راضي يفتح
ادم كسر الباب ودخل لقى ابو نور قاعد يضرب فيها كتير ادم شده وزقه بعيد وضربه ضرب كتير وقال بزعيق : ازاي تجرأ وتمد ايدك على مراتي دا انا هدفنك مكانك
مراد شد آدم وقال : خلاص يا آدم كفايه كدا خد نور وامشي دلوقتي وانا هبقي اكلمك
عبد الله اغم عليه من كتر الضرب ومراد بيحاول يفوقه
ادم بيبص على نور لقاها قاعده ف ركن ومنكمشه على نفسها وبتعيط ومنهاره قرب منها بلهفه ووقفها وحضنها جامد وهي مسكت فيه قميصه جامد وانهارت اكتر فالعياط
ادم شالها وحطها ف العربيه وبصلها وهو قلبه بيتقطع على منظرها ازاي سابها تمشي كدا هو السبب ف اللي حصلها لو كانت معاه مكنش حد اتجرأ ومد ايدو عليها
يتبع الفصل الثامن عشر 18 اضغط هنا
- الفهرس يحتوي على جميع الفصول (رواية نور قلبي كاملة)