رواية نور والحياة الفصل الخامس عشر 15 - جوري محمد

الصفحة الرئيسية

رواية نور والحياة البارت الخامس عشر 15 بقلم جوري محمد

رواية نور والحياة كاملة

رواية نور والحياة الفصل الخامس عشر 15

ومحمد كسر الفازه واستحلف لندى 
نور قاعده في الغرفه 
ومحمد دخل يا نور مش هينفع كده احنا عمرنا ما هنرجع زي الاول لو مقربناش  لبعض انت مش مدياني فرصه اقرب منك وكل ما انا احاول اقرب انت بتبعدي الحل ايه 
نور.   انك تسبني علشان انام و كفايه لحد كده 
محمد.  طب بصي احنا هنام في اوضه واحده بس زي المخطوبين 
نور.   يا سلام وهم المخطوبين بيناموا في اوضه واحده 
محمد.  على فكره احنا عملناه في بدايه جوازنا
نور. يا سلام وعايزني اصدق بقى
محمد .  طب يا ستي جربيني والنبي يا نور 
نور.  احنا هنشحت بقى خلاص نام على طرف السرير ده وانا هانام على الطرف الثاني وهنحط بيننا مخدات
محمد.   لا والله  في المره الاولانيه ما كنتش كده 
نور. ما كانش في مخدات المره دي فيه عاجبك ولا مش عاجبك 
محمد. لا يا ستي عاجبني احسن من ما فيش
نور.  طب يلا بقى نام 
وفعلا ناموا وبعد ما محمد اتاكد ان نور نامت قرب منها واخذها في حضنه وقعد يشم ريحتها اللي كانت وحشاه جدا 
نورا كانت حاسه بكل حاجه وهي الثانيه كان واحشها الامان اللي بتحسه معاه وهي نائمه بين احضانه
بقلم جوري محمد
وصحي محمد قبليها وقال لها قومي يا ستي شفت بقى انت اللي وقعت المخدات في الارض 
نور لا يا راجل بقى انا 
محمد. ايوه انتي ويا عالم تحرشت بي وانا نائم
نور.  يا سلام
محمد.  انا كذاب يعني
نور ودي تيجي انت عمرك ما تكذب قم يا محمد
محمد.  اقوم اروح فين انت بتتلكك ولا ايه 
نور. قم روح القسم بتاعك 
محمد.  طب ما فيش حاجه تحت الحساب 
نور. واحنا كنا فتحنا حساب 
محمد.  طب ما تيجي نفتحه 
نور. ما فيش حساب ولا الغي الاتفاق خالص
محمد.  لا يا ستي خلاص انا قايم ماشي
نور  ضحكت 
محمد .عارفه يا نور وحشتني ضحكتك قوي 
نور.  على فكره يا محمد انا عايزاك تعزم العيله كلها هنا بكره 
محمد.  ليه يا حبيبتي انت لسه تعبانه 
نور. انا عايزاهم كلهم بكره عايزه اتعرف عليهم كلهم 
محمد. ماشي يا قلبي
وفعلا محمد اتصل عليهم كلهم واتفقوا انهم ها يتغدوا بكره عند محمد حتى احمد وابو نور محمد جم هم يا كمان
وثاني يوم الجميع موجودين وتغدوا 
والكل عينه على نور
ثريا  شوفي البنت حلوه ازاي ولا كانها عيانه 
فاكهة والنبي لو المرض بيحلى كنا عينه كلنا 
جمال بيبص نور  انت فاكراني يا نور انا جيمي كنت دائما بتقولي لي كده
عاطف  وانا تيفا عطوف يعني عاطف ابن عمك 
نور. اهلا وسهلا و الاختين الحلوين الكلام متوجه لي ثريا و فاكهة  ازيك يا ندى 
الجد. اشمعنى دول اللي عرفتيهم
بقلم جوري محمد 
نور. اسكتوا انا ما ما قلتلكمش مش ندى تبقى ضرتي
 الكل بص وسكت 
محمد نور انت فاكره 
نور.  انا ما نسيتش انا ذاكرتي سليمه جاء دلوقتي وقت الحساب
 جدها حساب ايه 
نور.  حساب اللي انتم عملته في يا ترى نبدا بمين بيك انت يا جدو انا باقول كده برده
الجد.  طب انا عملتلك ايه يا نور 
نورهاقول لك امي ماتت وما ماتش انت مش عايزها في حياتي 
خليت بابا طلقها ورجعها فرنسا ما فكرتش في طفله عندها 
سنتين مامتها سبتها وعلشان ايه معجبتكش ذنبها انها حلوه فقلت لا هي ممكن تخلي رجاله العيله يكره بابا 
قلت اخليها بعيد طيب ماسبتنيش معها ليه كده كده انت خلتني بعيده عنكم مشيت مع عمي بسبب اني حلوه  السبب ان بنات العيله اعترضوا انهم ما فيش حد راضي يتجوز هم من ولاد عمي انا ذنبي ايه 
م حتى الجامعه دخلتوني انتساب علشان خايفين علي من ايه بقيت عامله زي المساجين من غير ذنب كل ده وبابا ساكت معملش حاجه
 اكمل يا جدي احساسك ايه وانت فارقت بين ام و طفله عندها سنتين طيب كنت استنى لما حتى اعمل ذكرى  واحده معها  
عارف لما كنت بحب افتكرها ببص لصورها قبل ما انام علشان احلم بها في الاخر تطلع عايشه حتى لما جيت اتجوزت من غير حب عشان ايه عشان ما تزعلش ابن ابنك ما هو غلط بس ماقدرش ابلغ عنه
محمد نور انا عملت كده عشان بحبك
نور.  الحب مش امتلاك وانا دلوقت باحبك والله بس الالم اللي انا حسيته ساعه جوازنا كان صعب على
نيجي للاختين الحلوين اللي كانوا دائما بيحبوني ثريا هانم وفاكهه هانم 
فاكرين يوم ما جيتوا في المستشفى قعدت انتم الاثنين تتكلموا وفرحانين ان انتم سبب في الغيبوبه بتاعتي هاقول ولا انتم عارفين اللي انتم قلته
فاكهة   احنا قلنا ايه يا بنت انت 
اقول لكم ادخلي يا ناديه 
دخلت الممرضه ايوه يا نور هانم 
نور. ابدئي احكي اللي هم اتفقوا عليه
يتبع الفصل السادس عشر 16 اضغط هنا
google-playkhamsatmostaqltradent