رواية فيروزتي بقلم الاء اشرف كاملة جميع الفصول من الفصل الأول إلى الاخير، وهي رواية تحكي عن قصة بين فيروز واسلام ابطال الرواية ومايحدث بينهم من مغامرات حب وعشق ومشاكل وكل شيء، ونتمنى لكم قراءة ممتعة عبر مدونتنا دليل الروايات للقراءة والتحميل.
رواية فيروزتي الفصل الأول
فيروز:صباح الخير ع احلي معيد ف الدنيا
اسلام:صباح الزفت ع دماغك كنتي سهررانه ع الواتس مع مين ي زفته و صاحيه متأخر
فيروز:الله احنا بنغير بقا
اسلام:هغير عليكي ي بت ده انا لو اتجوزت اجيب قدك
فيروز:لقد جرحتني انت قلبك قاسي
اسلام:اوي اوي
فيروز:انت مش بتحس
اسلام:كدا و كداا
فيروز:رررجب
اسلام:خلاص يروح طنط مش فاضيلك
فيروز:احلي مسا ع دماغك هخلص محاضرات و اجيلك
فيروز و اسلام صحاب من زمان و علاقتهم قويه جداً "
فيروز:كانت بتعمل اي دي هنا
اسلام:سيبك منها انا جعان
فيروز:طنطك سعاد محضرالنا اكلة محشي هتاكل صوابع رجلك وراها و مش بس كدا لا بوشكش بيضحي و هنجبلك الحمام الل بتحبو
اسلام:ده اي الكرم ده م ابوكي طول عمرو بخيل
فيروز:تصدق انا غلطانه روح كل من عم عبدو بتاع الكشري ي عاذب ي الل مش لاقي حد يطبخلك
"فضلو يهزرو لحد م وصلو البيت"
ام فيروز:الاكل مكنش عجبك و لا اي مش اكلتك دي
اسلام:لا تسلم ايدك ي طنط حقيقي كان فوق الخيال كالعاده
فيروز:مش عاجبو اي ده اي حاجه هتكون ارحم من عم عبدو الل بيطبخلو...ايسو
اسلام:قلب ايسو
فيروز:مالك انهارده هي البت دي قالتلك اي
اسلام:عاوزه نرجع
فيروز:قولها عند امك قال ترجع قال..اسلام اوعي تكون بتحن و كدا انت ناسي اخر مره عملت اي
اسلام:مش ناسي ي فيروز مش ناسي لما هزقتني ف نص الجامعه لما كنا لسه بندرس و لا ناسي بصة الناس ليا بس بقالها سنه بتتحايل عليا اكيد اتغيرت
فيروز:حنيت ي كبير ي عاقل ي متعلم و دخل عليك شوية السهوكه دول
اسلام:بنت انتي اسكتي
"تاني يوم الصبح ف الجامعه "
ريم:فيروز..
فيروز:ينعم
ريم:ممكن نتكلم ف مكتبي شويه
فيروز:اسفه ي دكتوور ورايا محاضره
ريم:لو سمحت محتاجه نتكلم انتي اقرب حد لي
فيروز:دلوقت بقيت اقرب حد لي مش كنت زمان بتقولي ان انا الشيطانه الل ف حياتكو الل عاوزه اخرب حياته
ريم:كنت غلط..انا بحب اسلام و ندمت
فيروز:بحذرك اهو ابعدي عنه اسلام مش هيرجعلك و لو فكرتي تكلميه تاني مش هرحمك ي ريم
"ريم سابتها و مشيت و راحت مكتب اسلام"
ريم:صباح الخير
اسلام:انا مش فاضي
* بحذرك اهو ابعدي عنه اسلام مش هيرجعلك و لو فكرتي تكلميه تاني مش هرحمك ي ريم *
ريم:حبيت بس اوريك ان هي الل وقعت بينا زمان و شوهت صورتك قدامي عشان اعمل فيك كدا "بدأت تمثل انها بتعيط "انت ظالمني ي اسلام حقيقي ظالمني
اسلام:لو سمحت ممكن تهدي اكيد ف حاجه غلط
ريم:بقولك هي السبب مش مصدق ودنك كمان
اسلام:مستحيل فيروز هتعمل كده ليه
ريم:عشان بتحبك و عاوزه تبعدك عني عشان انت حبتني انا و هي لا
اسلام:معقول فيروز تفكر كدا
"فيروز دخلت المكتب"
فيروز:يلا ي ايسو اتأخرنا
اسلام:تعالي ي فيروز..بااركيلي انا هخطب رريم
"و فعلا اسلام خطبها و نجحت ف خطتها بس فيروز معرفتش اي حاجه عن الكلام الل هي قالتو"
فيروز:اي رأيك يماما
ام فيروز:متأكده انك عاوزه تروحي..ممكن تعتذري
فيروز:دي خطوبه اسلام يماما
ام فيروز:كان نفسي تبقي من نصيبه
فيروز:اي الل بتقوليه ده يماما اسلام اخويا
ام فيروز:اه م انا عارفه انا داخله اشوف المسلسل
"دخلت فيروز الحفله و كانت حاسه بخنقه رغم كل نطرات الاعجاب الل كانت حواليها"
فيروز:الف مبروك ي ايسو
اسلام:اي يبت الحلاوه دي
"فيروز كانت لابسه فستان باللون الابيض طويل كت و جوانتي فوق الاكوع دانتيل و رافعه شعرها "
فيروز:من بعض ما عندكم ي عريس
اسلام:الفضل يرجعلك ي صديقتي
فيروز:يااه دلوقت بقيت صديقتك مش كنت من يومين بنتك
اسلام:عاوزك تعالي برا شويه
"خدها و طلعو وقفو قدام العربيه"
اسلام:بردانه!
فيروز:شويه
"قلع جاكت البدله و حطو عليها"
فيروز:شكراً..ممكن اعرف سيبت خطوبتك و جايبنا هنا ليه اسلام:عاوز اسمعك حاجه
* بحذرك اهو ابعدي عنه اسلام مش هيرجعلك و لو فكرتي تكلميه تاني مش هرحمك ي ريم *
فيروز:اي ده
اسلام:متخيلتش ان تكوني كدا ي فيروز كنتي عاوزه تدمري حياتي تخسريني البنت الوحيده الل حبتها و كمان تفضحيني و تكسري كرامتي قدام الناس
فيروز:انت اكيد اتجننت..الشيطانه دي كدبت عليك.. انا ي اسلام هدمرك طب ليه ده انت اخويا و ابويا و كل حاجه ف حياتي ده انا لو خيروني بينك و بين نفسي هختارك اه ي اسلام بحبك و محببتش راجل قدك بس ده مش ذنبي ده ذنبك انت الل علقتني بيك طولك عمرك جمبي بتخرجني و تبسطني و بتغير عليا انت كنت كل حاجه ف حياتي ي اسلام انت الوحيد الل راهنت عليه بعمري لكن يوم م اختارت كانت سعادتك مش سعادتي..ساكت ليه..انا هثبتلك انها كدابه
"جريت ع الحفله لكن ف نص الطريق كعبها اتكسر وقفت تعدلو لكن.."
اسلام: حاسبي ي فيروووز لاا
يتبع الفصل الثاني اضغط هنا