رواية احببت رجلا احمد وريم البارت السادس 6
رواية احمد وريم الفصل السادس 6
صبـــــاح جديد بس مش صباح اوى ده بقى ظهر وداخل على العصـــــر
تتقلب ريـــم ولسه هتقع وبسرعه تلحق نفسها يادوب ايديها هتنزل من السرير بس تلاقى ايديها على السرير
تفتح عنيها شويه كده وتحسس بأديها تلاقى السرير كبير جمبها تقول.. ايه ده السرير ده كبر امتى غريبه
تقوم تقعد على السرير وتفتح عنيها اوى تبص بإندهاش فى كل الاوضه وتقول ..ايه ده دى مش اوضتى انا ايه الى جابنى هنا
ميار ميار ماما ماما وتطلع تجرى وتفتح بابا الغرفه وتبص على الشقه تفتكر انها فى شقة احمد وان الفرح كان امبارح
تدخل تانى غرفتها وتضحك جامد على موقفها الطفولى وقالت كويس ان الرخم مش سمعنى كان اتريق عليه
وقعدت تفكر وقالت .. انا بقى لازم اخليه يحبنى يانا ياشروق وفكرت فى خطه وقامت علشان تبدأ تنفذها
قامت اخدت شاور وصلت الظهر وبعدين لبست بيجامه لونها احمر لانها بتكون حلووه اوى فى الاحمر وحطت كحل ومسكره وملمع احمر
وبدأت تجهز فى الفطار
لسه بتحط الاكل على تربيزة السفره واحمد يفتح الباب ويقول الله ايه الريحه الحلوه دى ياسوسو (سوسو دى دلع مامته )
تضحك ريم ضحكه كبيره اوى يفوق احمد ويقولها ايه ده ايه الى جابك هنا
ريم :اه مش قادره
أحمـــــــــــــد : ماما ماما بس دى مش شقتنا فى حاجه غريبه
ريم : اه غريبه ياللى لسه نايم انا مراتك ودى شقتنا
يفتكر احمد سريعا ويبتسم ابتسامه جميله تسحر ريم ويحسس على شعره
تقرب ريم لاحمد وتقوله صباح الخيرالفطار جاهز اكيد جعان
احمـــد : ريم انتى كل يوم تحلوى عن الاول ويبصلها اوى ويقرب نحيتها ويقولها انا فعلا جعان اوى ويقرب يبوسها على جبينها ويقولها مش تزعلى على موقف امبارح
ويسبها ويمشى..
تقف ريم متجمده * ده قرب وباسنى صح لا بحلم ولا ايه فخبطت ايديها فقالت ههههه مش بحلم اه مش بحلم وتفرح اوى ريم وتقول بدايه مبشره وجرى على المطبخ
بتجهز ريم السفره وبيطلع احمد واثناء الاكل دار الحوار ده
احمــــد : ريم تحبى نروح فى مكان انتى عارفه ان ده شهر العسل واكيد الكل منتظر احنا هنروح فين
ريم: لا يااحمد مش هينفع معتش غير شهر ونصف على امتحاناتى مش هينفع اغيب انا هستنى اسبوع وهنزل الجامعه
احمد: بس الكل هيتكلم تقاطعه ريم
ريم: الكل بيتكلم سواء روحنا ولا مش روحنا المهم احنا ايه وراحتنا فين
احمد : عاقله ياريم عجبتينى ..طيب والجماعه عندى وعندك
ريم : هتكلم انى انا الى مش موافقه علشان دراستى سبها على ربنا ثم عليه مش تخاف معاك راجل وتبتسم ابتسامه جميله
أحمد : بالعكس ده انتى اجمل واعقل بنوته شوفتها ياريمو ويبتسم ويفكر * البت دى كل شويه تسحرنى بحاجه يارب قدرنى والسنه دى تعدى على خير
ريم * ياترى بتفكر فى مين يااحمد عارف لو كانت شروق هقلب السفره دى عليك هههههه مجنونه واعملها وتضحك
احمد: بتضحكى ليه ياريم
ريم : ايه لا عادى مفيش المهم قوم يلا صلى العصر لان المغرب هيأذن وعلشان اكيد الكل هيجى بالليل
احمــــد : طيب ياريمو وانتى البسى حاجه تانيه البسى عبايه وطرحه محبش حد يشوفك كده
ريم : بس الكل شافنى قبل كده وانا بالبيجامه سواء عندى او عندك
احمد : ياسلام حتى محمد اخويه ويبصلها اوى
ريم : لا طبعا محمد يعتبر محرم وبعدين محمد مش هيجى لان محمد سافر النهارده علشان البحث بتاعه ده انت بتنسى
احمد : اه صح طيب يلا قومى وبردوا البسى اللى قولت عليه وبعد كده محدش يشوفك خالص وانتى كده
ريم: ليه بقى
احمـــد: هو كل حاجه ليه مفيش مره حاضر
ريم :حاضر بس مش تاخد عليها وتبتسم ابتسامه خفيفه
احمـــد : يسلملى المطيع العسل ده يلا هقوم اصلى
ويقوم احمد ويترك ريم فى فرحه وحيره وتفاؤل
ريم * ده بيغير عليه ايوه بيغير اومال ده ايه ياخواااااتى ياصحابى ياحبايبى جوزى بيغير عليه الثلج بيغير عليه
وتقوم ريم تشيل الاكل وتجرى علشان تبدأ تجهز هتلبس ايه وتجهز عصائر وحلويات علشان ضيوفها
بتصلى وبتلبس عبايه بيتى سواريه لونها احمر ومترزه باللؤلؤ والخرز الاحمر والذهبى وبتلبس حجاب احمر فى ذهبى وحطت روج احمر وكحل ومسكره واي شادو وبرفن ريحته جامده جدا...عروسه بقى ياجماعه
بتطلع من الغرفه اول مايشوفها احمد يقول بتلقائيه
أحمــــــد: على فكره انتى حلوه اوى ياريمو *حلوه اوى اوى
ريم: شكرا يااحمد ده من ذوقك
احمد : بس بجد اللون ده جامد عليكى اوعى اشوفك تلبسى اللون ده وانتى خارجه بره
ريم : انا اصلى اغلب ملابسى لونها احمر
احمد: طيب اعملى حسابك تغيريهم .لو عليه هشيل الاحمر ده من الالوان
ريم : ههههه انت كمان عايز تشيله
يبصلها احمد ويقول .. مين تانى قالك كده يااستاذه ريم
ريم : معتز كنت لابسه كده وقالى اخربيت جمالك ياريم لو عليه هشيل الاحمر من الالوان بس
احمد : اه معتز وبس اه طيب هنشوف الموضوع ده بعدين
وهنا يرن الجرس
احمد: لينا كلام بعدين فى الموضوع ده ياابله
ريم : روح افتح يااحمد ربنا يهديك وتضحك
وبيستقبلوا الاهل الى كلهم جايين ويفاجأ احمـــــد ان محمد جاى معاهم وانه مش سافر ويبص لريم ويغمزلها وهنا ريم فهمت وضحكت
ونسى احمد اى حاجه ضايقته وضحكوا مع الاهل وكان يوم جميل فى حياة احمد وريم والاهل
وبعد الاهل ما مشوا احمد قال لريم : شوفتى ياريمو محمد جه ولولا كلمتى ليكى والله انا فيه حاجه لله
بتضحك ريم وتقوله ماشى يابركه وتسيبه وتدخل تغير هدومها وهو كمان دخل غير هدومه فى غرفة الاطفال الى هى غرفته
وبينتهى اليوم بنوم الابطال
وتتوالى الايام بين ضحك احمد وريم وخروجاتهم مع بعض وبين مضايقة ريم من مكالمات شروق وزيارات الاهل والاصدقاء وعدى اسبوع على ابطالنا
ونرجع تانى بقى واول يوم فى الكليه لعروستنا الحلوه
دينا طبعا بتعدى على ريم وبتنتظرها تحت البيت لان احمد كان عنده محاضره بدرى عن ريم ومحبش يقلقها
ريم : دينا وحشتينى اوووووووووى وبتحضن صديقتها
دينا : انتى اكتر ياريمو وحشتينى موووت الحبايب اخدوكى مننا
ريم * اه لو تعرفى يادينا بس دى اسرار بيتى مش هينفع اقولك
دينا : كمان سرحتى في احمد لالالا والله هزعل
ريم : اسرح فى مين يابت ده انا بجد بفتكر ساندوتش الشاورمه بتاع الكليه وحشنى اوى وتضحك
دينا : ههههههههههههه متغيرتيش خالص ياريمو * فيكى حاجه مش طبيعيه ليه مش عايزه تتكلمى
ريم : سرحتى فى مين يلا ياختى هنتأخر وهنشوف موضوع السرحان ده
دينا : هههههههه بفكر مين اللى هيحاسب على الساندوتشات والكانز الى هنجيبه
ريم : هههههه طبعا انتى
دينا : حاجه متوقعه من عروسه زى القمر يلا بينا
وبتروح دينا وريم على الجامعه واول مابتدخل بتكلم احمد علشان تعرفه انها وصلت زى مااحمد قال ..شايفين تغيير احمد
وبعد السلامات بينها وبين اصدقائها اول مايلمحها معتز يجرى عليها .. اول مره اعرف ان الجواز بيحلى اوى كده
ريم : دى حلاوة عنيك انت ياميزو
معتز : وحشتينا اوى ياريم وعامله ايه واحمد عامل معاكى ايه
ريم : كله تمام ياقمر اخبارك انت ايه ؟..
معتز : انا تمام وفل كمان
ريم طيب تمام
دينا : طيب يلا علشان المحاضره هتبتدى ورامز هيبهدلنا لو روحنا متأخرين
ريم ومعتز حاضر
اول ما بتدخل ريم المدرج يجرى عليها رامز ويقول : فى جمال من ده
تبصله دينا بصه معناها اسكت
ريم : شكرا يادكتور رامز وعقبالك ان شاء الله وتضحك
رامز : ربنا يخليكى ياريم يلا ادخلوا * وحشتينى ياريم حاسس انك مهمومه ياريم يارب صبرها وصبرنى
وطبعا يقعد يشرح 3 ساعات وطبعا مش مركز لانه كل شويه يبص لريم
وريم مش مركزه وقاعده تفكر فى احمد... دينا قاعده تفكر فى صاحبتها وانها حاسه انها مش مبسوطه وان فى حاجه
معتز قاعد يفكر فى ريم وياترى سعيده ولا لا مع احمد
وبتخلص المحاضره والثلاثه قاعدين وفجأه بيرن تليفون معتز على نغمة العب العب العب اه ياسيدى
يفوق اصدقائنا الثلاثه على النغمه ويبصوا لبعض وهيستريا من الضحك على موقفهم وعلى النغمه دى
بتروح ريم الكافتيريا هى ومعتز ودينا وبتطلب من معتز يجيب وجبه زياده علشان خاطر احمد
وبتاخد الوجبتين بتاعت احمد وبتاعتها مش هاين عليها تاكل وهو لا وتروح على مكتب احمد وبتدخل وفجأه تشــــوف ايه
يتبع الفصل السابع اضغط هنا