رواية احببت تلك الجبانة الفصل الخامس 5

الصفحة الرئيسية

رواية احببت تلك الجبانة البارت الخامس 5 بقلم أمنية عكر

رواية احببت تلك الجبانة كاملة

رواية احببت تلك الجبانة الفصل الخامس 5

تاني يوم ..
فاطمة : اسماء يا حبيبتي 
اسماء : خارج نطاق الخدمة 
فاطمة : هو ايه يا حبيبتي 
اسماء : عايزة ايه يا ماما .. ادخلي في الموضوع على طول ..
فاطمة : مين هيساعد ماما
اسماء : ههههههههههه .... مين يا حبيبتي 
فاطمة : سيمو روح قلبي ...
اسماء : امال الحاج راح فين 
فاطمة : وانت بتصدقي كلام الرجالة بردو .... 
اسماء : لا ....
فاطمة : خلاص ساعديني ... 
اسماء : هتسمعي كلامي 
فاطمة : بالحرف ...
اسماء : هتبعيني ... 
فاطمة : اخص عليكي يا سيمو ....
اسماء : اشطا .... استعنا على الشقى بالله ....بس محتاجين معاذ ....
فاطمة : معاذ ابن اختي .... عايزاه في ايه 
اسماء : دا معاذ هو الكبسولة في الخطة دي 
فاطمة : بت انت الولد دكتور ومحترم انت عايزاه ليه
اسماء : دكتور اشطا ... بس محترم دي هنغير فيها شوية ... 
فاطمة : ربنا يستر ....

في شقة اسر 
اسر : صباح الخير 
أمنية : يا صباح الانوار ... انا عملت اوملت المرة دي ... حاولت تكون زي بتاعتك بس مش عارفة ... ممكن تدوق 
اسر : اممممم بتقلديني ... بس هدوق حالا .... اممممم
أمنية بخوف : ايه ... وحشة صح 
اسر : لا جميلة خالص علشان كدا هكلها لوحدي 
أمنية : طب ادوق ... انا مش اكلت منها ...
اسر : لاااااااا
أمنية : علشان خاطري ... حتة صغيرة 
اسر : مهو مش هينفع 
أمنية : لا حته صغيرة ... شوف .... يعععععععععع .... دا وحش اوي يا اسر وفيه ملح كتير 
اسر : لا جميل ...
أمنية : جميل ازاي دا لازم يترمى .... 
اسر : انا هاكل وانت حرة ...
أمنية بدموع : دا وحش والله ... انت كدا بطنك هتوجعك 
انت هتاكله علشان مش ازعل .... بس لو أكلته انت هتتتعل وانا كدا هزعل .. .
اسر : وانت هتزعلى ليه لما انا اتعب ...
" بصتلي بطريقة غريبة ... مفهمتش النظرة دي كانت عتاب ولا حزن ولا حتى حب ... معرفتش احددها ..  بس حسيت انها زعلت من كلمتي"
أمنية : طبعا هزعل يا اسر .... انا هحضر فطار غير دا ...
اسر : بس انا هاكل دا ... ودا اخر كلام عندي 
أمنية : خلاص انا هاكل معاك .... 
اسر : متأكدة ...  
أمنية : ....... ا ... أيوة 
اسر : ههههههههههه انت خايفة كدا ليه دا حلو والله .... كفايا انك عملتيه ...
أمنية بسرعة : اه والله وكنت فرحانة اوي وانا بعمله علشانك وقولت انك هتكون مبسوط مني بس ....
اسر : وانا فعلا مبسوط منك جدا جدا جدا ....
أمنية : بجد ...
اسر : طبعا .... 

في شقة خالد ....
معاذ : خالتو اخبارك وحشتيني 
فاطمة : وانت كمان يا حبيبي ...
اسماء : ميزو اخبارك .. 
معاذ بدهشة : ميزو ...  طب بقولك ايه يا خالتو انا هشوف اسر واروح على طول ... حتى مش عايز اكل هنا ... دي فيها ميزو ...
فاطمة : ااااااه ... الحقني يا معاذ 
معاذ : خالتو ... مالك ...
فاطمة : تعبانة اوي يا ابني 
اسماء : اهي من اول مشافت معاملة اسر لامنية وهى كدا قلبها بيوجعها دايما .... 
معاذ : ليه هو اسر بيعامل أمنية ازاي 
اسماء بحزن مصطنع : انت طبعا عارف ظروف جوزاهم ...
معاذ : أيوة ماما قالتلي 
اسماء : خالتو فتانة اوي ... بس يلا ما علينا .... المهم من يوم الفرح وهو كل يوم خناق وزعيق وبيغيب برا البيت كتير ... وأمنية يا حرام حالها يصعب على الكافر ...
معاذ بتأثر : مسكينة ....
اسماء : أيوة .... وماما كل متشوف حالتها تتعب اكتر وقلبها يوجهها....
معاذ : غلط عليكي التعب دا يا خالتو ... انا دكتور اطفال يارتني كنت دكتور قلب كنت ساعدتك 
اسماء : ولين مهو انت ممكن تساعدنا عادي 
معاذ بعدم فهم : ازاي 
اسماء: انا اقولك ..
معاذ : دا مستحيل انا دكتور محترم 
اسماء : على عيني وعلى راسي دكتور بس ممكن تكون محترم الا ربع ....
معاذ : مستحيل انت اتجننتي ....
اسماء بحزن : اخص عليك يا معاذ ... يا عيني عليكي يا ماما .... ويعني عليكي يا أمنية ... دا حتى اسر اخوك في الرضاعة ... مش حرام اخوك يضيع بيته وعياله بسبب حبت حزن ....
معاذ : عياله !
اسماء : باعتبار ما سيكون باذن الله .. 
معاذ : اااااااه .... بصراحة حرام يضيع بيته وعياله
اسماء : اهو شوفت. ... يا شيخ وحياة عنيك الزرقا دي وشعرك البني وانت شبه علي اللي في مسلسل الازهار الحزينة لانت موافق ...
معاذ بتعجب : علي وأزهار حزينة 
اسماء : أيوة اللي اتجوز ايلول ...
معاذ : ايلول ؟! .... تركي دا يا سيمو
اسماء : أيوة ...
معاذ : اه انا قولت كدا .... منك لله .... 
فاطمة : سيبك منها يا ابني. .. هتساعدنا 
معاذ : ....  
اسماء : علشان خاطري يا ميزو 
معاذ : اييييييه 
اسماء : علشان خاطري يا ميزو 
فاطمة : أيوة بالله عليك يا ميزو 
معاذ : اسكتي انت يا خالتو ميزو بتاعتك وحشة
فاطمة : ايه ... ولد قليل الادب 
معاذ : شكرا ... 
اسماء : قولت ايه 
معاذ : عيوني يا باشا ....
اسماء : اشطاااااااااا
أمنية عكر ..

في شقة اسر 
أمنية : انت عارف يا اسر ايه احلى حاجة انهاردة 
اسر : ايه ...
أمنية : علشان انت اجازة انهاردة من الشركة وكدا انت هتفضل قاعد معايا طول اليوم ....
اسر : وانت فرحانة ....
أمنية : جدا جدا 
اسر : ليه ....
أمنية بخجل : علشان انت هنا ... وانا كدا متطمنه ...
اسر : طب ينفع في اليوم الإجازة تخليني اتفرج على كرتون .... 
أمنية : دا جميل جدا ... شركة المرعبين المحدودة 
اسر : ايه ؟!!!
أمنية بحزن : بص ... دلوقتي قطتي هتسيب بو ... هتقولها قطتك لازم تروح ....
اسر : طب انت زعلانة ليه كدا ... دا مجرد كرتون 
أمنية : علشان الفراق وحش ... هو انت ممكن تسبني يا اسر ...
اسر : ........
" لأول مرة اكون عاجز كدا قدام سؤال ... بس انا فعلا مقدرش اعيش من غيرها ... حاسس انها حاجة مهمة اوي في حياتي ... ساعات بحس أن انا باباها بجد ... حبيت جدا كلمة بابا منها ... بس مش عارف إذا كان دا حب ولا ...  شفقة " 
أمنية بدموع: اسر رد عليا .... انت ممكن تسبني ....
" انقذني وقتها دقات على الباب " 
معاذ : ايه يا عريس انت نستنا ولا ايه 
اسر : ازيك يا دوك عامل ايه
معاذ : الحمد لله تمام ... وانت طمني عنك ....
اسر بتنهيده : الحمد لله تمام 
معاذ : مالك يا صاحبي ....
اسر : مفيش يا معاذ شوية زهق ...
أمنية : السلام عليكم 
معاذ : وعليكم السلام .... ازيك يا ميمو 
اسر : ميمو....!!
معاذ : أيوة مش انا اخوك ولا ايه وليا الحق اني ادلع مرات اخويا واختي يعني واقولها يا ميمو
أمنية بتلقائية : جميل اوي اسم ميمو ... انا بحب الاسم دا اوي .... 
معاذ : شوفت يا اسر ... ميمو حبت الاسم .... وانا يا ستي بيقولولي ميزو ....
أمنية : اممممم ... حلو دا ... ميزو حلو ....
معاذ : والله انت اللي جميلة خالص
أمنية : بخجل شكرا 
اسر بغيرة وصوت عالي : أمنية 
أمنية بخوف : نعم 
اسر : روحي هاتي لمعاذ اقصد ميزو حاجة يشربها 
معاذ : انا بحب القهوة ... ممكن تعمليلي قهوة يا ميمو. ..
أمنية بخوف من نظرات اسر : ح.... حاضر 
معاذ لنفسه : الله يخربيتك يا اسماء الواد هيولع فيا ... منك لله يا بعيده ... اشهد ان لا اله الا الله واشهد أن محمد رسول الله ....
اسر : منور يا معاذ 
معاذ بخوف : دا ... دا نورك يا حبيب اخوك ... بس قولي يا اسر مهي ميمو حلوة اهي مالك بقى كاره الجوازة ليه 
اسر : ميمو .... 
معاذ : اقصد أمنية 
اسر : وانت مالك يا معاذ .... انت كويس 
معاذ : اصل بصراحة أمنية حلوة اوي... لو ناوي تطلق قولي بس ملكش دعوة ......
اسر : اييييييييه

في شقة خالد 
معاذ بتوجع : ااااااااه .... اااااااه ... منك لله يا اسماء .... اشوف فيكي يوم 
فاطمة : يا حبيبي انت وشك راح فين 
اسماء : عيونك يا معاذ 
معاذ : تتشكي يا بعيدة ... انا عارفة انكم كلكم بصين لعيوني ... اهم راحوا على ايد اخوكي المفتري 
فاطمة : متقلش على اسر كدا يا معاذ 
معاذ : مقولش ايه يا خالتو انا عندي كدا والله اعلم كسر في الفك السفلى وحول في عيني الشمال 
اسماء : هههههههه
 معاذ : انت بتضحكي يا باردة 
اسماء : افهم بس عملت ايه علشان تنزل متخرشم كدا ...
معاذ : مفيش يا اختي انت قولتيلي خليه يغير وانا قولتله أن أمنية حلوة ولو عايز يطلقها يقولي وانا اتجوزها 
اسماء : منك لله ... هو انت يا اما محترم اوي يا اما تتجوز البت .... معندكش وسط ...
معاذ : قولتلكم اني مليش في الكلام دا ... اروح انا المستشفى دلوقتي ازاي ...
اسماء : هو كدا الخطة باظت 
معاذ : منك لله دا انا اللي وشي باظ 
خالد : ههههههههههههههه قولتلكم دي هبلة محدش يسمع كلامها .... 
اسماء : شكرا يا بابا 
خالد : العفو يا حبيبتي .... تعيش وتاخد غيرها يا ميزو 
معاذ : شكرا يا عمو 
خالد : العفو يا حبيبتي ... جتك نيلة وانت اهبل زي العيلة اللي جنبك دي 
معاذ: بذمتك مش كابل توحفة 
خالد : دا يبقى انتهاء العالم يا متخلف ...جته نيلة اللي عينك دكتور 
معاذ : نيلة تاني ... على العموم شكرا .... حجي تلج يا اسماء حطي .....

اسر : أمنية ....
أمنية بخوف : نعم يا اسر 
اسر : ايه اللي حصل دا 
أمنية : انت اللي ضربت ميزو .... اقصد معاذ 
اسر : في واحدة محترمة متجوزة تقول لواحد غير جوزها يا ميزو .... دا انت مدلعتنيش ولا مرة
أمنية : مش معاذ يبقى اخوك .... 
اسر : بلا اخويا بلا زفت .... اللي حصل دا ميتكررش تاني فاهمة ....
أمنية : ح .... حاضر انا اسفة ...
اسر : ماشي ...
أمنية بخوف : بس هو ممكن سؤال 
اسر : اسالي 
أمنية : ازاي معاذ عيوني زرقا وانت عيونك عسلية هو مش انتم ولاد خالة وأخوات ....
اسر : امشي من قدامي يا أمنية .... امشي ...
" أيوة ضربت معاذ ... انا مقدرتش اسمع اللي قاله واسكت ... ازاي يعني أطلقها لا وهو عايز يتجوزها كمان ... انا رفضت فكرة اني أطلقها .... دا معناه اني مش هينفع اسيبها .... هو دا الرد على سؤال أمنية ... انا هفضل معاها ... مينفعش ابعد عنها ....."

خالد : رايحة فين يا اسماء 
اسماء : المرة دي انا اللي هتصرف لوحدي ... مش عايزة مساعدة حد ....
خالد : يا بنتي بطلي بقى ... انت كدا كدا فاشلة 
اسماء : ولو ولو لازم اثبتلكم اني اقدر .... سلام ...
خالد : انت حره ... يارب تيجي تقعدي جنب معاذ ... منور يا حبيبي ... اسماء مش هتتاخر هتنضرب وتيجي تقعد جنبك باذن الله ....
معاذ : يارب تنضرب ... 

اسر : سيمو ... تعالي ادخلي
اسماء : انا كنت رايحة اشتري لبس وعايزة ميمو تيجي معايا ....
اسر : طب انا هقولها ..
اسماء : تمام 

في غرفة أمنية 
اسر : أمنية ...
أمنية بحزن : نعم 
اسر : سيمو عيزاكي تروحي معاها المول علشان تشتري لبس .... حابة تروحي معاها 
أمنية : تمام 
اسر : طب دي الفيزا بتاعتي علشان لو عجبك حاجة ...
أمنية : لا شكرا مش عايزة ... 
اسر بعصبية: قولتلك خدي 
أمنية بعند : وانا قولت مش عايزة ... 
اسر : خلاص بقيتي تعاندي ... مفيش خوف 
أمنية : لا مفيش خوف علشان استاذي اللي علمني القوة علمهاني بشطارة 
اسر : اه بإمارة حاضر انا اسفة 
أمنية: احم احم ... عادي 
اسر : خلاص انا هاجي معاكم .... 
اسماء من بعيد : اشطا احلوت اوي ..
يتبع الفصل السادس اضغط هنا
google-playkhamsatmostaqltradent