رواية اسيل والمجهول الفصل الثامن عشر 18

الصفحة الرئيسية

رواية اسيل والمجهول البارت الثامن عشر 18 بقلم آيه يسرى

رواية اسيل والمجهول كاملة

رواية اسيل والمجهول الفصل الثامن عشر 18

وقفنا البارت اللى فات ان مجهولنا اخد رقم ابو اسيل نكمل
دخلت اسيل الشقه ونادت علي مامتها
مامتها: اى يا اسيل في اى 
اسيل جريت وحضنتها: انا مبسوطه جدا جدا جدا 
مامتها: ربنا يفرح قلبگ دايما ياقلبي +ليه بقاا احكيلي 
اسيل: تصميماتى اتسلمت لشركه كبيره اووى وعجبهم التصميمات واخدوهم والشركه اللى انا فيها اسمها بقا عالى فى السوق وكمان المدير عطانى مكافأة اهى 
وعطتها الشيك
مامتها بفرحه: الف مبروك يا ايسو ربنا يوفقك ويرزقك يااارب يابنتى 
اسيل: يارب........ هو بابا فين
مامتها: بيجيب حاجات للمطبخ 
اسيل: طيب ماشي انا داخله اغير 
مامتها: ماشى.... اسيل طب الشيك دا هاتصرفيه؟ 
اسيل: ايوه بكره 
مامتها: طب ماتسبيه دلوقت احنا معانا فلوس ولو جات الفلوس دى هاتتصرف 
اسيل: هاصرفه ياماما عشان لو الشيك ضاع واو كدا وابقى شيلى الفلوس فى حسابك
مامتها: طيب ماشي ادخلى غيرى هدومك يلا
اسيل دخلت رنت على رونزى 
رونزى: الووووو الندله الزباله اللى مش بتسال اتفو عليكي وعلى معرفتك
اسيل: بس بس بس اى مسوره واتفتحت يخربيتك وبعدين عندى  خبر حلو 
رونزى: طالما كدا عفونا عنك... قولى
اسيل حكتلها التصميمات وازاى نجحت
رونزى: الف مبروك يا قلبي فرحنالك جدا والله 
اسيل: الله يبارك فيكى يا روحى 
احم وفى حاجه كمان عايزه اقولهالك
رونزى: قولى اخلصى 
اسيل: تعاليلى نقعد شويه مع بعض واحكيلك 
رونزى: طيب هاقول لعبدالله واجيلك سلام
وبعد اكتر من ساعه جات رونزى 
الجرس رن
اسيل: زمانها رونز يا ماما انا هافتح 
اسيل: اهلا اهلا البيت نور
رونزى: منور باهله يختى 
وحضنتها: وحشتيني يابت 
اسيل: انتى اكتر وربنا
تعالى سلمى على ماما
رونزى: ازيك يا طنط عامله اى 
مامت اسيل: الحمدلله ياحبيبتى انتى اى الاخبار محدش  شايفك يعنى
رونزى: انا تمام الحمدلله اهو البيت وخدنى بقاا وماما وكدا
مامت اسيل: ديمآ يارب.... ادخلو يا اسيل الاوضه 
اسيل: تعالى
Aya Yosry 
قفلت الباب هووف 
رونزى: تعالى احكيلى بسرعه
اسيل: بصى الحكايه بدات من اول يوم شغل ليا فى الشركه فى اليوم دا قابلت واحد اسمو مصطفى ودا شريك المدير فى الشركه والمصنع بصراحه رحب بياا وقالى تانى يوم هايفهمنى الشغل وجه تانى يوم روحت ودخلت مكتب تانى ومكنتش مصطفى دا اللى موجوده كان المدير التانى 
بصراحه دخلت وكنت متوتره جدا من نظراته ليا دا كأنه بيحبنى بقاله كتير ومصدق شايفنى نظراته دى غريبه اووى المهم قعدت قدامه وفهمنى شغلى بعدين عدا يوم والتانى ودا بدا يجى المصنع ويشرف بنفسه ولقيت السكرتيره بتاعته بتقولى انو مكنش بيجى الا كل شهر مره وكانت مستغربه خالص انا نزلت اكل فى المطعم تحت لقيته بيقولى اقعد معاه على نفس الطربيزه وبصراحه مكنش في مكان تاني قعدت لقيته بيبصلى جامد اتوترت ونا قعده قدامه وعدت الايام ودا بنفس الطريقه ويعزمنى على الغدا كل يوم ونظراته زى مهيا ولقيت فى ايام بيبقى زى الغول ويتعصب ويزعق وايام بيكون هادى انا بصراحه مستغرابه اووى وامبارح دخلت الاصنصير لقيته دخل ورايا والاصنصير عطل واحنا فيه وانتى عارفه انى بخاف اووى من الامكان المقفوله وبعرفش اتنفس ودا اللى حصل لقيته مرعوب عليا ومسك ايدي ويقولى انا جنبك متخافيش ولما اغمى عليا كان صلحو الاصنصير صحيت لقتنى فى مكتبه وهوا كان بيفوقنى واول مافتحت عيونى لقيته فى وشى وبيسال اجبلك دكتوره وفى عيونه قلق عليا وبعدها لما خلصت شغل صمم انو يوصلنى ركبت معاه وسرحت لقيته بيقولي وصلتى استغربت وقولتله انت عارف مكان البيت اتوتر خالص وقالى عرفه من الملف بتاعى وقبل مانزل اخد رقم بابا وقالى انو عاوزه فى حاجه انا بصراحه مش مطمنه انتى اى رايك 
رونزى: احم بصى يا اسيل من كلامك دا يدل انو كان عارفك من قبل ماتيجي المصنع وكمان دا بيحبك من تصرفاته يدل انو مش بس معجب لا دا بيحبك ونا اعتقد انو جاى يخطبك 
انتى اى رايك فيه  
اسيل بلبكه: احم بصى هو بحس انو شايل المسوليه شخص يعتمد عليه وجد مش بتاع بنات بس الحاجه الوحشه انو عصبى بيتعصب بسرعه 
رونزى: طب وانتى مش حاسه بحاجه نحيته من اهتمامه بيكى مثلا 
اسيل: اممم هو انا ممكن احم اكون معجبه بشخصيته انما حب لا
انا اصلا ديما بصدو وقفله فى وشه 
رونزى: طب لو جه اتقدملك هاتوفقى
اسيل: مش عارفه والله 
رونزى: يعينى يعينى والله وخدودك احمرت ومحدش قدك 
اسيل: اسكتى يابت ويلا ماما بتنادى عشان ناكل
رونزى: والله ماينفع انا اخويا بعتلى رساله هو قريب من هنا انا ماشيه
اسيل: يعنى مش هاتاكلى معايا ماشى ياست شكرن 
رونزى: هاجيلك تانى والله وابقى كلمينى لو اى حاجه حصلت تمام 
اسيل: حاضر 
ومشيت رونزى 
اسيل كلت ودخلت اوضتها عشان تنام بس لقيت نفسها بتفكر فيه وفى تصرفاته معقول يكون بيحبنى وحاولت تنام بس معرفتش قامت من على السرير وقعدت على المكتب تصمم مودلات جديده
Aya Yosry
عند مجهولنا 
روح البيت ودخل على مامته يطمن عليها 
هو: سلام عليكم عامله اى يامى 
مامته: بخير طول مانت بخير ياحبيبى 
هو: الدكتوره ماشيه معاكى كويس. 
مامته: ايوه بس لقيت رجلى بدات توجعنى خالص
هو: طب كويس انك بدات تحسى بيها ومعلش باذن الله هاتقدرى تمشي تانى بس كل حاجه وبتاخد وقتها 
مامته: الحمدلله على كل حال 
هو: عاوز اقولك حاجه 
مامته: قول يابنى
هو: احم قررت اخطب 
مامته بفرحه: بجد يابنى انا مش مصدقه
هو: اه والله باذن الله رايحه بكره انا ومصطفى 
مامته: معلش يابنى كان نفسى اجى معاك في يوم زى دا بس اعمل اى نصيب
هو: لا ي امى اللى انتى فيه دا حاجه مش بإيدك وع العموم هابقى اويكى صورتها بس ادعيلى توافق
مامته: أن شاء الله توافق انت شاب كويس وربنا يقدملك اللي فيه الخير 
هو: يارب هقوم اصلى وانام عايزه حاجه اعملهالك قبل منام 
مامته: لا يابنى روح نام 
دخل اوضته اخد شاور وصل ونام
Aya Yosry
صباح يوم جديد 
عند أسيل 
صحيت اخدت شاور وصلت الصبح ولبست فستان اسود وطرحه نيلى وشنطه من نفس لون الطرحه وطلعت 
بعدها بنص ساعه وصلت المصنع 
بصت على الاصنصير ومشت طلعت السلم وعند اخر سلمه وقفت مش قادره تاخد نفسها دخلت مكتبها بالعافيه وقعدت بعدها هدت شويه لقيت جرس المكتب بيرن 
اسيل: الو 
هو: انسه اسيل تعالى مكتبى 
اسيل: حاضر يافندم
خبطت ودخلت
اسيل: صباح الخير كنت عاوزنى 
هو: اه تعالى اقعدى 
احم انا نقلتك الشركه بتاعتى مكان مش هنا اى رايك
اسيل: يافندم انا بالنسبه ليا عادى هنا ولا هناك الاتنين واحد
هو: احم لا انا قررت خلاص وبعدين عملتلك مكتب هناك 
اسيل: مكنش لي لازمه صدقنى وكمان المسافه هاتتطول عليا
هو: مين قالك كدا الشركه بتاعتنا هنا مش بعيد 
اسيل: ماشى يافندم اللى تشوفه 
هو: بكره هاتيجى معايا تمام 
اسيل: تمام 
وقامت ولسه هاتفتح الباب
هو: اسيل بصى 
اتلفت: نعم 
هو: ممكن تاخديلى معاد مع ابوكى 
اسيل: فى حاجه ولا ايه 
هو: لا احم هاجى اتقدملك 
اسيل:.... يتبع الفصل التاسع عشر اضغط هنا
google-playkhamsatmostaqltradent