رواية توبة "محمد ورحمة" الفصل الرابع 4

الصفحة الرئيسية

رواية توبة (محمد ورحمة) البارت الرابع 4 بقلم نور

رواية توبة الفصل الرابع 4

وصلت الكلية وقدام الكلية لاقيت مجموعة شباب باين عليهم الهمج والبلطجة 
واحد منهم جه عليا وكلهم لما شافونى فضلوا يضحكوا 
وانا كنت بتجاهلهم وابعد عنهم وهما يقربوا اكتر واكتر
واتجمعوا حواليا وبداوا يتهاجموا عليا وياخدوا منى الشنطة وانا بصرخ ومافيش حد راضى يساعدنى لانه مسلحين وواحد منهم مد ايده وقطع فستانى انا وقفت فى ذهول ولميت فستانى ووقعت على الارض وانا بصرخ وقولهم عاوزين منى ايه مين انتوا حد يساعدنى 
وفجاة جه واحد ضربهم بالعصايه من ورا ونزل ضرب فيهم ده محمد
فى واحد جاى عليا انا ساعدنى يا محمد 
محمد جرى عليا وواحد منهم طلع المسدس وضرب طلقة الطلقة جايه عليا 
وبعد لحظة اتشهادت على روحي والطلقة خلاص صابت واحد الواحد ده مش انا ده محمد
صدقينى انا مش بحبك ❤والله.متصدقيش كلام سارة انا بحبك اوى متسبنيش ودخل اوضة العمليات وجت الممرضة وقالتلى انتى قريبته 
انا لاء 
قالتلى طيب ده تلفونه اتصلى باى حد من عيلته علشان اجراءات العملية خدت التلفون ولاقيت معمول برقم سرى 
ياربى هفتحه ازاى دلوقتي زمايله جهم وسالتهم لو حد معاه رقم والده او يعرف رقم السرى للتلفون مافيش حد عرف ولا حد معاه الرقم وجه بعد شوية واحد صاحبه الانتيم واسمه عمر 
عمر. رحمة محمد ماله ايه اللي حصل 
انا. محمد فى اوضة العمليات وعاوزين حد من عيلته ومش عارفة افتح التلفون 
عمر. اسمك ايه يارحمة 
انا. باستغراب 
عمر. اكتبى اسمك 
كتب اسمى والتلفون فتح واول لما فتحت التلفون لاقيت صورتى ايوه صورتى ده يوم التكريم وكاتب عليها حبيبتى ومراتى وام عيالي ان شاء الله ♥
عيط والدموع ملت عينى وجبت رقم والده واتصل بيه وقولتله لازم تيجي على المستشفى حالا 
وقفلت 
بعد ربع ساعه بالظبط جهم عيلته 
والد محمد. فى اى ابنى ماله 
انا. انا اسفة يا عمو كل ده بسببى 
والدة محمد. بسببك يعني ايه 
انا. قولتلها كل اللي حصل 
والدمحمد. مش ذنبك يابنتى محمد بيحبك وقالى كل حاجه عنك وانا بحترم اختيار ابنى وزى ما اتوقعت انا ومامته
اختياره صحيح دايما  
قعدت فى جنب وبقيت ادعى بحرقه وجع قلب فات ساعة ⌚محدش لسه طلع من الاوضة وبعد ساعة ونص خرجت الممرضة جرينا عليها وقولنا طمينينا 
الممرضة. الحالة حرجة جدا عاوز نقل دم بسرعة جدا وللاسف ذمرة دمه مش موجوده فى المستشفى وبنحاول بنتصل بمستشفيات تانية بس للاسف مش متوفرة حاليا ولازم نعمل لكل واحد هنا اختبار علشان ننقل دم بسرعة 
الكل دخل ولكن مافيش توافق بينهم 
فاضل انا دخلت وعملت اختبار وبردو زمرة دمى مش موافقة مع ذمرة دمه 
الممرضة خلال دقايق لو المريض ماخدتش الدم هيدخل فى غبيوبة او ممكن يموت 
الكل وقف مكانه واتمسمر انا لسانى عجز عن الكلام ومسكت تلفونى واتصلت بفاتن وسارة وكل طالب السكن جهم خلال لحظات والكل اعمله اختبار واللى ذمرة دمها اتوافقت معاه هى سارة 
لكن سارة رفضت تتبرع بالدم لمحمد 
انا. سارة ارجوكى ساعديه وانا هعملك اى حاجه تطلبيها 
سارة. هوافق بس بشرط 
انا. انا موافقة بس ارجوكى خشى 
خدتها الممرضة واتبرعت بالدم
والحمد لله خرج الدكتور وقالنا ان الحالة استقرت وبقى كويس بس مش هيفوق الا بكرة الصبح 
انا نزلت على الارض وحمدت ربنا 
سارة شدتنى وقدام كل اللى كان هناك وقالتلى بصوت عالى 
شرطى هو انك تروحي الكلية الصبح وانتى شايله شنطى هتكونى خادمة عندى لمدة شهر 
عمر. انتى بتقولى ايه مستحيل تعمل كدة انتى مجنونة 
انا. ولا يهمك يا عمر انا مش برجع فى كلامتى مهما كان 
رجعت على السكن وبات عمر فى المستشفى مع محمد 
وتاني يوم روحت الكلية وسارة اتصل بيا وقالتلى تعالى روقى اوضتى روحت وروقت اوضتها 
سارة. خدى كيس الزبالة وهاتى شنطتى وتعالى ورايا 
خدت الزبالة وشنطتها ومشيت وراها الكل اللى كان في السكن بقوا ينادولى خادمة سارة 
يا خادمة 
سارة حطى الزبالة هنا يا خادمتى المطيعة 
وركبت العربية وروحنا الكلية ودخلنا الكلية وانا وراها وبعمل اى حاجه تطلبها 
وبعد المحاضرات 
سارة. يا خادمتى تعالى ورايا على الكافتيريا 
روحنا الكافتيريا 
سارة. اسمعوا يا شباب محدش مطلوب منه النهاردة انه ينظف مكانه خادمتى الجديدة هتنظف المكان كله واى حد عاوز حاجه يطلبها منها 
عمر. سارة انتى كدة بتتخطى حدودك 
انا. مافيش مشكله يا عمر 
عمر.بس 
سارة خليك فى حالك يا استاذ عمر 
سارة قعدت والكل بقى ينادى عليا الكل بقى يرمى الزبالة فى الارض وانا انزل اشيلها وبعد ما الكل اتريقوا وروموا عليا الزبالة حبست دموعى بالعافية 
سارة. خادمتى تعالى قلعينى الكوتشى علشان رجلى وجعتنى واعمليلى مساج 
عمر. وقفنى وقالى متروحيش تعملى كدة 
سارة قامت وزقتنى على الارض وجابت الزبالة اللى فى السلة ورمتها عليا 
سارة. ده مكانك يا زبالة ده مكان واحدة زيك 
الكل فضل يضحك ويصوروا وانا متغطية بالزبالة قومت وجريت على السكن وقفلت بابى ووقفت قدام المرايا وانا كلى زبالة وقول الحمد لله الحمدلله الحمد لله وانا دموعى مالية وشى 
وفجاة الباب خبطت روحت فتحت ماكنتش اتوقع انه بابا 
بابا اول لما شاف منظرى 
بابا ايه ده ايه اللى حصلك ده 
انا. بابا انا وقعت فى الارض وكان فى زبالة 
بابا من غير تفكير ضربنى بالكف وشدنى من شعرى وقالى بصى لمنظرك الزبالة ده انا بنتى تكون شكلها كده ايه القرف ده طالعة زى امك زبالة ناس  زبالة 
خدى فلوس الكتب اهى جتك القرف غورى ربنا ياخدك 
وقفل الباب ومشى 
لميت الفلوس اللي رماها على الارض ودخلت الحمام واستحميت وغيرت هدومى ودخلت صليت ودعيت ربنا كتير 
واتصلت بعمر واطمنت على محمد وقولتله انى هاجى بكرة اتطمن عليه ورميت التلفون وتربست الباب وقعدت فى الارض وفضلت اعيط بكل حرقه اعيط ورفعت ايدى لسما وقولت يارب انا عبد ضعيف يارب ارحمنى وسامحينى
وساعدنى انا بقيت موجوعة اووى من جوه قلبى واجعنى اوووى ونمت من كتر وجعى وتانى يوم صحيت على صوت خبط جامد على الباب 
فتحت دى فاتن 
فاتن. الحقى ياسارة تعالى معايا بسرعة 
يتبع الفصل الخامس اضغط هنا
google-playkhamsatmostaqltradent