رواية الصعيدى العاشق الفصل الرابع عشر 14 - رونا عبدالجليل

الصفحة الرئيسية

رواية الصعيدى العاشق البارت الرابع عشر 14 بقلم رونا عبدالجليل

رواية الصعيدى العاشق كاملة

رواية الصعيدى العاشق الفصل الرابع عشر 14

كنا واقفين عند الجد لما سأل أزهار هي بتروح عند مازن ليه المخزن 
ازهار : عادى يا عمى
الجد : أما ولدتى حور وقالوا إن الطفل التانى مات أنا حمدت ربنا وصبرت جوزك ومستغربتش ده قضاء ربنا بس اللى كان غريب أن الطفل اللى مات ده كان بنت  . الدكتورة كانت قايله انك حامل فى ولد وبنت ف ازاى فجأة كده يكونوا بنتين و...................................
( نسيبهم يتكلموا وهنعرف بعدين كانوا بيقولوا ايه)) ،
_____________________________
فى اسكندريه 
مراد  بخضه : مالكوا بتجروا كده ليه 
ممرضه: والدتك تعبانه اوى والدكاترة عندها جوه 
فضل مراد واقف قدام باب الاوضه وبعد نص ساعه خرج دكتور 
مراد بخوف: امى مالها
الدكتور : العمليه هتتعمل بعد ٢٤ ساعه 
مراد : مش كانت بعد اسبوع 
الدكتور : حالتها هتدهور واحنا بعتنا لدكتور التخدير وهيجى م السفر كمان ١٥ ساعه تقريباً 
مراد : تمام ماشى 
دلف مراد الى الغرفه 
مريم بتعب ،: تعالى يا مراد 
مراد: سلامتك يا امى 
مريم : الله يسلمك يا حبيبي . كلم أزهار خليها تيجى
مراد : حاضر هطلع أنا اكلمها وانتى ارتاحى 
مريم : ماشى 
وخرج مراد فعلاً ورن على رعد 
--------------------------------- 
عند رعد وحور 
بعد م خلصوا اكل حور مكنتش قادرة تقعد معاهم وطلعت ترتاح ورعد طلع معاها عشان لو تعبت 
رعد : متأكده انك كويسه يا حور 
حور : أيوة 
رعد : شكلك ميطمنش
حور : حاسه بصداع 
رعد : طيب انا هجيبلك مسكن ونامى شوية 
حور : أنا زهقت من كتر النوم 
رعد : طب اقولك ع فكرة حلوة 
حور : فكرة حلوة ومنك انت  اشك ! 
رعد : يا بنتى احترمى نفسك ده انتى تعبانه 
حور : اخلص عاوز ايه 
رعد : كنت هقولك لو حابه تنزلى تتمشى شوية ف الأرض
حور بفرحه : بجد طيب يلا 
رعد : أهدى طيب وبعدين يلا ازاى وانتى كده 
حور : مالى يعنى 
رعد : هتنزلى ب البيچامه 
حور : عادى يعنى الأرض هنا جنب السرايا 
رعد : وبالنسبة لادهم وأركان والناس اللى شغاله ف الأرض يشوفوكى كده عادى 
حور : مش شايف انك عصبى سيكا 🤏 
رعد : روحى يا حور غيري عشان متعصبش
حور : على نفسك يا روح امك وكمان تتعصب على ....................
مالك يا رعد انت وشك عامل كده ليه . انت هتتحول 
رعد بغضب مكتوم : روحى غيرى واسمعى الكلام 
حور : على فكرة أنا كده كده كنت هروح اغير مش هغير عشان انت قولتلى يعنى 
رعد : مصدقك اتفضلي
ذهبت حور إلى حجرة الملابس لتبدل ملابسها 
رن هاتف رعد وكان المتصل مراد 
رعد : الو السلام عليكم
مراد بحزن : وعليكم السلام ورحمه الله وبركاته
رعد ؛ مالك يا مراد 
مراد امى هتعمل العمليه كمان يوم وعاوزة تشوف ازهار 
رعد بمواساه : طيب اهدى وبإذن الله هتكون زى الفل 
مراد  : يا رب المهم خليها تيجى ومتقولش لحور عشان هتصمم تيجى وابويا وعمى هيكونوا هنا 
رعد : حاضر 
مراد : يلا سلام 
رعد : سلام 
حور خلصت وخرجت 
حور : يلا 
رعد : يلا 
نزلوا تحت وكان الجد وأزهار خلصوا كلام وكلهم متجمعين ف 
الجد : على فين يا ولاد 
رعد ،: هاخد حور تتمشى شويه ف الأرض عشان تفك عن نفسها
الجد : ماشى يا حبيبي
خرج رعد وحور ولكن 
رعد : أنا نسيت الفون جوه هدخل اجيبه 
حور : ماشى متتأخرش 
دلف رعد إلى الداخل 
الجد : رجعت ليه وحور فين
رعد : واقفه بره . مرت عمى الخاله مريم هتعمل العمليه ع بكرة و مراد طلب منى انى ابلغك تروحى عشان عاوزاكى 
ازهار بخوف : طيب انا هقوم البس 
الجد : يلا وأحنا كمان هنيجى معاكى 
 همسه : طب .....ه...هو. ......مراد ....مق....مقالش ...حالتها ايه 
رعد : لأ
همسه : طب يلا أنا هطلع اجهز 
الجد : كله يجهز 
رعد : مراد قالى انى مقولش لحور عشان خالها هيكون هناك وعشان حور متتعبش كمان لما تشوف مرات خالها كده 
الجد : ماشى خليك معاها واحنا هنروح
اركان : ماشى بس لما ترجعوا هتقولها ايه 
رعد : هتصرف واقولها انكوا سافرتوا مثلاً اى حاجه أنا هتصرف
الجد : تمام روح انت دلوقتى واحنا هنجهز ونمشى
رعد : تمام 
خرج رعد 
حور.   : كل ده 
رعد : معلش بس يلا 
حور: يلا  
ومشيوا راحوا الأرض بتاعتهم وفضلوا يضحكوا ويفتكروا ف ذكراياتهم وهما صغيرين 
================
بقلمى : رنا عبدالجليل شريف 
فى القاهرة 
جاسر : بس مين دول وكانوا بيفتشوا فى ايه 
ساره : مش عارفه حصل خير المهم انك كويس يا حبيبي 
احمد وهو بيقوم: طب راعى أنى اخوكى ونايم معاكوا  
جاسر : دى الكلمه اليتيمه اللى بتقولها والله 
احمد : خلاص براءة 
ساره : يلا يا أحمد 
احمد : يلا يا قلب احمد 
جاسر بغيرة : هو انت أخوها وكل حاجه بس شيل ايدك من عليها 
احمد : أنا ممكن افركش الخطوبه
جاسر : عشان ادفنك وانت صاحى
احمد : يلا يا سارة خلينا نمشى من قدام المجنون ده 
جاسر : طيب ليك يوم 
ساره: خلى بالك من نفسك
جاسر : حاضر وانتى كمان 
احمد : وانا يا بيبى
جاسر : لا روح كل جاتوه انت ملكش دعوه 
احمد : والله رخم
سارة : بس انتوا الاتنين يلا يا احمد بأى يا جاسر 
جاسر : مع السلامه
________________________________
فى اسكندرية 
سهام : مالك قلقان على مريم كده 
اسعد : عادى يا سهام مش ام ولادى 
سهام : طيب ياخويا قوم روحلها 
احمد : يلا يا أسعد ولا ايه 
اسعد : اه يلا 
سهام : مع السلامه
اسعد وأحمد : سلام 
واتجهوا للمستشفى واول م وصلوا لقيوا أزهار والجد وكريم وادهم وأركان وهمسه ومليكه وغفران 
غفران اول م وصلت وشافت مراد زعلت اوى عشانه ودموعها بدأت تنزل 
مراد اول م لمح ازهار جرى عليها وحضنها وفضلت تصبرة ومسك نفسه بالعافيه عشان ميعيطش 
---------------------------------
فى الصعيد 
حور : يلا يا رعد نروح 
رعد بارتباك : طيب يلا 
وصلوا البيت واول م دخلت 
حور : هما موتوا بعض ولا ايه 
رعد : اكيد ناموا 
حور : رعد احنا العصر  ، مالك متوتر كده 
رعد : ولا حاجه أنا تمام اهو
حور : انجز يا رعد فى ايه 
رعد ،: مفيش يا ح...........
حور : من غير لف ودوران 
رعد : بس اهدى 
حور : تمام 
رعد : الخاله ازهار هتعمل العمليه بكره وكلهم سافروا 
حور : _______'''__'
رعد : هي هتكون كويسه بإذن الله بس أهدى 
حور : _______________
رعد بحزن عليها : حور عشان خاطرى ردى عليا
حور : ودينى اسكندريه 
رعد : خالك هناك و .............
حور ببكاء وبدأت تنهار ، : أنا عاوزة اروحلها بالله عليك انامش هستحمل أنها تسيبنى يا رعد والله خلينا نروح وكمان مراد مش هيقدر يعيش بعدها أنا عاوزة اروح دلوقتي
رعد بدموع : طيب يلا تعالى نلبس وهنروح
فعلاً لبسوا واتجهوا ل اسكندريه وبعد وقت وصلوا وطلعوا المستشفى وسألوا وطلعوا للاوضه بتاعت مريم 
حور لقيت مراد قاعد ع مقعد بره الأوضه وحاطط راسه بين ايدة وكلهم حواليه حتى اسعد وأحمد 
حور بخفوت: مراد 
وأجريت عليه واترمى ف حضنها ومقدرش يمسك نفسه وبدأ يعيط
حور ببكاء : بس اهدى 
مراد ببكاء هستيرى : هي عاوزة تسيبنى يا حور ، متخليهاش تبعد عنى والنبى أنا هموت لو بعدت عنى ، هي بتسمع كلامك قوليلها متسبنيش 
الكل كان بيعيط على حالتهم وغفران كمان أما همسه ومليكه 
اركان : ادهم روح شوف همسه شكلها تعبان 
اتجه ادهم نحو همسه : انتى كويسه 
همسه بعياط : أنا تما................
وقبل م تكمل كلامها اغمى عليها وادهم شالها ودخلوها اوضه تانيه وجابوا دكتورة تشوفها 
رعد كان خلاص هيعيط هو كمان على حال حور ومراد وقرر أنه ينزل الكافية اللى جنب المستشفى يشرب قهوه لأنه كان هيموت م الصداع 
نزل رعد وهو ماشى ناحية الكافيه لمح سلمى ومعاها طفل صغير خارجين من محل لعب اطفال والطفل ده كان ضهره ل رعد واول م لف رعد لقاه نفس الولد اللى حور كانت قالت عليه وراح ناحيتها 
رعد بغضب : انتى بتعملى ايه هنا 
سلمى بصدمه: رعد انت جيت هنا ليه 
.رعد : مين الولد ده 
ولسه سلمى هترد 
ساهر ( الولد اللى معاها عنده ٤ سنين ) : ماما بابا جاى اهو 
رعد بص وراه عشان يشوف مين لقا الولد بيشاور على قاسم  
رعد : ___
يتبع الفصل الخامس عشر اضغط هنا
google-playkhamsatmostaqltradent