رواية الهاربة والشرطي بقلم الكاتبة أميرة جمال، الرواية كاملة جميع الفصول من الفصل الأول إلى الأخير، وهي رواية رومانسية اجتماعية تجمع بين فتاة هاربة وشرطي حيث تجمع بينهم قصة حب مثيرة ومشوقة، ونتركم مع الفصول عبر مدونة دليل الروايات للقراءة والتحميل.
رواية الهاربة والشرطي كاملة
تجلس على جانب الطريق تبكى بشده وصدرها يعلو ويهبط من الخوف او الجرى قعدت تلتقط أنفاسها بتبص حواليها فى كل مكان خايفه يكون حد لحقها مش متخيله اللى هى عملته اه نغم قتلت لا هى كانت بس بتدافع عن نفسها وشرفها من جوز امها المفترى وامها السبب اللى اتجوزت واحد زى ده عارفه انه بلطجى ورغم كده اتجوزته ودخلته بيتها وهى معاها بنتها عروسة فضلت نغم تبص ل ايدها وهى عارفه أنها خلاص اتحكم عليها بالموت شافت ظل حد واقف قدامها وهى باصه للارض فارتعبت ورفعت رأسها لفوق تشوف مين ده
قاعده كده ليه يابنتى
ما مافيش حاجه والله ماعملتش حاجه
طيب اهدى بس ايه اللى قعدك فى الوقت ده لوحدك وفى الشارع كده
ماليش مكان اروحه امى اتجوزت وجوزها طردنى
لاحول ولا قوة الا بالله طيب مالكيش أهل
ماليش غير ربنا
ليكى ربنا فوق وانا تحت يابنتى تعالى معايا
لا شكرا مش عايزه اروح فى مكان
هتباتى هنا فى الشارع
ايوه هنام على جنب كده وبعدين الصبح هدور على شغل
يابنتى الكلام ده ماينفعش انا زى والدك
حضرتك شبه بابا الله يرحمه اووى
يبقا تسمعى كلامى وتعالى معايا
ممكن تأذينى
لا يابنتى ربنا يبعدنا عن أذى الناس انتى خلاص بقيتى بنتى وهتعيشى معايا
لالا ماينفعش أرجوك امشى وسبنى
اهدى مالك خايفه كده ليه فيه خدم فى البيت وداده ميرفت هتاخد بالها منك انتى اسمك ايه
انا نغم
طيب تعالى معايا يانغم ربنا يقدرنى واساعدك يابنتى
**
البنت دى تقلبوا الدنيا عليها
حاضر ياغيث بيه هتكمل تحريات
تروحوا كل مكان ممكن تتواجد فيه ولو ليها قرايب
حاضر ياافندم
مالك ياغيث اهدى مش كده
حته بت لاراحت ولاجات تهرب بعد ماتقتل جوز امها
انت خلاص حكمت إنها قتلته
مافيش غيرها امها هى اللى بلغت وبصماتها مش على الراجل
ممكن حد تانى برضو اللى قتل
انت هتجننى يارائف والبت راحت فين ومشيت ليه لو مش هى اللى قتلت
عرفت ان جوز امها كان بيضايقها كتيير
وده يخلينى اشك فيها اكتر
قصدك قضية دفاع عن النفس
ممكن
يبقا كده بريئه
مش مهم المهم عندى انى اجيبها وبس
ان شاء الله هتخلص القضيه دى
قول ان شاء الله تلاقيها ان ماوريتك يانغم ماابقاش انا غيث الاسيوطى
الفصل الثاني
اتفضلى يانغم
هو انا هعيش هنا
اه المكان عجبك
ماشاء الله جميل جدا انا كنت عايشه فى زريبه على كده
هههههه ليه بس
بتاع ربنا يا بيه
ايه بيه دى بس
امال اقول لحضرتك ايه
قوليلى بابا
حضرتك مش عندك أولاد
كان عندى بنوته واحده ماتت زعلانه منى
حد يزعل منك ده انت طيب جدا هى اكيد سامحتك
بجد يابنتى
طبعا بإذن الله
يارب يستجيبلك عايز اقولك حاجه
اتفضل
انا مش مصدق اللى قولتهولى وان جوز امك طردك احكيلى الحقيقه وانا اوعدك هساعدك
لا دى هى الحقيقه فعلا
نغم قولى يابنتى ماتخافيش
لو قولتلك هتسجنى وبدأت تعيط
اسجنك ليه بس عملتى ايه
والله ماعملت حاجه هو مات لوحده
مين ده اللى مات احكيلى كل حاجه عنك وانا هساعدك واحميكى من اى حد
حاااضر
يلا اقعدى اهدى كده واحكيلى عن نفسك
انا نغم عندى 22سنه متخرجه من كلية تجارة كنت عايشة مع بابا الله يرحمه وماما بابا من عيلة غنية اووى وماما اتجوزته طمع فى فلوس هو اتجوزها وبعد عن اهله بسببها وبدأت تظهر على حقيقتها وهو كان بيشتغل ويتعب علشان يجيبلها اللى نفسها فيه تعب اووى ياحبيبى قبل مايموت وهى برضو ماكنتش بتسكت او تهون عليه ابدا فضل كده لحد ماتعب اووى وزاد عليه المرض واتوفى حاولت اشتغل بشهادتى مالقتش فماما قالتلى اخدم فى البيوت كانت بتودينى عند ناس مش كويسه فماقدرتش استحملهم وكل شوية امشى من بيت شكل وفى الآخر قالتلى كده لازم يبقا معانا راجل كان فيه واحد من حارتنا عايز يتجوزنى كان بلطجى وانا رفضت ماما حاولت تضغط عليا كتير ولما لقت مافيش فايده فيل قالت خلاص يبقا هى تتجوز وتجيبلنا راجل يحمينا واختارت مليجى شكله أسوأ من اسمه كان بيشرب مخدرات وبيسكر وهى ماهمهاش اتجوزته فى شقتنا ماخافتش حتى عليا من جوزها كان المهم عندها نفسها وبس واتجوزته كان بيضايقنى نظراته مش مريحة قولت لماما جه كدب كلامى وقال ان انا اللى بحاول اغريه وهى صدقه وكدبتنى والنهارده استغل ان ماما خرجت من البيت تزور واحده جارتها بس بعيدة عن بيتنا وحاول يتهجم عليا كنت بدافع عن نفسي لاقيت فازه قريبة خبطه على دماغه بيها وقع على الأرض وكان بينزف وشكله مافيش نفس خالص خوفت وهربت من البيت فضلت امشى لحد ماوصلت للمكان اللى حضرتك قابلتنى فيه
يااه يابنتى كل ده حصلك ده انتى اتعذبتى اووى بس ماتخافيش كده انتى دفاع عن النفس
لالا هو حضرتك هتسلمنى ابوس ايدك لو هتسلمنى للبوليس يبقا سيبنى امشى
يابنتى انا شغال محامى وهعرف اخرجك
لا انا همشى من هنا
خلاص اللى يريحك مش هقول لحد على حكايتك دى هتعيشى معايا على انك بنتى
بجد ربنا يخليك انا عايزه اشتغل
خير ربنا كتير الحمد لله مش محتاجه تشتغلى
معلش ده أحسن ليا ومش بحب قعدة البيت
حاضر يابنتى
هو عندى سؤال
اتفضلى
اسم حضرتك ايه
رشاد ياستى
اسم حضرتك جميل عمو كمان اسمه رشاد
هههه يامحاسن الصدف اتفضلى بقا على فوق ارتاحى فى أوضتك اللى على اليمين ده ولما تصحى هنشوف نظبط حياتك ازاى
حاضر ربنا يخليك ليا يابابا
غيييييث
ايه يارائف يخربيتك
ايه يابنى كل ده سرحان قاديلى ساعه بكلمك
انت دخلت امتى أساسا
من بدرى اللى واخد عقلك ياباشا
نغم
مين دى
القاتله لحقت تنساها
مش عارف حاسس إنها بريئه
خليك بااحساسك انا بالأدلة
طيب ياادلة ماتنساش هعدى عليك بكره
ليه هنروح فين
عند عمو رشاد يابنى لحقت تنسى
والله كنت ناسى
ربنا يخلينى ليك مش عارف من غيرى كنت هتعمل ايه
كنت هقعد فى هدوءءء
يلا ياغلس سلام
مع السلامه ياترى انتى فين نغم
ايه علاقه غيث برشاد؟؟
ياترى غيث هيتعرف على نغم ولالا؟
الفصل الثالث
نغم
نعم يابابا جيت اهو
ايه القمر ده بس يانغم
بفلوسك والله هى اللى خلتنى كده
ايه اللى بتقوليه ده يابنتى بس هتزعلينى منك
لا اسفه خلاص
انتى بنتى يانغم ده موضوع انتهى
حاضر خلاص ماتزعلش بقا هنروح فين
الشركة
نعمل ايه
انا هشتغل هههههه
عارفه طيب وانا ههههههه
مش بتقولى عايزه تشتغلى
بجد بالسرعه دى
لو عايزه ترتاحى يومين ولا تلاته مش مشكله
لالا دى من الفرحة بس لكن شركة ايه دى مش قولتلى انك محامى
اه محامى لكن عندى مجموعة شركات كبيرة بتاعتى انا وولاد اخواتى بيديروها وانا معاهم بس محتاج حد علطول هناك يبقا عنينا ويساعدهم
طيب انا هشتغل ايه
سكرتيرة وتراجعى كل حاجه حسابات وكله وتبقى عنيا هناك
حاضر بس انا مااشتغلتش ده قبل كده واخاف ابوظ الدنيا ودى اكيد الوفات
ههههه لا هى ملايين
كمان لالا انا بره الموضوع ده
اجمدى كده عيب
هحاول حاضر
وهتنجحى بإذن الله
يارب يابابا
يلا بينا بقا علشان هتقابلى غيث ورائف النهارده
مين دول
ولاد اخواتى وشركائى فى الشغل اللى كلمتك عنهم بس دلوقتى مش هيبقوا فى الشركه
ليه
عندهم شغل تانى
بيشتغلوا ايه
ماتخافيش تمام انا معاكى هم ظباط
ايه يا نهاااار اسود لا مستحيل
ماتخافيش ماحدش هيشك فيكى وكمان انا معاكى
هلغبط قدامهم
امال انا بعمل ايه
ربنا يستر
هيستر ان شاء الله يلا بقا هنتاخر
حاضر
**
يلا ياغيث علشان نروح الشركة
حاضر يلا بينا ماتنساش يا بدر تشوفل اللى طلبته منك فى قضيه نغم دى
لسه القضيه دى فى دماغك
من امتى وسيبت قضية مفتوحة يارائف
يابنى انت مش مركز فى حاجه غير فى القضية دى بس
ومش هرتاح غير لما اخلصها برضو
طيب اطلع بقا خلينا نلحق شغلنا ده رشاد باشا معاه بنت بيقول تبع واحد صاحبه وهتقعد معاه وسكرتيرة وحاجات كده
ايه الحوار الكبير ده لما نشوف فيه ايه
طيب يلا خلينا نوصل
حاضر واتحرك غيث بالعربية
دخل غيث ورائف الشركه وأول ما غيث شاف نغم اتحرك ناحيتها و..