رواية ملك وعمر كاملة جميع الفصول

الصفحة الرئيسية

رواية ملك وعمر كاملة بقلم تقى بدر عبر دليل الروايات

رواية ملك وعمر الفصل الأول

= تتجوزينى..
_ نت مين  !
= أنتى مرتبطه؟
_ انت وقح  !
= تبقى مرتبطه، ها اسمه ايه ؟!  
_ انا ايه ال موقفنى معاك اصلا .. 
(مشيت فطريقى وانا بكلم نفسى ، ناس متخلفه ع الصبح  الانسان يبقى صاحى وم طايق نفسه ودا يقولك انتى مرتبطه هو أنا فاضيه اتنفس اصلا ) 
(انا ملك ، ٢٥سنه ، طب بشرى، بشتغل فالمستشفى بتاعت بابا وعندى العياده بتاعتى .. من المستشفى للعياده للنوم ) 
_ماما انا جيت
ماما :- ادخلى عُمر مستنيكِ جوه .
_بحسه بيته هو م بيتى انا . 
(عُمر صحبى من ١٥سنه ، من ابتدائى وهو معاياا ، اخويا وصحبى وكل ماليا، انا تقريبا معرفش ناس غيره هو وماما وبابا وطنط فاطمه مامته) 
_سرير امك دا .
= ....
_ طب اطلع برا عشان هغير .
= خير بتنفخى ليه ع الصبح ! 
( رميت شنتطتى بإهمال ، وقلعت الكوتش ، وقعدت جمبه ع السرير ) 
_ عارف يواد يعُمر نفسى فأى  !
= ايه !
_ نفسى اتجوز وجوزى يكون فيه عرق صعيدى ويقولى معندناش نسوان بتشتغل .
=دا اقصى طموحك !
_ يجدع ! طب يلا بقا ع بيتك انا اصلا م طايقه نفسى. 
= انا قاعد هنا لبليل. 
_ طب ما تكسب فيا ثواب وعشينى بره ، أو فسحنى بص نروح الملاهى زى زمان سوا  .
= لاء .. بليل م فاضين .
_ ليه وراك ايه اهم .
= هو أنتى متعرفيش !!
_ توء .
= ولا طنط قالتلك  !!
_ توء برده 
= احنا رايحين نخطب بليل  .
(بصدمه ):- أيييه ! وانا آخر من يعلم 
_طب منا قبل الأخير ومتكلمتش. 
= احييه يولا ، مبروك اوى .. 
(اتجاهل كلامى تماما، وقام فتح دولابى ، وفضل يتفرج ع هدومى، ايه كميه احترام الخصوصيه دى !! ) 
= خرا ع دماغك معنديش حاجه عدله .
_ماهو ...
= اوف هنروح باى دلوقت  !
_اصلا ...
= قومى البسى اى حاجه يلا. 
_ مهو م هسكت كتير ، اخرص وقول عاوز اى !
=يبنتى معندكيش حاجه تنفع لبليل .
_بليل ايه وليه ! 
= امال انا هروح لوحدى !
_ امال هتروح تخطب ومعاك صحبتك !
= دنتى قبلى يما  ! 
(نزلنا اشترينا دريس ليا م فاهمه ليه بس هو ال اصر وكمان هو ال هيدفع ف لى لاء !! وبوكيه ورد لطيف ل ايه "العروسه" ، عدا الوقت واحنا دلوقت فبيتهم انا وطنط فاطمه. 
(قعدنا مع عمو ماهر شويه 
" باباها " ودقايق وايه طلعت، كان شكلها جميل بس م مريح، طلعنا برا كلنا عشان هى وعمر يقعدوا مع بعض) .. 
واحنا مروحين :- 
_ اى النظام  ؟!
= مش عارف .
_ انت اهبل صح ؟! صح .
= مش مرتاح .
_ بس دى جميله يعمر .
= يبنتى قاعد معاها بقولها اسمى عمر ، ترفع حواجبها كدا وتقولى بجد !! هكدب انا فاسمى ليه اصلا
_ من زمان يعُمر وانا بقولك اسمك م لايق عليك .
= غير كدا ، طول القاعده وهى بتفرك فاديها وبتهز فرجليها وكانها قاعده قدام رايس الجمهوريه .
_ الحياء مطلوب يتربيه وسخه .
=دى مجنونه اصلا  
_ ليه !
= وانا ماشى بتقولى خلى بالك من نفسك يحبيبى، هو أنا اعرفها اصلا   !!
_ امال عاوزها تديك بالقفا .. !! 
(حوالى أسبوعين عدو والخطوبة اتحددت ، عُمر كان لابس قميص اسود وبنطلون اسود وبليزر نبيتى وحاجة كدا تقفيل امريكانى ) 
(كانت حفله بسيطه بس جميله، لبسو الدبل وسط الاغانى والزغاريط والفرحه ال ماليه المكان ؛ وبما انى بعرف اصور فكنت قايمه بدور الفتوغرافر .. خلصت تصويروروحت قعدت مع طنط فاطمه عشان يبقوا لوحدهم،  دقايق ولقيته جاى واقف جمبى. 
_ عُمر روح لخطيبتك يابا ، مينفعش تسيبها دلوقت .. انت اهبل  !!
= هى هتطير يعنى ، خدى اقفليلى الزرار دا  !
(  ومدلى ايده ، قفلته واتكلمت وانا بعدله ياقه قميصه مكنتش مظبوطه   ) .. 
_ طب مالك  !
= هو القميص وحش عليا  !
_ بالعكس حلو اوى والله .
= طب هى القمصان م بتليق ع شكلى  ! 
(لسه هرد لقيت ايه جايه )
آيه :- ايه يكوكو واقف بعيد ليه !
= دى ملك ي آية .
آيه:- اختك !
=لاء صحبتى. 
آيه :- نعم !
"ادخلت بسرعه واتكلمت " 
_ زى اخته واكتر ، متقلقيش.
آيه :- أيوا، لاء عادى مافيش حاجه ..هنستأذنك بس . 
" سحبت عُمر واخدته ووقفت مع صاحبها " 
" اليوم عدى واحنا مروحين " 
فالعربيه .. 
طنط فاطمة:-  اخيرا يعُمر ، بس اييه رأيك؛ آيه بنت طيبه ومؤدبه وجميله بسم الله مشاء الله، وبتطبخ وتنضف ومعاها بكالوريوس تجارة وانا حبيتها اوى بصراحه، يبختك بيها. 
= وبتنور فالضلمه كمان، يلا يماما انزلى عشان اروح اوصل ملك . 
طنط فاطمه:-  اتريق ، توصلها وترجع ع طول بلاش لف انتوا الاتنين فاهمين. 
(طلعت طنط فاطمه وهو لف بالعربيه عشان نروح، بس ساكت طول الطريق م فاهمه ليه) 
_ أعُمر ،
= بقولك ايه متهزيش.
_هو انا هزرت أبو تقل دمك. 
= طب عاوزه ايه .
_ يستاا ابقى تعالى بدرى بكرا. 
= اشمعنا. 
_ بابا ال قالى اقولك. 
= عاوزه تروحى  !
_ ليه .
= كنتى بتقوليلى الصبح نفسك تروحى الملاهى معايا زى زمان. 
_ امم. 
= وعاوزه تتعشى برا  .
_ حصل . 
(لف بالعربيه تانى بعد ما كان فاضل شارعين ع بيتنا، روحنا الملاهى سوا بتبقى بليل مختلفه اوى بيبقى فيها روح حلوه ، اكلنا كُشرى ، دخلنا سنيما كان فيه فلم عرض اول ، طلعنا البحر اكلنا بطاطا، لحد الساعه ٢ وشويه واحنا بنلف بالعربيه ) 
_ يستاا كفايه عندنا شغل الصبح !
= أنتى عارفه أنا نفسى فأى !
_ ايه  !
= استقيل . 
( روحنى، وروح وتانى يوم الصبح الساعه حوالى كانت 8 ، روحت المستشفى المفروض كان فى اجتماع وكدا وكالعادة متاخره وكالعادة هيهزقنى بس يارب عمر يكون جه عشان ميتنفخش وبابا بيتلككله اصلا  ، روحت مكتب بابا مكان الاجتماع وفتحته بهدوء و ) . 
= أسفه، والله اسفه ع التأخير م هتحصل تانى  !
بابا :- بس أنا مأكد عليكِ امبارح ان الاجتماع ٧ونص .
= معلش يدكتور،  آخر مره. 
بابا :- مخصوملك ٣ تيام . 
( دخلت قعدت وانا م طايقه نفسى اصلا ، اوف امال لو م ابويا بقا كان هيعمل اى الله ، حضرت الاجتماع ال كان بلا هدف اقسم بالله ) 
بابا :- وكدا الاجتماع خلص ، اتفضلوا ع شغلكوا   .. ملك وعُمر استنوا. 
" اه هى كدا كملت بقا " 
عمر بهمس:- احيه احنا عملنا ايه !! 
انا :- يستا أنا معملتش انت عملت ؟! 
  " كانوا كل الداكتره خرجوا وبابا اتكلم " 
بابا :- بقيتوا مستهترين زياده عن اللازم ، الاستاذ مجاش امبارح وداخل  بعد ما دخلت ب ٣ دقايق ، والهانم جايه بعد ما الاجتماع قرب يخلص . 
( بعد وصله تهزيق قد كدا خِلصت بعد حوالى ربع ساعه، خرجنا من المكتب بسلام ) 
= أعُمر انا ماشيه  ، راحه العياده ، متنساش معادك مع آيه  !! 
_ آيه ؟! ، معاد ايه !
= يخربيتك، يبنى المفروض هتخرج معاها انهارده العصر.
_ ربنا يسهل، المهم هتروحى امتى ! 
=  م عارفه، عندى شغل كتير انهارده !
_ هخلص معاها و اعدى عليكى .
= جميل ،هستناك  . 
" اكتر من ٦ سعاات ولسه مخلصتش؛ الحالات كانت كتير اوى النهارده ، والشغل متعب والجو ممل ، عاوزه اتصل بعُمر ومش عارفه عشان هو معاها ، خايفه آيه تضايق .. " 
" قطع تفكيرى صوت فونى " ..
= ايوا يعُمر !
_ملك ، م هعرف اعدى عليكى آيه مصممه أنى اتعشى معاهم معلش .
= هتتعشوا ايه  !
_ ايه دا يعنى مش زعلانه ! 
= ابداً
_مش عادتك يعنى .
=م زعلانه يعمر . 
" كان باقى حاولى ٣ حالات ، خلصت وروحت نمت علطول اليوم كان طويل ومتعب ومكانش عندى طاقه أنى اعمل  اى حاجه تانيه " 
(بنوم):- أى يغتت مصحينى ليه  ! 
_ كنتِ نمتى  !
= اه ، م باين ع صوتى .
_ أنتى ال بيجرى فعروقك غدر مش دم لاء طب استنيتى، كلمينى، اسئلينى عملتو اى لما خرجتو ، حسسينى باهتمام
= احكى ع طول من غير رغى . 
_ بصى يست .. روحت لقيتها لابسه مستنيانى ع بابا بيتهم تحت ، روحنا اكلنا فمطعم بيعمل شاورما عظمه هنبقى نروح انا وانتى فيوم بس طفحت ال انا كلته وانا بحاسب اقسمبالله أغلى مطعم شوفته معرفش عرفت المطعم دا منين ،بس م مهم .. اكلنا والساعة لسه معدتش ٧ ولقيتها بتقولى عاوزه اروح احنا اتاخرنا اوى ، ال هو تخيلى ٧ واتاخرت !! وصلتها وعمو ماهر أصر أنى اكل معاهم وبس بيت لسه مروح، ملحقتش اغير اصلا وكلمتك . 
= انت فين يعمر ، بابا قالب الدنيا عليك  !!
_ مع آيه يست، ف مشكله فجامعتها وروحت معاها .
= عمر انا بلبس ، قوم عشان منتأخرش. 
_ مش هعرف أخرج، ماما قالتلى ان اهل آيه عزمنا ع الغدا أنهارده .
=عمر ، انا هتاخر فالعياده انهارده عدى عليا  .
_ انا ففرح بنت خالت آيه مع ماما .
=عمر ، نازله اشترى لبس
_متتاخريش.
= بتصل بيك بتحطنى ع الويتنج ليه !
_ ايه كانت بتكلمنى.
" تعبت منه خلاص، انا متعودتش ان حد يشاركنى فيه ، طول عمره بتاعى لوحدى وبس ، طول عمره ليا 
أنا ال المفروض يهتم بيها، انا ال المفروض ابقى مسؤله منه ، انا ال  المفروض ابقى أول اولوياته، انا ال المفروض يهتم بيها وبأكلها وشربها وهدومه ؛  أنا أنا ال استحق عصبيته لما اخرج من غيره ، 
ايوا هو بتاعى ، انا ال لازم ابقى أول وش يشوفه لما يصحى ، انا ال المفروض اعمله اكله اجهزله هدومه ارتبله مواعيده انا ال بخاف عليه من الهوا م هى ، انا ال متربيه ع وجوده مش هى " 
= ملك  !
_ أخيرا افتكرت انك دكتور ، وعندما حالات يتشرف عليها .
= مكانش اسبوع يعنى يملك .
_  متقلقش كلو تمام وانا عوضت غيابك ومحسستش بابا بيه  .
=(بمرح) :-  حبيبى ال فضهرى دايما. 
   " ابتسمت بصعوبة، والله هو وحشنى أسبوع اسبوع كامل مختفى، ولا اعرف عنه حاجه ولا بيكلمنى، بكلمه يقولى بكلم ايه او مشغول، دا صعب صعب عليا اتحمله، مش سهل عليا بعد مكان يومنا مبيكملش غير ببعض ملقيهوش بالاسبوع ،مش سهل بعد مكان مبيعرفش بيتحرك خطوه من غيرى يلقى البديل ، مش سهل بعد مكان ما بيعرفش ينام إلا اما يحكيلى تفاصيل يومه ويزاول فيا مبقاش عارفه عنو حاجه " 
= آيه عامله ايه  ؟!
_ كويسه. 
= بتقولها وانت متضايق كدا ليه .
_ مبحبش اتكلم معاكِى عنها  .
= للدرجادى  !! 
_ واكتر .
= يبق انا برا حياتك من دلوقت . 
  " قولت كدا ومشيت  ، خلاص هو بقى مش حابب وجودى وانا مش هفرضه عليه .. كفايه أوى وجع قلب لحد هنا ، كفايه استنزاف مشاعر ، كفايه حرقه دم ، كفايه اوى " 
" عدا أكتر من يوم، محاولتش اكلمه ومش هحاول، اخدت اجازه شهر من المستشفى واستكفيت بالعياده ، كنت مروحه فيوم من العياده ولقيت طنط فاطمه عندنا فالبيت ودا طبعا بحكم انها تعتبر بست ماما " 
طنط فاطمه :- ايه يملك مبقتش أشوفك،وحشتنينى. 
= وانتى كمان يطنط والله .
طنط فاطمه :- طب تعالي نقعد شوف بقا ، عشان امك مبقتش تتكلم غير ف الطبيخ والغسيل والتنضيف وانا زهقت بصراحه . 
" قعدت انا وهى اتكلمنا كتير ، والله سعات بحسها أمى التانيه، طيبه وبتحبنى وبتخاف عليا كأنى بنتها ودايما بتدينى نصايح، بتحس بيا اوى سعات بشك انها بتقرء افكارى ؟! .. " 
طنط فاطمه :- والله ما مرتحالك.
=ازاى مش فاهمه  !!
طنط فاطمه:- انتى مش انتى !!
=امال انا مين. 
طنط فاطمه :- يوووه بقا ، متقولى فيكى اى وريحينى. 
= انا بخير . 
سبتها ودخلت اوضتى، أنا مش فهمانى والله ما فهمانى مش فاهمه انا عاوزه اى مش فاهمه متضايقه ليه  !! طب مهو دا الطبيعى ما لازم اعمل حساب كدا لان دى اصلا سنه الحياه هو اكيد كان هيجيله يوم وبتجوز وبحب وحبيبته تبقى عاوزه ليها لوحدها ودا حقها دا ابسط حقوقها ..
عدا الشهر ورجعت للمستشفى تانى ، كنت بشوف تقارير حاله عم ممدوح 
آخر التتطوارت لما لقيت عمر داخل . 
_ هتفضلى كدا كتير  ؟
= أيه  !
_ هتفضلى مقموصه كتير يعنى ، هنفضل متخاصمين كتير !!
= ....
_ ال بيخاصم بيخاصم ربنا ع فكرا .
= ...
_ بص يارب انا بصالحها وهى مش عاوزه، هاتلى حسانتها كلها بقا .
=بطل هبل يلا .
_ طب والله آسف، عارف أنى مقصر معاكِ جامد ، بس غصب عنى ، وعارف ان اهتمامى قل وعارف ان دا مينفعش معاكِ انتى بالذات ، سامحينى .
(بحشرجه صوت )  :- مكنتش بتكلمنى ولا بتهتم بيا كأنى مكنتش فحياتك، مكنتش بتسمعنى ولا بتعرف تفاصيلى ، وفضلت شهر كامل مش بتكلمنى.  
" قرب منى وحط ايده ع كتفى وهو بيمسح دموعى " 
_ حقك عليا والله .
= زعلانه حقيقى. 
_ والله ماهسيبك النهارده قبل ما تتصالحى،  يلا تعالى .
" لقيته بيشدنى من ايدى ومجرجرنى وراه، خرجنا من المستشفى وركبنى عرببته وكان مشغل اغانى  " 
= طبعا مش محتاجه اقولك ان لو بابا اكتشف اننا خرجنا م المستشفى هيقتلنا. 
_ ششش اليوم دا بتاعك. 
" ابتسمت ورجعت براسى لوره واستسلمتله هو وافكاره المجنونه " 
_ اسكندريه ولا مطروح. 
google-playkhamsatmostaqltradent