Ads by Google X

رواية لاني مشوهه كاملة (من الفصل الأول للأخير)

رواية لاني مشوهه كاملة جميع الفصول بقلم الكاتبة أميرة محمد حصريا عبر دليل الروايات للقراءة والتحميل.

رواية لاني مشوهه كاملة

رواية لاني مشوهه كاملة

- انا مش عارف هتجوزك ازاي بالقرف اللي ف جسمك ده 
- ‏اميرة بدموع : انا مليش ذنب وكمان مش عايزة اتجوزك بس لولا ماما و...
- ‏اياد بقرف : انتي مش لاقيه حد يجوزك ف مصدقتي بقي وقولتي اهوة دكتور ف الجامعه ومعاه فلوس ومش خسرانه حاجه مش كده 
- ‏أميرة بدموع : حرام عليك كفاية ظلم بقي 
- اياد : هتشوفي ايام سودة معايا 
• هوة انا ذنبي ايه  ، ليه الناس بتاخد بالمظاهر ،ازاي بيقدرو يطلعو الكلام ده من جواهم ، نظراتهم بتقتلني ...
• ‏اميرة محمد
" عند إياد وعمه " 
عمي لو سمحت انا دكتور ف الجامعه وليا اسمي وحضرتك عايز تجوزني بنت مشوهه ومحروقه  اسف بس مش موافق 
-انت عارف كويس اني معنديش ولاد وانت ابوك الله يرحمه وكلني برعايتك وبعتبرك ابني يا إياد مش عايز تلبيلي طلبي مليش حق عليك؟
-‏مسكت ايدة وبوستها :لا يا عمي حضرتك ف مقام والدي بس اشمعنا هيه ؟اميرة محمد
-‏اميرة يتيمه ملهاش حد غيرنا واللي حصلها ده كان في  بيتنا يعني ملهاش ذنب فيه 
-‏ايوة يا عمي وانا ذنبي اي اتجوزها ؟
عمه : صدقني دي بنت كويسه اوي وهتحبها قرب منها وعالجها يا إياد حرام عليك متقساش علي البنت امها عنيها ورمت من كتر العياط علي بنتها ، مش عايز تردلها ولا جميل من اللي عملته معانا ، انت نسيت انها هيه اللي ربتك 
إياد بحزن : حاضر ي عمي ..اميرة محمد.
" انا اميرة ، عندي 21 سنه ، بدرس ف كلية اداب قسم جغرافيا فرقه تالته ، بابا متوفي ومليش غير ماما وهيه شغاله عند عم اياد ف البيت طبعا هيه اللي ربته وانا رافضه حكاية الشغل دي بس بتحبهم وهما كمان بيعاملونا كويس  ، من كام شهر كده دخلت المطبخ اسلم علي ماما كعادتي بعد م رجعت من الكليه ، غصب عني ميلت عشان اجيب حاجه أكلها من البوتجاز بعدين رفعت راسي واتخبطت ف طاسة الزيت ووقعت عليا  و طار ف وشي واتكب علي دراعاتي وفخدي وبقيت محروقه ، طبعا محدش هيرضي يتجوز واحدة جسمها بالطريقة دي عم اياد اللي احنا قاعدين معاهم ف البيت جه وطلب ايدي ل اياد  من ماما ، انا رفضت بس ماما اصرت عليا وجبرتني علي الجوازه دي " اميرة محمد.

"تاني يوم "
عديت علي بنتين معايا ف الكليه وسمعتهم بيتكلمو 
سما:عارفه يبت يا هناء البت أميرة المشوهه بيقولو هتتخطب 
هناء :ومين اللي رضي بيها دي وهيه مشوهه كدا 
سماء :مش عارفه بس اكيد واحد والسلام يلا احنا مالنا يكش تولع 
هناء :عندك حق 
منكرش ان قلبي وجعني من كلامهم بس دي الحقيقة انا وشي مشوهه ونص دراعي وكمان منطقه حساسه ف جسمي مشوهه بس انا ذنبي اي دي حاجه من عند ربنا وانا راضيه ..اميرة محمد.
دخلت الجامعه كنت عارفه إن دكتور إياد مش موافق علي الجوازة دي بس كمان مفيش حاجه هتجبرة 
خلص المحاضرة ونادي عليا 
- إياد بقرف :اسمعي بقاا يا اسمك اي انتي 
-‏ اميرة بإبتسامه :اميرة اسمي اميرة 
-إياد :متستفزنيش 
-‏اميرة :عفوا وانا عملت اي 
-‏إياد :مش مهم اسمعيني 
-‏اميرة :اتفضل 
-‏اياد :مش عايز حد يعرف اننا هنتجوز ولا حتي تقربي مني  ف الجامعه وان سمعتك حكيتي لحد مش هتعرفي اللي هيحصلك 
-‏اميرة بعدم فهم :ليه 
-‏إياد بيبصلها من فوق لتحت :مش شايفه نفسك ولا اي 
-‏اميرة بدموع :اه فهمتك تمام 
-‏إياد :تمام 
"....!!!! اميرة محمد 

رواية لاني مشوهه الفصل الثاني

أميرة : اللي حصلي دا غصب عني حاول تتعايش مع الوضع ده 
إياد : وانا مش مضطر علي فكرة وانتي عارفه احنا هنتجوز ليه 
أميرة : والله انا انسانه برضو ومن حقي تعاملني باحترام 
إياد : ياريت محدش يعرف بعلاقتنا 
• سابني ومشي وكان هوة اللي علينا ف المحاضرة التانيه دخلت اقعد ف البينچ محدش رضي يقعد جمبي حتي صحبتي اتخلت عني من بعد اللي حصلي ، الدموع اتجمعت في عيني كان هاين عليا افضل اعيط واصرخ من اللي انا فيه ، بصيت علي إياد لقيته بيبتسم ابتسامه سخريه .....! حسيت بنغزة ف قلبي كان نفسي حد يقف جنبي ومينفرش مني بس لاسف مش كل حاجه بنفكر فيها بتحصل .
• إستأذنت منه وخرجت لو قعدت اكتر من كده هتخنق وانا مش حابه ابين ضعفي لحد ،  اتمشيت كتير لحد م وصلت للبحر خدت ركن علي جنب وبدأت اتنفس واعيط ، كل شوية ابص علي دراعي وايدي وانا عايزة اشيل الجروح اللي فيها ، كل جرح كان بياكلني فضلت اهرش فيه لحد م جاب دم .
• ‏رجعت البيت بعد فترة من الوقت لقيت ماما واياد وعمي منتظريني
ماما بخوف : كنتي فين يا أميرة ..؟وإيه اللي عملك كده 
اميرة : مفيش يا ماما روحت اتمشيت متقلقيش انا كويسه 
عم إياد : قلقتيني عليكي يبنتي ابقي طمنينا عليكي 
اميرة : حاضر ي عمو ....ماما ممكن اتكلم معاكي شوية 
الام  : حاضر تعالي 
• إياد كان واقف مكلفش نفسه يسأل عليا ..مش مهم مش هتفرق كتير سحبت ماما من وسطيهم ودخلتها اوضتي 
الام  : هااا أميرة عايزة تحكيلي ايه ...؟؟
أميرة بجمود : ماما انا مش عايزة اتجوز إياد ولا غيرة ..
الام بصدمه : ليه يبنتي ايه اللي حصل.....؟؟
اميرة بدموع : محصلش ...محصلش حاجه ي ماما بس انا ...انا هتجوز  ازاي باللي ف جسمي ده 
الام بحنية : انتي ست البنات ي أميرة واللي ف جسمك ده ابتلاء من ربنا عشان يختبر مدي قوة صبرك ..وانتي لازم تنجحي ف الاختبار ده يبنتي 
اميرة : ونعم بالله ..بس انتي شايفه ايدي ودراعي وكمان فيه مناطق حساسه ف جسمي الزيت لمسها و..
الام : متفكريش بالطريقه دي إياد شاب محترم وليه هيبته وكمان عمه بيحبك اووي ، يعني هيدرسلك لما تتجوزو وهيحبك اوي 
اميرة ف سرها : يحبني...هه دا اننتي متعرفيش اللي فيها 
الام : اميرة ...اميرة يبنتي سرحتي ف ايه 
اميرة بإنتباه : هااا ....معاكي ي ماما اهوة اللي تشوفيه صح اعمليه ..اميرة محمد 
• ماما عايزة تطمن عليا ،انا عارفه انها مصدقت حد يرضي بيا قلقانه عليا حاسه بيها ، عشان كمان إياد مجبور وهيه عارفه ان محدش هيوافق عليا غيرة وانا هعملها اللي هيه عايزاه نفسها تفرح بيا قبل م تموت بس للاسف انا اللي هتعزب مش حد تاني ....اميرة محمد 
_____________________________________________
• حددو معاد كتب الكتاب بعد شهر  ومش هنعمل خطوبه ، إياد اقنع ماما ان هنكتب الكتاب بالشهود يعني مفيش لا حفله ولا فرح ولا حتي هلبس فستان .....قالها ان في صديق عزيز عليه اتوفي وهوة مش حابب يعمل اي حاجه وطبعا لان ماما طيبه صدقته ، طول الشهر ده تجنبته ،بدخل محاضراته دا طبعا بعد التنمر والتريقه عليا وهوة ولا هنا .
اميرو محمد 
" بعد شهر "
المأذون بيكتب الكتاب ومحدش موجود غير ماما وإياد وعمه واتنين صاحبه ، وانا قاعدة لابسه طقم عادي ومجبورة علي جوازة زي م يكون عملت عمله كبيرة 
"بارك الله لكما وجمع بينكما في خير "
إياد : اميرة 
اميره ف سرها : يااااا اول مرة تقول اسمي يا اياد 
اياد : اميرة انتي سمعاني 
اميرة : اه طبعا معاك 
اياد : طب يلا عشان نطلع اوضتنا 
اميرة : حاضر 
أميرة محمد 
• فضلت واقفه قدام باب الاوضه قبل م ادخلها مش حاسه اني عروسه جديده ولا حاسه إن ده مكاني ياتري ايه تاني مستنيني .....!!!!!!؟
إياد : انتي هتنامي علي السرير وانا هنام علي الكنبه دي 
اميرة بحزن : ماشي 
إياد : لو سمحتي متقربيش مني حتي لو لقتيني بموت متلمسنيش 
اميرة بدموع : للدرجادي 
إياد : واكتر كمان 
اميره : ماشي تمام ...اميرة محمد 
• جبت النوت بتاعتي وبدأت اكتب فيها وانا بعيط وكل دمعه تشهد علي حزن قلبي المفتت 
• ‏قومت قبل إياد للبست للبس يخفي كل اللي ف جسمي وكمان جونتي ونزلت اعمله فطار وامد ايدي ليه ونكون اصدقاء علشان هوة مشافش مني حاجه وحشه اميرة محمد
اميره : إياد ...إياد اصحي 
إياد بنوم : اممممممم
اميرة بإبتسامه : الفطار جاهز 
قام من علي السرير واتعدل 
إياد : ايه ده ....
اميرة : فطار 
إياد : وانا طلبت منك حاجه 
اميرة بإبتسامه وجع : لا مطلبتش ..بس حبيت اعملك الفطار ده ، عارف للبست جونتي وانا بعمله ومكنش فيه حاجه باينه من جسمي ، ممكن نبقي اصدقاء 
مديتلو ايدي ...اميرة محمد 
إياد بقرف : ابقي صديق ليكي انتي هوة انتي مش شايفه نفسك..دا انا مقروف ابصلك حتي ...
أميرة بدموع : ممكن أسالك سؤال ....؟؟؟
هز راسة بعدم اهتمام 
أميرة بدموع : هوة انا ذنبي اي ف اللي حصلي ؟
إياد.: ذنبك انك انجبرت عليكي وانا مش طايقك وبالنسبه للي حصلك ف اكيد قلبك اسود وبتكرهي الخير للكل ودا عقابك اميرة محمد 
اميرة بدموع وحزن : قلبي اسود ؟؟ ربنا يعلم باللي ف قلبي ويعلم نيتي مين انت عشان تحكم عليا ؟...مع انك دكتور ف الجامعه بس تفكيرك متخلف ورجعي 
إياد بعصبيه : اخرسي مش عايز اسمع صوتك غوري من وشي اميرة محمد 
• دخلت الحمام وقعدت علي الارض اعيط 
• ‏اميرة بعياط  : يارب انا راضيه بقضائك اكيد ليك حكمه من اللي حصلي وبيحصلي بس صبري نفذ ، ليه اعيش وسط مجتمع مريض كده بيفكر بالطريقه دي .يارب ...يااااااارب ...اميرة محمد.
• ‏فتحت الدش عليا وفضلت تحت الميه ييجي ساعتين سمعت الباب بيخبط مقدرتش ارد لقيت الباب اتكسر وطلع إياد شالني حطني علي السرير ونادا ماما وعمه وطلبولي الدكتور قعدت ييجي بتاع يومين وكل شوية يغمي عليا لأني دخلت ف دور برد شديد .اميرة محمد 
• ‏لسه بفتح عيني شوفته واقف قدامي
إياد بسخرية : حمدالله على سلامتك
اميرة : الله يسلمك 
إياد : مموتيش ليه
اميرة بصدمه : ياااااه ....للدرجادي بتكرهني 
إياد : مش بكرهك ولا بحبك بس مش طايق وجودك ف حياتي 
اميرة : تمام وانا لقيت فكرة تخليك متشوفنيش ولا تتعامل معايا 
إياد : إيه هيه.......!؟
أميرة .. يتبع الفصل الثالث اضغط هنا
google-playkhamsatmostaqltradent