رواية احببت رجلا احمد وريم البارت الخامس 5
رواية احمد وريم الفصل الخامس 5
طبعا الكل اخد باله من موقف احمد والكل كان مضايق وبدأوا يفكروا ان فى حاجه غلط فى الجوازه
ومره واحده احمد بياخد ريم من باباها ويشيلها ويلف بيها
اتفاجأ الكل واترسمت اكبر ضحكه على وجههم وتعايشوا مع جو الفرح من تانى
تعالوا نشوف احمد وريم
ريم * ايه ده ايه اللى حصل ده انا بحلم معقوله معقوله انا فى حضنه ياخلاصى هيغمى عليه اه ياقلبى
احمد* مكنش ينفع غير كده علشان محدش ياخد باله بس مالى كده حاسس حاجه
ريم هنا بتحضن احمد وهو شايلها وبتبص فى عنيه * بحبك
احمـــد* ايه ده ايه ده لالالالا اجمد يااحمد بت ياريم اتعدلى انا مالى كده مش على بعضى
وهنا بينزلها احمد وبيبرر حضن ريم ليه انها كانت خايفه تقع وهو شايلها
وبيرقصوا على اجمل اغانى مع اصدقائهم واهلهم وبيخلص الفرح وهنا ريم تبكى بانهيار
ماما ريم : بتعيطى دلوقتى ليه ياقلب ماما بكره تيجى عندنا تقولى يلا بقى انا ماشيه ريم مش ده حبيبك الى حلمت بيه ليه بتبكى دلوقتى
ريم: مش قادره مش هعرف اعيش غير فى بيتنا
ماما احمد : لو عايزانى اجى اقعد معاكم هاجى بس مش تبقى تطردينى
ريم :ايه ياخالتو الكلام ده طبعا لا بس
تقاطعها ماما ريم : مش بس دى حياتك وده مستقبلك وده جوزك فاهمه يعنى ايه لازم تطيعى جوزك ياريم ومش تزعليه ابدا فاهمه ياقبلى
بدأت تستسلم ريم لكلام مامتها وخالتها وبيجى احمد ياخدها وعلى البيت على طول
بيفتح احمد الشقه ويدخل
ملحوظــــه ... احمد اختار شقه بعيده عن شقق باباه وحماه علشان محدش كل شويه يروح لهم
ونرجع تانى للاحداث
احمد بيبص وراه لقى ريم لسه واقفه على باب الشقه فضحك ضحكه تلقائيه
أحمـــــد : ايه ياريم مش دخلتى ليه ولا هتباتى بره
ريم : ظريف يااحمد بس انا يعنى محرجه بس يعنى
احمد: محرجه من ايه ياريم ده انا زى اخوكى ادخلى ادخلى
ريم* يعنى لازم تفكرنى ليه طلعتنى من حلم عشته يارب صبرنى عليه وخرج حبه من جوايه يارب مليش غيرك
ريم: حاضر يااحمد وعارفه انك اخويه مش لازم كل شويه تفكرنى هههههههه
بتدخل ريم وتعدى من قدامه وتدخل على غرفة النوم وتقفل الباب وراها
واحمد بيدخل غرفة الاطفال وبيقعد على ماريم تخلص علشان ياخد هدومه من الغرفه
ريم دخلت وقلعت واخدت هدوم وخارجه على الحمام وهى لابسه روب علشان تروح تاخد شاور وظبطت الغرفه علشان احمد
وبتطلع وتنادى احمد واحمد مش يبصلها ويدخل على الغرفه من غير مايرد عليها
بتتغاظ منه وتدخل على الحمام وتقول ..اوف منك ايه ده رخم وكمان بارد حاضر يااحمد هتشوف منى ايام
وبتاخد شاور سريع وبتلبس بيجامه نصف كم لونها بنك وبتجفف شعرها بالاستشوار وتسيبه نازل على كتفها كانت جميله جدا
وبتطلع من الحمام وتدخل على المطبخ تجهز الاكل واحمد بيدخل الحمام ياخد شاور واول مااحمد دخل الحمام طلعت جرى تحط ملمع شفاه وتظبط شعرها
وجرى على المطبخ ... احمد خرج من الحمام ودخل لريم المطبخ ولسه بيقول ريم وعلامات الاندهاش على وشه ويقولها
احمد: ايه الجمال ده اول مره اعرف انك حلوه اوى ياريم
ريم : والله طيب ما الكل بيقولى كده عادى يعنى مفيش جديد
بيزعل احمد ويقولها ..الكل مين ياريم من راجل غيرى شافك كده ؟؟؟!!!
ريم : بابا وعمو مختار
احمد حرام عليكى خضتينى محدش يشوفك ياريم اوعى تظهرى جمالك لحد غير لزوجك بس فاهمه
ريم : وتتخض ليه اصلا وانت مالك ..وحاضر عن اذنك ادخل اغير لانك مش زوجى علشان البس قدامه كده
احمد: انت بتتغابى مش كده اومال انا ايه وقسيمة الجواز دى ايه ياماما انا زوجك شرعا
ريم : عارفه بس مش على الحقيقه كله ورق
ولسه هيرد احمــــــد ويلاقى نغمة بعترف قدام عنيك من النهارده انا عمرى ليك سبنى احبك ياحبيبى وانسى روحى بين ايديك ..
احمـــــد ياربى نسيت اكلم شروق ..لينا كلام مع بعض تانى ياريم
وجرى على الغرفه يكلم شروق
ريم : ليه ياشروق ده وقته ديما تيجى فى وقت مش وقتك ابدا
وتكمل ريم تجهيز الاكل
يدخل احمد غرفة الاطفال ويكلم شروق
احمــــد : ايه ياعمرى عامله ايه
شروق والله انت لسه فاكر ده لولا انا رنيت عليك مكنتش هتكلمنى
احمد لا طبعا ليه بتقولى كده هو انا عندى كام شروق
شروق : متأكد يعنى انها واحده بس فى قلبك
احمد طبعا ياروح قلبى
...........
تعالو نسيب احمد شويه مع شروق ونروح لريم جهزت ريم الاكل وحطته على تربيزه السفره
ونظمت الاكل بطريقه جميله جدا سفراجيه نمبر وان ههههه
ولسه بتفتح على احمد الباب وتسمع
نروح لاحمد وشروق تانى كده
شروق : وحشتنى اوى يااحمد مع انى لسه سيباك
احمد: والله علشان كده روحتى رقصتى مع غيرى كده ياشروق كنت هتجنن ليه عملتى كده
شروق : كنت بغيظك حسيتك ميال لريم ومندمج اوى معاها
احمد: حرام عليكى شروق انا بموت فيكى فاهمه لا ريم ولا غيرها هيقللوا حبى ليكى
وفى اللحظه دى بتدخل ريم وبتسمع جمله احمد الاخيره وبسرعه تتغير معالم وحشها
احمـــــد: لحظه ياشروق .... فى حاجه ياريم
ريم : اه لا اه الاكل الاكل جاهز
احمـــــد: معلش ياريم كلى انتى مش عندى نفس وبعدين انا كده اكلت خلاص ويضحك
ريم : ماشى يااحمد بس انا مش بعرف اكل لوحدى لانى مش اتعودت انى اكل لوحدى
احمــــــد : بطلى دلع ياريم واتعودى تاكلى لوحدك لان ايام مش هكون فيها هنا فى الكليه وتضطرى تاكلى لوحدك
بتسيبه ريم وبتقفل الباب من غير ولا كلمه وده ضايق احمد اوى وخصوصا ان الكلام قدام شروق وطبعا سمعت قفلة الباب
شروق : ههههههههههه هى قفلت الباب فى وشك ياعينى ياعينى وكمان هتاكل لوحدها ياحرام
احمــــــــد : هنستظرف ياشيرى ولا ايه
شروق: لا طبعا ياقلب شيرى
وطبعا يكمل الحبيبين مكالمتهم ونسبهم مع بعض براحتهم
ريم تجلس على السفره ومش عارفه تاكل علشان قاعده لوحدها وهى اتعودت ان يكون فى ناس بتاكل معاها
بتقوم ياعينى تشيل الاكل وتنظف السفره وتحط فى الثلاجه وظبطت كل حاجه ودخلت على السرير وراحت فى نومه من تعب اليوم
بيخلص احمد المكالمه وبيطلع يلاقى الشقه ظلمه وفى سكون يبص على غرفة ريم يلاقى الباب مقفول يعرف انها نامت
حس احمد انه جعان يدخل المطبخ ويفتح الثلاجه يلاقى الاكل زى ماهو وانها مش اكلت حاجه يزعل اوى
ويحس بتأنيب ضميرى ويقول...يعنى مش دلع زى ماقولت يارتنى قومت اكلت معاكى ياريم وبعدين انا جعان مين هيسخنلى وانا مش بعرف
اوف يلا بقى هنام جعان ويدخل الباشا ينام ويروح فى سابع نومه من كتر التعب
يتبع الفصل السادس اضغط هنا