رواية احببت رجلا الفصل الثالث 3 - احمد وريم

الصفحة الرئيسية

رواية احببت رجلا احمد وريم البارت الثالث 3

رواية احببت رجلا احمد وريم كاملة

رواية احمد وريم الفصل الثالث 3

بينزل أحمـــد من السياره ويفاجأ ان مامته وخالته قدامه
تبصلهم ريـــم وتبص لاحمـــد وتسيبه وتروح عليهم
ريم: بتعملى ايه ياماما انتى وخالتو هنا ..

الأم: ده مطعم وبعدين احنا بنيجى هنا ديما

خالتو : يلا يابت انتى هتسيبى الواد وتقعدى ترغى معانا ادخلوا يلا احنا ماشيين

عائله احمـــــد ....

الأم .. سوزى خريجة السن تحب الازياء والموضه جدا وفاتحه اتيليه كبير اوى خاص بالسوريهات مرحه جدا وبتحب بنات اختها ريم وميار جدا لان معندهاش بنات

الاب .. مختار دكتور جراحه صديق الانتيم لاحمد جوز اخته بيحبه جدا لدرجه انه سمى ابنه على اسمه وبيشتغل فى نفس المستشفى الى بيشتغل فيها صديق عمره

محمد.. فى سنه ثالثه قد ريم كليه هندسه ومرح جدا جدا عكس احمد خالص

ونرجع تانى للاحداث

الام : ازيك يااحمد

احمــــــد: الحمد لله ياخالتو

سوزى أم احمد: تهمس فى اذن احمد الى اتفقنا عليه يتم مش تعصى كلام ابوك يلا سلام ياحبيبى

احمد : حاضر ياماما

وتمشى الامهات وكل واحده ترتسم على وجهها الابتسامه

احمد :يلا ياريم اتفضلى

ويدخلوا المطعم ويجلسوا ولاول مره يبص احمد فى عيون ريم ويستغرب فرحة عنيها ويقول لنفسه ازاى هقدر اكسر فرحتها دى مش قادر ويتذكر حوار ابوه

فلاش باك ..

مختار: احمد تعالى عايزك فى موضوع مهم

احمــد :خير يابابا

مختار: خلاص انت دلوقتى فى سن الجواز واحنا ياحبيبى عايزين نفرح بيك انا ووالدتك

احمــــد: يعنى اخيرا يابا

مختار : لا ياحبيبى انت هتتجوز ريم بنت خالتك

احمد : نعم يابابا ده مستحيل انا هتجوز شروق ومش هتجوز غيرها

مختار انت بتعصى كلام ابوك عارف شروق دى بنت مين دى ابوها شغله مش نظيف وبتاع رشاوى انت عارف فلوسهم دى منين انت عايزنا نناسب مين وشروق دى سألنا عليها مش مظبوطه وكل يوم سهر وكلام فاضى انت بتفكر ازاى

احمــــد : الكلام ده مش مظبوط وانا متأكد من الانسانه الى حبتها ومش هتجوز غيرها يابابا فاهمين مش هتجوز غيرها

ويسيب البيت ويروح عند رامز صديقه

رامز : مالك يااحمد فى ايه

احمد : انا سبت البيت

رامز نعم ياخويا

احمد: الى انت سمعته بابا عايز يجوزنى واحده مش بحبها ولا بطيقها اصلا وهو عارف انى بحب شروق

رامز :بس ده ابوك ياحمد وعارف مصلحتك وانا حذرتك من الى اسمها شروق دى مليون مره

احمد : رامز وبعدين معاك متخلنيش اسيبك واقوم امشى

رامز خلاص خلاص ياحمد اهدى بس ومين دى بقى الى ابوك رشحها

احمـــد :هتكون مين يعنى غير الست ريم

وتنزل كلمة ريم على رامز كأن صخره وخبطت فى دماغه واصبح مشلول

احمـــد : مالك يارامز مستغرب مش كده هتجنن ياناس مش بحبها دى بت رخمه وشايفه نفسها

رامز: فعلا يااحمد انت مش تستحق ريم ابدا عارف ليه وهنا ينظر اليه احمد وعلامات الاستفهام على وجهه ..لان ريم يااحمد برنسيسه عايزه حد يكون امير او اعلى من امير يقدرها ويحبها ويخاف عليها اللى زى دى نادرا لما تلاقى حد زيها فى الزمن ده طيبه واخلاق وجمال وعيله وبجد حاجه مشرفه فكر بجد

احمد: ياااه يارامز ريم فيها كل ده ده انت طلعت حبيب بقى وانا مش واخد بالى

رامز : لا حبيب ولا حاجه دى هتبقى خلاص مرات اخويه بس فعلا انا كنت هخطبها يااحمد بس هى دلوقتى زى اختى بالظبط

احمد : لا ياعم روح اخطبها وانا هوصى عليك

رامز : مش هينفع يااحمد ريم بتحبك انت وانا حاسس بكده

احمد : بتحب مين ياعم دى مش تعرف حاجه اسمها حب المهم قفل قفل الاذان اذن قوم نصلى واللى ربنا عايزه هيكون

ويقوموا ابطالنا يصلوا ويجى تليفون لاحمد يخليه ينزل جرى ويوح على مستشفى ..

احمــــد: ماما ماما ايه حصل

الام: ابوك بسببك تعب اوى وعنده ضيق فى التنفس وحطينه تحت جهاز التنفس

انهار احمد فى البكاء وخلاص كان هيقع ويلاقى ريم جمبه وبتسنده وبتقوله هيقوم وهيعيش يااحمد

يبصلها احمد وبطريقه لا اراديه يزق ايديها ويسبها ويقوم يقف

يخرج الدكتور : لو سمحتم مش عايز ازعاج والكل يتفضل المريض حالته مستقره دلوقتى وشلنا الاجهزه من عليه التنفس دلوقتى طبيعى

احمد ابو ريم : طيب من ايه يادكتور اول مره يحصل ليه كده

الدكتور: اكيد اتعرض لضغط جامد اوى والحاله ممكن ترجعله تانى لو سمحتم حافظوا عليه لو تهمكم حياته ولازم تبقى فى رعايه عليه الفتره الجايه

الكل : حاضر يادكتور

الكتور: المريض عايز ابنه احمد لو موجود يدخل

احمد: انا موجود يادكتور

اتفضل ادخل وياريت بلاش كلام كتير حرصا على حياته

ويدخل احمد الغرفه واول ما يشوف باباه يبكى ويجرى يمسك ايديه ..اول ما شافه الاب ضغط على ايديه وقاله ابنى

احمد: ايوه ياحمد متخفش انا جمبك وعمرى ما هسيبك ابدا

مختار : وصيتى امك واخوك واحمد وخالتك وبناته

احمد: مش تقلق يابابا انت بقيت كويس وهتبقى احسن وانت الى هتخلى بالك مننا وكمان يلا قوم بسرعه ولا مش عايز تحضر فرحى

مختار : ياريت يابنى كنت بتمنى والله بس الى يريحك يابنى اعمله مش هضغط عليك

احمد : لا يابابا انا هتجوز ريم وراضى بس انت قوم يلا بقى

مختار : ربنا يبارك فيك يابنى

ويعدى اسبوع ويقوم مختار ويبدأ احمد فى استعداده انه خلاص هيتجوز ريم ويتصل برامز ويقوله

رامز فكرت بجد ياصاحبى

احمد : ايوه فكرت بس الجوازه مش زى مانت فاهم

رامز ازاى يعنى

احمد يعنى انا وهى هنبقى متجوزين على الورق بس لحد ما اهلى يهدوا وساعتها هنعمل اى مشكله ويبقى الطلاق الحل ومحدش هيتكلم وقتها

رامز : انت بتقول ايه انت اتجننت ياواد ولا خلاص صغرت

احمد: حاسب على كلامك يارامز ويلا سلام

ويقفل مع رامز ويلبس ويروح لبيت ريم ويقابل باباها ويطلب ايديها ويطلب ان هو الى يفاتح ريم بنفسه واستأذن باباها انه يعزمها على الغداء

ونرجع تانى للاحداث .....

احمد : ريم انا عايزك فى موضوع مهم اوى

ريم : خير يااحمد

احمد : تقبلى تتجوزينى

ريم : ............

احمد : ساكته ليه

ريم: انت فاجأتنى انت بتقول ايه انت متاكد * انا بحلم ولا ايه حاسه ان فى العاب ناريه فى دماغى

احمد: فوقى ياريم معايه وبطلى ام السرحان الى عندك ده

ريم : معاك معاك بس بجد مفاجأه واترسمت على شفتيه اجمل ابتسامه سحرت احمد

احمد* اخربيت ابتسامتك ياريم فى مخلوقه كده فعلا فرق كبير بنها وبين شروق بس اعمل ايه مقدرش اعيش من غير شروق انا لازم اجمد علشان اعرف اكمل

احمــــد: ريم انا لسه مخلصتش كلامى بصى جوازنا هيكون على الورق بس لكن انا وانت اخوات

ريــــم:....
يتبع الفصل الرابع اضغط هنا
google-playkhamsatmostaqltradent