رواية زواج اجباري الفصل الحادي عشر 11 - دنيا علاء الجندي

الصفحة الرئيسية

رواية زواج اجباري البارت الحادي عشر 11 بقلم دنيا علاء الجندي

رواية زواج اجباري كاملة

رواية زواج اجباري الفصل الحادي عشر 11

عدي 8 شهور علي جوازنا وكنا الحمد الله بقت علاقتنا ف احسن حال زي اي اتنين متجوزين وعلاقة يوسف معايا بقت جميلة جدا وفعلا شال كل الزعل ال كان جوايا وبقينا أفضل الحمد الله 
وملك واحمد اتخطبوا وعمر اتقدم ل ريهام واتخطبوا بعد خطوبة ملك واحمد ب اسبوع واسيل كان لسة شهر علي ولادتهاا.. 
والحياة تمام وامورنا كلها بخير.. 
لحد م جيت ف فترة وبقيت اتعب كتير وابقا مرهقة دايما ومش قادرة ويوم بعد يوم التعب بقا يزيد ويوسف كان ملاحظ دا.. 
___♡
-زينب ي حبيبتي انتِ بقالك فترة مش كويسة كدة وبتخسي 
ف حاجة تعباكي ولا اي 
-مش عارفة ي يوسف والله انا فعلا بقيت علي طول حاسة بتعب وارهاق 
-اوعي تكوني حامل ي زوبة
-يعم لا مش حامل م لو حامل اكيد هعرفك يعني وبعدين عملت اختبار ومفيش حمل
-بجد والله طب ومقولتليش لية كنا نروح لدكتور ونعرف مالك.. 
-عادي ي يوسف 
-عادي اي ي بنتي بس انتِ مبقتيش قادرة خالص
اعملي حسابك الصبح هنروح لملك المستشفي تعملك شوية تحاليل ونعرف ف اي 
-مالوش داعي ي يوسف والله هبقا كويسة ان  شاء الله 
-خلاص هنروح الصبح يعني هنروح قومي يلة ننام متسهريش وانتِ كدة.. 
-حاضر يلة قوم انت كمان...
اي دا بتعمل اي ي مجنون
-بشيلك ي ست الكل عشان تعبانة الاه
-بس ي يوسف انا هدخل لوحدي
-ي ربي عدي علي جوازنا ي بنتي 8 شهور ولسة بتتكسفي هتموتني والله
-بعيد الشر عنك متقولش كدة 
طب دخلني يلة....
-حاضر ي ست الكل يلة 
اضحكي حلو اضحكي..
يديملي ضحكتك القمر دي..
______♡
الصبح يوسف صحاني عشان نروح المستشفي 
خدت شاور ولبست وفطرنا ونزلنا روحنا لملك بعد الضهر
-ي هلا والله بالحبايب
-ي هلا ي دكتورة ملك اي اخبارك
-الحمد الله ي عم يوسف 
اي ي زوبة عاملة اي
-الحمد الله ي حبيبتي بخير.. 
-جايين زيارة ولا جايين لية
-جايين كشف ي ست الدكتورة شوفي شغلك يلة.. 
-براحة طيب يعم يوسف 
جايين لية بجد.! 
-والله كشف ي بنتي زينب بقالها فترة مش كويسة انتِ مش شايفة شكلها بقا عامل ازاي
-مش يمكن حامل ي عم يوسف
-لا ي حلوة مش حامل
-طب بتضحك لية طيب هعملها الاختبار لو بتخبوا.. 
-والله م حامل ي بنتي 
-طيب ي ست زوبة اقعد انت اضحك كدة وخلاص
احمد ف المكتب ال جمبي روح اقعد معاه اجري علي م اشوف زينب واجيلكوا
-طيب متعمليش حاجة من غير م تعرفيني
-حاضر هعرف منها الأعراض وهنجلكوا.. 
_____♡
-اي بقا ي زوبة مالك 
-والله م عارفة ي ملك بقالي فترة علي طول مرهقة وتعباانة كدة وزي م انتِ شايفة خسيت كدة 
-خير إن شاء الله قومي نعملك كام تحليل كدة.. 
________♡
-اهلا ي دكتور احمد
-اهلا اهلا ي يوسف حبيبي عامل اي
-الحمد الله تمام
-اي بتعمل اي هنا
-زينب تعبانة شوية كدة جبتها ل ملك تعملها شوية تحاليل ونعرف مالهاا.. 
-ألف سلامة عليها امال هي فين دلوقتي
-هناك مع ملك 
-خير ان شاء الله متقلقش
اجبلك اي تشربة 
-هات قهوة علي م هما يخلصوا
________♡
بعد ساعة نتيجة التحاليل ظهرت وملك جابتها وجت ف مكتب أحمد.. 
-أحمد تعالي كدة شوية بعد إذنك.. 
-ف اي 
-تعالي بس هقولك حاجة الأول تعالي كدة.. 
-هاا ف اي 
-شوف كدة تحاليل زينب.. 
-وريني.. 
ملك دا زينب عندها كانسر ف مرحلة متقدمة
-انا اتصدمت ي احمد وفحصت التحاليل اكتر من مرة وبرضو نفس النتيجة هنعمل اي 
-متقلقيش انتِ اهدي الحمد الله دا مرحلة مبكرة
-هنعرفهم ازاااي ي احمد.. 
-ملك ف اي
-اي ي يوسف مفيش حاجة 
-طب تحاليل زينب خلصت ولا لسة 
-اة ي يوسف خلصت
-طيب عندها اي ولا اي سبب تعبهاا
-بصراحة ي يوسف انت وزينب
-ها ي ابني انت وهي، م تقولوا ف اي
-زينب عندها كانسر مرحلة مبكرة ي يوسف
-اي انتوا بتقولو اي اكيد لا دا هي بتبقا مرهقة بس
-انتِ بتقولي اي ي ملك
-اهدي ي زينب بس متقلقيش
هو دا ي يوسف ال مسببلها ارهاق بس صدقني دا بيروح بالعلاج وعملية صغيرة لان دا مرحلة مبكرة لسة متطورش.. 
____♡
سمعت كلام ملك واحمد وكنت مصدومة من ال قالوة وفجأة محستش بنفسي، خالص وفقدت الوعي.. 
-زينب زينب
-هات مية ي احمد بسرعة 
اهدي ي يوسف 
قومها معايا علي السرير
يلة ي احمد هات مية.. 
_____♡
فوقت بعد شوية ويوسف كان واقف ماسك ايدي وملك واحمد واقفين برضو جمب يوسف.. 
-يوسف
-نعم ي حبيبتي انتِ كويسة دلوقتي
-اة بس عاوزة اروح يلة 
-استني ي زينب بس شوية
-لا ي ملك معلش مش عاوزة افضل هناا يلة ي يوسف
-حاضر قومي علي مهلك يلة 
ابقي تعالي بليل ي ملك انتِ واحمد معلش
-حاضر ي يوسف خلي بالك منها بس.. 
-حاضر يلة مع السلامة.. 
________♡
روحنا البيت ودخلت نمت ويوسف كان زعلان جدا عليا وحاول يتكلم معايا بس انا مكنتش عاوزة اتكلم ف هو سابني انام وفضل قاعد جمبي علي السرير 
كان وقتها الساعة 5 المغرب.. وام صحيت كان يوسف لسة جمبي.. 
-يوسف 
-نعم ي حبيبتي صحيتي
-اة هي الساعة كام 
-الساعة 9ونص ي زوبة
عاملة اي دلوقتي
-الحمد الله احسن 
بس مصحتنيش لية عشان اعمل اكل
-اصحيكي لية يعني وبعدين معنتيش هتتعبي نفسك ف حاجة انا خدت اجازة من الشغل وهفضل معاكي لحد م ترتاحي.. 
-انا خايفة ي يوسف 
-لا ي حبيبة يوسف متخافيش والله هتبقي كويسة ومفيش اي حاجة وحشة هتحصل متقلقيش
-خلي جمبي ي يوسف 
-انا جمبك والله ومش هسيبك خالص ي ست الكل.. 
-ربنا يخليك ليا ي حبيبي
-ويخليكي ليا ي حبيبة قلبي.. 
قومي يلة خدي شاور وتعالي عرفيني اعمل الاكل ازاي عشان ملك واحمد هايجوا كمان شوية.. 
-طب قوم افتحلهم وصلووا
-يديملي ضحكتك ي قمري
هفتح حاضر.. 
_____♡
-أهلاً ي بشاوات
-اهلا ي عم يوسف 
-اتفضلوا تعالوا
-فين زينب
-جوة ي ملك ادخليلها
-طب خد حط الحاجة دي ف أطباق وحطها علي السفرة 
-تعبتوا نفسكوا لية بس
-ولا تعب ولا حاجة دي سندوتشاات نتعشا مع بعض.. 
-ماشي ي ستي كتر خيركواا
ادخلي ل زينب هي بتلبس جوة.. 
______♡
-هنعمل اي ي احمد ف موضوع زينب انا خايف عليها اوي
-متقلقش ي يوسف انا كلمت دكتور اورام كويس ومعرفتي وقال مفيش قلق خالص 
-يعني اطمن ي احمد 
-اطمن ان شاء الله خير انت بس خليك معاها ومتقلقش عشان متخوفهااش
وانا هحجزلكوا معاد عندة وهاجي معاك انا وملك متقلقش.. 
-ي رب يكون خير 
____♡
طلعنا انا وملك وقعدنا معاهم وطمنوني اني هبقا كويسة ومفيش خطر وسهرنا مع بعض واليوم عدي وملك واحمد حجزولي عند دكتور تبعهم هو ال هيتابع حالتي.. 
وبعد اسبوع روحنا للدكتور دا وكانت ملك واحمد معانا وكان ريهام واسيل وعمر ومحمد عرفوا هما واهلي ومامتة يوسف وكلهم كانوا خايفيين عليا وكشفت والدكتور عمل تحاليل جديدة واشاعات وقال متقلقوش مفيش خطر ولا اي حاجة هي عملية صغيرة وكل حاجة هتبقا تمام واطمنت شوية وكان يوسف جمبي طول الوقت والدكتور حدد العملية بعد 10 أيام..
يتبع الفصل الثاني عشر 12 اضغط هنا
google-playkhamsatmostaqltradent