رواية كسرة قلب الفصل الثالث 3 بقلم منة صبري
رواية كسرة قلب الفصل الثالث 3
مصطفى:الو يا سارة...خير.
سارة:مش عيب لما تتطلع من المصحة ومتتصلش بيا،دحنا بينا عيش وبدرة يا جدع.
مصطفى :سارة انا مش فايقلك خالص،ورقمى ده تنسيه فاهمه.
سارة:طب بص بقى يا مصطفى يتجبلي 150ألف جنيه...ي إما اخوك الحلو هيعرف باللى عملتوا فى مراتوا...سلام.
أغلقت الهاتف بينما مصطفى كان فى صدمة كبيرة من تهديدها فهو إلى حد الآن لا يعرف إذا علم أخاه بما حدث لجورج ام لا ..وإذا علم لماذا لم يطلقها إلى الآن.
مصطفى بتصميم:انا لازم اقول ليوسف على الحقيقة قبل ما سارة تقوله.
**
بينما يوسف الذي صدم مما قالته جورى
يوسف بصدمة:انتى بتقولى ايه!!
جورى بدموع:ده اللى حصل والله انا مكدبتش عليك فى حاجة...ولما كنا عند الدكتور وسألتني عن ابو الطفل قولتلك معرفش فده عشان انا معرفش هو مين لحد دلوقتى فعلا.
يوسف :طب وسارة صحبتك دى فين دلوقتى؟
جورى:معرفش...انا من بعد اللى حصلي وانا معرفش عنها حاجة وكمان لما حاولت اتصل بيها لقيت خطها اتقفل.
يوسف:طب وسارة دى عندها اخوات ممكن يكون أخوها عمل فيكى كده بما أن ده حصل فى بيتها.
جورى:لاء...سارة معندهاش اخوات ...لو كان ليها انا مكنتش هروحلها البيت اصلا.
يوسف:انتى دلوقتى هتقوليلي على عنوان البيت بتاعها إلى انتى روحتيه...ورقم تليفونها...وأنا هوصلها.
أعطته جورى رقم الهاتف والعنوان ليأخذهم منها ويخرج من الغرفة.
**
فى الصباح فى شقة والد يوسف حيث هذه عادتهم يتناولون الافطار سويا
جورى بإبتسامة :حمد الله على سلامتك يا مصطفى.
مصطفى بحزن دفين:الله يسلمك يا جورى.
يوسف :طب انا هروح الشغل عايزين حاجة.
ناهد :تسلم يا بنى.
مصطفى بتوتر:يوسف كنت عايز اتكلم معاك فى موضوع مهم.
يوسف :إن شاء الله لما ارجع .
غادر يوسف إلى عمله بينما صعدت جورى إلى شقتها .
**
سارة:كدة تمام قوى.
كريم (اخو سارة):عشان تعرفى بس أن اخوكم ده مش سهل.
سارة بشر:انت دماغك دى الماظ ...كان عندك حق لما خلتنى أصاحب الشيخة جورى مع انى مكنتش بطيقها وكنت شايفة أن الخطة دى هتفشل...بس هو انت تعرفهم منين؟
كريم بخبث:يعنى انا اللى كنت طايق مصطفي قوى يعنى...بس هو طلع غبي اوى وسهل يضحك عليه...انا كنت مفكروه صيدة سهلة وهعرف أجره للبودرة واخد من وراه فلوس وخلاص لحد ما في مرة دماغه كانت عالية اوى وحكالى عنها و ورانى صورتها ومن ساعتها وهى دخلت دماغى.
سارة بضحكة:اغبية قوى وخصوصا مصطفى اللى كان مفكر انه لوحده معاها ميعرفش ان احنا كمان كنا موجودين ...وإن هو اغمى عليه قبل ما يقرب منها اصلا عشان تقل فى الشرب.
**
ليلا عاد يوسف من عمله ليتناولوا العشاء جميعا.
يوسف :خير يا مصطفى كنت عايزنى ف ايه؟
مصطفى بتوتر:تعالى اوضتى عشان نتكلم براحتنا .
دخل الإثنين إلى الغرفة
يوسف:ادينا دخلنا اهو ياعم احكى يلا.
مصطفى بتوتر :اقول حاجة عايز اقولهالك ان اللى خلانى مدمن هو كريم اخو سارة صاحبة جورى.
يوسف بصدمة :انت بتقول ايه ...سارة صاحبتها معندهاش اخوات.
مصطفى بتوتر :ده اللى هى قيلاه لجورى لكن هى عندها اخوات واخوها ده اتعرف عليه وشوية شوية وبقينا صحاب وفى مرة عرض عليا انى أشم بودرة ..انا فى الأول رفضت بس هو فضل يزن عليا عشان اجرب وانا قلت مرة واحدة مش هتعمل حاجة ...وتأتى مرة كنت مخنوق ومتخانق انا وبابا وشربت تانى لحد ما الموضوع قلب معايا بإدمان..لحد ما فى مرة كنت شارب.....
Flash back
مصطفى بتوهان:هى..هى ليه مبتحبنيش ولا ممكن تكون بتحب يوسف زى بابا .
كريم بخبث :هى مين دى اللى مبتحبكش يسطا.
مصطفى بتوهان:جورى.
كريم بخبث :ويا ترى بقي جورى دي حلوة.
مصطفى بشرود:حلوة..هى حلوة بس دى أجمل واحدة شوفتها ...بص صورتها اهى.
قال كلمته وهو يريه صورته من على هاتفه
كريم بمكر:طب واللى يخليها تتمنى انك تتجوزها.
مصطفى بفرحة:بجد
كريم بشر:طبعا يا بنى
مصطفى بسعادة:طب قولى ازاى وانا اديك اللى انت عايزه.
كريم بمكر:انا عايز اعرف الأول كل معلومة عنها من الألف للياء .
أخبره مصطفى بكل ما يعرفه عنها
كريم بخبث :بص يا سيدى هى عشان تجيلك و تتمنى انك تتجوزها لازم تكون واحدة متنفعش لحد تانى خالص.
مصطفى بصدمة:انت قصدك..
قاطعه كريم :ايو اللى انت فهمته.
مصطفى بقلق:بس هى كده هتكرهنى.
كريم بشر:بس المهم انك هتكون اتجوزتها وساعتها بقي خليها تحبك .
Back
مصطفى بندم:وساعتها عرفنى على سارة واتفقنا انها تتعرف عليها وتبقى صاحبتها لحد ما جت فى اليوم اللى كنا حددناه واتصلت بيها عشان تجيلها البيت وساعتها شربتها عصير فى مخدر و....
قاطع كلامه فتح الباب لينظر للذي فتحه بصدمة ولم يكن سوي
مصطفى بصدمة:جورى