قصة بنت في الشارع الساعة 3 الفجر قصة باللهجة المصرية كاملة بقلم الكاتبة مرام السيد عبر مدونة دليل الروايات للقراءة والتحميل Pdf، وهي قصة رائعة تجمع بين الحب والمشاكل الاجتماعية.
قصة باللهجة المصرية
_انتي بتعملي ايه هنا يا آنسة
=يخربيتك في حد يخض حد كدا
_و هو في بنت محترمة تكون موجودة في الشارع لحد الساعة 3 الفجر!!!
=و انت مالك
_صح انا مالي.. عن اذنك
=طب بقولك ايه
_افندم
=هو ممكن تقولي إحنا فين
_نعم!!!
=اقصد يعني المنطقة اللي احنا فيها..
_و انتي بتعملي ايه في مكان متعوفهوش
=هو انت هتقعد تحقق معايا.. م تقولي احنا فين و اخلص
_تعرفي انا واحد مهزأ عشان بضيع وقتي معاكي
=م تحترم نفسك بقا..
هو انا بسألك عن سبب بوظان طبقة الأوزون
_بوظان!!!
=هاا بقا
_في 6 أكتوبر ارتحتي
بهمس=يلهوي يعني انا لفيت كل ده
_بتقولي ايه
=و لا حاجة.. شكراً ليك
_لو عايزاني أوصلك لمكان معين مافيش مشكلة
=ايوة والله انا قولت من الأول انك شخص قليل الأدب و مش سالك.. هو انت فاكرني منهم يا حي..
_اسكتي.. اسكتي.. دا يخربيت فعلا اللي عايز يعمل حاجة عمل نبيل في حد..
مع نفسك بقا.. سلام
=انا آسفة..
بس فعلا انا معرفش المكان اللي انا فيه ده.. و خايفة
_عايزة تروحي فين يعني!!
=مش عارفة
_اللهم طولك ياروح
=انا فعلا مش عارفة مكان اروحه
_و المطلوب مني
بدموع= مش عارفة.. مش عارفة انا فين و بعمل ايه و واقفة معاك ليه أصلا.. و لا عارفة المفروض اروح فين و ايه اللي وصلني لكدا
_ممكن تهدي.. و تفهميني يمكن اقدر اساعدك
=مش هتعرف.. محدش عرف يساعدني
_انا عندي حل.. لكن هتعلي صوتك و تهزأيني والله هسيبك و امشي..
=ايه هو..
_تيجي معايا البيت
=اااه يا حيو...
_سلام عليكم
=استني بس ياسمك ايه انت!!
**
_اتفضلي ادخلي..
=انا واحدة مشافتش بجنيه تربية عشان ركبت معاك عربيتك و جيت معاك شقتك..
_فيلتي.. اسمها فيلا على فكرة..
ثم ان ده الحل الوحيد اللي قدرت افكر فيه.. عقبال م اشوفلك مكان تقدري تقعدي فيه لوحدك.. ثم اصلا يعني.. انا مش لوحدي في الفيلا.. الخدامين موجدين هنا و الحرس كمان.. ف احنا مش لوحدنا..
اوضتك هتكون تحت هنا.. و انا اوضتي فوق.. و متقلقيش فيها مفتاح تقدري تقفلي على نفسك.. يعني أمان اهو..
تصبحي على خير
=انا أسفة.. و الله أسفة.. انا بس مش مستعوبة لكل اللي حصل ده.. و بجد شكراً ليك
_العفو.. و ده زي م قولتلك عمل إنساني مني ما اكتر
محتاجة حاجة تاني!!
=شكراً
_تصبحي على خير..
'واو.. ايه الاوضة الكبيرة الجميلة دي.. دا طلع اللي بنشوفه في الأفلام حقيقة بقا.. و ايه دآ حمام في الاوضة.. انا اول مرة أشوف حمام في أوضة!!'
**
_صباح الخير
=صباح النور
_يلا عشان ده معاد الفطار..
=تمام.. بس هو يعني..
=أيه..
_هو يعني محتاجة هدوم.. عشان..
_تمام.. مؤقتك هجيبلك حاجة من عندي تلبسيها لحد م اجبلك هدوم
=هو انا هفضل هنا كتير!!
_لحد م اشوفلك حل..
=و الحل ده هياخد كتير اوي يعني..
_لو قولتيلي حكايتك ممكن أشوفلك حل دلوقتي لو حابة..
بس حاليا فعلا لازم أمشي عشان اتأخرت على شغلي.. و لما أرجع لينا كلام من بعض..
مع السلامة
بإبستامة= مع السلامة..
'ماشاء الله يعني.. شاب في العشرينيات قاعد في فيلا لوحده مع الخدم بتوعه.. و معاه عربية أحدث موديل و لا عايش في فيلا.. جنة والله.. جنينة و حمام سباحة و ورد و هواها يرد الروح و في مكان نضيف.. انا مش بحسد.. انا بوصف بس'
_تشربي حاجة يا هانم..
=شاي.. ممكن شاي مظبوط
_تحت أمر حضرتك
'بتعامل معاملة ملوكي و لا أكني بنت باشا والله'
_سلام عليكم..
=حمدلله على السلامة..
_الله يسلمك..
ايه ملبستيش من هدومي ليه..
=بصراحة معرفش اوضتك فين.. بيتك يتوه والله
بإبستامة_ خلاص هطلع اجيبلك انا و هغير هدومي و انزل و على متخلصي يكون الغدا جهز و ناكل تمام..
=تمام
=هو انت بتشتغل في المخدرات؟!
_اييه!!
=اصلك يعني ماشاء الله مبسوط و انت لسا شاب.. دا الواحد مننا بيقعد سنين عمره عشان يعرف يجمع مبلغ بسيط يأمنه لو حصله ظرف..
_انا رجل أعمال
=هاااا
_متستغربيش كدا..
انا باردو طلع عيني على موصلت للي انا فيه.. شقيت و تعبت.. بس بدأت من صغري.. لحد م وصلت للي انتي شيفاه ده..
هو انا بحكي عن نفسي ليه.. خلينا فيكي انتي..
احكيلي..
=انا بنت الزمن حلم ليقف ضدها..
انا موعاش على أبويا و أمي.. صحيت لقيتني في بيت عمي مع مراته و عياله التلاتة.. و اهلي ميتين..
عيلة متفككة.. ف مكنش ناقصها طرف سادس يبوظها اكتر م هي بايظة..
عمي كان قاسي معايا اوي.. معدلش و لا نَصف بيني و بين ولاده في مرة و الدليل انه خرجني من التعليم في ثانوي.. تعرف انا كنت جايبة مجموع عالي اوي في اعدادي يدخلني ثانوية عامة.. لكن عمي رفض و دخلي ثانوي تجاري.. ولاده كلهم في كليات كويسة و متعلمين تعليم عالي.. الا انا.. انا قليلة وسطهم.. انا اللي استحملت فوق طاقتي لحد م خلاص بقا..
حياة مخترتهاش.. ف مش هيبقي مستقبل باردو مخترتوش.. عمي جايبلي عريس غني اوي.. زيك كدا.. بس عينه زايغة و بتاع بنات.. اتخطبنا فترة و كانت بصاته و معاملته ليا غريبة.. و اكتشفت انه خاين.. قولت لعمي مصدقنيش و عجل الجواز.. و انا حلفت ان بموتي لو اتجوزته.. و كان كلام عمي ماشي لحد قبل الفرح بيومين و قررت أن أهرب و هربت فعلا..
و مكنتش عارفة اروح فين و لا أعمل ايه.. فضلت ألف في الشوارع.. كان معايا مبلغ بسيط.. لحد م خلص و انت جيت و شوفتني..
=ايه سرحت في أيه..
_لا و لا حاجة..
تعرفي ان حياتك شويا مشابهة لحياتك..
انا كمان عيشت ايام كتير كانت وحشة..
أهلي ماتو و انا عندي 18 سنة و سابوني لوحدي.. و مكنش معايا جنيه اقدر اصرف على نفسي بيه.. لحد م اشتغلت و اتمرمطت و كملت تعليمي و خلصت و كملت معافرة لحد م وصلت للي انا فيه ده..
=ربنا يعينا على حياتنا..
طب انا اهو حكيتلك حكايتي هتحلها أزاي بقا..
_هقولك..
انتي مش بتقولي أنك دخلتي ثانوي تجاري.. يعني معاكي دبلوم تجارة.. اكيد تفهمي في حاجات التجارة.. و انا خريج كلية تجارة.. ف هعينك سكرتيرة في الشركة بتاعتي.. و هتكوني سكرتيرتي الخاصة.. و هعلمك كل الشغل و افهمك بيمشي أزاي.. و لو على المكان اللي هتعيشي فيه.. هشوفلك شقة هنا قريبة من الفيلا بتاعتي عشان تكوني على راحتك.. و ياستي ابقي ادفعي تمنها من مرتبك..
ايه رأيك بقا
=انا مستغربة اللي انت بتقوله.. انت بجد هتعملي كل ده!!
بإبستامة_ اه.. انا اصلا كنت بدور على سكرتيرة.. ف القدر وقعك في طريقي.. و بعدين انا بعمل عمل إنساني و لا ايه
بإبستامة= و لا أيه..
**
'هي الدنيا مالها فجأة ضحكتلي كدا ليه.. في يوم و ليلة بعدت عن عمي و عيشته اللي كانت كرهتني في الدنيا يكل مافيها و بقا ليا شقة لوحدي و لبس كتير زي م منت بتمني و شغل كمان..
بس كل ده بفضل ربنا ثم مراد.. لايق عليه الإسم والله.. حاجة كدا هيبة طول بعرض بجمال و ابستامة و عيون قمر و غمازات تجنن.. ألاه ايه اللي انا بقوله ده بس..'
**
_مرام هاتيلي ملف صققة شركة المنشاوي كدا..
=حاضر
اتفضل
_هو انتي حاطة ميكب!!
=اه.. شكلي حلو بيه
_لا
بحزن= نعم!!
_من غيره أحلى بكتير.. متحطيش البتاع ده تاني عشان ظالم جمالك..
_هااااا
بإبستامة= اقفلي بؤقك بس كدا و تعالي معايا عشان عايز أقولك حاجة مهمة اوي
_افتحي الملف ده كدا..
=ايه ده..
_ده ملف بيثبت انك طالبة في كلية تجارة..
=انت بتقول أيه!!!
_مجموعك كان كببر و محتاجتش ان اعملك معادلة او حتى تدخلي معهد.. و قدمتلك على طول في الكلية.. حلمك انك تكملي تعليمك اعتقد هيبقي حقيقة أهو.. مينفعش تكوني قليلة أبدا.. انتي تستاهلي كل الحلو..
=مراد انت بتتكلم جد.. يعني انا هكون خريجة جامعة صح.. يعني معايا مؤهل عالي.. يااااااس
شكرا اوي يا مراد على كل اللي بتعمله معايا.. بجد انت جيت على حياتي و غيرتها كتير اوي..
_انا معملتش حاجة.. اهم حاجة ان أشوفك مبسوطة و بس كدا!!
'وجود مراد في حياتي.. فرقلي كتير اوي.. شغل و بيت و تعليم.. اعتقد حاجات كان أخرى ان احلم بيها بس.. لكن هو حققهالي فعلا..
مراد ساعدني كتير في مذاكرتي و خلاني اوفق بين المذاكرة و الشغل.. مع انه قالي كتير اسيب الشغل فترة الدراسة لكن انا رفضت.. م هو أصل مينفعش اسيب الشغل لوحده.. او بمعني اصح.. مينفعش اسيب مراد فترة كبيرة كدا.. حبيته.. اه حبيته و عشقته كمان.. دا هو السبب في اللي انا فيه و اللي وصلتله..'
**
_نقدر نقول مبروك التخرج بقا
=مراد انا مبحلمش صح!!
_لا..
=انا من كتر فرحتي و انا مش عارفة اعبر عنها والله..
عارف انا لو قعدت اشكرك عمري كله مش هعرف اوفيلك كل اللي عملته معايا..
_عايزة ترديلي اللي عملته معاكي..
=ااه
_تقبلي تتجوزيني..
انا صبرت 4 سنين و شويا و هنتحر والله..
فاكرة اما كنتي كل مرة تشكريني فيها و أقولك دا عمل إنساني..
مكنش عمل إنساني ابدا.. كان حب.. حب مفهمتوش غير على أيدك..
من اول م شوفتك و انا قلبي دقلك و حلف م يدق لغيرك..
تقبلي تكونيلي حياتي الجاية.. يا قدري الجميل
_أقبل يا عوض السنين كلها..
"و في بحر عشقك انا سقطت"♥️ قراءة قصة جديدة اضغط هنا