رواية زوجتي المصون كاملة بقلم ملك ابراهيم (مكتملة جميع الفصول)

الصفحة الرئيسية

رواية زوجتي المصون كاملة بقلم ملك ابراهيم، وهي رواية رومانسية اجتماعية مصرية، وسوف نشاركم جميع فصول الرواية كاملة من الفصل الأول للأخير عبر مدونة دليل الروايات للقراءة والتحميل Pdf

شخصيات رواية زوجتي المصون

  • عمر المنياوي
السن ٢٩ سنه مهندس معماري ويملك شركات في جميع انحاء العالم من أصل صعيدي لكنه عاش وكبر في ايطاليا
والده ابن اكبر عائلات الصعيد كان مهندس معماري تعرف وتزوج علي والدت عمر حين كان يدرس في ايطاليا انها ايطالية الجنسيه وانجب عمر في ايطاليا وأسس شركته الخاصه بمساعدة زوجته ومات وأبنه بعمر ١٤ عام وتحمل عمر المسؤليه مع والدته ودرس الهندسه وبمجهود و ذكاء عمر الشركة اصبحت مجموعة شركات في جميع انحاء العالم
  • هنا عبدالرحمن
السن ٢١ سنه طالبة في كلية هندسة فتاة هادئه جميلة ورقيقه ولكنها شرسه في بعض الاحيان تعيش في بيت للمغتربات لأنها من محافظه بعيده عن القاهره تعيش حالة من الحزن بسبب وفات والدتها من ٣ شهور وهي الان ذاهبه لقضاء الاجازه الصيفيه مع والدها
  • مازن المحمدي
صديق عمر المقرب نفس سن عمر كان مازن بيدرس الهندسه في ايطاليا واتعرف علي عمر ومع الوقت اصبح صديقه المقرب مازن شاب طيب وخلوق ذو شخصيه محببه
  • دينا عبدالله
صديقة هنا الوحيده وبتدرس معاها بنفس الجامعه فتاه رقيقه ومرحه
  • سمر
فتاة بعمر هنا كانت زميلاتها من الابتدائيه ولكنها بتكره هنا جدا وبتحقد عليها لان هنا دايما مميزه عنها ولم تكمل سمر التعليم وكانت متفرغه لأصتياد عريس يعوضها مديا عن سنوات الفقرة الا عاشتها منذ الصغر.
باقي الشخصيات هتظهر مع الاحداث..

رواية زوجتي المصون الفصل الأول

بداء يوم جديد علي ابطالنا
جهزت هنا حقيبتها وهي الأن تودع القاهره لقضاء الأجازه الصيفيه مع والدها ولكنها تحزن كثيرا كيف تدخل منزلها ولا تكون والدتها الحبيبه في انتظارها تعد لها اكلاتها المحببه وتنتظرها بيد ممدوده وتأخذها في أحضانها وتهنأها بتفوقها الدائم ونجاحها   مسحت هنا دموعها وهي تقترب من منزلها وتحاول ان تداري حزنها وتقوي من روحها حتي لا تحزن والدها الحبيب اقتربت من الباب ولكنها سمعت صوت غريب بالداخل طرقت الباب وفتح لها اخر شخص ممكن تتوقعه
**
في ايطاليا
دخل مازن مكتب عمر مهللا
مازن/ انا مش مصدق نفسي اخيرا هرجع مصر واشوف بلدي واشرب من نيلها واغنيلها
عمر برفعة حاجب/الا يسمعك يقول ان احنا رايحين نتفسح هما يومين بس هنحضر افتتاح الفرع ونرجع علي طول عندنا هنا شغل كتير
مازن/يا أخي سبني افرح شويه وبعدين يومين ايه انت رابطني جنبك هنا بقالي خمس سنين ماشوفتش بلدي ارحمني بلدي وحشتني 
عمر/وحشتك وايه بقا الا وحشك ان شاءالله
مازن/كل حاجه فيها اهلي وناسي وكل حاجه...... طب وانت ايه اهلك وناسك الا في مصر مش وحشينك
عمر/مازن بلاش نتكلم في الموضوع ده ........قولي رتبت السفر امتى 
مازن/كمان اسبوع ان شاءالله 
عمر/تمام
**
عند 💛 هنا
هنا بصدمه / سمر انتي بتعملي ايه هنا
سمر بكل برود/هكون بعمل ايه انا في بيتي
مين يا سمر قالها والد هنا
والد هنا/ هنا بنتي حبيبتي حمدلله علي السلامه عامله ايه ياحبيبتي ومعرفتنيش ليه انك جايه النهارده
هنا باستغراب / انا قولت اعملها لحضرتك مفاجأه بس برضوه انا مش فاهمه سمر بتعمل ايه هنا وازاي لبسه كدا في بيتنا
سمر/قولتلك ياحبيبتي بيييتي
والد هنا /سمر خلاص انا هفهمها وانتي ياحبيبتي تعالي ادخلي مش هينفع نتكلم علي الباب كدا وانا هفهمك كل حاجه علي ما سمر تجهز الغدا
**
هنا/ بابا هو ايه الا بيحصل سمر بتعمل ايه هنا انا مش فاهمه حاجه
والد هنا/ سمر تبقااا . . . . مراتي
هنا/ ايه  لاء  اكيد لاء  حضرتك بتهزر  صح
والد هنا/ هنا ياحبيبتي اسمعيني كويس انتي طبعا عارفه انا كنت بحب ولدتك اد ايه بس دلوقتي    ولدتك مش موجوده وانتي واخوكي كمان مش موجدين احمد اخوكي مسافر بيبني مستقبله وبكره يبقا عنده زوجه واولاد وينشغل بحياته وانتي كمان ياحبيبتي مشغوله بدرستك وبكره تتخرجي وتتجوزي وتنشغلي بحياتك وانا هفضل لوحدي هنا انا محتاج زوجه ترعاني وتبقا جنبي لو تعبت او احتاجت حاجه فهماني ياحبيبتي
هنا بصدمه وزهول/ افهم ايه يا بابا دي سمر حضرتك فاهم يعني ايه سمر  دي كانت زملتي في المدرسه وكانت لحد امبارح بتقولك يا عمو  زاي فجأه كدا تبقا مراتك  ازاااي
بنحب بعض عندك مانع /قالتها سمر
هنا في حالة الزهول / بتحبو بعض ازاي وامتي بابا انتو متجوزين من امتي
سمر ببجاحه / لسه عرسان جداد
بعد اذنكم انا هدخل اوضتي ارتاح شويه /قالتها هنا وهي بتجري علي اوضتها مش شايفه من كتر الدموع
**
في بيت دينا صحبة هنا
استاذ عبدالله والد دينا بيشتغل  مدير شؤن العاملين في شركة OSجروب 
استاذ عبدالله بيتكلم في الهاتف/ ايوا يعني اكيد صاحب الشركة جاي اخر الاسبوع............تمام ماتقلقش هجهز كل الملفات الا حضرتك طلبتها.......مع السلامه
دينا/ خير يا بابا في مشكلة في الشغل 
استاذ عبدلله / لاء ياحبيبتي كله تمام دا مالك الشركه الجديد هيوصل اخر الاسبوع و عايزين اجهزله شوية ملفات محتاجهم.......المهم قوليلي  هنا  عاملة ايه 
دينا/ الحمدلله كويسه سفرت النهارده عند بباها شوية كدا وادخل اكلمها اطمن عليه
**
في ايطاليا
سرين/ عمر  انا بجد مش هقدر اقعد هنا من غير بليز خدني معاك انا عايزه اشوف كايرو بجد
عمر  بملل/ سرين انتي عارفه انا مابحبش اقول نفس الكلام مرتين مش هينفع اخدك معايا انا رايح يومين شغلك واهرجع علي طول فابلاش شغل اطفال
سرين/ عمر انت ليه مش حاسس بيا انا بحبك ومش قادره تبعد عني حتي لو يوم
عمر بغضب/سرييين انا قولتلك مليون مره احنا اصدقاء وبس ومستحيل نبقا اكتر من كدا ياريت تفهمي كلامي ده كويس عشان مش هقوله تاني   اوك
سرين بمكر /اوك
**
مازن بيتكلم في الهاتف
مازن/ تمام انا عايزك تشوفلي حد يكون ثقة ويكون عنده علم كبير بالحضارة المصرية عشان يكون مرافق لعمر  كا مرشد سياحي يعني انا عايزه يحبب عمر في مصر وتاريخها وحضارتها وبلغه انه هيكون معانا في كل تحركتنا حتي الاقامه هيكوم معانا في نفس الفندق شوف كدا وبلغني.......سلام
**
عند هنا
هنا 💛علي سريرها بتبكي ومش مصدقه حسه ان البيت بقا خالي من الاكسجين مش قادرة تتنفس عايزه تخرج من البيت بأي طريقه حسه ان ده مابقاش بيتها ملهاش  اي حق فيه
تليفونها رن
هنا ببكاء/ الو
دينا/هنا حبيبتي عامله ايه بكلمك من بدري مش بتردي قلقتيني
هنا/ياريتني كنت موت يادينا وماشوفتش الا انا شوفته النهارده 
دينا/ بعدالشر عنك ياقلبي مالك في ايه
هنا ببكاء/ بابا اتجوز يا دينا في شهر العسل دلوقتي انا مخنوقه اوي مش قادرة اقعد هنا لحظه واحده
دينا/ اهدي ياحبيبتي انا مش فاهمه منك حاجه يعني ايه باباكي اتجوز  طب ازاي وامتي وفين
هنا/دينا انا بجد مش قادره اتكلم انا عايزع اخرج من هنا حالا مش هقعد هنا ثانيه واحده بس مش عارفه اروح فين واعمل ايه انا مخنوقه اووي مش قادره اتنفس
دينا/ طب اهدي ياحبيبتي ماتعمليش في نفسك كدا وان شاءالله هنلاقي حل ما تقلقيش
هنا/ماشي يادينا انا هقفل دلوقتي عشان مش قادره
**
والد هنا بغضب/ يعني ايه يا سمر دي بنتي واكيد مش هقفل بابي في وشها
سمر بمكر ودلع/يابودي احنا لسه عرسان وماينفعش تقعد وتكتم علي نفسنا كدا انا عايزه ابقا برحتي في بيتي البس برحتي وادلع علي جوزي حبيبي برحتي ولا ايه
والد هنا بضعف امام اغرأها/ ايه
سمر بمكر /لو محروج تقولها تمشي سيبهالي وانا هجبهلها بطريقة ماتزعلهاش 
عشان في موضوع كبير عايزاك فيه ومش هينفع وبنتك هنا   هروح انا اتكلم معاها
**
سمر/ هنا  انتي ناويه تتغدي معانا ولا هتمشي خفيفه كدا عشان ماتتعبيش في الطريق 
هنا باستغراب/ قصدك ايه يا سمر مش فاهمه
سمر/قاصدي ان احنا زي ما قولتلك عرسان جداد ووجودك هنا مايصحش وبصراحه بقا ابوكي عايزك تمشي ومحروج يقولك وكويس انتي لسا مافضتيش الشنطه بتاعك ياريت توفري علي نفسك وعلينا الاحراج وترجعي مكان ماكنتي واه قبل مانسى ياريت من هنا ورايح تعتمدي علي نفسك في مصاريفك ومصاريف كليتك عشان جوزي مش هيبعتلك ولا مليم بعد كدا انا اولا بالفلوس دي ولا ايه ههههههههههه

زوجتي المصون الفصل الثاني

في غرفة دينا صديقة هنا🌸
دينا/ اهدي بس ياهنا كفاية عياط بالله عليكي 
هنا/ انا مش مصدقة يادينا معقول بابا يطردني من البيت عشان خاطر سمر انا حسه اني بقيت يتيمة الام والاب كمان انا لوحدي يادينا بقيت في الشارع ومش عارفه هعمل ايه
دينا/ شارع ايه بس يا قلبي انتي معايا اهوه هتعيشي معايا هنا ونبقا علي طول مع بعض وانتي عارفة بابا وماما بيحبوكي اد ايه 
هنا/ لاء طبعا مش هينفع اعيش هنا علي طول انا لازم اشوف شغل بسرعه وكمان اشوف شقة اعيش فيها معلش يا دينا ممكن تستأذني من طنط ابات هنا النهارده بس وبكره ان شاء الله هتصرف
دينا ببكاء/ استأذن من ماما ايه بس انتي ليه بتقولي كدا دا بيتك وتقدري تفضلي هنا برحتك 
هنا بوجع وقهر/ انا مليش بيت يادينا دا بابا رماني في الشارع عشان خاطر مراته انتم ذنبكم ايه انا هبات النهارده بس وبكره ان شاءالله انا واثقه ربنا هيقف جنبي
**
في ايطاليا
مازن / انا كلمتهم في الشركة يوفرولنا مرشد سياحي يكون معانا طول الاسبوع الا هنكون فيه في مصر 
عمر / وايه لازمته مرشد سياحي احنا رايحين شغل مش فسح 
مازن/ ياعم انت طول عمرك عايش هنا ماتعرفش حاجه عن مصر وانا معلوماتي في التاريخ والحضارة شبه معدومه المرشد السياحي ده هينور بصيرتك وتشوف قوة وحضارة بلدك يمكن تحبها 
عمر/ طب اقفل كلام في الموضوع ده ماما وسرين جاين
**
كرولين مامت عمر 
تنتمي لعالم المال والاعمال تزوجت بعد وفاة والد عمر ٣ مرات من رجال اصغر منها في العمر وده عمل عقدة لعمر اعتقد ان مفيش ست بتعيش عمرها لراجل واحد وشايف ان الستات متعتها في المال تغير الرجال
**
كرولين وسرين / هاي عاملين ايه
مازن / بخير
كرولين / عمر انت فعلا فتحت فرع في مصر وهتسافر 
عمر/ ايوا في مشكلة
كرولين/ يعني ايه انت بتتحداني احنا مش متفقين نبعد عن مصر وعن كل الا فيها
عمر/ انا ماتفقتش حضرتك اتكلمتي وانا سمعت بس ماقولتش موافق وبعدين ممكن اعرف عايزه تبعديني عن مصر ليه انا مش الطفل الصغير الا تخافي ان جده ياخده منك انا كبرت وحضرتك كمان كبرتي ياريت تاخدي بالك من النقطة دي
كرولين / تقصد ايه مش فاهمه
عمر / كريم زوجك الجديد هيفهمك عن اذنك انا ماشي
**
فات يومين بدون احداث 
**
في منزل دينا
هنا/ دينا انا بجد محروجه اوي انا بقالي يومين بدور علي شغل ومش لاقيه مش عارفه اروح فين ولا اعمل ايه 
دينا / ياحبيبتي مش بابا بنفسه اتكلم معاكي وحلف ان انتي مش هتخرجي من البيت وهتفضلي عايشه معانا خلاص بقا محروجة من ايه ...... بص انا هروح المطبخ اعملنا كوبيتن شاي واجي نتفرج علي حاجه تسلينا ماشي
هنا بمحبه وامتنان / ماشي
**
والد دينا يتحدث في الهاتف بعصبيه
والد دينا/ يعني ايه نسيت انت بتقول عمر بيه جاي بكره وحضرتك نسيت موضوع المرشد السياحي والمفروض يكون موجود بكره في انتظار عمر بيه هنجيب مرشد سياحي منين دلوقتي...... .... طب اقفل وانا هشوف حل ..... سلام
دينا / بابا هو حضرتك عايز مرشد سياحي لمين
والدها/ لعمر بيه صاحب الشركة الجديد محتاج مرشد سياحي لمدة أسبوع يعرفه تريخ وحضارة مصر لانه تقريبا مايعرفش حاجه عن مصر وهيكون معاه في كل مكان 
دينا / طب هما هيدفعوا مبلغ كويس يعني 
والدها/ اكيد بتسألي ليه انتي تعرفي مرشد سياحي
دينا/ لاء اعرف مرشده سياحيه وبصراحه دي فرصة كويسه اووي ليها يابابا هتكون شغل وفسحه في نفس الوقت
والدها / قصدك مين
دينا/ هنا يابابا هنا شطرة جدا احسن من مليون مرشد سياحي تعرف كل تاريخ مصر لما بنطلع رحلة مع الكلية هنا بتكون المرشده السياحيه لرحله صدقني يا بابا دي فرصة كويسه ليها وكمان المبلغ الا هتاخده هيساعده كتير في مصاريف الجامعه وحياتي يابابا وحياتي وافق
وافق والد دينا بعد زن دينا الكتير عليه ولان ده الحل الوحيد ليه حاليا في مشكلة المرشد السياحي
**
دخلت دينا علي هنا 
انا عندي ليكي خبر ب مليييون بوسه 
هنا / خبر ايه 
دينا / انا لقيتلك شغل بكل الموصفات الا انتي عايزاها وحكت دينا لهنا كل الموضوع وحست هنا بقليل من الخوف لأنها طالبة هندسة تنتحل وظيفة مرشدة سياحيه ولكن دعت الله من قلبها ان يمر هذا الاسبوع علي خير
**
صباح يوم جديد يزداد فيه نور القاهره نور بوصول رجل الاعمال الشاب عمر المنياوي ويذهب مباشرة للجناح الخاص بيه في اكبر وافخم الفنادق بالقاهره 
ويذهب مازن لمقابلة المرشد السياحي في ردهة الفندق
ويتفاجاء مازن ببنت محجبه في قمة الجمال قصيرة القامة ناصعة البياض رقيقة الملامح ذو وجه طفولي برئ
هنا / اهلا بحضرتك ...... اهلا بحضرتك......ألوو ........هالوو ..... يا أخ ....انت نمت ولا ايه
مازن / ايه 
هنا / ايه ايه انا بكلم حضرتك حضرتك سامعني
مازن / انتي مين
هنا /انا المرشدة السياحيه.......هنا
مازن / دا من هنايا انا
هنا / افندم
مازن / انا اسف اهلا بيكي نورتينا
هنا / بأبتسامه رقيقه شكرا ....ممكن نتكلم شويه محتاجه اعرف الاماكن الا حبين ترحوها
مازن / بصي احنا من ايدك دي لأيدك دي برحتك اعملي فينا الا انتي عايزاه
هنا / اه ....طب بص حضرتك علشان نبقا علي نور من الاول كدا شغل النحنيح ده انا مابحبوش وبصراحة بقا انا طالبة في كلية هندسه بس عندي خبرة كبيرة في مجال السياحه ومتقلقش كل معلومة هقولهلك هتكون صحيحه مليون بالميه انا حبيت اعرف حضرتك من الاول لو حضرتك مش مقتنع بيا امشي من دلوقتي
مازن/ استني بس اديني فرصه اتكلم دخله فيا قطر ليه كدا...... اولا انا معجب جدا بصرحتك وعشان كدا اي معلومه هتقوليها هصدقها علي طول ........ولو علي عمر المنياوي ماتقلقيش خالص هو مايعرفش حاجه عن مصر اصلا يعني لو غلطي في اي معلومه مش هياخد باله فاعادي يعني بلاش توتر وان شاء الله نعمل احلي شغل مع بعض 
هنا / افندم
مازن/ دا مفتاح الغرفه بتاعك.... اتفضلي
هنا/ شكرا.......عن اذنك
**
عمر/ هو فين الزفت ده راح فين .........
...الو.. ايوا يامازن انت فين....... وبتعمل ايه عندك ......تمام انا نازل.......حاسبي
هنا /ااااه اوعا كدا ايه الا انت عملته ده ازي تضمني كدا
عمر/ انتي مجنونه انا لمستك .. انا الحق عليا اني لحقتك قبل ماتقعي كنت سبتك وقعتي واتكسرت رقبتك
هنا / ان شالله انت وبعدين انت الا ٦٠ مجنون ....انا كنت هقع غصب عني عشان الفستان طويل شويه
عمر / شويه بس دا انتي عايزه اتنين يلبسوه معاكي ابقي البسي حاجات علي قدك ياشطره عشان ماتمشيش تخبطي كدا في الناس
هنا / علي فكرة انت انسان قليل الادب وقليل الذوق
لسه عمر هيرد عليها ملقهاش قدامة طارت بعد ما قالت جملتها الاخيرة 😅
**
مازن/ انت فين يابني اتأخرت ليه 
عمر/ كنت بتخانق
مازن/ بتتخانق مع مين
عمر/ حتة بنت مجنونه وعايزه قطع لسانه بس تقع تحت ايدي تاني وانا هعرفها قلة الأدب وقلة الذوق علي حق
مازن بضحك/ طب اهدي واحكيلي ايه الا حصل
عمر/ سيبك منها المهم انت عاملت ايه المرشد السياحي وصل
مازن / اسكت يا عمر دا طلع جمال ايه وطعامة ايه ورقة ايه ولا صوته يجنن 
عمر/ بأستغراب دا مين ده الا جميل وصوته يجنن وانت اتجننت ولا ايه
مازن / بص انا مش هحكيلك عنه انت لازم تشوفه بنفسك هو شويه وهينزل عشان يتغدا معانا واعرفكم علي بعض 
**
بعد قليل
مازن قام وقف وقال/ اهو جه اهوه ....اهلا بيكي نورتينا
التفت عمر لقاها البنت المجنونه زي مالقبها
عمر / انتي
هنا / انت.. يتبع الفصل الثالث اضغط هنا
google-playkhamsatmostaqltradent