رواية اشتريتها من ميدان عام الفصل الخامس عشر 15 - حبيبة محمد

الصفحة الرئيسية

رواية اشتريتها من ميدان عام البارت الخامس عشر 15 بقلم حبيبة محمد

رواية اشتريتها من ميدان عام بقلم حبيبة محمد

رواية اشتريتها من ميدان عام الفصل الخامس عشر 15

وائل: ابويا هو الضرب شروق وادهم بالنار..
فرح حركت راسها وهي بتحاول تنفي ان في حاجه زي كدا وبتضحك بعدم فهم وبتقوله: بطل هزار يا وائل..
وائل: انا مبهزرش..
فرح: باباك؟ اي علاقه باباك بشروق وادهم هو يعرفنا منين اصلا...
وائل: اقعدي وهحكيلك..... 
في مكان اخر..... 
عادل: بتحبيني! 
شهد: عارفه اني مكنتش ببينلك ده خالص وكنت دايما بعاملك وحش...بس انت عارف الظروف الاحنا شوفنا بعض فيها مكنش ينفع اني...
عادل مستناش وحضنها بشوق ولهفه.....كانت مستني الكلمه دي من زمان....... 
شهد حضنته اكتر وفضلت تدمع.....
عادل بعدها عنه وقالها: بتعيطي ليه
شهد: عشان فرحانه...
عادل: عيوطه.... 
شهد ضربت في كتفه وهي بتمسح دموعها: يا غبي...
عادل: اتغبيت عليكي دلوقتي في اي
شهد: متقدر تتغابا عليا اصلا
عادل مسك وشها بأيديه الاتنين وقالها: مش قولتلك اني ليكي مهما عملتي....
شهد مسكت ايده وهي بتطبطب عليها: وانا ليك مهما عملت
عادل ضحك ومسك الشنط ومشيوا مع بعض 
عادل: عايزه حاجه
شهد: تصبح علي خير....
في غرفه شروق
طارق اتصدم ومسك التلفون بعصبيه وممسحش الرسايل سابها زي ما هي......وحطلها التلفون جمبها....... 
شروق خرجت: مالك يا طارق
طااخر
بعصبيه مكتومه : مفيش 
شروق: بس وشك ميقولش كدا
طارق: قولتلك مفيش
شروق سكتت من طريقته معاها ومع انها عارفه ان فيه حاجه بس سكتت..... ونامت علي السرير و مسكت تلفونها..... 
وفتحت الرسائل.... 
شروق اتصدمت للحظه وقالتله...مين؟ 
= انتي ناسيه يبت انا ياسر.... خطيبك القديم.
شروق= انت اتجننت اقابلك ليه 
= من الاخر كدا لو مجيتيش وشوفتك وقولتلك الكلمتين العندي.... اعتبري طارق ده من بكره ميت
طبعا طارق قاعد وفاهم انها بتكلمه دلوقتي....
شروق= انت اتجننت يا ياسر انت مالك بيا وبطارق...
= المكان اهو (.......) 
شروق قفلت التليفون ومسحت علي وشها بعصبيه...
طارق بخبث: اي مالك يا شروق
شروق: ها...لا مفيش...
طارق عمل نفسه نايم وهي حطت التليفون جمبها ونامت..
في غرفه فارس
ضحي بدموع: عشان كدا لما قولتلك اني بحبك معبرتنيش او حتي ادتني رد.....
فارس: يا ضحي...
ضحي: اي تبريرك للموقف؟ 
فارس: اقعدي يا ضحي
ضحي: وبعد ما اقعد....هتقولي اصلي مبحبهاش واصلي بكرهها وانت اصلا بتعشقها لسه.......بس دي حاجه مش بأيدك انا الحبيتك انت ملكش ذنب..... مش عشان انت قدمت معايا معروف...افتكرك بتحبني ....
فارس: افهمي يا ضحي....
ضحي: افهم اي.....انت فعلا مبتحبنيش....وليك حق....انا مدمنه......ومش هتعافي ابدا من الانا فيه ده تعبت نفسك معايا اوي يا فارس
فارس: متقوليش كدا يا ضحي انتي هتخفي وهتبقي زي الفل
ضحي: يعني عندك.رد تقوله لموضوع ادماني؟ بس معندكش رد تقوله لموضوع حبك لرهف؟ 
ثم اكملت وهي بتمسح دموعها: علي العموم...انا كنت جايه اقولك......اني قدمت علي مسابقه الرسم وهما وفقوا يخدوني للمسابقه..... الدموع نزلت من عينيها تاني من غير قصد....
فارس قرب منها ومسح دموعها...... 
ضحي بعدت عنه.وفتحت باب الاوضه ومشيت...
فارس قعد علي السرير ومسك دماغه: غبي ما كنت تقولها علي ال في قلبك....كنت تحكيلها...وتفهمها....
في مكان اخر
ادهم: قومي نامي يا فيروز متقلقيش انا بقيت بخير
فيروز: لا يا ادهم انا هفضل جمبك عشان لو احتجت حاجه..
ادهم: اسمعي كلامي يا فيروز انا بقيت كويس..... 
فيروز قامت غطته وحطت الكوبايه المايه جمبه وقالتله: لو احتجت حاجه انا جمبك اندهني وانا هجيلك..... 
ادهم مسك ايدها بحنو وقالها: حاضر 
في مكان اخر
وائل: ولما فريد العربي الهو ابو طارق يعني حب امي.... امي حبته بس اتفرضت علي ابويا....واتجوزته وابويا خدها ومشي بعيد......ولما فريد لاحظ ان امي لسه عايشه وموجوده واتجوزت كمان ضرب بابا بالنار عشان عرف انه متجوز امي وبابا سجنه ولما عرف انك تقربي لفريد فرض عليا اني ابعد عنك عشان هو مش عايز يكون ليه اي علاقه بعيله فريد
فرح: يااااااااه......كل ده...... كل ده حصل وانت محكتليش
مسكت ايده وقالتله: واحنا هنعمل اي يا وائل...هنبعد عن بعض؟؟؟ 
وائل: استحاله مش ممكن اوافق
فرح: بس هنعيش كول عمرنا في مشاكل بسبب الاحنا هنعمله ده........ موافقه اهلك مهمه جدا بالنسبالي..... 
وائل: ومهمه بالنسبالي بس زي مانتي شايفه هو اصلا مش موافق يخليني اكون بالقرب منك......وهيسبب الاذي لناس كتير بسببنا.....
فرح:  بس انا مرضاش حد يحصله حاجه بسببي يا وائل انت فاهم انا مرضاش 
وائل: انا هخدك وهنسافر بعيد
فرح: طب وشروق واخواتها واخويا؟ 
وائل: هنقولهم طبعا
فرح: لما اشوف يا وائل الانت بتتكلم عنه ده هفكر وهقولك
وائل قام وهي قامت 
فرح اتنهدت: عايز حاجه
وائل حضنها وماسك فيها جامد...... 
فرح حضنته جامد وبعد كدا ابتسمتله ابتسامه هاديه ومشيت
في صباح يوم جديد ♥
شروق قامت من النوم......ولبست وهي بتتسحب ونزلت تقابل.....ياسر..... 
وطارق كان عامل نفسه نايم بس هو اصلا فايق وخد عربيته ومشي وراها علطول
فارس نزل عشان يفطر وكلهم كانوا موجودين علي السفره
زهره: اومال فين الست هانم
شهد: قصدك علي مين
زهره: اقصد شروق
فيروز: حطا شروق في دماغك بقالك كام يوم ليه
زهره: مبقاش غي الاطفال اليتكلموا ويحطوا راسهم براس الاكبر منهم كمان
فيروز: انا مش طفله.....انا في جامعه وبعدين راس اي الحطتها براسك
زهره بصتلها بقرف وبدات تفطر
عمار: بقولك اي يا زوزو
زهره: قول يا حبيبي
عمار: هاتيلي المخلل القدامك ده
زهره: اتفضل يا روحي
لميس: اي ده اشمعنا بتكلمك انت كدا
عمار: عشان انا ابن عم طارق 
لميس: اااه
عمار داس علي رجلها من تحت السفره 
لميس: بتعمل اي
عمار: برخم عليكي
لميس: بس يا عمار
فضل يدوس علي رجلها جامد وهي تتحرك بعيد عشان ميدوسش علي رجلها
لميس: اعععععع رجلييي السفره كلها اتقلبت والاطباق وقعت علي الارض........
زهره: انتي مجنونه اي قله الادب دي انتي قاصده تزقي السفره عشان الاكل يقع عليا؟ وعلي الارض
لميس: مش..ا..نا
زهره: اومال العفريت..... غوري من قدامي
لميس: هو انا عبد عندك ما تتكلمي عدل
زهره: انتي لو محترمتيش نفسك انا...
لميس: هتعملي اي
زهره ضربتها بالقلم قدامهم كلهم......
عمار وقف قدام زهره ومسك ايدها بعصبيه وقالها: اي الانتي عملتيه دا..
لميس فضلت حاطه ايدها علي وشها وهي بتعيط وطلعت تجري علي اوضتها..... 
وكلهم واقفين مصدومين..... 
فرح قامت وقالتلها: الانتي عملتيه ده مش هفوتهولك ابدا
وطلعت وراها هي وفيروز وشهد وضحي
عمار: اي الانتي عملتيه ده ماتردي
في مكان اخر
شروق: عايز مني اي يا ياسر
ياسر: عايزك ترجعي تحبيني.....
شروق: هو انت جايبني هنا عشان تقولي احبك هو انت مجنون...... انا بحب طارق واتجوزته كمان لو قربت من طارق انا الهروح ابلغ عليك 
ياسر حضنها بطريقه مقصوده عشان طارق يشوفها...
طارق وصل بعربيته وشاف ياسر وهو حاضن شروق.....
طارق نزل من العربيه وشدها من ايدها وضرب ياسر بالأقلام علي   وشه لغايه ما وشه كله بقا دم 
وركب العربيه وساق بشروق
شروق: افهم يا طارق 
طارق ساق بالعربيه ومبيردش عليها مصدوم...
شروق: طب وقف العربيه واسمعني هحكيلك كل حاجه...
طارق مردش عليها
شروق: يا طارق اسمعني 
في القصر 
لميس كانت بتعيط وكلهم حاولوا يواسوا فيها....
فيروز: اهدي يا لميس انا هجيبلك حقك
لميس قامت شدت شنطه هدومها ولمت هدومها وهي بتعيط
فرح: بتعملي اي اقعدي 
شهد: اهدي يا لميس احنا هنجيبلك حقك صدقيني
ضحي: انا ليا حق في القصر ده وبقولك اهو مش هسيبك تمشي من هنا يا لميس......
لميس: اقعد هنا ازاي بعد الحصل..
ضحي: هتقعدي طبعا وهي لو مش عاجبها....
لميس: لا طبعا متمشيش عشان ده بيتها
شهد: اهدي بس واحنا هنجيبلك حقك....
لميس قعدت علي السرير وهما نزلو لزهره
فرح: زهرهههههه 
زهره اتخضت ولفتلهم بخوف
فرح قربت من ودان زهره وقالتلها بهمس: انتي عارفه انا كان ممكن اعمل فيكي اي كان ممكن اكسرلك ايدك الاتمدت غليها دي....... بس الناس اذواق.....وانا مؤدبه عشان كدا احنا عمرنا ما نمد ايدينا عليكي انتي اخرك تتهزقي وكفايا عليكي اوي كدا......
زهره رفعت ايدها وكانت لسه هتضربها بالقلم...
فرح مسكت ايدها وقالتلها: تؤ تؤ مش انا اليتعمل معايا كدا وبعدين اي مش كفايا عليكي تهزيق ولا اي
فرح وقفت جمب شهد وضحي وفيروز وقالتلها: لو قربتي منها تاني ساعتها استلقي وعدك يا زهره
شروق دخلت وهي بتعيط وبتشد طارق........ 
طارق طلع ومردش عليها
كلهم اتخضوا ومفهموش حاجه....
شهد: سيبيهم مع بعض هما هيحلوا مشكالهم
زهره في سرها: هخلص منكم كلكم انهارده
في غرفه شروق
شروق:  اسمعني والله انت مش فاهم حاجه..... 
طارق لف ضهره ليها وخد الچاكيت بتاعه و حطلها الدبله ونزل..... 
شروق مسكت الدبله وهي مذهوله......
وفضلت تعيط.........علي الارض 
في غرفه لميس......
فرح: جبتلك حقك
لميس: شكرا يا فرح انتي وقفتي جمبي...
فرح: مفيش شكرا انتي اختي.....
ادهم وعادل وفارس كانوا في الجنينه برا
عادل: قلقتنا عليك يا عم ادهم
ادهم: عشان تعرف قيمتي
فارس: قيمتك معروفه 
ادهم: حبيبي
عمار خبط علي اوضه لميس.
فرح: طيب همشي انا بقا عايزه حاجه
لميس: لا اقعدي هو الهيمشي
فرح خرجت وعمار دخل
عمار: انا اسف
لميس لفت ضهرها 
عمار: عارف ان كل دا حصل بسببي بس صدقيني انا زعقت لزهره......
لميس: اخرج برا يا عمار
عمار: مش خارج
لميس: انت عايز مني اي 
عمار: عايزك متزعليش مني
لميس: لا ياشيخ لميس سابته وخرجت برا الاوضه
عمار نزل وراها 
....
ضحي وفيروز وشهد وفرح كانوا قاعدين بيهزروا.....
لقوا شروق نازله بشنطه هدومها 
شروق وهي بتمسح دموعها: كل واحده فيكوا تجيب شنطه هدومها عشان هنمشي من هنا......
يا تري شروق هتاخدهم وتمشي من القصر فعلا ولا لأ؟ 
وطارق هيكون رد فعله اي؟ 
وهما هيكون اي رد فعلهم اتجاه شروق؟
يتبع الفصل السادس عشر 16 اضغط هنا
google-playkhamsatmostaqltradent