Ads by Google X

رواية محاكمة شيطان الحب الفصل السادس والعشرون والأخير

الصفحة الرئيسية

رواية محاكمة شيطان الحب الفصل السادس والعشرون 26 بقلم دنيا رشاد.. ملحوظة عند البحث عن الرواية في جوجل اكتب "رواية محاكمة شيطان الحب دليل الروايات" لكي يظهر لك جميع فصول الرواية كاملة

رواية محاكمة شيطان الحب الحلقة السادس والعشرون 26

عندما يأتي الليل ويشتد الظلام لم اجد غير نور حبك احتمي به من قسوة الزمان .
ظل فهد جالس علي الشاطئ غارقا في خيالاته التي يريدها أن تحدث ...
حور بحب ...فهد انا بحبك اوي .
فهد وهو يضمها الي صدره ...بجد ياحور .
حور ببتسامة...بجد ياروح حور ..
فهد بدموع ...كنت بحسب اني هافضل طول عمري ماشوفشي غير الحزن والكره في عيونك .
حور وهي تمسح دموع فهد بيدها ...انا بحبك وهافضل طول عمري احبك يا عمري الي فات خلاص بقي من الماضي احنا دلوقتي مع بعض متفكرش في اي حاجة .
فهد بحب ....انا بحبك وتغيرت علشانك بحبك والله بحبك .
حور بضحكة ....ههههه وانا عايزة انزل البحر دلوقتي .!!
فهد باستغراب ...بس احنا دلوقتي بليل ياحور والبحر مش امان دلوقتي .وكمان الميه باردة عليكي .
حور وهي تمعض شفتاها ...ايه ده انت مش جمبي علشان تحميني ولا ايه ؟!...
فهد ببتسامة ....انا اضحي بعمري كله علشان اشوفك سعيدة .
حور ببتسامة ....طيب شيل بقا علشان انا مبعرفش اعوم .
فهد وهو يحملها ...من عيوني انا اشيلك العمر كله .
حملها فهد وهبط بها إلي البحر .
حور وهي تتمسك بفهد ....ياااخبر دي باردة اوي مين صاحبة الفكرة المجنونة دي أن احنا ننزل البحر دلوقتي .
فهد بضحكة عالية ...ههههههههه انتي المجنونة دي!!.
حور وهي تسرح في ضحكته ...تعرف يافهد انا مكنتش باخد بالي من ضحكتك كنت دايما لما بقرا رواية أو اشوف فيلم رومانسي كانت البطلة دائما تقول للبطل ان ضحكته حلوة وأنها بتخطف قلبها بس انت دلوقتي فعلا خطفت قلبي لان انا شيفاك حلو لما بنحب حد بنشوفه احسن حد بالدنيا حتي لو كان قبل كده في صفات سيئه او عمل حاجات مش كويسة بس بعد الحب كل شيء بيتغير وبنحاول نصلح الي بنحبه ولو معرفناش بنتقبل العيوب دي علي انها مميزات مش عيوب وانا دلوقتي شيفاك كده شيفاك راجل بجد يعتمد عليه شايفة عيوبك مميزات .
فهد بحب ممزوج بالحزن ...بس في حاجات متنفعش تبقي مميزات ياحور .
حور وهي تمسح علي شعره ...عارفة يافهد انت تقصد ايه بس انا خلاص دلوقتي بحبك ونسيت كل الي حصل بينا واكنه محصلش وعيزاك تنساه علشان تقدر تعيش معايا وانت مرتاح ومش حاسس بالذنب من ناحيتي .
فهد وهو يعانقها ...انتي بجد اجمل واحن بنت في الدنيا .
حور بحب ...وانت انا حاسة انك هاتوقعني دلوقتي من كتر الرومانسية دي وهاغرق .
فهد بضحك ....هههههه ليه كده ياحور متعرفيش تقعدي دقيقتين علي بعض من غير ماتخربي الجو الرومانسي .
حور وهي تلف يدها حول رقبته ...طبعا ياحبيبي علشان تشتاقلي هانفضل طول الليل اقولك في كلام حلو كده ولا ايه كده الشغف بينا يموت ياعمري .
فهد وهو يحرك رأسه بالنفي ...لاء ياحياتي مستحيل أفقد الشغف من نحيتك لأنك الهواء الي بتنفسه انتي اكسجين حياتي .
حور بضحك  ...بحبك قد البحر وسمكاته ههههه
فهد بحب ... وانا بحبك قد السما ونجومها .بس انتي بتحبيني قد البحر وسمكاته خلاص انزلي بقا دراعتي وجعتني اتعلمي تعومي .
حور بخوف ...لاء لاء يافهد علشان خاطري السمك ياكل رجلي يرضيك مراتك حببتك تبقي رجليها السمك واكلها .
فهد بضحك ....هههه اه يرضيني .
حور بحزن مصطنع ...اه عليا وعلي احزاني خلاص انا مبقتش باقية علي الدنيا وممكن عادي اطلع رجلي من تحت البطانية عادي وخالي العفريت يأكلها اااه يابختك ياحور جوزك بايعك .
فهد بضحكة عالية ....هههههههه مجنونة .
فاق فهد من تخيلاته علي صوت سلمي جدة حور .
سلمي باستغراب ...فهد انت بتعمل ايه عندك في الوقت ده ؟!..
فهد وهو ينظر حوليه والي يديه الي يحضن نفسه بهما أطلق نبرة حزن وألم ....اااااااااااااه انا تعبت كل حاجة كان وهم وهم ليه كده ليه ااااااااااااااه والله بحبها بحبها .
نزلت دموعه لااراديا من كسرة قلبه وحزن علي نفسه .
سلمي بحزن علي حاله ....اطلع من المئه يابني تعالي .
خرج فهد من المياه وهو يتنهد من الحزن والتعب .
رمي بجسده غير مبالي  بشيء علي الرملة واغمض عينيه بتعب وضعف .
سلمي بحزن ....ايه الي انت عمله في نفسك ده يافهد يابني كل شيء قسمة ونصيب كرمالي ماتعمل بنفسك هيك بيحصلك شيء وانا بدي اياك معنا .
فهد بصوت يكاد يخرج من فمه ...خلاص كل حاجة انتهت انتهت وانا راضي بالي انا فيه .!!
سلمي بقلة حيلة ....انت هيك يابني بتموت حالك بالبطئ والله ماراح يسامحك علي الي بتعمله بحالك. 
فهد ...اطلعي نامي يانينه .
قامت سلمي من مكانها بعدما أعطته شال يضعه عليه وذهبت وقلبها يتالم علي هذا الشاب وما حدث له من الحب .
ظل فهد مرمي بجسده علي الشاطئ وبعد مدة من الزمن قام وذهب الي غرفته .
عند ايات وادم ....
ادم بحب ...استني ياايات رايحة فين ؟!..
ايات باستغراب ...في ايه ياادم خضتني داخله هانفضل واقفين علي الباب .
ادم وهو يمسك يدها ويقبلها ...لاء مش لازم اشيلك ولا ايه ؟!..
ايات بخجل ...لاء عادي انا هادخل لوحدي .
لم يستمع ادم لكلامها وحملها الي داخل غرفتها .
ايات بخجل ...خلاص نزلني بقا دخلنا .
انزلها ادم وقبل رأسها ..
ايات بخجل ...انت بتبصلي كده ليه ؟!..
ادم ....كده ازاي يعني ؟!..
ايات ...لا خلاص مفيش حاجة .!!.
ادم بحب ...طيب ايه ؟!...
ايات بعدم فهم ...عايز ايه؟!..
ادم بغيظ ....عايز اخد شبكتك ابيعها .انتي مجنونة ياايات مش هاتغير فستانك علشان نصلي .
ايات ...اه صح انا هادخل غيره !.
ادم ...اوكي .
ذهبت ايات الي داخل الحمام حتي تتوضئ ولكنها فجأة خرجت وهي مازالت مرتدية الفستان .
ادم باستغراب ...مغيرتيش ليه ؟!..
ايات وهي تفتح باب الغرفة استني شوي هاروح لحور وهاجي ؟!..
بقلم/ دنيا رشاد أمام (دونآ)
ادم وهو يجز علي أسنانه ويمسك شعره ....نعم يااختي حور ليه ؟!..
ذهبت ايات دون أن ترد عليه ذاهبة الي غرفة حور .
دقت ايات علي باب غرفة حور فتحت لها حور .
حور باستغراب ...ايات في ايه ايه الي جابك هنا دلوقتي ادم زعلك !؟..
ايات ببتسامة ...لاء بس بس!!.
حور بتنهيدة ....انتي لسه هاتبسبسي في ايه ؟!..
ايات بخجل ...يخربيت ام الفستان كنت بشوف لقطة السوتسة بتاع الفستان في الافلام ومكنتش عارفة اني هاتحط في نفس الموقف ده !.
حور بعدم فهم ...يعني في ايه ؟!..
ايات بخجل ظهر علي وجهها ....افتحيلي الصوتية علشان مش عارفه واكيد مش هقول لادم .
حور بغيظ ....يالهووووي اصوت انتي هبلة ياايات ولا انتي كده !.
ايات ....اعملكم ايه بقي كان لازم فهد يجيب الستس من ورا مجبهاش من الجنب ليه علي الاقل اعرف افتحها .
حور وهي تمسك رأسها ....انتي صح لفي ياايات افتحهالك .
ايات ...شكرا سلام .
حور ...مع السلامة ياربي علي الهبل .
ذهبت ايات مرة أخري إلي غرفتها وجدت ادم يجلس علي احدي الكراسي وهو يقلب في هاتفه .
ادم بحزن ....كنتي بتعملي ايه عند حور ؟!..
ايات بخجل ...كنت كنت بخليها
ادم ...كنتي ايه ؟!..
ايات وهي تفرك في يدها ....مفيش حاجة انا هادخل اغير الفستان .
ذهبت ايات الي الحمام وبعد قليل خرجت وهي ترتدي ملابس الصلاة وبدأ تصلي خلف ادم وهي تدعي ربها أن يحافظ عليه ويحميه لها وأن يعيشون سويا دون أي خلافات او مشاكل وان تستطيع أن تقدم له كل مافي وسعها .
وكذلك ادم كان يدعي الله أن يحمي حبيبته من اي مكروه وأن تظل بجانبه حتي آخر أنفاسه .
بعد فترة قامت ايات وخلعت جلبابها ..
ادم باعجاب ...تصدقي كان نفسي اتجوز بنت شعرها كيرلي.
ايات بخجل ....لا والله .
ادم وهو يمسك يدها ...اه والله .هو انا ممكن اسالك سؤال .
ايات بحب ...اه طبعا .
ادم بخوف ....انتي فعلا بتحبيني .
ايات باستغراب .. .هو ده سؤال هو لو مكنتش بحبك كنت هاتجوزك ليه ؟!.انا بحبك ياادم وخلاص حياتي الي فاتت بقت ذكري .
ادم وهو يملس علي شعرها ....وانا بحبك .
كلمة أحبك لاتقال لغيرك ...فهي كلمة مقدسة في قاموس حبك ⁦❤️⁩🌹.
عند سها وياسر ...
بقلم / دنيا رشاد أمام (دونآ)
ياسر ...هاتفضلي قاعدة بالفستان كتيير كده .؟!..
سها بعناد ....عندك مانع وبعدين يابني دا بيتلبس مرة واحدة في عمر الا أو انت ناوي تطلقني وانا اتجوز تاني وألبسه مرة تانية..
ياسر بعيون حمراء ...انتي اتجننتي هو انا كمان ساعة متجوزك علشان اطلقك انتي مجنونة يابت .
سها ..خلاص بس أنا مش عايزة اغير الفستان .!!
ياسر بنفاذ صبر ...خلاص ياحببتي هارفي كل فترة اجبلك فستان واخليكي تلبسيه .صبرني يارب .
سها باعجاب بكلامه ...بجد .
ياسر بتنهيدة ....اه .
سها بتفكير ...طيب ممكن تساعدني اغيره علشان تقيل والسوتسة غبية .
ياسر بحب ....ايوه انا كنت مستني حكاية السوتسة دي .
سها ...انت قليل الادب تفتحها وانت ساكت .
عندما يندفع الحنين في قلبي ⁦❤️⁩...ويزاد شوقي لك اضع يدي علي قلبي واسمع دقاته لأنها تدق فقط بحبك ياعمري ...⁦❤️⁩
عند ايه وعدنان .
عدنان بهزار ....ايه شليني؟!
ايه بصدمة ...مين الي يشيل .مين ؟!..
عدنان ...بهزر معك .
ايه ببتسامة ....هو انت بتحبني ولا اتجوزتني وخلاص انا كنت عارفة انك بتحب حور .
عدنان بتفكير ...طيب انتي وافقتي تتجوزيني ليه ؟!.
ايه بحب ...علشان بحبك من اول يوم شوفتك فيه !..
عدنان ...وانا حور فعلا كنت بحبها بس هي بتحب فهد وهي مش معترفه بده أو هي اصلا مش حاسه انها بتحبه ودلوقتي حور حد مهم في حياتي وانتي الي حياتي كلها بقت ملكك ومينفعش احب حد غيرك .
ايه ..يعني بتحبني .
عدنان ...انا منكرش اني معجب بيكي ولو كنت مش متقبلك مكنتش اتجوزتك .
آية ...ماشي. مش هانصلي .
عدنان.... اكيد هانصلي .
سأظل اكتب كل مافي قلبي ⁦❤️⁩ لك ...علي ازهار بستانك ...حتي يشهد علي حبي لك كل من فيها ...
عند ايمان ورعد .
ايمان بقلق ...مالك يارعد حساك قلقان ؟!..
رعد بحزن ...معلهش ياايمان انا اسف انا فعلا قلقان ؟!.
ايمان وهي تجلس بجانب رعد ...في ايه ؟!..
رعد وهو يقبل يد ايمان ...متقلقيش دا موضوع يخص فهد متشغليش بالك .
ايمان ...انا مش عايزة اشوفك زعلان يارعد لان فرحك وزعلك بيعنيلي كتيير .
رعد ...بحبك يا اجمل هدية بعتهالي ربنا .
ايمان ...وانا بحبك يااحن رعد بالحياة .
لن اقول لك شيء سوي اني اعشقك ...فالاحساس الذي يغمرني بقربك تعجز الحروف لتعبير عنه ⁦❤️⁩.
بقلم / دنيا رشاد أمام (دونآ)
نام الجميع باستثناء فهد الذي ضب اشياؤه وذهب الي غرفة الأطفال ودعهم وذهب ببطئ دون أن يحس به أحد تاركا وراءه أطفاله وحبيبته وأصدقائه وأخيه .
انطلق فهد بسيارته الي المطار فهو لايريد أن يكون وحيدا اثناء سفره لذلك أراد أن يسافر في طائرة عادية وليست ملكه .
صعد فهد الي الطائرة وجلس في المكان المخصص له في درجة الأولي وهو يتذكر حبيبته وماحدث مر كل شيء أمام عينه يالك من حى مزق قلبي وجعلني بلا قيمة.
اغمض فهد عيونه ووضع سمعات الاذن في أذنه وسرح مع كلمات الأغنية ...
مش كل الي بنحبهم هايكونو لينا ولا كل الي بنحبهم لايقين علينا ..ممكن تلاقي الي ياما حلمنا بيهم ويلقونا ومنلقيش الحب فيهم ...وساعات بتشوف الحب وهو مايشوفناش وساعات يحيلنا الحب وكأنه مجاش ..وكتيير يسبنا الحب 🖤 وجرحه ميسبناش ...
تمت 
يتبع الجزء الثالث "رواية نبضات حارقة كاملة" عبر دليل الروايات للقراءة والتحميل pdf
google-playkhamsatmostaqltradent