رواية القلب المسكون البارت الثامن 8 بقلم فاطمة ابراهيم
رواية القلب المسكون الفصل الثامن 8
ملك = أدخل .. اتفضل اقعد
ولسه بترفع ملك رأسها علشان تتكلم معاه
ملك تقوم تقف بصدمة = عمر !!
عمر يبصلها بقوة مكنش مستوعب المفاجأة وبدون أي مقدمات قام من مكانه وجري عليها حضنها بقوة ...
عمر = وحشتينى اووي ي ملك ..
انتي قدرتي تتخلصي من الجواز وعرفت مكان شغلي وجيتي علشاني صح
ملك لسه واقفة مصدومة ودموعها بتزيد في عنيها وفي لحظة بتفتكر كل إلا مرت بيه بسبب عمر وكل الوجع إلا عاشت فيه بسببه وبقوة تدفعه بإيديها لبعيد = أنت أزاي تتجرأ وتقرب مني كدا !!
عمر = انا ااا انا أسف ي ملك بس يمكن من المفاجأة مقدرتش أسيطر ع نفسي ويقرب ويمسك إيدها وبصوت دافئ
= بحبك ي ملك أووى وكنت متأكد انك هتقفي قدامهم كلهم وهترفضي الجواز علشان نكمل مع بعض...
ملك تشيل إيديها بقوة من إيده وبعصبية = لو لمستنى تاني صدقنى هتندم فاهم!!
عمر = انا عارف انك زعلانة مني بس صدقينى غصب عني وكنت بتعذب زيك بالظبط وانا بعيد عنك....
ملك = أنت مين قالك أساسا انك تستحق دمعة واحدة من عيني!!! .... انا لو كنت بكيت وتوجعت فدا علشان سنين من عمري خسرتها وقذرتها بوجودك فيها ...
عمر يتصدم من كلامها ومكنش قادر يرد
تمسح ملك دموعها وبصوت حاد تكمل = إلا يتزعل عليه لازم يكون راجل بس أنت زي ما قال تميم متخصش صنف الرجال غير بالاسم وبس ...
عمر = ملك ي حببتى أنا أسف عارف ومقدر ألا مريتى بيه بس أقولك تعالي ننسي كل حاجة ونفتح مع بعض صفحة جديدة...
ملك بضحكة أستهزاء= أنسي ايه وصفحة جديدة ايه الا عاوزني افتحها ... أنت باين عليك لسه مفهمتش إلا أنا بقوله
عمر = ملك أنا لسه بحبك وانتي كمان بتحبينى ...
ملك تضحك وتقول = نعم !! وانت جايب الثقة دى منين ان شاء الله ...
عمر بإبتسامة يقرب منها ويحط إيده ع وشها يمسح دموعها ويقول = لو مش بتحبينى مكنتيش سألتي وعرفتى أني اتنقلت من لندن لفرع دبي وجتيلي ع هنا
ملك تشيل إيده من ع وشها وتضربه بالقلم ع وشه بقوة وهي بتقول = قولتلك لو قربت مني تاني هتندم
ملك إلا كنت تعرفها ماتت مع أخر رسالة بعتهالها...
عمر = طيب لو مكنتيش لسه بتحبينى جيتى ورايا ليه؟!!
تضحك ملك وتروح تقعد ع كرسي المكتب وتقول بكل قوة وثقة = أنت واقف قدام مدام ملك مديرة العلاقات العامة في الشركة دي ...
عمر يقعد وهو مصدوم من كلامها وبعدها يضحك بقوة = لسه دمك خفيف وبتحبي الهزار متغيرتيش مدام أيه ومديرة أزاي أنتي أكيد بتهزري ....
تخبط ملك بإيدها ع المكتب بقوة = أتفضل اقف أنا مسمحتلكش تقعد !!
عمر يقوم من الخضة وحس ان بجد إلا قدامه دي مش هى نفسها ملك إلا يعرفها...
وتضغط ملك جرس السكرتارية...
_ تحت أمرك ي مدام ملك
ملك تبص لعمر بستهزاء = أنتم أزاي تعينوا ناس زي دي من غير خبرة كافية هي مهنة الحسابات دي فيها لعب العيال دا !!
_ يمكن ي فندم فيه لخبطة لأنه لسه منقول من فرع لندن من أسبوع بس
ملك = الكلام دا ميخصنيش دا يتحقق معاه حالا ويتاخد معاه الإجراء المناسب لو ثبت أنه مقصر فاهمة !!
_ حاضر ي فندم ...
كل دا وعمر واقف مش قادر يستوعب إلا بيحصل ويبلغ ريقه وبتوتر يقول = هو بجد الا انا بسمعه دا أنتي المديرة هنا!!
ملك تبصله بحدة = مش ذنبي أن فهمتك تقيل ...
اتفضل ي استاذ ع التحقيق وتقرير التحقيق يكون ع مكتبي من بكرا ...
يخرج عمر وهو مصدوم من كلامها ومع صوت قفلة الباب تنزل دموعها بقوة ...
ع قد ما جرحتنى وخلتنى في لحظة أكره حياتي كلها ع قد ما كان نفسي اشكرك لأنك السبب في كل إلا انا فيه دلوقت ....
في مكتب تميم
سالي = أستاذ تميم.... تميم بيه !!
تميم يفوق من سرحانه= ها ... كنتي بتقولي حاجة ي سالي !!
سالي = انا واقفة بقالي عشر دقايق قدام حضرتك
تميم = أسف مختش بالي كنتي عاوزة حاجة ؟!
سالي = حضرتك إلا طلبتنى أؤمر ي فندم ...
تميم = اه كنت عاوز أسألك هو مروان متصلش خالص
سالي = اه ي فندم اتصل وطلب ملف من الفرع بتاعنا هنا والانسة لين أخدته وسافرت من ساعتين ....
تميم بعصبية = أزاي ميقوليش ولا يكلمنى يقولي ع كل إلا بيحصل دا !!
سالي = حضرتك قافل كل الخطوط في مكتبك من الصبح ي فندم وهو مش معاه رقم الفون بتاعك الجديد ولما معرفش يوصل لحضرتك كلمنى ...
هو حضرتك مضايق من حاجة ؟!
تميم بتوتر= مضايق !! ... لأ طبعا هضايق من ايه يعنى
وبعدين انتى بتدخلي في إلا ملكيش فيه ليه ؟!
سالي= انا أسفة ي فندم
تميم = اتفضلي ع مكتبك ...
سالي تمشي ناحية الباب ولسه هتخرج
تميم = ااا سالي ...
سالي = تحت أمرك ي فندم
تميم بتوتر = هو مفيش حد تاني اتصل غير مروان بس
سالي = حد زي مين ي فندم ....
تميم = أي حد ي سالي مالك مش مركزة معايا ليه !!
سالي = أسفة ي فندم بس مش فاهمة قصدك مفيش جديد مكالمات انهارده كلهم من العملاء زي كل يوم ...
تميم بحزن = اتفضلي انتي ي سالي شوفي شغلك
تميم يقعد يفكر فى ملك ويقول لنفسه = مش هان عليكى تكلمينى تطمنينى عليكى ي ملك من ساعة ما وصلتي...للدرجة دي لسه مش قادرة تنسي زعلك منى!
انا عارف أني غلطت بس في نظرك معقول مستهلش فرصة ...
ويرجع تميم راسه ع الكرسي وهو بيفتكر يوم ما تقدم لملك ...
فلاش باك
تميم = ي بابا أرجوك ممكن تسبنى ع رحتى أنا مرتاح بحياتي كدا ...
أبو تميم = يابني هي دي حياه إلا أنت عايشها دي !!
مراتك متوفيه من سنتين وانت مش في حياتك بعدها غير الشغل والسفر كل شوية ليه مش عاوز تريح قلبي وتتجوز علشان اشوف عيالك قبل ما أموت ...
تميم بحزن = بعد الشر عليك ي بابا بس صدقنى انا مرتاح كدا .... مفيش واحدة في الدنيا ممكن تملئ مكان وعد مراتي ي بابا
انت عارف انا كنت بحبها قد ايه وكان نفسي يكون ليا ولاد منها اووي بس ملحقناش ي بابا وسابتني لوحدي ومشيت....
أبو تميم = الاعمار بيد الله ي حبيبي وانت لسه في عز شبابك لازم تكمل حياتك وتنسي...
تميم = مستحيل حد ياخد مكانها ي بابا مستحيل
أبو تميم بحزن = عاوز تحرمني من كلمة جدو ي تميم دا أنا مليش غيرك يابنى خلاص بعد اختك الله يرحمها عاوزني أموت من غير ما اشوف حفيد ليا وأطمن عليك
تميم يحضن أبوه بقوة ويعيط في حضنه ويقول = بعد الشر عليكى ي بابا .... أنا مستعد أعمل إلا أنت عاوزه أهم حاجة عندي راحتك ورضاك عليا ...
سيبنى بس الاجازة دي وانا أول ما ألاقي الانسانة المناسبة هقولك على طول ...
أبو تميم = لأ أنت مش هتتهرب مني زي كل مرة وتضحك عليا بكلامك دا ... أنت هتيجي معانا بالليل تشوف العروسة إلا عمك قالنا عليها هو يعرف أبوها والبنت كويسة واتفق معاهم انهاردة علشان نروحلهم
تميم بصدمة= ايه دا أنتم مجهزين كل حاجة بقي وانا أخر من يعلم !!!
ابو تميم= عارفك مش هتيجي غير بالامر الواقع ....
تميم = بس ي بابا ااا
أبو تميم= من غير بس هتيجى معانا وتشوف العروسة يعنى هتيجى ....
نرجع تانى
تميم لنفسه = منكرش ي ملك اني اول ما شفتك كان في بالي أزاي احاول اكرهك فيا علشان ترفضينى بس لما شفتك وعرفت ان في حد تاني في حياتك عملت إلا عملته دا... مكنتش اعرف اني ممكن أحب تاني ي ملك أنا بجد بحبك وبتمني انك تسامحينى بقي
ويمسك تميم التليفون وكان نفسه يكلمها بس يقول = هكلمها بكرا أكيد مشغولة دلوقتى بمشكلة الشركة
تاني يوم
ملك تقوم تبص في الساعة وتقوم مخضوضة وتقول= تميم .... تميم أتأخرت عليه دلوقتى اكيد مستنينى علشان نروح الشركة مع بعض
تقوم ملك وهي مستعجلة بس فجأة تقف مكانها وهي بتفتكر انها في دبي وتفتكر تميم وتقول = كنت المفروض أكلمه اول ما وصلت امبارح بس مش لحقت جه الزفت عمر وبوظلي اليوم كله ...
برغم زعلي منك ي تميم بس منكرش انك سبب كل حاجة حلوة في حياتى من ساعة ما عرفتك...
قدمتلي كل حاجة تسعدني ووصلتنى لمكانة مكنتش أحلم أني أوصلها في يوم لو كنت مع عمر
علمتنى حاجات كتير في الوقت القصير دا كان نفسي تبقي معايا امبارح وتشوفني وانا قوية وانا برد لعمر القلم إلا أدهولي بضحكه عليا ...
وحشتنى اووي ي تميم مش مصدقة أن....
فجأة تسكت ملك بصدمه= وحشتنى !! .... انا قولت كدا أزاي !!؟
وتدمع ملك وهي بتقول = بس دي الحقيقة هو وحشنى اوي
لحد أمبارح كنت فاكرة ان قلبي لسه متعلق بعمر بس لما
شفته قدامى حسيت انى بكرهه اووي ايوا بجد انا بكرهه...
نفسي اخلص بسرعة بقي وارجع لتميم واقوله ع كل حاجة هقوله انى سامحته وانى بقيت قوية بسببه وأنه وحشنى بجد ومعنتش هقدر استغنى عنه ابداا ...
تدخل ملك تغير وتلبس تنزل على الشركة
في الشركة
ملك توصل الشركة بدري وهي مبسوطة اووى انها خلاص انهاردة آخر يوم وهتخلص شغلها هنا وترجع مصر لتميم ....
وهي راحة لمكتبها فجأة يوقفها صوت شخص بيتكلم في التليفون بصوت واطي وكأنه متعمد يعمل كدا ...
قربت منه ملك في فضول منها انها تعرف مين الشخص دا وليه بيتكلم في السر بالشكل دا
ولسه هتكلمه ملك فجأة تنصدم وتسكت وهي سمعاه
_ عمر أنت أزاي عاوز تضحي بكل دا علشانها ..
مش كفاية انه حرمك منها قبل كدا وخسرت حبك ليها بسببه ...
ملك لنفسها = معقوله يكون بيكلم نفسه عمر إلا أعرفه!
_ لأ ي عمر مش ينفع لو انت مصمم تضحي تانى وتتعذب علشانها فأنا مش هقدر اسكت تانى ...
يوم فرحها انت كنت خلاص هتسيب الشغل وتنزل علشان تمنع الجوازة دى بس تميم بيه هو إلا وقفك ومنعك من النزول .... دا كمان هددك لو نزلت هيلفقلك قضية تزوير في أوراق صفقة ويرميك في السجن ...
ملك واقفة مش مصدقة الكلام إلا بتسمعه دا
_ يعنى هي حولتك للتحقيق ومتكلمتش وعرفت ان الشخص إلا بعدك عنها دا كان غرضه في الاخر انه يسوء صورتك
قدامها ويكبر هو في نظرها ... وبرضو سكت
دا مش حب إلا انت بتعمله دا أسمه غباء
ملك بدهشة وبصدمة = تميم !
يتبع الفصل التاسع اضغط هنا