رواية أقارب صدفه البارت العاشر 10 بقلم دعاء زينه
رواية اقارب صدفه الفصل العاشر 10
البارت طويل جدا يارب يعجبكم عالاد التعب اللى تعبته فيه 💙
وصلنا المرة اللى فاتت لما أسر كان بيكلم حد ومتعصب
أسر بعصبيه:انا اللى غلطان انى اعتمد عليكى ياشريف
شريف : ياباشا متقلقش انا هتصرف
أسر:انت تخرس ياشريف تخرس خالص وانا اللى هتصرف
سليم:هتتصرف فى ايه يا أسر
أسر بتوتر :ابدا ياخوى خير فى حاجه
سليم:ابدا انا كنت بس جاى اقولك أنه انا نازل مصر مع ندى لزميلتها مريم تعزمها عالفرح
أسر:اه طبعا واجب تروحوا وتيجوا بالسلامه انت هتروح وقتيه
سليم:بكره الصبح بإذن الله
أسر :ماشى ياخويا عن اذنك انا دلوقتي عندى مشوار مهم
سليم: متتاخرش ياعين اخوك
أسر :متقلقش ياخوى
ومشى اسر
محمود:ملكة قلبى كله
ملك بخضه:خضتنى يامحمود الله
محمود:سلامة من الخضه ياقلب محمود
ملك:نيهههه روح كل جاتوه
محمود:ده انا هاكل الجاتو وهاكلك انتى كمان بس اخر الأسبوع 😉
ملك : انت قليل الادب وانا مش موافقه بقى
محمود:خودى هنا يابت مش موافقه ده ايه ياروح النونو
ملك بسماجه:عالجوازنا
محمود: والله
ملك:اه والله
محمود:طب اقسم بالله ياملك كلمه تانيه وهاخدك اكتب عليكى بره وماخلى حد يعرفلك طريق انتى فاهمه
ملك:ايه يامحمود انت قفشت ولا ايه
محمود:انا خالص وانا هقفش ليه يعنى انتى
ملك: خلاص ياعم خلاص صعبت عليا هتجوزك وامرى لله
محمود:ماهو ده مش بمزاجك اصلا انتى ليا بمزاجك غصب عنك ليا فاهمه ولا لا
ملك بتحاول تكتم ضحكتها عالمنظره المتعصب وبجديه مزيفه:هو عافيه يعنى
محمود بعصبيه:اه عافيه
ملك بضحك:😂😂لا مش عافيه بالعقل والأصول
محمود : وبقلبى يانن عين قلبى😉💙
ملك اتكسفت وجات تمشى
محمود:القطه كلت لسانك ولا ايه
ملك بخجل وبسرعه:لا ماكلتوش ياخويا بس انت بتقول كلام مبعرفش ارد عليه
محمود:طب خلاص خلاص هتنصهرى يابنتى ايه ده بس هتعملى ايه اما نتجوز
ملك اتكسفت اكتر وسابته ومشيت:انت قليل الادب وانا مش هقف معاك تانى 😠
محمود بضحك:😂😂😂 يانهار ضحك. من دلوقتى بتؤحرج هتعمل ايه بس يوم الجد
نروح لأسر وبيتكلم فى التليفون:انتو فين ياشريف انا فى مصر دلوقتي
شريف :احنا في.........
أسر:طيب انا جاى حالا
ووصل أسر المكان واول ماوصل جرى بلهفه
أسر :نووووووور انتى كويسه طمنينى
نور بخوف :أسر اخيرا جيت انا خايفه اووى
أسر:معاش ولا كان اللى يخوفك وانا عايش عالوش الدنيا
نور بتهته: الحيوان الحيوان يأسر
أسر :أهدى أهدى متقلقيش انا هنا دلوقتي وهتصرف المهم اجمدى كده انا عاوزك في موضوع
نور بتهز دماغها :خير يأسر
أسر :ندى هتجيلك
نور مجرد ماسمعت اسم ندى انفجرت في العياط
أسر :انا عارف انك كنت محتاجها جنبك الفترة دى بس هى كمان محتاجاكى اووى اسمعى يانور ندى جيالك هى وسليم عشان تعزمك عالفرحها هى وملك
نور:هاااا ازاى وامتى ومين
أسر :ده حوار كبير ندى تحكيلك عليه بس باختصار ندى ومحمود يبقوا ولاد عمنا ومحمود هيتجوز وملك وسليم هيتجوز ندى
نور بكسرة:الف مبروك ربنا يتم ليهم عالخير
هنا أسر كان نفسه ياخدها فى حضنه ويطمنها أنه معاها وان حقها مش هيسبه لو عالرقبته وافتكر اللى حصل
فلاش بااك ✨
أسر كان فى مصر فى الشركه ف. الشركه
سرحان بيفكر فى اللى برغم بساطتها خطفت قلبه ورغم أن الكام مرة اللى شافها فيهم يتحسبوا عالصوابع الايد الواحدة الا انها سحرته
قرر يرن عليها رن ومحدش رد رن تانى لحد ما الرد جه
الام بلهفه:كده يانور تنسى تليفونك وكل ده بره
أسر بخضه:ايه كل ده يعنى ايه هى فين وراحت فين
الام باستغراب:لا مؤاخدة يابنى خير انت مين
أسر:أسر انا أسر ياأمى الانسه نور تبقى صاحبة اختى وكانت عاوزة تكلمها لو ينفع يعنى
الام: عالعين يابنى خرجت من بقالها اكتر من ساعتين وقلبى اتوغوش عليها
أسر :طب ممكن تهدى وتعرفينى خرجت فين أو راحت تقابل مين
الام :كانت راحه تقدم استقالتها فى الشركه اللى اشتغلت فيها من فترة
أسر :طب وتعرفى دى شركة مين يأمى
الام:شركه استننى اجيب الكارت واقولك يابنى وراحت جابت كارت الشركه وقالتله عالاسم
الام:شركه الصقر جروب.........
أسر :طب يأمى أهدى ومتقلقيش إن شاء الله خير
الام بعياط:انا ماليش غيرها يابنى
أسر بغصه فى قلبه: متقلقيش ياست الكل اقفلى دلوقتي وانا هبقى اطمنك
كان بيطمنها وهو من جواه هيموت من القلق ومتحاج اللى يطبطب عالقلبه ويقوله هترجع متقلقش
نزل جرى زى المجنون بقى عمال يخبط فى كل اللى يقبله نزل ومسك تليفون ورن عالواحد فى الشركه هناك وطلب منه يسأل علي بنت راحت تقدم استقالتها لحد ما يوصل
ووصل أسر الشركه واول ما وصل نزل زي المجنون ودخل الشركه بيسأل كل حد يقبله ومحدش بيرد لحد ما وهو خارج حد نده عليه :يابيه يابيه
لف أسر وشه:معلش يا حج انا مستعجل عن اذنك
الراجل الكبير:اسمع انت بتدور عالنور مش كده
أسر وقف مكانه من الصدمه :تعرف هى فين وليك اللى انت عاوزه
الراجل: مش عاوز حاجه يابنى بس البنت نضيفه هو حاول معاها زيها زى غيرها بس البت بنت حلال رفضت وكانت جايه تقدم استقالتها وماشيه الله يجازيه معرفش عمل معاها ايه شوفتها ماشيه معاه مدروخه ومش قادرة تقف
أسر: اومال محدش رد ليه
الراجل:يابنى محدش شافه وهو خارج بيها اصله خرج من الباب الورانى وانا كنت بنضف الدور التالت وشوفته وهو ماشى بيها وعالمجيت استنجد بحد كان اختفى
أسر:أوصله ازاى مكانه فين انطق
الراجل: والله يابنى ماعرف بس اللى تدلك السكرتيرة بتاعته
أسر مخلهوش يكمل كلامه وطلع جرى ليها و زق الباب لدرجه انه فزعها
أسر بصوت رعبها:اقسم بالله أن مانطقتى وقولت الوسخ اللى مشغلك فين دلوقتي لهنسى انك واحدة ست وهتشوفى اللى عمرك ماشوفتيه فاهمه انطقى
السكرتيرة:انا مش فاهمه انت بتتكلم عن ايه
أسر قرب عليها ومسكها من دراعها جامد:هتعمليلى فيها رضا العبيط هعملك حسين الاهبل وهطلع اللى فيا فيكى انطقى يابت فين نوور
السكرتيرة:هو بياخد الناس اللى زى كده ويطلع بيهم عالشقه فى........
أسر :عارفه لو بتحورى هدفنك مكانك قدامى
وخدها أسر وطلع عالعنوان اللى قالته ووصل وطلع زى المجنون اللى حد عاوز ياخد منه روحه
وطلع جرى عالسلم لدرجة أنه نسى أن فيه اسانسير ووصل الشقه (وعشان هو جامد زوحليقه)فضل يخبط الباب بكتفه لحد ماكسره ودخل وشاف المنظر اللى كفيل يقتل اى عاشق بدل المرة الف شاف نور نايمه والحيوان المدير جنبها ولسه هيمد أيده يقطع ليها البلوزة
أسر بمنتهى الغضب اللى فى الدنيا:ابعد ايدك يا كلب عنها ومسك فيه ونزل فيه ضرب يابن الكلب وحياة امك لدفعك تمن عملتك دى غالى اوى يابن الكلب ياوسخ
وفضل يضرب فيه لحد ماقطع النفس
أسر سابه وراح لنور اللى كانت أبتدت تفوق واللى طبعاً بسبب الحيوان طرحتها مفكوكه وهدومها مبهدله
أسر قلع الجاكت اللى كان لبسه واديهولها وادها تغطى شعرها وهو كل ده هيموت ويخدها فى حضنه
نور كان في حالة جمود تام بقت عامله زى اللى بتتحرك بريموت بتعمل كل اللى أسر بيقول ليها عليه
وخدها ومشى بس قابل السكرتيرة وهى طلع للكلب اللى شبه وقال
أسر:عرفيه أنه وحياة امه لاقتله بس اطمن عليها الاول
وخد نور ومشى ووصل البيت عندها امها اول ما شفتها اترعبت عليها
الام:بنتتتتى مالها فيها ايه
أسر :أهدى أهدى يامى مفيش حاجه بنتك زى الفل
وخدوها دخلوها اوضتها
أسر:نور انتى كويسه صح اجيب لك دكتور طيب طب اعملى اى حاجه طمنينى انك كويسه بالله
الام:يابنى فهمنى فى ايه وبنتى مالها
أسر:هفهمك كل حاجه يأمى بس استنى الدكتورة تيجى تطمنا عليها
مفتش شويه وقت الا والدكتورة وصلت
أسر :خليكى جنبها وانا هدخل الدكتورة
أسر راح فتح الباب وقبل مالدكتورة تتدخل لنور
أسر:دكتورة بعد اذنك
الدكتورة:افندم
أسر بإحرج:انا اسف يعنى بس محتاج حضرتك يعنى تطمنى عليها وو
الدكتورة:مفيش داعى للاحراج ده كله ده شغله وهقوم بيه بإذن بس محتاجه اعرف ايه اللى حصل
أسر :اتعرضت لحالة خطف ويعنى انا
الدكتورة :اطمن بإذن الله خير
أسر بخجل اكبر:معلش يادكتورة يعنى لو كانت يعنى... رجاء متقوليش قدامها هى أو ولدتها رجاءا
الدكتورة ابتسمت عالموقفه وأنه مش عارف يجمع كلمتين عالبعض:متقلقش انا فهماك كويس شكلك بتحبها اوووى
أسر اتنهد وبص فى الارض : واكتفى أنه هز دماغه
ودخلت الدكتورة وأسر بره هيتجنن مش عارف يعمل ايه هيموت ويطمن عليها وحلف تلتين يمين لو فيها حاجه لهيقطع الايد اللى فكرت أنها. تلوثها( وهى انقى من هواء الريف اللى مايعرفشش حاجه عن زحمة المدينه💙)
خلصت الدكتورة كشف وخرجت
أسر اول ماشفها جرى ناحيتها وهو وشه مصفر من الخضه وخايف
الدكتورة بابتسامة:اطمن خطيبة حضرتك زى الفل
أسر خده نفسه زى الغريق اللى لقى طوق نجاته :بجد بجد يادكتورة
الدكتورة:اه والله بجد ربنا فى بيتكم
أسر من فرحته نزل سجد لربه يشكره أنه مأزهوش فى حته من قلبه
أسر اتعدل :شكرا الف شكرا ياقمر انتى والله الود ودى اخدك فى حضنى ولكن استحى 😂💔
الدكتورة:انا مقدرة فرحتك ربنا معاكم عن اذنك
أسر :مع السلامه ياقمر مع الف سلامه
أسر خبط يستأذن عشان يدخل الاوضه
الام:ادخل يابنى
دخل أسر وهنا كانت الصدمه اللى لغت عالفرحته تماماً نور زى ماهى مفيش عالوشها اى معالم عمله زى الحجر اللى اتنحت
أسر قرب:نور انتى كويسه الحمد لله مش كده
مفيش رد
أسر قلق عليها بس شاف أن الوقت أتأخر
أسر:أمى انا هستأذن دلوقتي والصبح بإذن الله اجى اطمن عليكوا
الام :ماشى يابنى كتر خيرك
وجه أسر يمشى لقى اللى اترمت فى حضنه وكان فكرة انه يمشى فوقتها من غيبوبه مؤقته دخلت فيها بإرادتها
نور بدموع وشحتفه:لا لا والنبى مش تمشى خليكى بالله انا خايفه قالى هيموتنى قالى مش هيسبنى فى حالى بالله يأسر متمشى خليك وبتعيط جامد ومسكه فى حضنه مش راضيه تسيبه
هنا أسر بص لامها ومش عارف يعمل ايه هو اه هيموت ويضمها بس هى متحللوش واول ماتفوق هتندم عاللى عملته فمينفعش يستغل الوضع
أسر وأيده بعيد عنها:طب أهدى يانور محدش يقدر يمس شعره منك طول مانا جنبك
نور بعياط هستيرى: لا انت عاوز تمشى
أسر: مش همشى بس أهدى.وتعالى نامى وانا قاعد جنبك
نور: خايفه ياااأ وبعد كده أسر حس بتقل عالصدره بيبص لقاها نامت تقريبا من الارهاق سندها هو ووالدتها ونيموها
أسر:اناهنزل
الام : ايوه بس
أسر :انا هنزل اجيب الادويه اللى الدكتورة كتبتها وهرجع اقعد قدام البيت لحد ماتفوق الصبح
الام:ايوه يابنى بس هتفضل بره طول الليل
أسر:ايوه يا أمى عادى انا كده كده واخد عالسهر ومبعرفش انام قبل الصبح ثم إنه مايصحش اقعد معاكوا فى البيت وانتوا لوحدكم ومينفعش اسيبها فى حالتها دى قصدى اسيبكم
الام : والله يابنى مش عارفه اقولك ايه ربنا يسترك دنيا وآخرة ويجعلك نصيبك من الستر والصحه كبير نظير ماسترتلى بنتى ربنا مايفضحلك وليه ابدا💙
أسر:باس راسها تسلمى ياست الكل ايه الدعوة القمر دى عن اذنك انا دلوقتي وراجع علطول
نزل أسر جاب الادويه وقعد قدام باب الشقه للصبح زى ماقال
وجاتله رساله عالفونها نصها
-وحياة امك وامها لاوريها ولو راجل اقدر احميها منى مش انا اللى اعوز حاجه وواحد زيك يفكر مجرد تفكير أنه يمنعني عنها واللى مخلتنيش اعمله فى الخفا وحياة امك لاحسرك واعمله قدامك ورينى بقى تقدر تعمل أسر قرا المسدج دمه فار وندم الف مره أنه مدلوش طلقه فى نص دماغه وخلص منه جين يرد عليه لقى الفون اتقفل اتصل عالحد من معرفه
أسر :ايوه يا مصطفى اسمع عاوزك تشوفلى الكلب ده فين دلوقتي
مصطفى:أمرك ياباشا ادينى الاسم وسيب الباقي عالربنا ثم العبد لله
أسر:اسمه...............(طبعا الاسم مش هينفع اقوله دلوقتي لانكم انتوا اللى هتخمنوه بإذن الله 😉)
مصطفى رن عالاسر تانى:أسر باشا الواد كأن الأرض انشقت وبلعته ومعرفتش اوصل عن اى حاجه عنه
فى الوقت ده قرر أسر أنه لازم يخفى نور تماما عن الأنظار لحد مايعرف الحيوان ده راح فين وخدها هى ووالدته مكان تانى عشان يقدر يتصرف
انتهى الفلاش ✨😉
فاق أسر من سرحانه عالصوت نور
نور : أسر أسر انت معايا
أسر :هاا اه بتقولى ايه يا نور
نور:بقولك هيجوا وقتيه
أسر : النهاردة فلازم ترجعى البيت وانا هبقى قريب منك متقلقيش بس متعرفيش ندى او ملك اى حاجه
نور:متقلقش انا مش ممكن ابوظ فرحتهم
أسر حس أنه اتسرع وهى فهمتوا غلط:نور انا مش قصدى اللى وصلك انا قصدى أن مش لازم حد يعرف عن مشكلتك حاجه وانا كفيل بحلها ولا انتى مش واثقه فيا
نور هزت رأسها بمعنى لا:وتفتكر لو انا وامى مش واثقين فيكى كنا زمنا هنا دلوقتي
أسر فرح من تلقائيتها وردها السريع:يبقى اتفقنا تجهزى انتى ومامتك اوديكوا البيت وغالبا ندى هتعرض عليكى تفضلى معاها لحد مالفرح يخلص ياريت توفقى واهو كده قلقى عليكى هيقلق قصدى عليكوا تمام
نور :ماشى. أسر :شريف شريف:ايوه ياباشا. أسر :مش قولتلك اللى يروح يجيب الورق يكون حد يكون قادر على ده فعلا. شريف ياباشا انت عارف شركه عيله العبد مش سهله وبعدين. أسر:لا بعدين ولا قابلين انا هتصرف
نروح البلد لندى وسليم
ندى:سليم انا جهزة
سليم :تمام يلا عن اذنك ياجدى
وخد ندى ومشيوا ووصلوا بيت نور نور اول ماشافت ندى اترمت فى حضنها وهات يعياط وندى تعيط ونور تعيط
وفعلاً سليم عرض عالنور أنها تيجى تفضل معاه ندى وملك طول فترة الفرح وندى فرحت جدا وكبر سليم فى نظرها وخصوصاً أنها كانت بتفكر في كده فعلاً
وجهزوا كلهم وراحوا البلد
اول مانور. وصلت
ملك: وحشاااانى اوووووى يانور عامله ايه وايه اخبارك
نور :لوكه وانتى اكتر ايه كل دى اسئله مركز أنباء واتفتح براحه انت قاعده معاكى لحد ماجوزك ياختى انتى وعم كاره الجواز دى
ملك:كاره ايه بقى ماخلاص أبيه غير رأيها فى الموضوع ده😉ولا ايه
ضحكوا البنات وقعدوا مع بعض يحكوا كتير وطبعا بسبب. زحمه الفرح نور معرفتش تقعد مع ندى تفهم من ازاى كل ده حصل بالسرعه دى
وجه اليوم الموعود ✨☺️😍
نور :ماتقوموا بلوا الشربات
ندى مسهمه
نور قرصتها فى رجلها:اقرصيها فى ركبتها وحصليها فى جمعته
ملك:او اخنقيها بكيس وخدى انتى العريس
ندى : خلاص طلعتونى عالمسرح انتى وهى بس بقى لطأشكوا فى بعض زى البيض
نور وملك😂😂😂
وخلصوا وجهزوا العرايس
ندى فستانها الأبيض المنفوش خطفت قلب سليم كانت عامله زى اميرة هربانه من أسطورة خياليه
وسليم خطف نظرها وهو واقف مستنيه عشان يمسك أيدها ولحظت اد ايه هو وسيم بشعره الناعم وبدلته اللى عالرغم انها شفته ببدل قبل كده إلا أن شكله دلوقتي غير وحسيت أن الكل عينه عليه
واخيرا وصل ابو ندى وحط أيدها فى. ايد سليم
احمد:مش هوصيك عليها
سليم وهو متنح :مش محتاج ياعمى محدش بيوص حد عالحته منه ❤️
ملك بفستانها الابيض البسيط كانت شبه اميره اروبيه بتطل عالدنيا من قصر عالى سحرت عيوون بمحمود بطلتها البريئة وعيونها الجميله وهو كمان خطف قلبها بشياكته اللى كانت من فريد فمحمود لبسه كله كاجول بحكم شغله فيوم مايبقى عريس لابس بدله لازم يخطف أنظار الكل لدرجة أن ملك كان نفسها توصل ليه بسرعه وتمسك أيده وبعلوو صوتها تقول ده بقى ليا خلاص
وصل ابو ملك وحط أيدها فى ايد محمود
ابو ملك:حطها فى عينك
محمود:ده فى نن عين قلبى من جوه ياعمى وخدها بأس راسها:مبروك ياحلم داعيت ربنا يحققهولى❤️
واخيرا طلت نور بفستانها البى بلو الرقيق وحجابها الجميل اللى قضى على اخر ذرة عقل عند أسر واتمنى لو كان يقدر يأخدها فى حضن دلوقتي ويقول دى ملكى❤️
وطبعا الليله أبتدت جميله لكن مش كل حاجه بتنتهى زى مابدأت وطبعا المعازيم كانت أبتدت تظهر
أسر: ايه القمر ده ياجماااالو ياتركاته ياحركاته
نور: الله يخليك
أسر :واحد بيعكسك تقوليله الله يخليك الله يخدنى ياشيخه يوم مافكرت اعكسك
نور بسرعه :بعد الشر
أسر: خايفه عليا ولا ايه😉
ندى :ماردتش وأسر لاحظ أنها اتصنمت مكانها بص مكان مابتبص طبعا اتصدم من اللى شافه
يادعوة ساعة أدان الفجر وصادفت باب سما مفتوح
يتبع الفصل الحادي عشر 11 اضغط هنا
- الفهرس يحتوي على جميع فصول الرواية (رواية اقارب صدفة كاملة)