رواية اسيل والمجهول الفصل السادس عشر 16

الصفحة الرئيسية

رواية اسيل والمجهول البارت السادس عشر 16 بقلم آيه يسرى

رواية اسيل والمجهول كاملة

رواية اسيل والمجهول الفصل السادس عشر 16

صباح يوم جديد مليئاً بالاحداث
عند اسيل صحيت صلت الفجر وقرات وردها ودعت ربنا يوفقها في الشغل ثم قامت تجهز نفسها دخلت اخدت شاور ولبست بنطلون واسع اسود وبلوزه بيضه وبليزر اصفر وطرحه اسود واصفر كانت جميله بمعنى الكلمه اخدت شنطها وخرجت 
وبعدها بنص ساعة وصلت المصنع
فى المصنع 
كان الكل شغالين وفى توتر فى المكان دخلت اسيل وسالت حد م الموظفه
اسيل: لو سمحتى هو فى اى ليه بيجرو كدا هوا فى حاجه
الموظفه: ايوه المدير جاى دلوقت وانتى شكلك جديده متعرفهوش
اسيل: بيعمل اى يعنى 
الموظفه: دا شديد خالص واى حد بيعمل حاجه غلط بيترفد مش بيجى هنا الا قليل واللى بيجى ديما صحابه المدير التانى
اسيل: تمام شكراا
وسالت اسيل فى الاستقبال عن المدير وانها عندها معاد معاه
الموظف: يافندم هو جاى فى السكه استريحى هنا شويه وبعدين اطلعى الدور الرابع هاتلاقي السكرتيره اساليها
اسيل: تمام شكرا وقعدت اسيل وشويه وبعدين طلعت لقت بنوته محجبه وجميله قعده علي مكتبه
اسيل: لو سمحتى هو فين مكتب السكرتيره
البنوته: انا السكرتيره هنا 
اسيل: كان عندى معاد مع المدير الساعه8
البنوته: تمام ممكن تستريحى شويه هو لسه مجاش 
اسيل: ماشى 
Aya Yosry 
عند مجهولنا 
صحى صلى الصبح ولبس بدله سودا وقميص كافيه 
ركب عربيته وطول الطريق متوتر ازاى هايقابلها وجه لى وجه دقات قلبه سريعه
واخيرا وصل بعد معاناه 
دخل المصنع بكل هيبه وفخامه 
لاقى طلع على مكتبه 
عند أسيل كانت قعده وبعدين لقيت واحد طويل ولبس بدله سودا والسكرتيره ودخلت وراه: صباح الخير يافندم
هو: دخلى بتوع المقابله بسرعه
السكرتيره: يافندم دول مع مستر مصطفى 
هو بغضب: اخلصى انتى لسه هاتتكلمى مصطفى مش جاى 
السكرتيره بخوف: حاضر 
وطلعت اخدت نفس: اسيل محمد احمد ادخلى 
وقفت اسيل: وخبطت الباب 
هو بنبره عاليه: ادخل
دخلت اسيل: السلام عليكم ونظرها فى والارض
بصلها ياه اتغيرت مقعوله فى الكام شهر دول 
هو: اتفضلى 
قعدت. على الكنب ونظرها فى الارض 
هو: هاتى الملف بتاعك 
اسيل: اتفضل 
مسك الملف وشافه وبعدين قال
هو: اممم بصى يا استاذه نظام شغلك كالتالى هاتعملى تصاميم واحنا بناءا عليها هانفصل يعنى لو فى غلطه فى الرسم هايخسرنا كتير اووى فى السوق فانركز مكتبك جنب مكتبى اللى على الشمال هاتيجى الساعه8 وتمشى 3 قبضك 3000 دا مبدئيا شغلك عجبنى هازودك وعموما انا شوفت تصاميمك وعجبتنى جدا.. 
اسيل وبصتله واول ماشافته اتصدمت معقول المدير يكون صغير كدا : تمام فاهمت 
هو : اتمنى 
اسيل:ابدا من امتى
هو: دلوقت
وقامت: ماشى يافندم واخدت حاجتها وطلعت 
Aya Yosry
راحت على مكتبها
واول مادخلت اخدت نفس 
اسيل بهمس: اوف واخيرا خرجت يخربيته بنظراته المستفزه دى وبعدين بصت على الاوضه لقت المكتب فى غايه الجمال
قعدت على الكرسى ولقت كل حاجه بتاعت الرسم والورق وكلو بدات تشتغل وتصمم 
وعدا الوقت وجه وقت الاكل 
طلعت اسيل فى نفس الوقت الل هو طلع فيه نزلت هى وهو وراها بعدين بصت ومش لاقيه المطعم بتاع المصنع وكانت رايحه تسال ولكن لقت صوت وراها
هو: لو رايحه المطعم تعالى ورايا
اسيل: احم انا لسه معرفش هوا فين كنت هاسال
هو: طب تعالى 
وراحت وراه المطعم دخل وراح على طربيزه وهى كانت هاتروح طربيزه تانيه ولكن نادى عليها
هو: رايحه فين 
اسيل: هاقعد هناك
هو: تعالى اقعدى هنا مفيش مكان
اسيل: لا حضرتك مينفعش انا هاروح هناك
هو ببرود: روحى 
اتلفت اسيل لقت الطربيزه قعد عليها اربعه 
اسيل: اووف ياربى 
وراحت رايحه شد كرسى وقعدت
هو بسخريه: مقعدتيش هناك. ليه
اسيل: فى ناس قعدو
هو: تاكلى اى 
اسيل: انا هاطلب لنفسي 
هو بغضب وضرب على الطربيزه: مش كل كلمه هاقولها تعاندى معايا 
اسيل بخوف حاولت تداريه: يافندم مقصدش حاجه والله بس مش عاوزه اكلف حضرتك
هو: اخلصى هاتاكلى اى
اسيل:اى حاجه
هو:طلب فراخ مشويه وعصير فراوله ركى لانو عارف انها بتحبهم
بعدها بشويه جه الاكل 
اسيل اول ماشافت الفراخ والعصير ابتسمت بلطف:وبدات تاكل تحت نظراته 
اسيل فى سرها:اووف هايفضل يبصلى كتير دا مش عارفه اكل يارب
خلصت اكل ومسكت العصير وشربته 
بس عمل شنب عندها
هو مد ايده بمنديل:امسكى امسحى وشك
اسيل اخدت المنديل:مفيشحاجه فى وشى
هو:فى شنب بس 
اسيل باحرج ووشها احمر:احم انا كدا لما بشرب عصير
هو:طب يلا على شغلك
Aya Yosry
خلصت اسيل شغلها ونزلت ركبت تاكسى
ونزلت عند البحر وقعدت ع الشط
اتصلت على رونزى 
رونزى:هالو بست رجاله الاعمال اسيل
اسيل بضحك:بس ياهبله 
بقولك قابلت المدير بتاع المصنع عارفه كنت بحسبه راجل كبير طلع شب صغير يجيله حاجه وعشرين والمصنع يترعب منو يابت 
رونزى:دا غير اللى اسمه مصطفى
اسيل:لا دا مصطفى شريكه
رونزى:كملى وبعدين
اسيل:قابلت وفهمنى نظام الشغل بس بجح اووى يا رونزى مشلش عينه من عليا نظراته غريبه واللى زاد بقاا حذرى
اى
رونزى:اى 
اسيل حكت لها اللى حصل فى المطعم
رونزى:يوه دا شكله معجب 😹
اسيل:انتى بتهزرى دا عصبى ومتحكم اووى ومستغرباه نظراته لياا انا خايفه.يا رونزى
رونزى بضحك:يلا ياهبله وبعدين خايفه من اى والمصنع كل ناس
اسيل:ربنا يسترها بقاا انا مروحه مش عاوزه حاجه
رونزى:عايزه سلامتك بااى
روحت اسيل البيت مجهده خالص ودخلت نامت صحيت باليل جهزت كوبايه شاي بلبن وقعدت تكمل التصاميم اللى باقيه وفى ورقه م الورق كانت راسمه فيها موديل لفستان كان تحفه اتخليت نفسها لابسهه فاقت على رساله من رونزى:لسه منمتيش عندك شغل الصبح
Aya Yosry
اسيل:لسه صاحيه دلوقتى كنت بكمل شغل هانام تانى 
رونزى:طيب يلا بسرعه نامى 
اسيل ماشى:ونامت صحيت على رنت فونها وكان المنبه 
اسيل صحيت اتوضت وصلت ولبست جيب بنفسجى غامق وعليه بلوزه موڤ وشنطه بيضه واخدت الشنطه اللى فيها الورق وخرجت
وصلت المصنع وطلعت على مكتبها وبعدها بساعه 
دخلت بنوته: لو سمحت استاذ مصطفى عاوزك في المكتب
اسيل: تمام جايه 
خبطت اسيل على المكتب 
مصطفى: ادخل 
اسيل: حضرتك طلبتنى 
مصطفى: ايوه اتفضلى ... قدامك اربع ايام وتسلمى شغلك عشان نبدا فيه على طول
اسيل: هو انا ممكن اسلمه بعد يومين لان يعتبر خلصت اللى مطلوب منى فاضل حاجات بسيطه 
مصطفى بدهشه: بسرعه دى
اسيل: دى موهبتى واكيد هاكون شاطره وسريعه فيها
مصطفى: كدا تمام خالص هاتسلمى الشغل بعد بكره  وبعد كدا توقفى وتبداى تشرفى عليهم وتشوف التصاميم عشان لو غلط تمام 
اسيل: تمام
خرجت وراحت تكمل شغل ومر اليوم بسرعه 
وبعد يومين 
اليوم اللى اسيل هاتسلم فيه اول حاجه فى شغلها صحيت الصبح اخدت شاور وصلت ولبست جيب بيلسيه زرقه وبلوزه بيضه وجاكت ابيض واخدت شنطها وشنطه الورق وخرجت 
وصلت المصنع ولقت الحال مقلوب والموظفين متوترين 
سالت لقته هو جاى انهارده
طلعت مكتبها قعدت وبدات تراجع الورق فون المكتب رن وكان هو
هو بصوت رجولى: تعالى على المكتب 
اسيل خبطت على الباب ودقات قلبها تكاد تخرج 
هو: ادخلى 
دخلت واول مادخلت اتصدم من كتله الجمال اللى قدامه 
هو: فين الورق 
اسيل: اهو
فتح الشنطه وطلع الورق 
هو: اى دااا
اسيل بخوف: اى 
هو:..
يتبع الفصل السابع عشر 17 اضغط هنا
google-playkhamsatmostaqltradent