رواية قلبه من حجر الفصل الثاني عشر 12 - حبيبة محمد

الصفحة الرئيسية

رواية قلبه من حجر البارت الثاني عشر 12 بقلم حبيبة محمد

رواية قلبه من حجر كاملة

رواية قلبه من حجر الفصل الثاني عشر 12

امسكي ورقه طلاقك الكنتي نفسك اديهالك من زمان اوي اهي.... وامضي عليها قدامي يلا
دليلا بعدت عن حضنه هي كمان وبربشت بعنيها بعدم فهم
داغر ببرود: ورقه طلاقك يا دليلا اي مبقتيش تفهمي خلاص.....
دليلا خدت الورقه واعصابها سايبه و قرأت مضمون الورقه وعينيها بدأت تدمع ونزلت نقطه من دموعها علي الورقه
داغر شد الورقه: هتبلي الورقه يا دليلا....
دليلا بدموع وعكس فرحتها  بقت تعيط: عايزني امضي علي الورقه؟ 
داغر: امضي مش انتي كان نفسك تشوفي الورقه دي
دليلا مسحت دموعها بقوه مصطنعه: انا.....مش عايزه امضي علي الورقه دي
داغر: وانا من المفروض اسمع كلامك في كل حاجه...هات يا داغر ورقه طلاقي اقولك حاضر مش همضي يا داغر اقولك حاضر؟ 
لا يا دليلا انتي هتمضي عشان انا خلاص عايزك تمضي مش كل حاجه هتبقي بمزاجك
دليلا بدموع: وانا من امتي كان فيه حاجه بمزاجي في الدنيا دس يا داغر...وانت عارف كويس اوي انك عمرك ما عملت ال في دماغي...
انا مش همضي....
داغر مسك ايدها بعصبيه مكتومه: هتمضي يا دليلا...
دليلا بقوه مصطنعه: مش همضي قولتلك....
داغر بعصبيه وصوت عالي: ليييه؟؟ مش انتي بتكرهيني؟
عايزه تكملي مع واحد بتكرهيه ليه....؟ عايزه تكملي واحد مش فتي احلامك ليه؟ 
عايزه تكملي مع واحد بيكسفك قدام الناس وصحابك ليه؟ 
مش انا كنت اكبر خجل ليكي؟
خلاص هتخلصي مني بأمضي منك....
دليلا في سرها: عشان بحبك...
عرفت ليه؟؟ 
داغر: امضي يا دليلا....
دليلا حركت رأسها بمعني لأ
و دموعها ماليه عينيها...
وجريت في حضن داغر
نفسها تغمض عينها وتفتحها تلاقيه شال الورقه دي من قدامها... 
حطها في اختيار صعب اوي بين قلبها وعقلها.... 
داغر حضنها بحنو وباس راسها
وبعدها عنه ومسك راسها بأديه الاتنين وبص في عيونها
وهي بتبص في عيونه ونفسها يقولها انه بيحبها ومش هيطلقها
داغر: انا بحبك يا دليلا.......
دليلا سمعت الكلمه دي منهه 
قلبها كان هيقف ابتسمت ابتسامتها الجميله البتسحر 
داغر اكمل بحده: بس مهما كنت بحبك لازم اسيبك....
انا كدا يا دليلا هفضل طول عمري بتاع بنات.... بحب واسيب...بحب واسيب مكملتش مع واحده لسه لغايه دلوقتي....
دليلا اتصدمت بكلامه: كل دا كنتي بتتسلي؟؟ 
داغر كان قاصد يجرحها زي ما جرحته: مكنتش بتسلي...انا حبيتك بجد....بس برضو مينفعش اكمل معاكي....ولا هكمل مع حد تاني...انا قلبي بيسيع واحده وتلاته وعشره كمان....
دليلا الدموع اتجمعت في عينها وزقته بقرف: ولا عمري هتوقع منك غير كدا....و كان قلبي صح ساعه لما كنت بقول دا بيحبني...كنت بكدب نفسي دايما قلبي كان صح لما كنت بكرهك....وعارفه انك عمرك ما هتتغير....
دليلا شدت منه ورقه طلاقها
ومسكت القلم.....
و هنا كانت بتمنع نفسها في كل ثانيه....بس برود داغر هو الخلي كبريائها يغلب عليها....
دليلا مضت علي الورقه وخبطتها في صدره بعصبيه: 
اتفضل.... 
****
مراد كان جاي من شغله ومعاه واحده في عربيته....
_ هتفضل طول عمرك قمر يا مراد.....
مراد وهو فرحان بأعجاب البنات كلها بيه: طبعا انا مش اي حد يا بنتي....
_ مين الاتنين الواقفين متنحين ليك دول....
مراد بأستعباط: فين دول يا رهف.....
رهف: اهم يا مراد واحده في الشباك والتانيه في السوبر ماركت....
مراد خد باله: ااااه 
فضل يضحك بصوت عالي 
بص لروان لقاها وقفاله ومش طايقه نفسها...
مراد في سره: مزه..مزه بجد يعني مش كلام....
وبعد كدا بص لشباك جنه لقاها واقفه بتضحكله: 
يخربيت ابوكي خشي اتخمدي بقا....موركيش نيله غيري...
رهف: خدت بالك...
مراد: خدت بالي
رهف:  انت بتاع بنات اوي علي فكره.....
مراد: يااه حاجه جميله...
رهف: وبتتسلي بالبنات
مراد بغرور: واولهم انتي يا رهوفهه...
رهف خبطته في كتفه بأبتسامه: ماشي يا مراد...
مراد طلع بيته وهو بيقولها: يلا امشي انتي بقا.....
رهف: هقابلك بكره...
روان سابت السوبر ماركت وكل حاجه في ايدها وجريت وراه
روان: مراد؟؟
مراد لفلها بغرور: ها؟ 
روان: ينفع اسألك سؤال
مراد: اسألي
روان: جربت تحب قبل كدا
مراد قلبه دقاته زادت وقالها: 
جربتي انتي جربتي، تحبي؟ 
روان: اه جربت.... 
مراد قلبه دق اكتر:  .. 
روان:  حبيت؟  
مراد:  لا محبتش ..... 
روان في سرها: انا غلطانه لأهلك.... وانا الفكراه رومانسي
***
دليلا مش عايزه كلامهم يخلص: طب.... وبيتي... 
داغر ببرود:  بيتك عندك اهو.. 
كتبته بأسمك تاني.... اظن كدا خلاص.... 
طلقتك... وبيتك معاكي وبأسمك.... و عملنا المهمه.... 
مبقاش في حاجه تربطني بيكي تاني يا دليلا.... 
دليلا دموعها اتجمعت في عينها 
:  يعني خلاص هتمشي؟  
داغر بقوه مصطنعه:  همشي يا دليلا....  
دليلا:  عايزاك تسأل عليا.... 
ثم مسحت دموعها ببكاء:  عايزه اشوفك تاني....  
داغر:  خلي بالك من نفسك... 
دليلا جريت عليه وحضنته... 
دليلا في سرها:  متسبنيش... 
لو سبتني كأن روحي سابتني يا داغر....  انا بحبك.... 
بس انت افعالك مقوياك عليا... 
جرحتني كتير اوي... وهزمتني كتيرر اوي.... 
بس بحبك...... 
حبيتك اوي والله ومهما حاولت اعرفك انا قد اي بحبك عمرك ما هتصدق.... 
يعني دلوقتي خلاص انا كدا مش هبقي معاك تاني.... 
مش هفتح عيني الاقيك في وشي.... 
مش هتوصلني جامعتي؟  
اصل انا تميت ال ١٩ سنه!! 
بس للأسف مقدرتش احتفل ب دا معاك انهارده...
داغر لمس شعرها وكان ضاممها و مش عايز يسيبها 
: يعني مش هفتح باب الشقه الاقيكي بتزاكري... وتقوليلي تعالا ذاكرلي...
: مش هوديكي جامعتك؟ 
و  اقولك انهارده كل سنه وانتي طيبه....
: مش هغطيكي بليل وانتي نايمه.....
داغر بعدها عنه: 
ثم اكمل بحده: بتعملي اي يا دليلا....هو انتي بعد ما طلقتك بقيتي تحبيني؟ 
دليلا بتوتر وقوه مصطنعه: 
مبعملش حاجه....بودعك احنا مهما كان....كنا صحاب....
داغر: صحاب؟ 
دليلا بتوتر: اه صحاب احنا كنا اي غير صحاب....
دليلا جرحت داغر كتير اوي...
وداغر كالعاده كان بيجرح دليلا كتير اوي.....
داغر: اشوف وشك بخير
 ساب ايدها ومشي....
دليلا ركزت علي خطوات ومع كل خطوه كانت بتدمع دمعه..
: متمشيش....ارجوك متمشيش..
حبني زي ما بحبك.....
وقولي لا مش هطلقك....قولي هرجعك....
قولي انا بحبك.... 
داغر مبيحبكيش لو كان بيحبك كان كمل معاكي ورجعلك.... 
قعدت علي الارض مكسوره ودموعها ماليه عينيها.  
***
داغر خرج من الشارع الهي فيه
و حط راسه علي العربيه... ودموعه ملت عينه:  
دليلا مش ليك و مش من نصيبك... مهما حبيتها.... 
لازم تقتنع انها بتكرهك.... 
شوف حياتك من غيرها.... 
واقنع نفسك بالأمر الواقع
***
ومهما ابعدتنا المسافات لاكن اقدارنا لم تتغير وانا من نصيبك وانت من قسمتي.... ♥
بعد ٧ سنين 💙
دليلا خرجت من اوضتها لابسه حلو جدا وماسكه في ايدها شنطتها وحاطه الهاند فري في ودنها... 
ادم:  مش هتبوسي اخوكي قبل ما تخرجي؟  
دليلا شبت باسته... 
جدتها:  ربنا يخليكوا لبعض يا دليلا.... 
دليلا بأبتسامه:  ويخليكي لينا يا تيته.... 
كان فين كل الحنان دا بس يا عالم.... 
ادم:  موجود قدامك يا قلبي
دليلا بمرح:  ماشي يا حنان عايزه حاجه؟  
ادم ضربها بالشبشب ال في ايده... 
:  غوري يبت... 
دليلا:  حبيبييي. 
ونزلت لشغلها وهي حاطه الهاند فري في ودنها ومندمجه مع الاغاني.... 
اسيا قابلتها:  اي يبنتي بتصل بيكي كل دا ومبترديش؟  
دليلا:  مش شيفاني حاطه الهاند فريي في ودني؟  
اسيا: بت عايزه اقولك علي حاجه.... 
دليلا:  ها؟  
اسيا:  اخوكي قمر اوي
دليلا:  اخطبهولك؟  
اسيا بمرح:  لأ جوزيني علطول 
دليلا فضلت تضحك.... 
****
روان:  مراد.... 
مراد رجعلها بأبتسامه:  عيون مراد؟؟  
روان:  جيبلي انا و حور شوكولاته وانت راجع من الشغل ممكن؟؟  
مراد:  بس كدا؟  دا انتي تؤمري 
روان قامت من علي الكرسي وهي بتحضنه قبل ما يخرج:  
ان صح... الا قولي.... دليلا وداغر عملوا اي مشافوش بعض من ساعتها؟  
مراد:  اسكتي دا داغر حكايته حكايه.... دا انا وانتي اتجوزنا وخلفنا وهو لسه مشافش دليلا
روان ضحكت ومسكت ايده بحنو:  ابقي حاول خليني اشوف دليلا.... 
مراد:  حاضر يا روحي.... باس ايدها:  عايزه حاجه؟  
روان:  تؤ.... 
مراد وطي بالقرب من حور 
: عايزه حاجه يا قلب بابا؟ 
حور كانت بتعمل حركات طفوليه: عايزه شوكولاته
مراد باسها من خدها: هحيبلك كل علب الشوكولاته والله قمررر..
بعشقكك انتي وامك....
روان ضحكتله....
****
دليلا دخلت المستشفي ولبست چاكيت الدكاتره....
و دخلت بهيبتهاا................... كونها دكتوره......
_ يا دكتوره.دليلا......الحقي في مريض بيموت في العمليات......
دليلا حطت الجونتي في ايدها ودخلت اوضه العمليات بسرعه
دليلا: حضرلي بسرعه كل الادوات.....
لسه هتبدأ في العمليه 
لقت داغر هو النايم علي السرير
وحبها القديم رجعلها تاني
راجع تحت ايدها........
دليلا بصدمه: داااغر؟؟ 
الممرضه: نعم يا دكتوره؟ 
دليلا افتكرت كل حاجه ليها علاقه بيهه من تاني.....
افتكرت حبها ليه من تاني....
وافتكرت ذكرياتها معاه....وعشقها ليه!! 
افتكرت حب طفولتها من جديد!!!!! 
الممرضه: يا دكتوره!! هتفضلي سرحانه المريض بيموتت
دليلا ادت للمرضين ضهرها ومسحت دموعها....ومبينتش فرحتها...
ورجعت للعمليه....
****
عدي ٧ سنين وانتي لسه ال في قلبك هو ال في قلبك يا جنه؟ 
جنه بغيظ:  استحاله اسيبه في حاله.... استحاله.... 
مش هسيب روان العقربه دي تتهني بيه ابدا... 
مش هسيبها تاخدي حب حياتي مني.... 
_ يبنتي دا راجل متجوز ومخلف انتي اتجننتي... 
جنه بحقد:  بقولك بحبه هو انتي مبتحسيش... 
:_ انتي المبتحسيش... هو قالك قبل كدا انه مبيحبكيش في فرحه هو و روان انتي ناسيه؟  
فاكره لما روحتيلو في الفرح وكسفتي نفسك قدام الناس؟ 
جنه:  مهما عمل هفضل وراه 
وهفضل احبه هو وبس... انتي سامعه.... هو وبس.... 
لازم اخلص من العقربه الاسمها روان دي في اقرب وقت... 
***
ادم دخل شركته وكالعاده كل الموظفين معجبين بيه
جهزلي يبني الورق دا..... 
ومتنساش الاجتماع بتاع انهارده..... 
_ حاضر يا ادم باشا... 
وانتي تعالي ورايا......
دخل ادم بهيبته للمكتب الفخم بتاعه... 
ودخلت وراه المساعده بتاعته
_ نعم يا ادم باشا... 
ادم شدها من ايدها وخبطها في الحيطه ومسك ايدها
 الاتنين:  باشا؟  هتندهيني بأسمي امتي يا حلم؟   
حلم بتوتر:  دلوقتي... هندهك بين دلوقتي.... 
ادم:  قولي... 
حلم:  ا.. ادم.... 
ادم:  طالعه منك حلوه اوي 
حلم سابته وخرجت بتوتر... 
ادم قعد علي مكتبه تاني بغرور
مجنناني بنت الايه.... 
****
دليلا خلصت العمليه وخرجت من اوضه العمليات مخرجتش من صدمتها لسه.... 
الحب يدخل بطريقه ما في حياه الناس ومشاعرهم؛  يعرف كيف يدخل في روؤسهم وقلوبهم.... ♥
دخلت اوضتها في المستشفي وقلعت الچاكيت واتنهدت بتوتر.... 
وافتكرت كل لحظه عشاتها مع داغر..... 
وقلبها لحد دلوقتي لسه بيحبه ومبحبش... غيره.... 
Flash Back
اشوف وشك بخير
ساب ايدها ومشي
:  متمشيش ارجوك متمشيش
حبني زي ما بحبك... 
وقولي لا مش هطلقك.... قولي هرجعك... 
قولي انا بحبك.. 
Back
رجعت من تفكيرها في داغر 
ومشاعرها اتجاهه المن خمس سنين مخلصتش ولا هتخلص..
: اسيا دخلتلها....
دليلا: مش انتي ممرضه زي بقيت الممرضات اي الجايبك تقعدي معايا...
اسيا: هتتكبري عليا عشان دكتوره يعني...
دليلا: شوفتي الانا شوفته
اسيا: شوفتي اي؟ 
دليلا: شوفت داغر....
اسيا قامت تعمل كوبايه شاي وفاكره دليلا بتهلوس: 
يااه داغر؟ هو انتي لسه بتفكري فيه  ؟ اي يبنتي....انتي اتجننتي....
دليلا: شوفته بجد مش بهزر
اسيا سابت الكوبايه من ايدها: 
شوفتيه فين بقا...
دليلا: في اوضه العمليات..!!
انتي متخيله انا الدكتوره بتاعته؟؟؟ 
اسيا: بتهزرييي؟؟ شوفتيه تاني بعد كل الحصل دا؟؟ 
دليلا: وحشني اوي يا يا اسيا..
انا لسه بحبه..... ومنستهوش ابدا....هو موجود في قلبي وعقلي متشالش من بالي ابدا..
مش المسافات هي التخليكي تنسي حبك الوحيد يا اسيا
اسيا: ياااه فاكره يوم ما شوفتيه كان عندك ١٨ سنه....
دليلا: وحشني اوي....وحشني كل حاجه فيه وحشني سؤاله عني ووحشني نظراته ليا....
وحشتني ريحته الافتقدتها...
وحشتني كل تفصيله فيه....
مهما كان بعيد عني هو في قلبي....و عمري ما هخرجه من قلبي....
عارفه ليه؟ عشان دا حب طفولتي!!!! 
فتحت عيني عليه...
اسيا: يخربيت رومانسيتك المودياكي ورا دي..
دليلا: طب ما انتي هتتجنني علي ادم اخويا بقالك سنين
اسيا: و ياريته معبرني...
دليلا: شكله بيحب حد تاني...
بتفكريني بقصه روان ومراد..
جنه كانت بتحب مراد وبتعشقه واراهنك ان هي لحد دلوقتي بتحبه....بس مراد مكانش بيحبها.... واتجوز روان....وخلف منها كمان....
اسيا: قصدك اي قصدك اني هكون البنت الادم مبيحبهاش؟
دليلا ضحكت بتوهان: لا مقصدش يا هبله...
******
ادم كان قاعد في مكتبه وليهه هيبته... 
دخل عليه صاحبه...
ادم: هو عشان انا صاحبك يعني ومعودك عليا هتنسي انك تخبك قبل ما تدخل...
_ فكك من كل الرسميات دي...عايز اقولك حاجه
ادم: اقعد يا تامر واقف ليه...
تامر قعد 
ادم: ارغي...
تامر: انا هكلمك في موضوع جديي شويه... 
انا بحب دليلا....اسمعني للأخر... و عايز اتقدملها.....
وانت صاحبي وضامني....
وانا حبيت اعمل الاصول واجي اقول لأخوها الاول.....
ادم: بتحب دليلا؟؟ 
وانت اصلا بتشوف دليلا كل فين وفين؟ حبتها امتي
تامر: مخبيها في قلبي يا ادم
ادم: امم.....وانت جاهز؟ 
يعني شقتك وجهازك موجودين؟
تامر: كل حاجه جاهزه...
ادم: انت صاحبي.... وانا واثق انك راجل....وعمرك ما تغشها...
انا عن نفسي موافق...
بس هسأل دليلا...: انت عارف لازم اسألها...
تامر:طبعا..طبعا وماله
****
بعد وقت كبير....
_ يا دكتوره دليلا....المريض فتح عينه....
دليلا قامت واتوترت اوي لما سمعت ان داغر فاق....
اتوترت ومش عارفه تقابله ازاي.. وتقابله بأني قلب....
وبأنهي مشاعر؟؟ 
لبست چاكيت الدكاتره بتاعها..
وقبل ما تدخل اوضته خدت نفس عميق....
: اهدي يا دليلا....يمكن هو متجوز...او بيحب غيرك....
اتعاملي معاه عادي جدا...
خبطت و دخلت....
داغر كان مغمض عينه وفاكر ان الممرضه الدخلتله: حطي الاكل جمبي هنا....
دليلا ابتسمت: نفس طريقه كلامه.....وحشني صوتك....وحشني غرورك...
داغر بغرور : ساكته ليه...فتح عينه وقالها:  مش قولتلك حطي الاك...
كان لسه هيكمل لقي دليلا واقفه قدامه....
يتبع الفصل الثالث عشر 13 اضغط هنا
google-playkhamsatmostaqltradent