رواية فرحة غدارة الفصل التاسع عشر 19 بقلم عبير اشرف
رواية فرحة غدارة البارت التاسع عشر 19
في اليوم التالي
صحيت فرحة و صلت و حضرت الفطار و صحت يوسف و سارة فطروا بعد الفطار نزل يوسف مع حسام يتمشوا شوية و فرحة كلمت اختها جنى
فرحة: عاملة ايه يا جميل
جنى: لسه فاكرة اني ليكي اخت
فرحة بحزن: غصب عني والله حصل كتير معايا
جنى: مالك بس في ايه
فرحة: هبعتلك عنوان تيجي فيه
جنى: حاضر هجيلك على طول
**
على الكورنيش
حسام: هتعمل ايه
يوسف: مش عارف حاسس اني تايه
حسام: اسمع كلام فرحة انتو محتاجين الفلوس دي و بعدان دي فلوس حلال ملهاش علاقه بتجارة السلاح
يوسف: هشوف
**
مجهول ١: شوفت اهو اللي قولته كان صح اهو
مجهول ٢: يعني ايه الواد مش هيشتغل في شغلانه ابوة
مجهول ١: لا
مجهول ٣: نبعد فترة لحد ما نشوف هيحصل
**
في شقة يوسف
جنى بحزن: يا حبيبتي كل دا حصلك
فرحة بحزن: ايوة و تعبت اوي اوي
جنى: اطلقي منه وريحي نفسك
فرحة: لا طبعا انا بحبه اوي
جنى: حب ايه وزفت ايه انهي حب يبقى لبهدلتك دي
فرحة: استحالة اسيب يوسف
جنى بعصبية: ليه استحالة
قاطعهم دخول سارة على الكرسي: عشان بتحبه يا بنتي
فرحة قامت بسرعة و حركت الكرسي: اتفضلي يا ماما
سارة:شكرا يا بنتي
ثم وجهت: حديثها لجنى: بصي يا بنتي لما تحبي هتعرفي قيمة كلام اختك دا الحب الحقيقي بيخلكي تسمحي مهما حصل و تفقي في ضهرة مهما عمل فيكي هو دا الحب
جنى:مع احترامي لحضرتك بس مش مقتنعة بكلام دا
سارة ببتسامة: هتعرفي قيمة لما تحبي بجد
جنى: مظنش ابدا
سارة: هتشوفي مع الوقت
مشيت جنى و رجع يوسف بليل و اكلوا هما الثلاثة و سارة دخلت تنام و يوسف و فرحة اعدوا في البلكونة
فرحة: هتعمل ايه
يوسف: قراري هخدة بكره
فرحة:اللي هو ايه
يوسف: هقولك
**
في اليوم التالي
يوسف راح عند ابوة في بيت خاله
يوسف: هو فين
حسام:طيب قول صباح الخير الاول
يوسف: انجز انا مش فايق ليك على الصبح
حسام: خلاص يا عم ادخل
دخل يوسف في الصالون و حسام دخل لصادق عرفه ان يوسف عايزة برة و صادق فرح جدا ان يوسف جيه ليه
صادق: اخبارك ايه يا بني
يوسف بغضب: متقولش ابني انا مش ابنك
صادق بحزن: تمام اللي تشوفه
يوسف: شهادات الاستثمار اللي في البنك دي كنت بطلع منها ذكاة عليهم
صادق: لا هو انا مش كنت المفروض ميت
يوسف: و قبل ما تبقى المفروض ميت ايام ما كنت عايش طلعت منهم
صادق:لا
يوسف: تمام
صادق: هتعمل ايه
يوسف:هحسب السنين اللي فاتت و اطلعها منهم و بعدان اخدهم بعدها
صادق: اللي تشوفه
يوسف سابه و مشى
صادق بحزن: عمره ما هيسمحني
رفعت: اهدى و اصبر و متزعلش
صادق: اما نشوف
**
تسريع الاحداث
يوسف اخد الفلوس و طلع منها ذكاة بتاعها و فرحة خليته يكمل تعليمه و يوسف قدم ورقة في كلية هندسة و عمل مكتب صغير كدا يبدأ بيه حياته
و اهل فرحة اتعرفوا على والدته يوسف و بقى في مبينهم زيارات متبادلة
**
بعد مرور ثلاث سنوات
يوسف فتح شركة صغيرة و بدات تكبر معاه
و نقل في فيلا صغيرة كدا هو و سارة و فرحة
حسام اترقى في شغله و اصبح مقدم
جنى اتخرجت من كليتها و فتحت جليري صغير كدا
صادق عمل حج و تاب عن كل الذنوب اللي عملها و كل اللي نفسه فيه ان ابنه يسامحه
و سارة بتحاول تصلح بين يوسف و صادق بس يوسف مش راضي بس هي مفقدتش الامل
**
في فيلا يوسف
يوسف: مساء الخير يا قلبي
فرحة بحزن: مساء النور احضرلك الاكل
يوسف: لا انا تعبان جدا هاخد شاور و انام
فرحة: تمام
يوسف: هي ماما نامت
فرحة: ايوة
يوسف بعد ما اخد شاور و طلع راح اعد على السرير جمب فرحة
يوسف: مالك يا قلبي ساكته كدا ليه
فرحة بحزن:مفيش
يوسف و اخدها في حضنه: مفيش ازاي يا قلبي هو انا مش عارفك
فرحة: يوسف هو احنا متجوزين بقلنا اد ايه
يوسف: اشمعنا يا قلبي
فرحة: متجوزين كل دا و لحد دلوقتي محصلش حمل
يوسف: طيب يا حبيبتي دي حاجه بتاع ربنا لسه ربنا ماردتش دلوقتي
فرحة: لا لازم نكشف نشوف حل
يوسف: فرحة اهدي مينفعش اللي انتي بتقوليه دا احنا في كل حاجه رضينا بقضاء ربنا و عمرنا ما هنعترض على قضاء ربنا ابدا
فرحة: لازم نشوف حل
يوسف: يعني لو انا مش بخلف هتسيبيني لا طبعا لو انتي مش بتخلفي هسيبك بردو لا يبقى نرضى بقضاء ربنا
فرحة: ماشي بس لازم نشوف حل
يوسف: انتي عايزة ايه دلوقتي
فرحة: نروح نكشف
يوسف: حاضر كل اللي انتي عايزة انا هعمله ليكي ممكن ننام بقى
فرحة: تمام
**
مجهول١: شوفت مش قولتلك نستنى اديه رجع السوق من تاني
مجهول٢: هنعمل ايه
مجهول١: هتشوف .. يتبع الفصل العشرون اضغط هنا