رواية امل ويوسف الجزء الثالث عشر 13 للكاتبة المجهولة
رواية أمل ويوسف الفصل الثالث عشر 13
امل : الله دا جميل اوي اكيد يوسف اللي جايبه بس هو هيلحق يروح يشتريه من الصبح كدا
بصت في فونها : يالنهاري الساعة وحدة الضهر انا ازاي نمت كل دا
امل قامت من ع السرير ومسكت الفستان ووقفت قدام المراية : شكله تحفة بس ياترا جايبه ليه
بصت ع السرير وشافت ورقة فتحته
" الي ملاكي الجميل صباح الورد علي اجمل عيون انا صحيت بدري ونزلت عشان عندي شغل كتير تقبل مولاتي تروح معايا في موعد في الليل!! اتمني تقبلي عرضي وتلبسي الفستان دا
بحبك♥️"
للحظة ابتسمت وبعدين كشرت تاني
لا ياامل مش هتسامحيه بالسهولة دي انتي نسيتي هو عمل فيكي ايه
تلفونها رن..... الوو
يوسف : صباح الجمال
امل : صباح النور
يوسف : شوفتي الفستان
امل : ايوا
يوسف بحب : ممكن تقبلي عرضي
امل : الموضوع مش هينتهي بالسهولة دي
يوسف بترجي : ارجوكي ياامل انسي اللي حصل كل اللي طالبه منك يوم واحد تنسي فيه اللي حصل خلينا نفرح يوم واحد بس
امل بتفكير : امم اوك بس مش عشانك دا علشان لما نطلق يكون في زكري حلوة بينا تمام
يوسف بفرحة : تمام تمام
في نفسه : قال نطلق قال دا بعينك
امل : بتقول حاجة
يوسف : لا ابدا بقول هعدي اخدك الساعة ٨ تكوني جاهزة هنتعشي برا
امل : بس انت دلوقتيبتمر بازمة مالية
يوسف اتضايق : قصدك ايه يا امل مش معني اني بمر بازمة مالية اني مقدرش اصرف علي مراتي او اعشيها برا لا ياامل انا راجل واعرف اصرف عليكي
امل بندم : مش القصد والله بس
يوسف : خلاص ياامل ماتخافيش انا مرتب كل حاجة
امل : اسفة
يوسف : محصلش حاجة
يوسف قفل مع امل وكان متعصب شوية بس بعدين افتكر انها قبلت تتعشي معاه وابتسم وبعدين كمل شغله
عند امل خلصت المكالمة وبصت ع الفستان وبعدين وقفت ع السرير وفضلت تنط بفرحة زي الاطفال وبعدين حضنت الفستان وهيا بتضحك وبتفكر في يوسف
... الوووو
.... ماتحن يا جن
ريم : ياسطا انت مش عندك شغل موراكش غيري
مروان : اعمل كل ما ابدأ اركز ف الشغل انتي بتيجي في خيالي وبسرح فيكي
ريم : بتثبتني انت كدا
مروان : يابنتي انا لو بعاكس واحد صحبي كان هيبقي لطيف عن كدا
ريم بدلع : قصدك اني مش لطيفة ياماروووو
مروان بهيام : العب ايوا كدا ارضي عني بقا
ريم انتبهت للي بتعمله : ايه اللي انا بعمله دا بقولك ايه ممنوع تكلمني لحد مانتخطب
مروان : ماكنا ماشيين كويس وحلوين طب هاتي رقمك التاني وانا مش هكلم كتير
ريم : بجد
مروان : انا عمري قولتلك حاجة وطلعت بجد
ريم : لا
مروان : طيب قالقانة ليه بقا يلا هاتيه
ريم : مش هترن تعاكس في الليل
مروان : ابدا
ريم : هقولهولك وامري لله اكتب عندك ***********
مروان : رقم اتحفر في قلبي
ريم : بطل محن ياض
مروان : اقفلي ياريم اقفلي هتجوز سواق توتوك انا
مروان خلص المكالمة وراح ع مكتب يوسف
مروان : ايه ياعم انا زهقت
يوسف : مروان لاحظ ان الشركة وقعة خالص وعشان نرجعها لازم نتعب جامد مبقاش غيري انا وانت ف الشركة لازم نكبرها وتبقي اكبر شركة ف الشرق الاوسط فاهمني
مروان : فاهمك ياصحبي ومعاك ف اللي تقوله
يوسف : كويس... احم انا همشي بدري النهاردة عشان عازم امل ع العشا برا
مروان : ياسلام ياخويا تروح انت وتتبسط واتسحل انا في الشغل هنا منا عايز اتبسط مع ريم انا كمان
يوسف : ماااارووو حبيبي عشان خاطري شيل الشغل النهاردة بس انا ماصدقت البت تحن
مروان بسخرية : دلوقتي بقيت ماااروو وحبيبي طيب موافق بس بشرط
يوسف : شرط ايه
مروان : تعزمني انا كمان ع العشا
يوسف : ناااعم ياخويا حد قالك انك خطيبتي ياض
مروان : ماانت عازم مراتك ولاهيا جت عليا
يوسف : خلاص هبقا اعزمك وامري لله
مروان : اشطا يازميلي هتمشي امتا
يوسف : لسه بدري هشتغل شوية لحد ما المعاد يجي
مروان : تمام
يوسف جاله مكالمة
يوسف : الو
... ايه يايوسف نستني ولا ايه
يوسف بضيق : بتتصلي ليه مش كفاكي اللي عملتيه
بسنت : متصلة اعزمك ع فرحي ياحبيبي هتجوز رجل اعمال كبير ومعاه فلوس تشتريك انت وشركتك
يوسف : كويس اننا هنرتاح منم
بسنت : هههه ترتاح مني بكرا تيجي تركع قدام رجلي عشان اسامحك سلام ياا.... ياحبيبي ههههه
يوسف : في ستين داهية
مروان : فيه ايه ياعم مالك
يوسف : الزفتة بسنت متصلة تعرفني انها هتتجوز
مروان بيقلد البنات : شوف الولية اللي مبتختشيش
يوسف : احسن ياعم اهي ريحتنا منها لله بوظتلي مزاجي
مروان : فك ياعم كدا وروق ادينا ارتحنا منها
يوسف : علي رايك
مروان راح مكتبه وكمل شغل ويوسف كمان كل شغل
امل روقت الشقة وكلمت باباها اطمنت عليه وبعدين راحت تجهز نفسها
.... الساعة ٨ في الليل......
امل : الوو
يوسف : اميرتي جهزت
امل بكسوف : ايوا
يوسف : انا تحت يلا انزلي
امل : اوك
كانت لابسة الفستان وحجابها وحطت روج خفيف بس وكانت زي الاميرات
نزلت وكان يوسف ساند ع العربية كان لابس بدلة سودة ومعاه بوكية ورد جميل اوي
اول ما شافها انبهر بجمالها وفضل يقرب منها باصص ليها
يوسف بحب : جميلة حتي عجزت العبارات عن وصف محاسنك يااميرتي
وباسها من خدها برقة
امل اتكسفت وخدودها اتوردت وزادت جمال
يوسف : نمشي!!
هزت راسها بالموافقة يوسف مسك ايدها وفتح بابا العربية وهيا ركبت وبعدين ركب هو كمان
فضلو ساكتين شوية وامل مبتحبش تسكت كتير بس مكسوفة تتكلم ويوسف كمان كان متضايق من السكوت دا
يوسف : احنا هنفضل ساكتين كدا... تحبي تسمعي حاجة
امل : ماشي اي حاجة
يوسف : اختاري انتي ع زوقك
امل : شغلنا استاذ عنبة
يوسف : مين! دا بيغني دا ولا فكهاني
امل : لو سمحت متغلطش فيه دا مغني محترم
يوسف مكانش عارفه : طيب هو مشهور زي تامر حسني وعمرو دياب وكدا يعني؟
امل : لااا دا معديهم بمراحل انت متعرفوش ولا ايه
يوسف : لا والله محصليش الشرف
امل : نينينينينيني شغل يلاااا
يوسف : طيب شغليه انتي انا معرفوش صوته حلو يعني!
امل : دا انت هتنبهر
امل شغلت الاغنية ويوسف متوقع انه يسمع موسيقي هادية وكدا واتصدم لما سمعها امل كانت بتغني معاه وبتشاور بايديها
... مجنون ودماغي طاقة هربانة مني يابرووووووو دا انا بكسب اي عركة اجباري هتموت مالخوووووف ليه بتجري وتستخبي ومن السلاح دا هتدووووق
يوسف بيبصلها بصدمة هيا دي امل البريئة الرقيقة دي ولا سواقين التكاتك
يوسف وقف العربية : بااااااس ايه اللي بتسمعية دا
امل : عجبك صح؟!
يوسف : عجبني ايه! انتي مين! فين امل مراتي !
امل : ايه ياسطاا انت احول مانا قدامك اهوو
يوسف مصدوم : ياسطا واحول!! فين امل انطقي
امل : منا قدامك اهو ياعم الله
يوسف هدي : طيب طيب فهميني بالعقل كدا انتي امبارح كنتي بتسمعي فيروز ودلوقتي بتسمعي التلوث السمعي دا؟
امل : لو سمحت متغلطش دا صوته قمر
يوسف : واستاذ عنبة ومشهور وتنبهر
امل بفرحة : انبهرت صح
يوسف : انبهرت بيكي كل يوم بكتشف فيكي حاجة جديدة
امل : زي ايه
يوسف : عاقلة بس طفلة هادية بس مجنونة بتدخلي حياة اي حد تمليها فرحة وسعادة ضحكتك بتنور حياتي
امل بكسوف : مش يلا هنتاخر
يوسف حس بكسوفها : يلا
وصلو المطعم وكان جميل اوي يوسف دخل وهو ماسك برقة كانه ماسك قطة الماس وخايف تتكسر
يوسف : طاولتنا اللي هناك دي
راحو قعدو وكل اللي كانو في المطعم كانو بيبصو عليهم باعجاب
يوسف بهمس : لو اطول ادخلك قلبي واقفل عليكي عشان اخبيكي من عيون الناس كنت عملتها
امل : شايف البنات المسهوكة دي بتبصلك ازاي
يوسف كاتم ضحكته : وانتي غيرانة
امل بشر : ايوا غيرانة طبعا مش جوزي
يوسف : هههههه شكلك قمر وانتي متعصبة
امل بضيق : متضحكش كدا هيبصو اكتر
يوسف بيكتم ضحكته بالعافية : حاضر
طلبو الاكل وقعدو يتعشو ويوسف بيغازل في امل وامل قبلت ياكلها بايده بعد الحاح طويل في الاول كانت مكسوفة من الناس بس بعدين تجاوبت معاه واكلته هيا كمان
خلصو اكل وطلبو الحساب ويوسف دفع وبعدين طلعو
يوسف : تقريبا نسيت المفاتيح جوة هروح اجيبهم وارجعلك متتحركيش من هنا
امل : اوك
.... القمر واقف لوحده ليه
امل خافت بس مبينتش وفضلت واقفة من غير ماتبصلهم
....بقا حد يسيب الجمال دا كله واقف مستني
امل بزعيق : ماتحترم نفسك ياجدع انت
.... تعالي معانا وهنروقك
واحد من لسه هيمسك ايديها..... كان واقع ع الارض
.... دا انا اللي هروقكو ياروح امك يتبع.. الفصل الرابع عشر اضغط هنا