رواية مامورية الحب والانتقام البارت الأول 1 بقلم سلمى ايمن
رواية مامورية الحب والانتقام الفصل الأول 1
" بارك الله لكما وبارك عليكما وجمع بينكما في خير "
ندى بإبتسامة : مبروك يا عمر
عمر بإقتضاب : الله يبارك فيكي يا ندي
والدة عمر : بعد إذنك يا ندي هاخد منك عمر ثواني
ندى : انتي بتقولي ايه يا تنت لا طبعا ده ابنك قبل ما يكون جوزي
اخذت الوالدة عمر قائلة : مكنش ينفع يا عمر....مش عشان إيهاب كان صاحبك وافتدي بحياته عشان ينقذك تكتب كتابك ع اخته ....انت مبتحباش...انت كده بتظلمها قبل ما تظلم نفسك
عمر : لولا إيهاب مكنتش هبقى عايش دلوقتي يا أمي...كفاية انه قبل ما يموت وصاني ع امه واخته...ندى طيبة ولعل وعسى مع الوقت احبها
الوالدة : ربنا يهديك يا ابني
يرن هاتف عمر قائلا : معلش يا امي ده الشغل...هشوف ف ايه وارجع
رد عمر
مازن : مأمورية جديدة يا عمر
عمر : انت جاي يوم كتب كتابي تقولي مأموية جديدة
مازن : عشان دي مش اي مأمورية....جه الوقت اللي هناخد فيه تار إيهاب
عمر بعزم وغضب : مش هرتاح غير لما البسهم الكلبشات يا مازن...مش هيهدالي بالي غير لما اشوفهم ورا القضبان
مازن : في حاجة كمان لازم تعرفها
عمر : ايه هي
مازن : احنا مش لوحدنا ف المأمورية دي
عمر : امال مين معانا
مازن : الشبح
عمر بدهشة : انت بتقول ايه...هو مش كان إستقال
مازن : المستجدات بتقول انه معانا ف المأمورية
عمر : ده تاري انا مش تار حد تاني....محدش هياخد حق إيهاب غيري
................
يرن هاتف ندي قائلة : ماما ثواني وهرجع وتذهب لغرفتها
أميرة : مبروك يا عروسة
ندى : الله يبارك فيكي...مجتيش ليه
أميرة بضيق : استدعوني
ندى : اوف...الحمد لله اني استقلت
أميرة بسخرية : المجلس الاعلى رفض استقالة سعادتك...وبيستدعيكي انتي كمان
ندى بصدمة : بتقولي ايه
أميرة : ايوة يا ست ندى
ندى : طب وبعدين
أميرة : مهمة جديدة
ندى : مستحيل ..انا متجوزة دلوقتي ...محدش يعرف اصلا بموضوع شغلي...انا هروح للمجلس واعتذر واللي يحصل يحصل
أميرة : يبقوا الناس اللي قتلوا إيهاب يا ندى...ايه هتعتذري برضه
تنظر ندى لصورة تجمعها هي اخاها وتبتسم ثم تدمع
اميرة : ندى رحتي فين
تمسك ندى الهاتف قائلة : بلغي المجلس يا اميرة ان الشبح راجع للخدمة...ودي هتبقى اول واخر مرة يتراجع عن قراره...لإن حق اخويا وحق كل واحد اتقتل غدر وظلم بسبب الناس دول يستاهل مني اعمل كده
يتبع الفصل الثاني 2 اضغط هنا