رواية لست انا البارت الثاني 2 بقلم ياسمينا
رواية لست انا الفصل الثاني 2
احمد وسما طلعو من مكتب رأفت
سما :ها هنعمل ايه
احمد بتفكر : انا مستحيل اسيبو كدا يفلت بعملتو
سما : طب وهنعمل ايه
احمد : محدش هيساعدنا غير ياسمين دي
سما : بس يادكتور احنا منعرفش هي شريره ولا طيبه وهتساعدنا ولالا
احمد : هنشوف هي كدا كدا بعد شويه هتفوق لازم نطلع فارس من عندها
سما : ماشي يلا .....
_________________________________________
*عند فارس كان قاعد قدام سرير ياسمين وبص علي وشها الي فيه الشاش وايدها الي مربوطه بشاش مسك أيدها بحزن وقال : تعرفي انا مش مهم عندي البيبي .. المهم انك تقومي بسلامه بجد مش هقدر اعيش من غيرك
ياسمين في لحظه دي فتحت عينيها بتعب وفارس اول ماشاف كدا قال بلهفه : هاجر انتي فوقتي
ياسمين بصت عليه بتسغراب وغمضت عينيها تاني من تعب
فارس : هاجر فوقي ونبي
ياسمين فتحت عينيها تاني وحاولت تكلم بس مقدرتش وأحمد دخل في لحظه دي وقال : احم معلش ممكن تطلع بس علشان اشوف حالتها
فارس بضيق : اطلع ليه يعني دي مراتي
احمد : ده شغلي حضرتك
فارس بص لي ياسمين وقرب منها وباسها من راسها وقالها : لازم تقومي علشاني ...
ياسمين حركت عينيها بستغراب وبعدين فارس خرج وأحمد قرب من ياسمين
احمد : ازيك ياياسمين
ياسمين بتعب : فارس ابن الخاينه بيخون هاجر ومعايا كمان
احمد ابتسم وبعدين سند ياسمن وقعدها علي سرير وهي بصت علي أيدها الي فيها الشاش وقالت برعب : ايه ده
احمد :, انتي وهاجر عملتو حادثه
ياسمين بلهفه : هاجر ... هاجر حامل هي كويسه
احمد بحزن : البقاء لله
ياسمين بصدمه : نعم انت بتقول ايه
احمد : هاجر ماتت ادعلها برحمه
ياسمين بغضب : انت اتجننت ياراجل انت مستحيل الكلام ده فين هاااجر
احمد : انا مقدر حالتك
ياسمين : بلا حالتي بلا بتاع يلا خدني عند هاجر وعارف لو قولت عنها كدا تاني والله ما هرحمك هاجر متسحيل تسبني
احمد بص في الارض بحزن وياسمين عينيها دمعت وقالت : هي قالت مش هتسبني هي قالت هتفضل جمبي علشان انا ماليش حد هي قالت كدا هاجر مامتتش انا واثقه لأنها قالتلي انها هتفضل معايا
احمد بصلها وقالها : لازم تجيبي حقها
ياسمين بصريخ : حقها مني انا ... انا السبب في موتها انا الي خلتها تهربني من الفرح دي كانت حامل ومبسوطه بلبيبي حملت بعد ٥ سنين حرمان وقهر ووجع
احمد : اسمعي مش انتي السبب الدكتور رأفت هو السبب
ياسمين بستغراب : انت بتقول ايه ورأفت مين
احمد : هحكيلك
احمد بدأ يحكي لي ياسمين عن رأفت ولي عملو في هاجر
ياسمين بغضب : نعم مستحيل ازاي يعمل كدا اقسم بالله لفضحو
احمد بسخرية : ليه انتي بنت مين
ياسمين بصدمه : نعم
احمد : ده دكتور مشهور والمستشفي بتاعتو مشهوره يعني يفعصك تحت رجلو انتي ولا بنت راجل اعمال ولا حتي ساري عربي ولا ليكي أملاك مهو الإنسان في زمن ده بيتحاسب علي الي في جيبو انا وانتي ملناش حد وانتي شكلك شخصيه ذكيه ومش هتخدي وقت كتير لغيت لما تفهمي قصدي
ياسمين : عايز ايه يعني انطق ايه المقدمات دي كلها
احمد بضيق : ايه الدبش ده قصدي يعني أن احنا نمشي علي خطتو ونشوف هو عايز يوصل لي ايه ونقدر ننتقم لحصبتك
ياسمين بغضب : انت عايزني اخد مكان هاجر ووش هاجر انت اتهبلت ياراجل انت امشي غور اطلع برا
احمد بصلها بصدمه وقال : احم هو انتي بلعه راجل
ياسمين بحزن : معلش انا عصبيه وبعدين انا شاكه في حاجه
احمد : ايه هي
ياسمين بذكاء : لو انت بتفهم أو في راسك دي عقل كنت فهمت أن رافت ده وراه حاجه كبيره هو ممكن يكون قتل البيبي بس هاجر لا روح أتأكد من الجثه انا حاسه انها عائشه
احمد بتفكير : اه وليه يعمل الفه دي كلها
ياسمين بغضب : انت بتسألي انا لا كدا كتير مش قادره اقعد معا ناس اغبيه اكتر من كدا قوم شوف الجثه بسرعه
احمد بصدمه : لا مستحيل تكوني بنت
احمد قام وطلع من الاوضه وياسمين فضلت قاعده تفكر هتعمل ايه وهي عندها احساس قوي ان هاجر عايشه .......
_________________________________________
أما عند رأفت كان قاعد علي مكتبو وفاتح شاشة التلفزيون كان بيتفرج علي المستشفي من الكاميرات المراقبه وكان قاعد آكنو منتظر حد ..... وفجاه دخل المستشفي مهران ابو فارس
رأفت بضحك : واخيراااا جيت استنيتك كتير .....
مهران وصل اوضه ياسمين لقه فارس واقف قدام الأوضه
مهران بسخريه :انت معندكش رحة الرجوله واقفلها قدام الباب
فارس بضيق : مهران بيه ونبي انا مش ناقص سبني بقا
مهران بغضب : حتي الولد الي كان هيجي خلاص راح
فارس بغضب : انت ايه مراتي جوا بين الحياه والموت وانت بتفكر في الولد بقولك ايه انا استحملت كتير عندك كلمه حلوه ادخل قولهالها معندكش يبقا تروح زاي ماجيت
مهران بصدمه : انت بتكلم ابوك كدا
فارس : انهي اب بدل ما تجي تطبطب عليا وتقولي هاجر هتقوم بسلامه بس انت لازم تبقا قوي علشان تقويها مش الابهات بيعملو كدا بردو ولا ايه
مهران بغضب : انت هتفضل طول حياتك عيل مانت مشخصاتي صحيح
فارس بغضب : انا مش هرد عليك
فارس فتح باب اوضه ياسمين ودخل وقفل الباب في وش مهران وياسمين كانت سامعه كل ده ......
فارس : هاجر انتي كويسه
ياسمين : اه كويسه
فارس ابتسم وقرب من شباك الأوضه وفتحتو وفضل واقف قدامو
ياسمين في سرها : الحمدالله موهبة تقليد الاصوات دي جابت بفايده وانا ياهاجر مش هرحم حماكي ده ونبي لعقلكو علي باب زويله بس انتي ارجعي .....
_________________________________________
*أما عند احمد *
راح تلاجة المستشفي ودخل علي اساس انو يشوف جثه تانيه غير هاجر وفعلا دخل التلاجه وفضل يدور علي اسم ياسمين واخيرا لقه وفتح التلاجه بهدوء ..وشال الغطا من علي وش الجثه ونصدم من الي شافو ............
_________________________________________
*اما في كافيه المستشفي كريم كان قاعد وبيشرب قهوتو ومهران قرب منو وقعد جمبو وقال : القهوه عمرها ما هتنسيك وجعك ممكن تسهرك بس
كريم : ازيك ياعمو
مهران : كويس بس شوفت صحبك مبيسمعش كلامي ماشي دلدول تحت رجليها
كريم بضيق : مش وقتو الكلام ده هاجر تعبانه ياعمو
مهران بضيق : ماهي السبب في كل القرف الي احنا فيه
كريم بحزن : حرام ياعمو الي بتقولو ده
رأفت : ماهو كدا مهران طول حياتو بوقو بينقط عسل
مهران بص علي رأفت الي جاب كرسي وقعد معاهم
كريم بستغراب : انتو تعرفو بعض
مهران بغضب : انت ايه الي جابك هنا
رأفت بسخريه : انا صاحب المستشفي الي انت قاعد فيها
مهران بضيق : وجبت فلوسها منين يابن بياع الكشري
رأفت بضحك : لا مهران دمو خفيف اوي اصلو نسي اصلو لما كان بيمسح جذم خلق الله ....والله اعلم جاب فلوسو دي منين
كريم كان بيسمع كل ده وهو مصدوم
مهران بغضب : اخرس انت جاي عايز ايه
رافت بابتسامه : جاي علشان اقولك ان الحرب بدأت وصدقني من هرحمك ولا انت ولا حتي ابنك سلام يا مهران
رأفت قام وهو بيضحك ومشي من قدامهم
كريم بستغراب : مالو ده
مهران بلامباله : لا ده راجل مهبول سيبك منو
كريم بص لي مهران بستغراب وبعدين سكت وقرار يحكي ده لي فارس .....
_______________________________________
*عند فارس *
فارس قرب من سرير ياسمين وقعد قدامها
فارس : انا مش عايزك تزعلي علي البيبي
ياسمين في سرها : استغفرالله العظيم وانا امثل ازاي بقا
فارس : هاجر
ياسمين قلدت صوت هاجر وقالت : احم لا مش زعلانه
فارس بستغراب : ايه
ياسمين بتوتر : لا زعلانه اوي بس مش عايزه أبينلك يعني
فارس : هاجر استني بس مالك
ياسمين بغضب : انت عايز مني ايه بتسال اسئله غبيه ليه انا خلقي في منخيري واحده جسمها ووشها متشوه هيكون شعورها ايه ياغبي
فارس بصدمه : غبي
ياسمين حاولت تسيطر علي اعصبها علشان متفضحش
ياسمين : احم اسفه بس انا نفسيتي تعبانه
فارس بشك : مش عارف حاسس انك متغيره
ياسمين بضيق : يااستاذ واحده عملت حادثه وابنها راح منها وابوك الي شبه البومه ده جاي يشمت فيا ووشي متشوه طبيعي اكون متغيره
فارس بصدمه : ابويا بومه ياهاجر
ياسمين ف سرها : اقفلي أم بوقك ده هنتفضح
فجاه احمد دخل عليهم وقال : احم كنت عايز بس عايز اكشف علي وشها
ياسمين : اه اه اتفضل
احمد بصلها وقال بصدمه : انتي غيرتي صو
ياسمين بصوت عالي : حمااااااااار
فارس : نعم انت قولت ايه
احمد بتوتر: مفيش ممكن بس اشوف وشها
فارس : هو انا لازم أخرج
ياسمين بحزن : معلش يافروستي مش عايزاك تشوف وشي كدا
فارس بستغراب : فروستك انتي اول مره تبقي جريئه كدا ودلعيني
ياسمين بضيق : احم اه
فارس : طيب هخرج أما نشوف اخرتها
فارس بص لي احمد وبعدين خرج وأحمد قرب من ياسمين
ياسمين بغضب : مصورة غباااء ونفجرت
احمد بغضب : لا انا مش هسكتلك بقا
ياسمين : أنجز عملت ايه
احمد بسعاده : الحمدالله طلعت مش جثة هاجر لقتها جثه مشزمشوه اصلا
ياسمين بسعاده : ايوا كدا اصل عقلي في جوهره مش فرضة جزمه زاي دماغك
احمد : احم بصي انتي لسانك طويل ودبش ومش هتعرفي تمثلي دور هاجر دي
ياسمين بابتسامه : انا لما بتعصب بقول اي كلام المهم انا مبسوطه اوي ان هاجر عايشه لازم نعرف هي فين من غير ما رأفت ياحس أن احنا عرفنا ونعرف ليه رأفت بيعمل كدا
احمد : سؤال غيرتي صوتك ازاي
ياسمين بابتسامه : اصل انا كنت من صغري وانا بقلد الممثلين ف لما هاجر بتبقا معايا وتكلم فارس ف تلفون كنت بقعد اقلد صوتها بظبط الحمدالله دي موهبه
احمد : بس انتي لازم تخدي وشها
ياسمين بضيق : قول لازم نلقيها قبل معاد العمليه ... وانا طبعا مكسحه قدامك ف انت هتقوم بلمهمه دي وانا الي هخطط
احمد : تمام انا هعمل اي حاجه علشان انقذها واكشف الدكتور الفاسد ده
ياسمين بتفكير : متخفش هنوقعو لاني مبستسلمش بساهل ومستحيل اسيب حق صحبتي ...
احمد ابتسم وكان فرحان أن ياسمين طلعت بتحب صحبتها وهتساعدو......
_________________________________________
*عند رأفت *
كان واقف في مكتبو واقف قدام حيطه وحط ايدو عليها وحركها بهدوء كانت شبه الباب السري وبعدين دخل من الباب ده وكان فيه اوضه ورا الباب وابتسم بخبث وبص علي سرير الي في الاوضه وقرب من علي سرير وبص علي البنت الي نايمه علي السرير .....
رأفت : مقدرتش اقتلك بس في نفس الوقت مش هقدر اسيبك لازم اقتلك وانتقم من مهران الكلب ..
ياتره ايه علاقه رأفت بمهران وليه عايز ينتقم منو ❤️وياتره ياسمين هتقدر تنقذها قبل ما يعملولها العمليه ؟!
يتبع الفصل الثالث 3 اضغط هنا
- الفهرس (رواية لست انا كاملة)