رواية توبة "محمد ورحمة" الفصل العاشر والأخير

الصفحة الرئيسية

رواية توبة (محمد ورحمة) البارت العاشر والأخير بقلم نور

رواية توبة الفصل الأخير

هو. انا المعيد احمد 
انا. اهلا يافندم 
المعيد احمد. انا كنت عاوز اسالك شويه اسئلة لو ماعندكيش مانع 
انا. لا ابدا اتفضل 
احمد. انتى ازاى بتطلعى الاول ومش بتحضرى ولا سكشن 
انا. انا بتابع حضرتك على الفيس اونلاين والسكاشن باخدها من زمايلك 
المعيد احمد. ولا انتى فى حاجه منعاكى تيجى الكلية.
انا. اكيد حضرتك سمعت كلام كتير عليا بس انا مش بحب ابرر اى حاجه انا اهو جيت وانا ماعملتش حاجه غلط وانا بخاف ربنا قبل ما اخاف منهم 
المعيد احمد. بس انا ماقولتش حاجه 
انا. حضرتك العنوان باين من اوله وانا مش غبيه انا الاول على الدفع من تلت سنين 
المعيد احمد. ممكن اسم الاكونت بتاعك على الفيس 
انا ليه يافندم 
هو. هبعتلك السكاشن عليه 
انا. شكرا لحضرتك بس اختى بتجبهوملى عن اذنك 
ومشيت 
ومر يومين ولاقيت المعيد احمد داخل يكلمنى على الاكونت فتحت الرسالة 
هو. بصي انا اسف اولا لدخولى خاص هنا واتمنى ماكنش ازعجتك بس انا عاوز اعرف القصة كلها 
انا. رديت وقولتله اللى حصل كان سوء اختيار منى. 
هو. طيب احكيلى يمكن اساعدك
انا اسفة بس صدقتى بقيت معدومة فى اى حد
هو. انا مقولتكيش تثقى فيا 
انا. اوك
هو. احكيلى 
انا. تمام هقولك عادى القصة بقيت معروفة فى الكلية كلها حكيتله القصة كلها
هو. طيب انتى ليه مواجهتوش بالحقيقه وليه ماقولتهوش ان اى واحده فى مكانك كانت عملت كدة من حبها ليه وغيرتها عليه 
انا. ماكنش ينفع اتمسك بواحد باعنى وقال انه مش ممكن يرجعلى 
فى نفس الوقت اللي كنت بكلم فيه المعيد رسالة وصلتنى دى من محمد 
محمد. انتى لاقينى فريسة جديدة تتضحكى عليها بكلامك ما هو فعلا قصصك ما بتخلص ابوكى كان عنده حق لما رماكى زى الكلاب انتى واخويا شفت الرسالة وقفلت التلفون كلامات الرسالة قتلتنى من جوه وجعتني جدا ايوه وجعتنى ما انا زى الهبلة لسه بحبه 
خلصت  امتحانات وكل يوم اسمع خبر انى انا والمعيد الجديد 🆕بنحب بعض ولما سالت مين طلع علينا كدة يطلع محمد حبيب عمرى 
عيطت ودى كان اول مره اعيط قدام النااس شافنى المعيد وجه عليا ومسك ايدى وقال بكل فخر يزدنى فخر وشرف انى احب انسانة زيها ايوه بحبها وبحبها جدا ازاى محبهاش وهى بريئة زى الاطفال جميله بجمال القمر قلبها نقى زى اللبن ايوه بحبها والخطوبة الشهر الجاي 
سبت ايده وانا ببصله بتعجب شديد باين على ملامحى وجريت وانا بجرى خبطت فى واحد  ده كان بابا خوفت ورجعت لورا 
جه عليا وخدنى من ايدى ووادنى على الشقة القديمة اللى سبنها وربطنى هناك 
وقفل عليا الباب وضرب فيا ليل ونهار وخدت التلفون ورماه من البلكونة وقالى بتحبى بتحبى وخليتى سمعت فى الكلية زفت شوفتى النت مليان بصورك انتى والبيه وورانى الصور كان صورى انا ومحمد انا بصدمة ازاى
بابا ازاى يا بنت الكلب 
نزل فيا ضرب 
حبسنى فى الشقة لمدة تلت سنين تلت سنين ومحدش عرف عنى حاجه كان كل يوم يجى يضربنى طول الليل ويحطلى اكل من الزبالة يغمى عليا وفوق على ماية متلجة فى وشى لمدة تلت سنين ماشفتش الدنيا كان قلبى واجعنى على اخويا 
فاتن ولا المعيد دوروا عليا لان بابا جاب جثة كانت ميتة محروقة وقالهم انى مت محروقة من وجعى وسارة خدت اخويا ومارضتش تديه لبابا 
كنت بتمنى من ربنا انى اموت ما انا كدة كدة ميتة فى نظر العالم 🌏
احسن ما اموت الف مره من وجع قلبي على حبى اللى قتلنى وخدعنى وشوه سمعتى
تعبت جدا وخلاص يأيست من حياتى بابا مقتلنيش علشان اتعذب وماشفش الراحة لانى جبتله العار وده عقابى 
وفى يوم بعد تلت سنين معاناة بابا وهو بيضرب فيا تلفونه وجع منه جنبى 
خبيته بسرعة كان كل همي اطلع اشوف اخويا ولو لليوم 
جه بابا ودور على تلفونه وانا كنت عاملة نفسي مغمى عليا 
ولحسن الحظ كنت حافظة رقم سارة اتصلت عليها وكان صوتى رايح 
سارة. الووو. 
انا الوو
سارة سكت وباستغراب الصوت ده مش غريب عليا 
انا. انا رحمة ياسارة انا فى الشقه القديمة تعاليلى بسرعة قبل ما الليل يجى 
سارة بصدمة انا جاية 
جت سارة وفتحت الباب لاقيتنى مرمية فى الارض اتصل بالشرطة والاسعاف وخدونى على المستشفى فضلت هناك شهر فاقدة الوعى 
وفوقت لاقيت سارة واخويا جبنى وعمر اللى بقا خطيب فاتن 
فاتن. رحمة 
عمار اختى رحمة اصحى 
فتحت عينى وبصيت لعمار كان كبر واحلو بوسته 
فاتن نادت لدكتور 
الدكتور. مين اللي عمل فيكي كدة انتى جسمك كله مشوه من الضرب وشك مفهوش حتة سليمة 
انا. ماردتش 
فاتن فهمت انى مش عاوزة اتكلم 
طلبت من الدكتور انى اخرج من المستشفى الدكتور وافق بعد الحاح شديد مع الراحة التامة ليا
خرجت من المستشفى وروحت الشقة بعتى وقعدت فيها لمدة شهرين بقيت احسن 
فاتن. انا سبتك طول الشهور دى كلها مين عمل فيكي كدة وباباكى ليه قال انك موتى 
انا. احكيلى ايه حصل فى غيابى 
فاتن يوم ما ابوكى خدك جه بليل وجاب جثة وكانت محروقة وقال انك انتى انتحرتى وفعلا الجثة راحت للطب الشرعى وقال ان دى انتحار 
بعدها اخوكى تعب جدا وابوكى كان عاوز ياخده بس انا رفضت وبشدة سبهولى 
ومحمد. انهار وجاتله حالة عصبية لدرجه انه بقى يقعد فى المكتبة القديمة ويكلمك على انك موجودة ومعاه والمعيد احمد سافر من هنا 
وانا شوفت ايام صعبة جدا من غيرك كنت بموت كل يوم من غيرك 
واحشتنى اوى قوليلى مين عمل فيكى كدة. 
انا. بابا وحكيتلها كل حاجه 
فاتن. ازاى وانتى ساكتة لغايه دلوقتي ده وحش لازم يتعاقب 
انا. فاتن ده بابا 
فاتن. لا مستحيل يكون اب والله مستحيل 
انا. اوعديني انك مجبيش سيرة لحد 
فاتن. بس 
انا. لا بس ولا غيره 
فاتن اللى انتى عاوزاه 
فى الوقت ده من غير ما اخد بالى كان عمار اخويا اللى عمره 8سنين نص سمعنا نزل جرى وراح على مركز الشرطة وحكى للظابط اللى جالى المستشفى وانا رفضت اتكلم. حكاله كل حاجه 
فاتن دورت على عمار وملاقتهوش 
فاتن صرخت وقالت مش لاقيه عمار 
وفجاة الباب خبط دخلت الشرطة 
الظابط انا عرفت كل حاجه من اخوكى عمار 
انا بصرخ طيب هو فين 
الظابط جه واحد اسمه محمد وخده 
انا محمد جريت زى المجنون ولافيت الشوارع كلها وروحت لمحمد البيت ملاقتهوش جريت واخر لما تعبت روحت على البحر لاقيت راجل شايل طفل وبيلعبه 
ده عمار اخويا 
جريت عمار عمار 
عمار سابه وجه جت فاتن ورايا 
وخدت عمار ومحمد بيقرب منى وانا ببعد جريت وجرى ورايا وهو بينادى رحمة استنى رحمة استنى انا اسف سامحنى ارجوكى وانا بجرى زى المجنونة فى الشارع وجت عربية شالتنى من على الارض ومحستش فى نفسى الا فى اوضة المستشفى والدكتور بيقول احنا عملنا اللى علينا وهى فى غبيوبة دلوقتي 
وسمعت صوت بابا وهو بيعيط جنبى وبيقول كل ده بسببى صوت محمد وهو بعيط علشان بابا يرضى يدخله 
انا سامعة كل حاجه بس مش قادره اقوم 
وفجاة سمعت صوت الشرطة وهى داخلة تقبض على بابا وهو سلم نفسه واعترف بكل حاجه وقبل ما يمشى قالى سامحينى يابنتى انا معرفتش قميتكم الا لما ابنى اللى من مراتى التانية مات وكان قاسى عليا عرفت معنى حنيتكم عليا انا اسف 
وخرج وجت فاتن جنبى وقالتلى نامى يا اختى نامى وارتاحى كفايه عليكى تعب 
ومرت سنة وانا بسمع وبس بسمع صوت محمد بدموع كل يوم وهو بيصلى جنبى علشان اصحى واسمع صوت فاتن وعمار وعمر 
وبعد مرور سنة كان فرح فاتن وجت تعزمنى وكانت جايبه معها المعيد احمد 
قعدت جنبى المعيد احمد وقالى رحمة انا عارف انك سمعنى كويس قاومى يا رحمة ارجعى ارجعى علشان تكملى تعليمك علشان تشوفى اخوكى بيكبر قدامك فوقى يا رحمة قامى انا عارف انك عانيتى كتير بس انا بحبك ❤والله عارف انك مش هتصدقينى بس طول السنين اللي فاتت دى وانا مستنيكى ترجعيلى وعيط ودموعه نزلت على ايدى ايدى اتحركت ايوه ايدى اتحركت 
بدا جسمى يستجيب لكلامه وفعلا فضل يتكلم وانا بستجيب وصحيت بعد اسبوع وهو قاعد جنبى ماتحركش لا كل ولا شرب قاعد يتكلم معايا ويدعيلى ومحمد قاعد ساكت مش بيتكلم وصحيت اخيرا وفتحت عينى بهدوء 
لاقيت الدكتور واحمد ومحمد وفاتن وعمر وعمار جنبى شاورت بايدى على احمد جه جنبى ومسك ايدى وطمنى 
الدكتور. سبحان الله قومتى وفوقتى واكتبلك عمر جديد لازم ترتاحي شويه 
وفضلت شهر في المستشفى ويوم خروجى جه احمد وخدنى على فيلاته ودخلنى اوضه كلها فساتين وجت واحدة وقالتلى اتفضلى يا انسة علشان تجهزى 
بصيت لاحمد. 
بصلى وقالى ايوه يا مدام احمد النهارده فرحك 
دخلت وانا عينا بس اللى بتكلم من الفرحة 
ولبست الفستان الابيض وبقيت عروسه زى القمر وطلعت على الصالة لاقيت فرح جميل وهادى زى اللى حلمت بيه بالظبط 
وكتبنا الكتاب وبقيت مدام احمد 
وكان اخويا جنبى ولابس بدلة زى العريس بالظبط وبيرقص وفرحان وظهر فجاة محمد فى وسط. الفرح وطلع مسدس وشاور بيه على احمد وقالى بغضب لو مش هتكونى ليا مش هتكونى لغير وضرب بالمسدس زقيت احمد والطلقة جت فيا واترميت على الارض بس المرادى روحت للابد روحت عند امى وقبل ما اموت مسك ايد احمد وقولتله ان عمار امانة فى رقبتك واوعدنى انك تكمل حياتك وتجوز وبعد عناء واعدنى ومحمد انهار عليا ومسك المسدس وموت نفسه 
بصيت لاحمد وقولتله اول مره هقولهالك ويمكن اخر مره انا بحبك ❤خالى بالك من نفسك 
وراحت الروح لمن خلقها وروحت عروس للجنة بفستانى وفرحى كان هناك وارتحت اخيرا من قسوة الحياة  
المختصر ان فى اباء كتير زى والد رحمة فى اطفال كتير بيعانوا بس عدم التوافق بين الاهل وفى زى محمد اللى حبها بحنون بس كبريائه وغروره منعه يكمل حبه وفى زى فاتن اللى الدنيابتبعتها لينا علشان تعنا فى فى الحياة كتير اوى بس اختار البذرة اللى هتزرعها فى قلبك علشان هيكون صعب اقتلاع الشجرة اللى هتنبت بعد كدة تمت رواية جديدة اضغط هنا
google-playkhamsatmostaqltradent